လံာ်စီၤၡမူၤအ့လးအခီၣ်ထံးတဘ့ၣ် 14:41 - Sgaw Karen Common Bible

⁴¹ စီၤစီလူးစံးဘၣ်ယွၤ, ကီၢ်အံၣ်စရ့လးအကစၢ်ယွၤ, “ယွၤဧၢ, ဘၣ်မနုၤလၢနတစံးဆၢဘၣ်ယၤလၢတနံၤအံၤန့ၣ်လဲၣ်. ယွၤ, ကီၢ်အံၣ်စရ့လးအကစၢ်ယွၤဧၢ, စံးဆၢယၤခီဖျိလၢၢ်စီဆှံတဖၣ်အံၤတက့ၢ်. တၢ်န့ၣ်မ့မ့ၢ်စီၤယိနၤသၣ်မ့ၢ်ဂ့ၤယၤမ့ၢ်ဂ့ၤပတၢ်ကမၣ်ဒီး, စံးဆၢပှၤလၢအူရံၣ်တက့ၢ်. ဘၣ်ဆၣ်ဒီးမ့မ့ၢ်တၢ်လၢအဘၣ်ဃး ဒီးနကီၢ်အံၣ်စရ့လးအပှၤဂီၢ်မုၢ်ဒီးစံးဆၢပှၤခီဖျိတူမံၣ် တက့ၢ်.” တၢ်စံးဆၢဒုးနဲၣ်ဝဲလၢစီၤယိနၤသၣ်ဒီးစီၤစီလူးန့ၣ်လီၤ. ဒီးပှၤဂီၢ်မုၢ်ပူၤဖျဲးဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:41 Iomraidhean Croise

တၢ်ကတိၤဒိ. 16:33

ပှၤကညီတဖၣ်ကွံာ်တၢ်ဖးဒ်သိးအကသ့ၣ်ညါဘၣ်ကစၢ်ယွၤ အတၢ်ဘၣ်အသးလီၤ. ဘၣ်ဆၣ်ကစၢ်ယွၤအကစၢ်ဒၣ်ဝဲစံၣ်ညီၣ်နီၤဖးတၢ်အစၢန့ၣ်လီၤ.

တၢ်ကတိၤဒိ. 18:18

ပှၤစိကမီၤဒိၣ်ခံဂၤမ့ၢ်ထီဒါလိာ်အသးတဂၤဒီးတဂၤလၢကွီၢ် ဘျီၣ်အပူၤဒီး, တၢ်ဖီၣ်တၢ်ဖးတဖၣ်မၤဝံၤတၢ်ဂ့ၢ်သ့ဝဲလီၤ.

လံာ်ယိၤနါ 1:7

ပှၤကဘီဖိတဖၣ်စံးကတိၤသကိးလိာ်အသး, “ဟဲ, မ်ပကထုးတၢ်ဖးဒ်သိးပကသ့ၣ်ညါတၢ်မၤအသးဒီးပှၤဒ် အံၤမ့ၢ်လၢမတၤအဃိလဲၣ်န့ၣ်တက့ၢ်.” လၢတၢ်န့ၣ် အဃိအဝဲသ့ၣ်ထုးတၢ်ဖး, ဒီးတၢ်ဖးလီၤဘၣ်လၢစီၤယိၤနါအလိၤန့ၣ်လီၤ.

မၤတၢ် 1:24

အန့ၣ်ဝံၤအဝဲသ့ၣ်ဃ့ဘါထုကဖၣ်တၢ်ဒီးစံးဝဲ, “ကစၢ်ဧၢ, ပှၤကိးဂၤဒဲးအသးအတၢ်ဆိကမိၣ်န့ၣ်နသ့ၣ်ညါနဲလီၤ. သတးဒီး, ဒုးနဲၣ်ပဝဲဒၣ်တဖၣ်အံၤလၢပှၤခံဂၤအံၤအကျါနဃုထၢတ့ၢ်နဲ ဖဲလဲၣ်တဂၤ

မၤတၢ် 1:26

အန့ၣ်ဒီးအဝဲသ့ၣ်ဖီၣ်တၢ်ဖး ဒ်သိးကဃုထၢထီၣ်ပှၤတဂၤလၢပှၤခံဂၤ အကျါလီၤ. ဒီးပှၤလၢအဘၣ်တၢ်ဃုထၢထီၣ်အီၤမ့ၢ်စီၤမးသံ, ဒီးအဝဲဒၣ်အံၤဘၣ်တၢ်ပာ်ဖှိၣ်ဃုာ်အီၤလၢပှၤတၢ်မၢဖိတဆံတဂၤ အကရူၢ်ပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:40

အန့ၣ်ဝံၤဒီးစီၤစီလူးစံးဘၣ်အဝဲသ့ၣ်, “သုဝဲခဲလၢာ်ဆၢထၢၣ်ဖဲန့ၣ်ဒီးယၤ ဒီးစီၤယိနၤသၣ်ပကဆၢထၢၣ်ဖဲအံၤလီၤ.” အဝဲသ့ၣ်စံးဝဲ, “မၤဒ်နဆိကမိၣ်အဂ့ၤကတၢၢ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 14:42

အန့ၣ်ဝံၤဒီးစီၤစီလူးစံးဝဲ, “စံၣ်ညီၣ်တဲာ်တၢ်လၢယဖိခွါ စီၤယိနၤသၣ်ဒီးယၤအဘၢၣ်စၢၤတက့ၢ်. ဒီးတၢ်ဒုးနဲၣ်ဖျါထီၣ်လၢစီၤယိနၤသၣ်လီၤ.”