လံာ်စီၤၡမူၤအ့လးအခီၣ်ထံးတဘ့ၣ် 16:1 - Sgaw Karen Common Bible

¹ ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:1 Iomraidhean Croise

လံာ်စီၤပၤအခီၣ်ထံးတဘ့ၣ် 8:16

စးထီၣ်လၢယဒုးဟးထီၣ်ကွံာ်ယပှၤဂီၢ်မုၢ်လၢကီၢ်အဲၤကူပတူး အပူၤန့ၣ်, လၢကီၢ်အံၣ်စရ့လးအပူၤယတဃုထၢဘၣ်ဝ့ၢ်နီတဖျၢၣ်ဒ်သိးတၢ်လုၢ် ဟံၣ်တဖျၢၣ်ကဘၣ်တၢ်ဘှီထီၣ်အီၤလၢတၢ်ကဘူၣ်ထီၣ်ဘါထီၣ်ယွၤအဂီၢ် န့ၣ်ဘၣ်. ဘၣ်ဆၣ်ယဃုထၢထီၣ်နၤ, စီၤဒၤဝံးလၢကပၢယပှၤဂီၢ်မုၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 9:1

ဖဲဆၢကတီၢ်အဝဲန့ၣ်အပူၤအတ့ၤ, ဝံအလံၤၡါကိးဃီၤဝံသးစၢ် အကျါတဂၤဒီးစံးဘၣ်အီၤ, “ကတဲာ်ကတီၤထီၣ်နသးဒီးလဲၤဆူဝ့ၢ်ရၤမိးလၢကီၢ်ကံးလဧး အပူၤန့ၣ်တက့ၢ်. လဲၤစိာ်သ့ၣ်စၤယံးအသိတကိအံၤဃုာ်ဒီးနၤ,

လံာ်စီၤပၤခံဘ့ၣ်တဘ့ၣ် 9:3

ဒီးလူလီၤသ့ၣ်စၤယံးအသိအံၤလၢအဝဲအခိၣ်လိၤဒီးစံး, ယွၤစံးဝဲဒၣ်လၢအဝဲဖှူနၤဒ်ကီၢ်အံၣ်စရ့လးအစီၤပၤအသိးန့ၣ် လီၤ. အန့ၣ်ဝံၤဒီး, ဟးထီၣ်ကွံာ်ဖဲန့ၣ်တချ့ဖဲအချ့န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 9:6

အန့ၣ်ဒီးအဝဲသ့ၣ်ခံဂၤလဲၤနုာ်ဆူတၢ်အိပူၤ, ဒီးဝံသးစၢ်တဂၤန့ၣ်, လူလီၤသ့ၣ်စၤယံးအသိလၢစီၤယ့ၤဟူအခိၣ်လိၤဒီးစံးဘၣ်အီၤ, “ယွၤ, ကီၢ်အံၣ်စရ့လးအကစၢ်ယွၤစံးဝဲ, ယဖှူနၤဒ်စီၤပၤလၢယပှၤဂီၢ်မုၢ်အံၣ်စရ့လးအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:3

လၢတၢ်န့ၣ်အဃိ, အံၣ်စရ့လးအပှၤခိၣ်ပှၤနၢ်ခဲလၢာ်, ဟဲဆူစီၤပၤဒၤဝံးအအိၣ်ဖဲဃ့ဘြိၣ်န့ၣ်လီၤ. အဝဲမၤတၢ်အၢၣ်လီၤစီဆှံဒီးအဝဲသ့ၣ်, ဒီးအဝဲသ့ၣ်ဖှူအီၤလၢ စီၤပၤဒီးအဝဲကဲထီၣ်အံၣ်စရ့လးအစီၤပၤဒ်ယွၤအၢၣ်လီၤတ့ၢ် တၢ်, ခီဖျိစီၤၡမူၤအ့လးအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:4

