လံာ်စီၤၡမူၤအ့လးအခီၣ်ထံးတဘ့ၣ် 14:45 - Sgaw Karen Common Bible

⁴⁵ ဘၣ်ဆၣ်ဒီးပှၤဂီၢ်မုၢ်စံးဘၣ်စီၤစီလူး, “မ့ၢ်စီၤယိနၤသၣ် လၢအမၤန့ၢ်တၢ်မၤနၢၤလၢကီၢ်အံၣ်စရ့လးအဂီၢ်ကဘၣ်တၢ်မၤသံ အီၤဧါ. တသ့ဘၣ်. ပအၢၣ်လီၤတၢ်လၢယွၤလၢအမူဝဲတဂၤအ မံၤအပူၤ, လၢအဝဲအခိၣ်သူဖိတဘိဒၣ်လဲာ်တဘၣ်လီၤမၢ်ကွံာ်ဘၣ်. တၢ်လၢအမၤတ့ၢ်ဝဲတနံၤအံၤန့ၣ်, မ့ၢ်တၢ်မၤတ့ၢ်အသးဃုာ်ဒီးကစၢ် ယွၤအတၢ်မၤစၢၤန့ၣ်လီၤ.” မၤသးဒ်န့ၣ်ဒီး, ပှၤဂီၢ်မုၢ်အုၣ်က့ၤခီၣ်က့ၤစီၤယိနၤသၣ်လၢ ကဘၣ်တၢ်မၤသံကွံာ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:45 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:11

ပိာ်မုၣ်န့ၣ်စံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, ဝံသးစူၤဘါထုကဖၣ်တၢ်ဆူယွၤ, နကစၢ်ယွၤအအိၣ်ဒ်သိးယဘူးယတံၢ် လၢအအိၣ်မူအိၣ်ဒါလၢတၢ်ဟ့ၣ်ကၣ်က့ၤတၢ်လၢယဖိခွါအတၢ်သံအဃိ န့ၣ်, အသုတမၤတၢ်ကမၣ်လၢအဒိၣ်န့ၢ်ဒံးအလီၢ်တမံၤ, ခီဖျိတၢ်မၤသံကွံာ်ယဖိခွါအဂၤတဂၤအဃိတဂ့ၤ.” စီၤဒၤဝံးစံးဆၢဝဲဒၣ်, “ယအၢၣ်လီၤအီလီၤနၤလၢယွၤလၢအမူဝဲတဂၤအမံၤအပူၤလၢနဖိ ခွါတဘၣ်တၢ်မၤဆါအီၤဆံးကိာ်ဖိဒၣ်လဲာ်ဘၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:52

စီၤၡလိၤမိၤစံးဆၢဝဲ, “အဝဲအသးမ့ၢ်တီန့ၣ်, အခိၣ်သူတဘိလၢအခိၣ်လိၤဒၣ်လဲာ်န့ၣ်တဘၣ်တၢ်ထိးအီၤဘၣ်. ဘၣ်ဆၣ်အသးမ့ၢ်တတီဘၣ်န့ၣ်ဒီးအဝဲကဘၣ်သံဝဲဒၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 19:11

ပှၤလုၢ်တၢ်အခိၣ်အဒိၣ်ကတၢၢ်စီၤအမၤရယၤကအိၣ်ဒီးတၢ်စိ တၢ်ကမီၤလၢခံကတၢၢ်တပတီၢ်လၢကယဲၢ်တၢ်ဘူၣ်တၢ်ဘါအကွီၢ်တဖၣ်အ ဂီၢ်, ဒီးကီၢ်ယူဒၤအပဒိၣ်ဖးဒိၣ်အဒိၣ်ကတၢၢ်စီၤယံးၡမၤဧ့လးအဖိ ခွါစီၤစဘၤဒယၤကအိၣ်ဒီးတၢ်စိတၢ်ကမီၤလၢခံကတၢၢ်တပတီၢ်လၢ ကယဲၢ်ထံဖိကီၢ်ဖိအကွီၢ်တဖၣ်အဂီၢ်န့ၣ်လီၤ. ပှၤလ့ၤဝံဖိတဖၣ်အိၣ်မူအိၣ်ဒါလၢတၢ်ကွၢ်ထွဲကွီၢ်ဘျီၣ်အတၢ် စံၣ်ညီၣ်တဖၣ်မ့ၢ်အဘၣ်တၢ်မၤထွဲအီၤဧါ, တဘၣ်တၢ်မၤထွဲအီၤဘၣ်လဲၣ်အဂ့ၢ်န့ၣ်လီၤ. အိၣ်ဒီးတၢ်သူၣ်ဒူသးဒူဒီးစိာ်ထီၣ်မၤထွဲတၢ်သိၣ်လိနဲၣ်ယုၤ တဖၣ်အံၤအခံ, ဒီးမ်ယွၤအိၣ်လၢတၢ်အဘၣ်တကပၤန့ၣ်တက့ၢ်.”

