လံာ်စီၤၡမူၤအ့လးအခီၣ်ထံးတဘ့ၣ် 15:33 - Sgaw Karen Common Bible

³³ စီၤၡမူၤအ့လးစံးဝဲ, “ဒ်နနးမၤဘၣ်တ့ၢ်မိၢ်အါအါဂီၢ်ဂီၢ် ဒ်သိးအဖိသုတအိၣ်တဂ့ၤအသိးန့ၣ်ခဲအံၤနမိၢ်ကကဲထီၣ် ပှၤလၢအဖိတအိၣ်ဘၣ်တဂၤန့ၣ်လီၤ.” ဒီးအဝဲကျီတဲာ်ကွံာ်စီၤအၤကးတကူာ်တကူာ်လၢတၢ်လုၢ်လီၢ်အိၣ်လၢ ဝ့ၢ်ကံးလကၤလးအမဲာ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:33 Iomraidhean Croise

လံာ်တၢ်ကဲထီၣ်အခီၣ်ထံး 9:6

ပှၤကညီဘၣ်တၢ်တ့အီၤလီၤဂာ်ဒ်ကစၢ်ယွၤအသိးဒီးပှၤတဂၤဂၤလၢ အမၤသံပှၤကညီတဂၤန့ၣ်အနီၢ်ကစၢ်ဒၣ်ဝဲကဘၣ်တၢ်မၤသံအီၤလၢပှၤ ကညီသကိးသကိးဒီးအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:40

စီၤအ့ၤလံယၤမၤလိာ်ပှၤဂီၢ်မုၢ်စံးဝဲ, “ဖီၣ်ဃာ်ဘဧၤလးအ ဝံတဖၣ်တက့ၢ်. ပျဲပူၤဖျဲးအဝဲသ့ၣ်နီတဂၤတဂ့ၤ.” ပှၤဂီၢ်မုၢ်ဖီၣ်ဃာ်အဝဲသ့ၣ်ခဲလၢာ်ဒီးစီၤအ့ၤလံယၤဆှၢဃီၤ အဝဲသ့ၣ်ဆူထံကျိဖိကံၡိၣ်ဒီးမၤသံကွံာ်အဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 17:11

ပှၤအံၣ်စရ့လးဖိတဖၣ်မၤနၢၤတၢ်ဖဲအကတီၢ်လၢစီၤမိၤၡ့ယူာ် ထီၣ်ဒံးအစုတီၤတဖၣ်, ဘၣ်ဆၣ်ဖဲအဝဲပာ်လီၤအစုန့ၣ်ပှၤဧမၤလ့းဖိတဖၣ်စးထီၣ်မၤနၢၤ တၢ်န့ၣ်လီၤ.

လံာ်တၢ်ဟးထီၣ်ကွံာ် 21:24

မဲာ်ချံတတိၣ်လၢမဲာ်ချံတတိၣ်အဂီၢ်, မဲတဘ့ၣ်လၢမဲတဘ့ၣ်အဂီၢ်,

လံာ်ယၡါယၤ 34:6

အနးကဘၣ်အၢပှဲၤဒီးအဝဲသ့ၣ်အသွံၣ်ဒီးအသိ, ဒ်သိဖိဒီးမဲာ်တဲးလဲးတဖၣ်အသွံၣ်ဒီးအသိလၢတၢ်လုၢ်ထီၣ် အီၤအသိးလီၤ. ယွၤကလုၢ်ထီၣ်တၢ်လုၢ်အံၤလၢဝ့ၢ်ဘိးစရၤအပူၤလီၤ. အဝဲကဒုးကဲထီၣ်တၢ်အံၤလၢတၢ်မၤသံဖးဒိၣ်လၢကီၢ်အဒိၣ် အပူၤန့ၣ်လီၤ.

လံာ်ယံးရမံယၤ 18:21

ဘၣ်ဆၣ်ဒီးအခဲအံၤ, ယွၤဧၢ, မ်အဝဲသ့ၣ်အဖိတဖၣ်သၣ်ဝံၤလီၤဒိ သံကွံာ်တက့ၢ်. မ်အဝဲသ့ၣ်ဘၣ်တၢ်မၤသံကွံာ်အီၤလၢတၢ်ဒုး တၢ်ယၤအပူၤန့ၣ်တက့ၢ်. မ်ပိာ်မုၣ်တဖၣ်အဝၤဒီးအဖိတဖၣ်လီၤမၢ်သဒၣ်ကွံာ်အီၤတက့ၢ်. မ်ပိာ်ခွါသးပှၢ်တဖၣ်သံလၢတၢ်ဆူးတၢ်ဆါ အဃိဒီးမ်ပိာ်ခွါသးစၢ်တဖၣ်ဘၣ်တၢ်မၤ သံအီၤလၢတၢ်ဒုးတၢ်ယၤအပူၤန့ၣ်တက့ၢ်.

