လံာ်စီၤၡမူၤအ့လးအခီၣ်ထံးတဘ့ၣ် 14:5 - Sgaw Karen Common Bible

⁵ လ့တဖျၢၣ်န့ၣ်အိၣ်လၢကျဲအကလံၤစိးဒီးကွၢ်အမဲာ်ဆူ ဝ့ၢ်မံးကမၣ်ဒီးအဂၤတဖျၢၣ်န့ၣ်အိၣ်လၢကလံၤထံးတကပၤဒီးကွၢ်အမဲာ်ဆူ ဝ့ၢ်ကံဘၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:5 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 3:6

အဝဲအိၣ်ဒီးအဖိခွါအဂၤခွံဂၤလၢအမ့ၢ်ဝဲ, စီၤယံးဘဃၢ်, စီၤအလံၡမၤ, စီၤအလံဖလ့း,

လံာ်ယၡါယၤ 10:28

ဒုၣ်ဒါအသုးမုၢ်မၤန့ၢ်မၤနၢၤတ့ၢ်ဝ့ၢ်ဂဲလံန့ၣ်လီၤ. အဝဲသ့ၣ်လဲၤခီဖျိတ့ၢ်မံးကြိၣ်လံ. အဝဲသ့ၣ်ပာ်တီၢ်အတၢ်ဖိတၢ် လံၤတဖၣ်ဖဲဝ့ၢ်မံးကမၣ်န့ၣ်လီၤ.

လံာ်ယၡါယၤ 10:29

အဝဲသ့ၣ်လဲၤခီဖျိတ့ၢ်လံတၢ်ကဆူးဒီးမံဝဲဖဲဝ့ၢ်က့ဘၤလီၤ. ပှၤတဖၣ်လၢဝ့ၢ်ရၤမါအပူၤပျံၤတၢ်ဖုးတၢ်ဒီးပှၤလၢစီၤပၤစီၤ စီလူးအဝ့ၢ်ကံးဘဧၤအပူၤတဖၣ်ထွးထီၣ်ဃ့ၢ်တ့ၢ်လံဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:11

ဘၣ်ဆၣ်ဒီးစီၤၡမူၤအ့လးစံးဝဲ, “နမၤတ့ၢ်တၢ်မနုၤလဲၣ်.” စီၤစီလူးစံးဆၢဝဲဒၣ်, “ပှၤဂီၢ်မုၢ်စးထီၣ်ဟးသဒၣ်ယၤဒီး ဒ်နစံးတ့ၢ်လၢနကဟဲန့ၣ်နတဟဲပၢၢ်ထီၣ်ဘၣ်. လၢန့ၣ်အမဲာ်ညါပှၤဖလ့ၡသးဖိတဖၣ်ပာ်ဖှိၣ်ထီၣ်အသးလၢဝ့ၢ်မံး ကမၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:2

စီၤစီလူးဃုထၢထီၣ်ပှၤပိာ်ခွါအဂၤသၢကထိဒီးပာ်ဝဲပှၤအဂၤခံကထိဃုာ်ဒီးအီၤ ဖဲဝ့ၢ်မံးကမၣ်ဒီးလၢကစၢၢ်ကလိအဝ့ၢ်ဘ့ၤသ့လးအပူၤလီၤ. ပှၤတကထိန့ၣ်ဆှၢဝဲဆူဝ့ၢ်ကံးဘဧးအိၣ်လၢပှၤဘံၣ်ယၤမံၣ်အဒူၣ်အကီၢ်ပူၤလီၤ. ပှၤအဂၤအိၣ်လီၤတဲာ်တဖၣ်န့ၣ်စီၤစီလူးဆှၢက့ၤဆူအဟံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:23

ပှၤဖလ့ၡသးဖိတဖၣ်ဆှၢလီၤပှၤသုးဖိတဖုလၢကဒီဒၣ်အိၣ်ပှိၤ ဝ့ၢ်မံးကမၣ်အကျဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:3

စီၤယိနၤသၣ်မၤသံကွံာ်ပှၤဖလ့ၡသးဖိအသုးခိၣ်ဖးဒိၣ်လၢဝ့ၢ်က့ဘၤ, ဒီးကယဲၢ်ပှၤဖလ့ၡသးဖိကိးဂၤနၢ်ဟူတၢ်ဂ့ၢ်န့ၣ်လီၤ. အန့ၣ်ဝံၤဒီးစီၤစီလူးဆှၢလီၤပှၤစိာ်တၢ်ကစီၣ်ဒ်သိးကကိး ဖှိၣ်ပှၤဧ့ၤဘြံၤဖိဆူတၢ်ဒုးတၢ်ယၤခီဖျိတၢ်အူထီၣ်ကွဲၤတဖျၢၣ် သကုၤကီၢ်ဒီဘ့ၣ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:31

မုၢ်နံၤအဝဲန့ၣ်ပှၤအံၣ်စရ့လးဖိတဖၣ်မၤနၢၤကွံာ်ပှၤဖလ့ၡသး ဖိတဖၣ်လၢအဒုးတၢ်ကျဲဒီဘိညါစးထီၣ်လၢဝ့ၢ်မံးကမၣ်တုၤဆူ ဝ့ၢ်အၤယလိၣ်လီၤ. တုၤအဆၢကတီၢ်အံၤန့ၣ်ပှၤအံၣ်စရ့လးဖိတဖၣ်အဂံၢ်အဘါစၢ်ဒိၣ်မး လၢတၢ်သူၣ်ဝံၤသၣ်စ့ၤအသးအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:4

လၢဝ့ၢ်မံးကမၣ်အကျဲဖဲစီၤယိနၤသၣ်ကဘၣ်လဲၤခီဖျိ ဝဲဒ်သိးကတုၤဆူပှၤဖလ့ၡသးဖိအသူၣ်ဒဲအလီၢ်န့ၣ်လ့ခိၣ်စူခံဖျၢၣ် အိၣ်လၢကျဲတခီတကပၤန့ၣ်လီၤ. လ့တဖျၢၣ်န့ၣ်အမံၤမ့ၢ်ဘိစ့းဒီးအဂၤတဖျၢၣ်န့ၣ်မ့ၢ်ဝဲစ့နၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”