လံာ်စီၤနဃ့မယၤ 9:27

ဒီးလၢတၢ်န့ၣ်အဃိနပျဲအဝဲသ့ၣ်အဒုၣ်အဒါတဖၣ်မၤနၢၤအီၤဒီး ပၢဘၣ်အဝဲသ့ၣ်န့ၣ်လီၤ. လၢအဝဲသ့ၣ်အတၢ်ကိၢ်တၢ်ဂီၤအပူၤန့ၣ်, အဝဲသ့ၣ်ကိးထီၣ်နၤလၢတၢ် မၤစၢၤအဂီၢ်, ဒီးနစံးဆၢအဝဲသ့ၣ်လၢမူခိၣ်န့ၣ်လီၤ. ဒီးလၢနတၢ်သးကညီၤဖးဒိၣ်အပူၤနဆှၢလီၤန့ၢ်အဝဲသ့ၣ်လၢခိၣ် နၢ်တဖၣ်လၢကအုၣ်က့ၤခီၣ်က့ၤအဝဲသ့ၣ်လၢအဒုၣ်အဒါတဖၣ်န့ၣ်လီၤ.

လံာ်ယၡါယၤ 13:3

ယွၤကိးထီၣ်တ့ၢ်အသုးဖိလၢအပာ်စီဆှံတ့ၢ်ဝဲတဖၣ်ဒီးပှၤလၢ အသးခုလၢယွၤပာ်ထီၣ်ထီအီၤအဃိတဖၣ်လၢကဒုးတၢ်ဒုးစီဆှံဒီးစံၣ် ညီၣ်ပှၤလၢယွၤအသးကဲၤထီၣ်ဘၣ်အီၤတဖၣ်န့ၣ်လီၤ.

လံာ်မးသဲ 10:30

နခိၣ်သူအဘိဒၣ်လဲာ်ဘၣ်တၢ်ဂံၢ်နီၣ်အီၤလၢယွၤလီၤ.

လံာ်လူၤကၣ် 21:18

ဘၣ်ဆၣ်ဒီးသုခိၣ်သူတဘိဒၣ်လဲာ်တလီၤမၢ်ကွံာ်ဘၣ်ဝဲဘၣ်.

မၤတၢ် 14:27

ဖဲအဝဲသ့ၣ်က့ၤတုၤဖဲဝ့ၢ်အၣ်တံၤအီာ်န့ၣ်, ကိးဖှိၣ်ပှၤတၢ်အိၣ်ဖှိၣ်ဖိတဖၣ်တပူၤဃီဒီးစံးဘၣ်တဲဘၣ် အဝဲသ့ၣ်တၢ်ခဲလၢာ်ဘၣ်ဃးကစၢ်ယွၤအတၢ်မၤဃုာ်တၢ်ဒီးအီၤ, ဒီးဘၣ်ဃးအဝဲအိးဟိထီၣ်ကျဲလၢပှၤကလုာ်ဂၤတဖၣ်ကစူၢ် ကနာ်တၢ်အဂီၢ်ဒ်လဲၣ်န့ၣ်လီၤ.

မၤတၢ် 15:12

ပှၤဒီဖုညါအိၣ်ဘှ့ၣ်အိၣ်ဘှီၣ်ဒီးဒိကနၣ်စီၤဘၢ်နါဘၤဒီး စီၤပီလူးအတၢ်ကတိၤတဲဖျါတၢ်ပနီၣ်လီၤလးဒီးတၢ်လီၤလး တဖၣ်လၢကစၢ်ယွၤမၤတ့ၢ်ဝဲခီဖျိအဝဲသ့ၣ်လၢပှၤကလုာ်ဂၤတဖၣ် အသိးအကျါန့ၣ်လီၤ.

