လံာ်စီၤၡမူၤအ့လးအခီၣ်ထံးတဘ့ၣ် 14:47 - Sgaw Karen Common Bible

⁴⁷ ဖဲစီၤစီလူးကဲထီၣ်ကီၢ်အံၣ်စရ့လးအစီၤပၤဝံၤအလီၢ်ခံန့ၣ်, အဝဲဒုးကယဲၢ်အဒုၣ်အဒါခဲလၢာ်လၢတၢ်လီၢ်ကိးပူၤဒဲး, လၢအမ့ၢ်ပှၤဂီၢ်မုၢ်လၢကီၢ်မိၤအး, ကီၣ်ဧၣ်မိၣ်, ဒီးကီၢ်အဒိၣ်, ဒီးစီၤပၤတဖၣ်လၢဝ့ၢ်စိဘၤ, ဒီးပှၤဖလ့ၡသးဖိ တဖၣ်န့ၣ်လီၤ. ဖဲအဒုးတၢ်တပူၤလၢ်လၢ်န့ၣ်မၤနၢၤတၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:47 Iomraidhean Croise

လံာ်တၢ်ကဲထီၣ်အခီၣ်ထံး 19:37

အဖိမုၣ်အဒိၣ်တဂၤဆံးစၢ်န့ၢ်အဖိခွါတဂၤဒီးယုၢ်ဝဲအမံၤလၢ စီၤမိၤအးန့ၣ်လီၤ. အဝဲမ့ၢ်ပှၤမိၤအးဖိတဖၣ်လၢမုၢ်မဆါတနံၤအံၤအမိၢ်ပၢ်ဖံဖုလၢပျၢၤ တဖၣ်အပၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 19:38

အဖိမုၣ်အဆံးတဂၤဆံးစၢ်န့ၢ်အဖိခွါတဂၤဒီးယုၢ်ဝဲအမံၤလၢ စီၤဘ့ၣ်ဧၣ်မံလီၤ. အဝဲဒၣ်မ့ၢ်ပှၤဧၣ်မိၣ်ဖိလၢမုၢ်မဆါတမံၤအံၤအမိၢ်ပၢ်ဖံဖုလၢ ပျၢၤအပၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 36:1

အအံၤမ့ၢ်စီၤဧ့ၤၡီၤလၢအဘၣ်တၢ်ကိးစ့ၢ်ကီးအီၤလၢစီၤအဒိၣ် အစၢၤအသွဲၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 36:19

ကယဲၢ်ပှၤအဒူၣ်ခဲလၢာ်အံၤဟဲလီၤစၢၤလီၤသွဲၣ်လၢစီၤဧ့ၡီၤ လီၤ.

လံာ်တၢ်ကဲထီၣ်အခီၣ်ထံး 36:8

လၢတၢ်န့ၣ်အဃိစီၤဧ့ၡီၤအိၣ်ဝဲဆိးဝဲလၢကစၢၢ်စ့ဧ့ၢ်လၢကီၢ် အဒိၣ်အပူၤဒီးဘၣ်တၢ်ကိးအီၤလၢစီၤအဒိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:22

စီၤယိနၤသၣ်အချံၣ်န့ၣ်မၤသံတၢ် ဒီးစီၤစီလူးန့ၣ်တသးကညီၤဘၣ်တၢ်ဘၣ်. ကျီကွံာ်ပှၤအဂံၢ်ဆူၣ်ဘါဆူၣ်ဒီးမၤသံဒုၣ်ဒါ တဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:6

ပှၤဧၣ်မိၣ်ဖိတဖၣ်ထံၣ်သ့ၣ်ညါဝဲလၢအဝဲသ့ၣ်ဒုးကဲထီၣ်စီၤဒၤ ဝံးလၢအဝဲသ့ၣ်အဒုၣ်အဒါလံ, သတးဒီးအဝဲသ့ၣ်ဒိးလဲန့ၢ်ဝဲ ပှၤစူၤရံအသုးဖိအဂၤခံကလးလၢဝ့ၢ်ဘ့ၤသရဃိာ်ဒီးဝ့ၢ်စိဘၤ, ပှၤအဂၤတကလးခံကထိလၢဝ့ၢ်တိာ်ဒီးကိးဝ့ၢ်မကၤအစီၤပၤဃုာ် ဒီးအပှၤတကထိဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:15

