လံာ်စီၤၡမူၤအ့လးအခီၣ်ထံးတဘ့ၣ် 16:12 - Sgaw Karen Common Bible

¹² မၤသးဒ်န့ၣ်ဒီး, စီၤယံးၡဲမၢပှၤလဲၤကိးအီၤလီၤ. အဝဲမ့ၢ်ပှၤဒိၣ်တၢ်ဂ့ၤ, ပှၤသးစၢ်လၢအအိၣ်ဆူၣ်အိၣ်ချ့ ဒီးအမဲာ်ချံတဖၣ်ကပြုၢ်ကပြီၤဝဲလီၤ. ယွၤစံးဘၣ်စီၤၡမူၤအ့လး, “အဝဲအံၤမ့ၢ်ပှၤတဂၤန့ၣ်လီၤ. ဖှူအီၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 16:12 Iomraidhean Croise

လံာ်တၢ်ကဲထီၣ်အခီၣ်ထံး 39:6

စီၤပိၤတံၤဖၢ်အးလီၤတၢ်လၢအအိၣ်ဒီးအီၤကိးမံၤဒဲးလၢစီၤ ယိၤသးအတၢ်အံးထွဲကွၢ်ထွဲအပူၤ, ဒီးမ့တမ့ၢ်လၢတၢ်အီၣ်လၢအအီၣ်ဝဲဧိၤဘၣ်န့ၣ်, အဝဲတမၤတံာ်တာ်အသးလၢတၢ်အဂၤနီတမံၤဘၣ်. စီၤယိၤသးအိၣ်ပှဲၤဒီးဒုၣ်ဒီးဒ့ဒီးပကွၢ်အီၤဂ့ၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:1

စီၤယံးၡဲအဖိခွါစီၤဒၤဝံးမ့ၢ်တ့ၢ်ပှၤတဂၤလၢကစၢ်ယွၤပာ်ထီၣ်ထီအီၤ, ပှၤတဂၤလၢစီၤယၤကိာ်အကစၢ်ယွၤဃုထၢတ့ၢ်အီၤလၢကကဲထီၣ်စီၤပၤ, ဒီးပှၤတဂၤလၢအထုးထီၣ်တၢ်သးဝံၣ်အမုာ်တဖၣ်လၢကီၢ်အံၣ်စရ့လးအဂီၢ်လီၤ. တၢ်လၢလံာ်အံၤတဖၣ်အံၤမ့ၢ်စီၤဒၤဝံးအတၢ်ကတိၤလၢခံကတၢၢ်တဖၣ် န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:8

လၢတၢ်န့ၣ်အဃိတဲဘၣ်ယခ့ယပှၤစီၤဒၤဝံလၢယၤ, ယွၤသ့တၢ်လၢာ်စံးဘၣ်အီၤဒ်အံၤ, ယဟံးထီၣ်နၤလၢတၢ်ကွၢ်ထွဲသိဖိတဖၣ် လၢပျီတဖၣ်အပူၤဒီးဒုးကဲထီၣ်နၤလၢပှၤပၢဘၣ်ယပှၤ ဂီၢ်မုၢ်အံၣ်စရ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:34

ဒီးဖဲန့ၣ်, စီၤစၤဒိး, ဒီးစီၤနၤသၣ်ကဘၣ်ဖှူအီၤဒ်ကီၢ်အံၣ် စရ့လးအစီၤပၤအသိးန့ၣ်လီၤ. အန့ၣ်ဝံၤဒီး, အူထီၣ်ကွဲၤဒီးကိးပသူထီၣ်, မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.

စံးထီၣ်ပတြၢၤ 2:2

အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ် ကူၣ်ထီၣ်ဖးလီၤသကိးတၢ်ထီဒါယွၤ ဒီး စီၤပၤလၢယွၤဃုထၢတ့ၢ်အီၤန့ၣ်လီၤ.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 78:70

အဝဲဃုထၢအခ့အပှၤစီၤဒၤဝံး, ဒီးဟံးန့ၢ်အီၤလၢသိကရၢၢ်အပူၤ,

လံာ်တၢ်ဟးထီၣ်ကွံာ် 2:2

ဒီးပိာ်မုၣ်န့ၣ်ဆံးစၢ်န့ၢ်အီၤလၢအဖိပိာ်ခွါဖိတဂၤ, ဒီးဖဲအထံၣ်န့ၢ်ဝဲလၢဖိသၣ်အံၤအက့ၢ်အဂီၤဂ့ၤန့ၣ်ပာ်ခူသူၣ် အီၤသၢလါန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:10

ယတၢ်အဲၣ်မ့ၢ်ပှၤလၢအက့ၢ်ဘၣ်ဂီၤဂ့ၤဒီးဒုၣ်ဂ့ၤဒ့ဘၣ်လီၤ. လၢပှၤအကလးအကျါန့ၣ်အဝဲမ့ၢ်ပှၤထဲတဂၤဧိၤလီၤ.

လံာ်သးသယုၢ်တၢ် 4:7

ပစီၤပၤဖိခွါတဖၣ်တသံၣ်သူမီၣ်ကျာ်ဘၣ်ဒီးကဆှီဝဲဒ်မူခိၣ်ဖီ အသိး, ပှဲၤဝဲဒီးအဂံၢ်အဘါဒီးဆူၣ်ဝဲကိၤဝဲဒီးဖျါလီၤကဟု ကညီၢ်လၢတၢ်အိၣ်ဆူၣ်အိၣ်ချ့အဃိန့ၣ်လီၤ.