ယွၤ, အံၣ်စရ့လးအကစၢ်ယွၤဃုထၢတ့ၢ်ယၤဒီးယစၢၤယသွဲၣ်တဖၣ်လၢ ကပၢအံၣ်စရ့လးလီၤစိၤလီၤထီန့ၣ်လီၤ. အဝဲဃုထၢတ့ၢ်ပှၤယူဒၤဖိအဒူၣ်လၢကဟ့ၣ်ထီၣ်ခိၣ်နၢ်တဖၣ်, ဒီးလၢယူဒၤအကျါန့ၣ်, အဝဲဃုထၢတ့ၢ်ယပၢ်အပှၤဟံၣ်ဖိ ဃီဖိန့ၣ်လီၤ. လၢကယဲၢ်ပှၤဟံၣ်ဖိဃီဖိခဲလၢာ်အကျါ, အဝဲဘၣ်သူၣ်ဘၣ်သးတ့ၢ်လၢကဃုထၢယၤဒီးဒုးကဲထီၣ်ယၤစီၤပၤ လၢပှၤအံၣ်စရ့လးဖိခဲလၢာ်အဖီခိၣ်န့ၣ်လီၤ.

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 55:4

ယဒုးကဲထီၣ်အီၤလၢခိၣ်နၢ်တဂၤဒီးပှၤကလုာ်တဖၣ်အသုးခိၣ်ဖးဒိၣ်, ဒီးခီဖျိအီၤန့ၣ်ယဒုးနဲၣ်အဝဲသ့ၣ်လၢ ယတၢ်စိတၢ်ကမီၤလီၤ.

လံာ်ယံးရမံယၤ 11:14

စီၤယံးရမံယၤဧၢ, ဃ့ထုကဖၣ်တၢ်လၢယၤမ့ၢ်ဂ့ၤဃ့ကညး ယၤမ့ၢ်ဂ့ၤလၢပှၤဂီၢ်မုၢ်အံၤအခၢၣ်စးတဂ့ၤ. ဖဲအဝဲသ့ၣ်အိၣ်လၢတၢ်ကီတၢ်ခဲအပူၤ, ဒီးကိးထီၣ်ယၤလၢတၢ်မၤ စၢၤအဂီၢ်န့ၣ်, ယတကနၣ်အဝဲသ့ၣ်ဘၣ်.”

လံာ်ယံးရမံယၤ 15:1

အန့ၣ်ဒီးယွၤစံးဘၣ်ယၤ, “စီၤမိၤၡ့ဒီးစီၤၡမူၤအ့လးမ့ၢ် ဆၢထၢၣ်ဖဲအံၤဒီးဃ့သကွံၢ်ကညးယၤဒၣ်လဲာ်, ယတဒုးနဲၣ်ဘၣ်ပှၤဂီၢ်မုၢ် အံၤတၢ်သးကညီၤနီတမံၤဘၣ်. မၢအဝဲသ့ၣ်ဟးကွံာ်တက့ၢ်. မၢအဝဲသ့ၣ်ဟးထီၣ်ကွံာ်လၢယမဲာ်ညါတက့ၢ်.

လံာ်ယံးရမံယၤ 6:30

အဝဲသ့ၣ်ကဘၣ်တၢ်ကိးအီၤလၢတၢ်ကမူၣ်ကမှီလၢအလုၢ်အပှ့ၤတအိၣ်, မ့ၢ်လၢယၤ, ယွၤအံၤ, ယညိကွံာ်လံအဝဲသ့ၣ်အဃိလီၤ.”

လံာ်ယံးရမံယၤ 7:16

ယွၤစံးဝဲဒၣ်, “စီၤယံးရမံယၤဧၢ, ဘါထုကဖၣ်လၢပှၤဂီၢ်မုၢ် အံၤအဂီၢ်တဂ့ၤ. ဟီၣ်မ့ၢ်ဂ့ၤ, ဘါထုကဖၣ်မ့ၢ်ဂ့ၤလၢအဝဲသ့ၣ် အခၢၣ်စးတဂ့ၤ. ဃ့ကညးယၤတဂ့ၤ. အဂ့ၢ်ဒ်အံၤ, ယတဒိကနၣ်နၤဘၣ်.