စီၤဒၤဝံးပၢတၢ်လၢကီၢ်အံၣ်စရ့လးဒီကီၢ်ညါအဖီခိၣ်, ဒီးမၤလီၤတံၢ်ဝဲလၢ, အဝဲအပှၤဂီၢ်မုၢ်တဖၣ်ဘၣ်တၢ်မၤအီၤဒ်အကြၢးဝဲဘၣ်ဝဲ, အိၣ်ဒီးတၢ်စံၣ်ညီၣ်တီတဘိယူၢ်ဃီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:3

အန့ၣ်ဝံၤဒီးအဝဲမၤနၢၤကွံာ်ပှၤစူၤရံဖိအစီၤပၤလၢကီၢ်ဆၣ်စိဘၤ, စီၤရဃိာ်အဖိခွါစီၤဟးဒးဧ့စ့ၢ်, ဖဲစီၤဟးဒးဧ့စ့ၢ်လဲၤ တၢ်လၢကျဲအဖၢမုၢ်ဒ်သိးအကလဲၤမၤန့ၢ်က့ၤအတၢ်ပၢၤဘၣ်လီၢ်ကဝီၤ လၢထံကျိဖရၤသးအထးခီအဂီၢ်အခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:23

ကစၢ်ယွၤထိၣ်ဂဲၤထီၣ်စ့ၢ်ကီးစီၤအလံဒၤအဖိခွါစီၤရစိၣ်အသး လၢကထီဒါစီၤၡလိၤမိၤန့ၣ်လီၤ. စီၤရစိၣ်ဃ့ၢ်ထီၣ်ကွံာ်တ့ၢ်လၢအကစၢ်, စိဘၤအစီၤပၤဟးဒးဧ့ စ့ၢ်အအိၣ်,

လံာ်စီၤပၤခံဘ့ၣ်တဘ့ၣ် 14:27

ဘၣ်ဆၣ်ဒီးတမ့ၢ်ဘၣ်ယွၤအတၢ်တိာ်လၢကမၤဟးဂီၤကွံာ်ပှၤအံၣ်စရ့ လးဖိလၢာ်လၢာ်ဆ့ဆ့ဒီးလီၤစိၤလီၤထီန့ၣ်ဘၣ်. လၢတၢ်န့ၣ်အဃိအဝဲမၤပူၤမၤဖျဲးက့ၤအဝဲသ့ၣ်ခီဖျိစီၤယၤ ရၤဘၣ်ခံဂၤတဂၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:2

ဒီးခဲအံၤသုအိၣ်ဒီးအီၤလၢကပၢဆှၢသုလီၤ. မ့မ့ၢ်ယဲဒၣ်တခီ, ယသးပှၢ်ခိၣ်ဝါလံဒီးယဖိခွါတဖၣ်အိၣ်ဒီးသုလီၤ. ယမ့ၢ်တ့ၢ်သုခိၣ်သုနၢ်စးထီၣ်လၢယသးစၢ်တုၤခဲကနံၣ်အံၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:1

စီၤစီလူးအသးပှၢ်ဖဲအကဲထီၣ်စီၤပၤဒီးအဝဲကဲကီၢ်အံၣ်စရ့လးအစီၤပၤခံနံၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:46

တၢ်န့ၣ်အလီၢ်ခံ, စီၤစီလူးဆိကတီၢ်ကွံာ်တၢ်လူၤပှၤဖလ့ၡသးဖိတဖၣ်ဒီး, အဝဲသ့ၣ်က့ၤကဒါက့ၤဆူအလီၢ်ကဝီၤဒၣ်ဝဲအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:52

စီၤစီလူးဘၣ်ဒုးတၢ်ထီဒါပှၤဖလ့ၡသးဖိတဖၣ်ဆူၣ်ဆူၣ်ကလဲာ်လၢ အသးသမူတစိၤန့ၣ်လီၤ. မၤသးဒ်န့ၣ်ဒီးဖဲအထံၣ်န့ၢ်ကယဲၢ်ပှၤတဂၤလၢ်လၢ်လၢအဒူဒီး အဂံၢ်အဘါဆူၣ်န့ၣ်, အဝဲကိးနုာ်အီၤဆူအသုးမုၢ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:7

(စီၤစီလူးအပှၤကွၢ်ဂီၤဖံးတဖၣ်အခိၣ်စီၤဒိအ့းလၢအမ့ၢ်ပှၤကီၢ်အဒိၣ်ဖိ, လဲၤတုၤဖဲန့ၣ်သတူၢ်ကလာ်လၢအနံၤဝဲန့ၣ်လီၤ. အဂ့ၢ်ဒ်အံၤ, အဝဲကဘၣ်မၤပှဲၤတၢ်ဘူၣ်တၢ်ဘါအမူအဒါအိၣ်ဝဲတမံၤလီၤ.)