လံာ်စီၤၡမူၤအ့လးအခီၣ်ထံးတဘ့ၣ် 14:40 - Sgaw Karen Common Bible

⁴⁰ အန့ၣ်ဝံၤဒီးစီၤစီလူးစံးဘၣ်အဝဲသ့ၣ်, “သုဝဲခဲလၢာ်ဆၢထၢၣ်ဖဲန့ၣ်ဒီးယၤ ဒီးစီၤယိနၤသၣ်ပကဆၢထၢၣ်ဖဲအံၤလီၤ.” အဝဲသ့ၣ်စံးဝဲ, “မၤဒ်နဆိကမိၣ်အဂ့ၤကတၢၢ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 14:40 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:15

အဝဲသ့ၣ်စံးဆၢဝဲဒၣ်, “မ့ၢ်လီၤ. နဲဒၣ်, တၢ်ဒိၣ်ကစၢ်စီၤပၤဧၢ, ပအိၣ်ကတဲာ်ကတီၤပသးလၢပကမၤကယဲၢ်တၢ်လၢ နစံးနဲန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 1:23

စီၤအ့လကါနၤစံးဆၢအီၤ, “ဂ့ၤလံ, မၤဒ်ကယဲၢ်တၢ်လၢနထံၣ် အဂ့ၤကတၢၢ်အသိးန့ၣ်တက့ၢ်. အိၣ်တ့ၢ်လၢဟံၣ်တုၤနထုးဖှၣ်အီၤလၢနုၢ်န့ၣ်တက့ၢ်. ဒီးမ်ယွၤမၤလၢထီၣ်ပှဲၤထီၣ်နတၢ်အၢၣ်လီၤအီလီၤတက့ၢ်.” မၤသးဒ်န့ၣ်ဒီး, နီၢ်ဃးနၤအိၣ်တ့ၢ်လၢဟံၣ်ဒီးအံးထွဲကွၢ်ထွဲအဖိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:36

စီၤစီလူးစံးဘၣ်အပှၤတဖၣ်န့ၣ်, “မ်ပကလဲၤဒီးဒုးပှၤဖလ့ ၡသးဖိတဖၣ်လၢမုၢ်နၤ, ဂုာ်ဆူၣ်ပျီဆူၣ်ကွံာ်အဝဲသ့ၣ်တုၤလၢမုၢ်ဂီၤ ထီၣ်သီဒီးမၤသံကွံာ်အီၤကိးဂၤဒဲးတက့ၢ်.” အဝဲသ့ၣ်စံးဝဲ, “မၤဒ်နဆိကမိၣ်အဂ့ၤကတၢၢ်အသိးတက့ၢ်.” ဘၣ်ဆၣ်ဒီးပှၤလုၢ်တၢ်အခိၣ်စံးဝဲ, “မ်ပကူၣ်လိာ်ဆိတၢ်ဒီး ကစၢ်ယွၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 14:39

ယအၢၣ်လီၤတ့ၢ်တၢ်လၢယွၤလၢအမူဝဲတဂၤလၢအဟ့ၣ်ကီၢ်အံၣ်စရ့လး လၢတၢ်မၤနၢၤအမံၤအပူၤ, လၢပှၤလၢအတၢ်ကမၣ်အိၣ်တဂၤန့ၣ်အဝဲမ့မ့ၢ်ဒၣ်လဲာ် ယဖိခွါစီၤယိနၤသၣ်န့ၣ်ကဘၣ်တၢ်မၤသံကွံာ်အီၤလီၤ.” ဘၣ်ဆၣ်ဒီးပှၤတစံးဘၣ်တၢ်နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 14:41

စီၤစီလူးစံးဘၣ်ယွၤ, ကီၢ်အံၣ်စရ့လးအကစၢ်ယွၤ, “ယွၤဧၢ, ဘၣ်မနုၤလၢနတစံးဆၢဘၣ်ယၤလၢတနံၤအံၤန့ၣ်လဲၣ်. ယွၤ, ကီၢ်အံၣ်စရ့လးအကစၢ်ယွၤဧၢ, စံးဆၢယၤခီဖျိလၢၢ်စီဆှံတဖၣ်အံၤတက့ၢ်. တၢ်န့ၣ်မ့မ့ၢ်စီၤယိနၤသၣ်မ့ၢ်ဂ့ၤယၤမ့ၢ်ဂ့ၤပတၢ်ကမၣ်ဒီး, စံးဆၢပှၤလၢအူရံၣ်တက့ၢ်. ဘၣ်ဆၣ်ဒီးမ့မ့ၢ်တၢ်လၢအဘၣ်ဃး ဒီးနကီၢ်အံၣ်စရ့လးအပှၤဂီၢ်မုၢ်ဒီးစံးဆၢပှၤခီဖျိတူမံၣ် တက့ၢ်.” တၢ်စံးဆၢဒုးနဲၣ်ဝဲလၢစီၤယိနၤသၣ်ဒီးစီၤစီလူးန့ၣ်လီၤ. ဒီးပှၤဂီၢ်မုၢ်ပူၤဖျဲးဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:7

ပှၤသးစၢ်ပိာ်ခွါန့ၣ်စံးဆၢအီၤ, “ကွၢ်ဖဲနကမၤတမံၤလၢ်လၢ်န့ၣ်, ယအိၣ်ဒီးနၤလီၤ.”