လံာ်စကၤရယၤ 4:14

တုၤနုၤတစုအဝဲစံးဝဲဒၣ်, “အဝဲသ့ၣ်တဖၣ်အံၤမ့ၢ်ပှၤခံဂၤလၢကစၢ်ယွၤဃုထၢတ့ၢ်လံအီၤ ဒီးဖှူတ့ၢ်လံအီၤလၢကမၤအဝဲဒၣ်, လၢအမ့ၢ်ဟီၣ်ခိၣ်ဒီဘ့ၣ်အယွၤ, အတၢ်န့ၣ်လီၤ.”

ရိမ့ၤ 15:12

ဒီးမၤကဒီးတစု, ဝံယၡါယၤစံးဝဲ, စီၤယံးၡဲအစၢၤအသွဲၣ်ကဟဲတဂၤ, ယွၤကဒုးဂဲၤဆၢထၢၣ်အီၤလၢ ကပၢပှၤကလုာ်ဂၤတဖၣ်အဂီၢ်, ဒီးအဝဲသ့ၣ်ကပာ်အတၢ်မုၢ်လၢ်လၢအပူၤလီၤ.

ဧ့ၤဘြံၤ 11:32

ယကဘၣ်စံးအါထီၣ်ဒံးတၢ်မနုၤလဲၣ်. အဂ့ၢ်ဒ်အံၤယမ့ၢ်စံး ကတိၤလၢစီၤကံးဒဧိၣ်, စီၤဘါရး, စီၤၡံၣ်ၡိၣ်, စီၤယံးဖသၤ, စီၤဒၤဝံး, စီၤၡမူၤအ့လးဒီးဝံတဖၣ်အဂ့ၢ်န့ၣ်တၢ်ဆၢကတီၢ် တမ့ၢ်ကလၢလၢယဂီၢ်ဘၣ်.

၁ ယိၤဟၣ် 5:16

ပှၤတဂၤဂၤမ့ၢ်ထံၣ်အဒီပုၢ်ဝဲၢ်မၤတၢ်ဒဲးဘးလၢ အတမ့ၢ်ဘၣ်တၢ်ဒဲးဘးလၢအဆှၢပှၤဆူတၢ်သံန့ၣ်, အဝဲကြၢးဃ့တၢ်လၢကစၢ်ယွၤဒီးကစၢ်ယွၤ ကဟ့ၣ်ပှၤလၢအမၤတၢ်ဒဲးဘးန့ၣ်လၢတၢ်မူလီၤ. အဝဲအံၤဘၣ်ဃးဒၣ်ဒီးပှၤလၢအတၢ်ဒဲးဘးတမ့ၢ်ဘၣ် တၢ်ဒဲးဘးလၢအဆှၢပှၤဆူတၢ်သံတဖၣ်န့ၣ်လီၤ. ဘၣ်ဆၣ်ဒီးတၢ်ဒဲးဘးလၢအဆှၢပှၤဆူတၢ်သံန့ၣ်အိၣ် ဝဲဒၣ်, ဒီးယတစံးလၢသုကြၢးဃ့တၢ်လၢကစၢ်ယွၤ လၢတၢ်ဒဲးဘးဒ်သိးန့ၣ်တဖၣ်အဂီၢ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 10:1

တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:11

“ယသးအုးလၢယဒုးကဲထီၣ်ဘၣ်စီၤစီလူးလၢစီၤပၤတဂၤအဃိ န့ၣ်လီၤ. အဝဲဃၣ်ကွံာ်အသးလၢယအိၣ်ဒီးတစူၢ်ဘၣ်ယတၢ်မၤလိာ်တဖၣ်ဘၣ်.” စီၤၡမူၤအ့လးအသးဒိၣ်ဝဲဒီးသီတနၤကျၢၤန့ၣ်ဃ့ကညးတၢ်လၢ ယွၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:23