မၤတၢ် 21:19

စီၤပီလူးကတိၤဆၢဂ့ၤဆၢဝါအဝဲသ့ၣ်ဝံၤဒီး, တဲဖျါထီၣ်ဝဲလၢလၢပှဲၤပှဲၤတၢ်ခဲလၢာ်လၢကစၢ်ယွၤမၤတ့ၢ်ဝဲ လၢပှၤကလုာ်ဂၤတဖၣ်အကျါခီဖျိအဝဲဒၣ်အတၢ်ဖံးတၢ်မၤ န့ၣ်လီၤ.

မၤတၢ် 27:34

မ်ဒ်န့ၣ်ဒီး, ယဃ့ကညးသုလၢသုကအီၣ်တၢ်အီၣ်တမံၤမံၤ လီၤ. ဒ်သိးသုကမူအဂီၢ်န့ၣ်, သုလိၣ်ဘၣ်တၢ်အီၣ်လီၤ. သုခိၣ်သူတဘိဒၣ်လဲာ်တလီၤမၢ်ကွံာ်လၢသုခိၣ်လိၤဘၣ်.”

ရိမ့ၤ 15:18

ယကအိၣ်ဒီးတၢ်သးဒူဒီးကတိၤထဲတၢ်ဂ့ၢ်ဘၣ်ဃးတၢ်လၢခရံာ် မၤတ့ၢ်ဝဲခီဖျိယၤဒ်သိးယကဆှၢပှၤကလုာ်ဂၤတဖၣ်ဆူတၢ်စူၢ် ကစၢ်ယွၤခီဖျိယတၢ်ကတိၤဒီးယတၢ်မၤ,

1 ကရံၣ်သူး 3:9

အဂ့ၢ်ဒ်အံၤ, ပမ့ၢ်ပှၤမၤသကိးတၢ်တဖၣ်လၢအမၤဃုာ်တၢ်တပူၤဃီလၢကစၢ်ယွၤ အဂီၢ်, ဒီးသုမ့ၢ်ကစၢ်ယွၤအစံာ်လီၢ်ပှဲၤလီၢ်န့ၣ်လီၤ. သုမ့ၢ်စ့ၢ်ကီးကစၢ်ယွၤအတၢ်သူၣ်ထီၣ်လီၤ.

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 19:14

မူခိၣ်အသုးမုၢ်သံၣ်ဘိတဖၣ်ပိာ်အခံ, ဒီးဒိးကသ့ၣ်ဖါဝါ တဖၣ်, ဒီးကူဝဲကၤဝဲလၢတၢ်ကံးယာ်အလွဲၢ်ဝါဒီးကဆှီ တဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:13

ဘၣ်ဆၣ်ဒီးစီၤစီလူးစံးဝဲ, “တနံၤအံၤတၢ်တဘၣ်မၤသံကွံာ် ကွံာ်ပှၤနီတဂၤဘၣ်. အဂ့ၢ်ဒ်အံၤ, အဝဲအံၤမ့ၢ်မုၢ်တနံၤလၢယွၤအုၣ်က့ၤခီၣ်က့ၤကီၢ် အံၣ်စရ့လးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:23

အဝဲသ့ၣ်ဒုးတၢ်ကျဲဒီဘိဖျိကွံာ်ဝ့ၢ်ဘ့ၤသအၤဝ့ၣ်လီၤ. ယွၤအုၣ်က့ၤခီၣ်က့ၤကီၢ်အံၣ်စရ့လးလၢမုၢ်နံၤအဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:46

တၢ်န့ၣ်အလီၢ်ခံ, စီၤစီလူးဆိကတီၢ်ကွံာ်တၢ်လူၤပှၤဖလ့ၡသးဖိတဖၣ်ဒီး, အဝဲသ့ၣ်က့ၤကဒါက့ၤဆူအလီၢ်ကဝီၤဒၣ်ဝဲအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:5

အဝဲညိကွံာ်အသးသမူဖဲအမၤသံစီၤကၤလယးဒီးယွၤမၤနၢၤတၢ် ဖးဒိၣ်လၢကီၢ်အံၣ်စရ့လးအဂီၢ်လီၤ. ဖဲနထံၣ်တ့ၢ်တၢ်န့ၣ်ဒီးနသးခုလီၤ. အန့ၣ်ဒီး, ဘၣ်မနုၤအဃိခဲအံၤနအဲၣ်ဒိးမၤကမၣ်ပှၤအတၢ်ကမၣ်တအိၣ် ဘၣ်တဂၤဒီးမၤသံစီၤဒၤဝံးလၢတၢ်ဂ့ၢ်တၢ်ကျိၤတအိၣ်ဘၣ်အပူၤ န့ၣ်လဲၣ်.”