လံာ်စကၤရယၤ 4:14

တုၤနုၤတစုအဝဲစံးဝဲဒၣ်, “အဝဲသ့ၣ်တဖၣ်အံၤမ့ၢ်ပှၤခံဂၤလၢကစၢ်ယွၤဃုထၢတ့ၢ်လံအီၤ ဒီးဖှူတ့ၢ်လံအီၤလၢကမၤအဝဲဒၣ်, လၢအမ့ၢ်ဟီၣ်ခိၣ်ဒီဘ့ၣ်အယွၤ, အတၢ်န့ၣ်လီၤ.”

မၤတၢ် 4:27

အဂ့ၢ်ဒ်အံၤ, စီၤဟ့ၤရိာ်ဒီးစီၤပီၣ်တံၤပံၤလး, ပှၤကလုာ်ဂၤတဖၣ်, ဒီးပှၤအံၣ်စရ့လးဖိတဖၣ်, အိၣ်ဖှိၣ်သကိးနီၢ်နီၢ်ဖဲဝ့ၢ်အံၤအပူၤဒီးကူၣ်ထီၣ်သကိးတၢ်ထီ ဒါနခ့နပှၤစီဆှံယ့ၣ်ၡူး, ပှၤလၢနဖှူအီၤလၢသိဒီးဒုးကဲအီၤလၢခရံာ် န့ၣ်လီၤ.

မၤတၢ် 7:20

ဖဲအကတီၢ်န့ၣ်စီၤမိၤၡ့အိၣ်ဖျဲၣ်ထီၣ်ဝဲ, ဒီးမ့ၢ်ဖိသၣ်လၢအဒိၣ် တၢ်ဂ့ၤမးဒီးယွၤဘၣ်သူၣ်ဘၣ်သးလၢအီၤတဂၤလီၤ. အဝဲဒၣ်ဘၣ်တၢ်အံးထွဲကွၢ်ထွဲအီၤလၢအပၢ်အဟံၣ်ပူၤသၢလါလီၤ.

ဧ့ၤဘြံၤ 11:23

လၢတၢ်စူၢ်တၢ်နာ်န့ၣ်, စီၤမိၤၡ့အိၣ်ဖျဲၣ်ထီၣ်ဝံၤအလီၢ်ခံအမိၢ် အပၢ်တဖၣ်ပာ်ခူသူၣ်အီၤသၢလါလီၤ. အဂ့ၢ်မ့ၢ်လၢ အထံၣ်ဝဲလၢဖိသၣ်အံၤအက့ၢ်အဂီၤဂ့ၤဒီးဃံလၤဝဲသတး ဒီးအဝဲသ့ၣ်တပျံၤဘၣ်စီၤပၤအတၢ်မၤလိာ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 16:18

အခ့အပှၤအကျါတဂၤစံးဝဲဒၣ်, “စီၤယံးၡဲအိၣ်လၢဝ့ၢ်ဘ့ၤသလ့ဃ့ၣ်န့ၣ် အိၣ်ဒီးအဖိခွါတဂၤလၢအမ့ၢ်ပှၤဒ့တနၢ်သ့ဂ့ၤဂ့ၤလီၤ. အဝဲမ့ၢ်စ့ၢ်ကီးပှၤအဒူအဃိၤဒီးပှၤဒိၣ်တၢ်ဂ့ၤတဂၤ, မ့ၢ်ပှၤသုးဖိလၢအဂ့ၤတဂၤဒီးပှၤကလုၢ်သ့ကတိၤဘၣ်တဂၤလီၤ. ယွၤအိၣ်ဒီးအီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:42

ဒီးဖဲအထံၣ်ဘၣ်စီၤဒၤဝံးဂ့ၤဂ့ၤလံန့ၣ်, အဝဲပှဲၤဒီးတၢ်ကတိၤနံၤဘၣ်ဖၣ်လဲ, ဒုၣ်ဒွဲၣ်အီၤ, မ့ၢ်လၢ, အဝဲမ့ၢ်ဒံးဒၣ်ဖိသၣ်ပိာ်ခွါတဂၤလၢဘၣ်ဖဲနကွၢ်အီၤ ဂ့ၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:55

ဖဲစီၤစီလူးထံၣ်စီၤဒၤဝံးလဲၤထီၣ်ဒ်သိးကဒုးစီၤကၤလယး န့ၣ်အဝဲသံကွၢ်အသုးခိၣ်ကျၢၢ်စီၤအဘံန့ၢ်, “စီၤအဘံန့ၢ်ဧၢ, အဝဲမ့ၢ်မတၤအဖိခွါလဲၣ်.” စီၤအဘံန့ၢ်စံးဆၢဝဲ, “တၢ်ဒိၣ်စီၤပၤဖးဒိၣ်ဧၢ, ယတသ့ၣ်ညါဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 9:17

ဖဲစီၤၡမူၤအ့လးထံၣ်စီၤစီလူးန့ၣ်, ယွၤစံးဘၣ်အီၤ, “အဝဲအံၤမ့ၢ်ပှၤတဂၤလၢယတဲနၤလၢအဂ့ၢ်န့ၣ်လီၤ. အဝဲကပၢယပှၤဂီၢ်မုၢ်လီၤ.”