တၢ်ပူထီၣ်ထီဒါအီၤန့ၣ်အၢထဲသိးဒီးတၢ်ဝံတၢ်နါအတၢ်ဖံးတၢ်မၤတဖၣ် ဒီးတၢ်ပာ်ထီၣ်ထီသးန့ၣ်မ့ၢ်တၢ်ဒဲးဘးပှဲၤသိးသိးဒီး တၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်န့ၣ်လီၤ. မ့ၢ်လၢနဂ့ၢ်လိာ်ယွၤအတၢ်မၤလိာ်တဖၣ်အဃိအဝဲညိကွံာ်နၤဒ်စီၤ ပၤတဂၤအသိးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:26

စီၤၡမူၤအ့လးစံးဝဲ, “ယတက့ၤဒီးနၤဘၣ်. နသမၢတ့ၢ်ယွၤအတၢ်မၤလိာ်ဒီးအဝဲညိကွံာ်လံၤနၤဒ်ကီၢ်အံၣ်စရ့ လးအစီၤပၤလံ.”

လံာ်စီၤၡမူၤအ့လးအခီၣ်ထံးတဘ့ၣ် 15:35

စီၤၡမူၤအ့လးအသးတစိၤန့ၣ်တထံၣ်ဘၣ်ကဒီးစီၤပၤလၢၤဘၣ်. ဘၣ်ဆၣ်ဒီးအဝဲဒၣ်အသူၣ်အုးသးအုးလၢအဃိလီၤ. ယွၤသူၣ်အုးသးအုးလၢအဒုးကဲထီၣ်ဘၣ်စီၤစီလူးလၢကီၢ်အံၣ်စရ့လး အစီၤပၤအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:15

အခ့အပှၤတဖၣ်စံးဘၣ်အီၤ, “ပသ့ၣ်ညါလၢသးအအၢတဖျၢၣ်လၢအဘၣ်တၢ် ဆှၢလီၤအီၤလၢယွၤန့ၣ်မၤနးမၤဖှီၣ်နၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:23

စးထီၣ်ဖဲန့ၣ်ဒီးဆူညါန့ၣ်, တဘျီလၢ်လၢ်ဖဲသးအၢလၢဘၣ်တၢ် ဆှၢလီၤအီၤလၢကစၢ်ယွၤဟဲလီၤလၢစီၤစီလူးအလိၤန့ၣ်, စီၤဒၤဝံးဟံးထီၣ်အတနၢ်ဒီးဒ့ထီၣ်အီၤလီၤ. သးအၢဟးထီၣ်ကွံာ်ဝဲဒီးစီၤစီလူးအိၣ်မုာ်က့ၤဝဲဒီးဘၣ်လီၢ်ဘၣ်စးက့ၤကဒီးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:12

စီၤဒၤဝံးမ့ၢ်, ပှၤအ့ဖရၤသးဖိလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤ, စီၤယံးၡဲအဖိခွါန့ၣ်လီၤ. စီၤယံးၡဲအဖိခွါအိၣ်ဃိးဂၤဒီးဖဲစီၤစီလူးကဲစီၤပၤ န့ၣ်, စီၤယံးၡဲမ့ၢ်ပှၤသးပှၢ်တဂၤလံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:16

“ခဲမုၢ်ဆ့ၣ်လၢအဆၢကတီၢ်ဒ်အံၤန့ၣ်, ယကဆှၢလီၤပှၤတဂၤလၢစီၤ ဘံၣ်ယၤမံၣ်အဒူၣ်ဆူနအိၣ်လီၤ. ဖှူအီၤဒ်ယပှၤဂီၢ်မုၢ်အံၣ်စရ့လးအပှၤပၢတၢ်တက့ၢ်. ဒီးအဝဲဒၣ်ကအုၣ်က့ၤခီၣ်က့ၤအဝဲသ့ၣ်လၢပှၤဖလ့ၡသးဖိတဖၣ်အစု ပူၤလီၤ. ယထံၣ်ဘၣ်တ့ၢ်ယပှၤဂီၢ်မုၢ်အတၢ်နးတၢ်ဖှီၣ်ဒီးနၢ်ဟူ တ့ၢ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လီၤ.”