လံာ်ယံးရမံယၤ 48:10

(ပှၤတဂၤလၢအတမၤယွၤအတၢ်မၤ လၢအသးဒီ ဖျၢၣ်ညါန့ၣ်, မ်အဘၣ်တၢ်ဆိၣ်အၢတက့ၢ်. ပှၤတဂၤလၢ အတကျီဒီး မၤသံတၢ်ဘၣ်န့ၣ်, မ်အဘၣ်တၢ်ဆိၣ်အၢတက့ၢ်.)

လံာ်ဟိၤၡ့ 6:5

လၢတၢ်န့ၣ်အဃိ, ယဘၣ်ဆှၢလီၤတ့ၢ်ယဝံတဖၣ်ဆူသုအိၣ်ဃုာ်ဒီး ယတၢ်ကစီၣ်လၢအမ့ၢ်တၢ်စံၣ်ညီၣ်ဒီးတၢ်မၤဟးဂီၤန့ၣ်လီၤ. တၢ်လၢယလိၣ်ဘၣ်လၢသုအိၣ်န့ၣ်အိၣ်ဖျါၡဲၡဲဒီးဖျါတြၢၤ ကလာ်လီၤ.

လံာ်တၢ်ဂံၢ် 14:45

တုၤနုၤတစု, ပှၤဧမၤလ့းဖိတဖၣ်ဒီးပှၤကနၤဧၣ်ဖိတဖၣ်လၢအအိၣ် လၢတၢ်လီၢ်ဖဲန့ၣ်, ဒုးအဝဲသ့ၣ်ဒီးမၤနၢၤကွံာ်အဝဲသ့ၣ်ဒီးလူၤထွဲ အဝဲသ့ၣ်ယံၤတုၤလၢဃိၢ်မါန့ၣ်လီၤ.

လံာ်မးသဲ 7:2

အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.

လံာ်လီၣ်ဖျါ 16:6

အဝဲသ့ၣ်လူလီၤဂၢ်လီၤကစၢ်ယွၤအပှၤစီဆှံဒီးအဝံတဖၣ် အသွံၣ်, ဒီးလၢတၢ်န့ၣ်အဃိနဟ့ၣ်တ့ၢ်အဝဲသ့ၣ်တၢ်သွံၣ်လၢ အကအီဝဲအဂီၢ်လီၤ. အဝဲသ့ၣ်ဒိးန့ၢ်ဘၣ်တၢ်လၢအကြၢးဝဲဒီး အီၤလီၤ.”

လံာ်လီၣ်ဖျါ 18:6

မၤအီၤလၢတၢ်တမံၤဃီဒ်အဝဲမၤသုအသိးတက့ၢ်. ကယဲၢ်တၢ်လၢအမၤတ့ၢ်ဝဲတဖၣ်န့ၣ်, ဟ့ၣ်ကၣ်က့ၤအီၤခံစးတက့ၢ်. မၤပှဲၤအဝဲဒၣ်အလီခီလၢတၢ်အီလၢအဆူၣ်ဝဲဒၣ် ပှဲၤသိးတၢ်အီလၢအကတဲာ်ကတီၤပာ်ဝဲ လၢသုဂီၢ်န့ၣ်ခံစးတက့ၢ်.

လံာ်ပှၤစံၣ်ညီၣ်ကွီၢ် 1:7

ဒီးစီၤပၤအဒိနံၤဘ့စ့းစံးဝဲ, “စီၤပၤအဂၤနွံဆံလၢ အစုမုၢ်ကျၢၢ်ခီၣ်မုၢ်ကျၢၢ်တဖၣ်ဘၣ်တၢ်ကျီတဲာ်ကွံာ်အီၤန့ၣ် ထၢအီၣ်တၢ်လီၤဆှုလီၤပလ့ၤလၢယစီၤနီၤခိၣ်အဖီလာ်လီၤ. ခဲအံၤကစၢ်ယွၤမၤယၤဒ်ယမၤတ့ၢ်အဝဲသ့ၣ်တဖၣ်အသိးန့ၣ်လီၤ.” ဒီးအဝဲဘၣ်တၢ်စိာ်ကွံာ်အီၤဆူဝ့ၢ်ယရူၤၡလ့ၣ်ဒီးသံဝဲဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:8

နကလဲၤဆိလၢယမဲာ်ညါဆူဝ့ၢ်ကံးလကၤလးဖဲယကထံၣ်လိာ်နၤဒီး လုၢ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤဖိးတၢ်တဖၣ်န့ၣ် လီၤ. အိၣ်ခိးဖဲန့ၣ်နွံသီတုၤလၢယဟဲဒီးတဲနၤတၢ်လၢနကဘၣ်မၤတဖၣ် န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 15:32

စီၤၡမူၤအ့လးထုထီၣ်အကလုၢ်စံးဝဲ, “ဟဲစိာ်စီၤပၤစီၤအၤ ကးဖဲအံၤဆူယအိၣ်တက့ၢ်.” စီၤအၤကးဟဲဆူအအိၣ်, ကနိးကစုာ်လၢတၢ်ပျံၤတၢ်ဖုးအဃိဒီးဆိကမိၣ်လီၤအသး, “တၢ်ကဘၣ်သံအံၤမ့ၢ်တၢ်ခၣ်တမံၤလၢအဒိၣ်မးလဲၣ်.”