လံာ်စီၤၡမူၤအ့လးအခီၣ်ထံးတဘ့ၣ် 14:37 - Sgaw Karen Common Bible

³⁷ မၤသးဒ်န့ၣ်ဒီး, စီၤစီလူးသံကွၢ်ကစၢ်ယွၤ, “မ့ၢ်ယဘၣ်ဒုးပှၤဖလ့ၡသးဖိတဖၣ်ဧါ. မ့ၢ်နကဟ့ၣ်ပှၤတၢ်မၤနၢၤဧါ.” ဘၣ်ဆၣ်ဒီးလၢမုၢ်နံၤအဝဲန့ၣ်ကစၢ်ယွၤတစံးဆၢတၢ်နီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 14:37 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:19

စီၤဒၤဝံးသံကွၢ်ယွၤ, “မ့ၢ်ယကဘၣ်ဒုးပှၤဖလ့ၡသးဖိတဖၣ်န့ၣ်ဧါ. မ့ၢ်နကဟ့ၣ်ယၤလၢတၢ်မၤနၢၤန့ၣ်ဧါ.” ယွၤစံးဆၢဝဲဒၣ်, “မ့ၢ်, လဲၤဒုးတက့ၢ်. ယကဟ့ၣ်နၤလၢတၢ်မၤနၢၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 5:23

မၤကဒီးတစု, စီၤဒၤဝံးသံကွၢ်တၢ်လၢယွၤဒီးယွၤစံးဆၢ အီၤ, “လဲၤဒုးအဝဲသ့ၣ်ဖဲအံၤတဂ့ၤ. မ့မ့ၢ်လဲၤတရံးဒီးကတဲာ်ကတီၤသုသးဒ်သိးသုကလဲၤဒုးအီၤလၢ အဂၤတကပၤဖဲအဘူးဒီးပံၢ်သလီအထူၣ်တဖၣ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 22:15

ဖဲအဝဲဟဲပာ်ဖျါထီၣ်အသးလၢစီၤပၤအၤဃာ်အမဲာ်ညါန့ၣ်စီၤပၤ သံကွၢ်အီၤ, “စီၤမံၤကါယၤဧၢ, မ့ၢ်စီၤပၤယဟိၡၤဖးဒီးယၤပကြၢးလဲၤ ထီၣ်ဒုးဝ့ၢ်ရၤမိးဧါ. မ့တမ့ၢ်ပတကြၢးလဲၤဘၣ်န့ၣ်လဲၣ်.” စီၤမံၤကါယၤစံးဆၢဝဲ, “လဲၤထီၣ်ဒုးတက့ၢ်. သပှၢ်ကတၢၢ်သုကမၤနၢၤတၢ်လီၤ. ယွၤကဟ့ၣ်သုတၢ်မၤနၢၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:5

ဘၣ်ဆၣ်ဒီးအဆိကတၢၢ်မ်ပကသံကွၢ်သကိးတၢ်ဒီးယွၤန့ၣ်တက့ၢ်.”

လံာ်ယဃ့းစက့လး 20:3

အဝဲစံးဝဲဒၣ်, “ပှၤကညီလၢအသံသ့ဧၢ, ကတိၤတၢ်ဒီးပှၤတဖၣ် အံၤဒီးတဲဘၣ်အဝဲသ့ၣ်လၢယွၤပၢဘၣ်တၢ်ခဲလၢာ်ကစၢ်စံးဝဲဒၣ်, သုဟဲဒ်သိးသုကသံကွၢ်ယတၢ်ဘၣ်သး, မ့ၢ်စ့ၢ်ဧါ. ဒ်ယမ့ၢ်သပှၢ်ကတၢၢ်ကစၢ်ယွၤလၢအမူဝဲတဂၤအသိး, ယစံးယဲ, ယတမၢသုသံကွၢ်ယၤလၢတၢ်နီတမံၤဘၣ်. ယၤ, ယွၤ, ပၢဘၣ်တၢ်, ကစၢ်ကတိၤလံတၢ်လံ.

လံာ်ပှၤစံၣ်ညီၣ်ကွီၢ် 1:1

ဖဲစီၤယိၤၡူသံဝံၤအလီၢ်ခံန့ၣ်ပှၤအံၣ်စရ့လးဖိသံကွၢ်တၢ်လၢယွၤ, “မ့ၢ်မတၤလၢပပှၤအဒူၣ်တဖၣ်အကျါကြၢးမ့ၢ်ပှၤအဆိကတၢၢ်တဒူၣ်လၢ ကလဲၤထီၣ်ဒုးပှၤကနၤဧၣ်ဖိတဖၣ်လဲၣ်.”

လံာ်ပှၤစံၣ်ညီၣ်ကွီၢ် 20:18

ဒီးပှၤအံၣ်စရ့လးဖိတဖၣ်လဲၤဆူတၢ်ဘူၣ်တၢ်ဘါအလီၢ်ဖဲ ဘ့ၤသ့လးဒီးသံကွၢ်ကစၢ်ယွၤ, “မ့ၢ်မတၤအဒူၣ်ကဘၣ်ဒုးပှၤဘံၣ်ယၤမံၣ်ဖိတဖၣ်အဆိကတၢၢ်လဲၣ်.” ဒီးယွၤစံးဆၢဝဲဒၣ်, “ပှၤယူဒၤဖိအဒူၣ်လီၤ.”

လံာ်ပှၤစံၣ်ညီၣ်ကွီၢ် 20:28

ပှၤဂီၢ်မုၢ်သံကွၢ်ယွၤ, “ဂ့ၤပလဲၤထီၣ်ဒုးကဒီးပဒီပုၢ်ဝဲၢ် ပှၤဘံၣ်ယၤမံၣ်ဖိတဖၣ်ဧါ. မ့တမ့ၢ်ပကဘၣ်ဆိကတီၢ်လဲၣ်.” ဒီးယွၤစံးဆၢဝဲဒၣ်, “ဒုးတက့ၢ်. ခဲမုၢ်ဆ့ၣ်တနံၤန့ၣ်ယကဟ့ၣ်သုလၢတၢ်မၤနၢၤလၢအဝဲသ့ၣ် အဖီခိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:22

အဝဲသ့ၣ်သံကွၢ်ယွၤ, “မ့ၢ်ပှၤအဂၤအိၣ်တဂၤဂၤဒံးဧါ.” ယွၤစံးဆၢဝဲဒၣ်, “စီၤစီလူးအိၣ်ဖဲန့ၣ်ဒီးအိၣ်ခူသူၣ်လၢ တၢ်ဖိတၢ်လံၤအကျါလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:2

မၤသးဒ်န့ၣ်ဒီးအဝဲသံကွၢ်တၢ်လၢယွၤ, “မ့ၢ်ယကဘၣ်လဲၤဒုး ပှၤဖလ့ၡသးဖိတဖၣ်န့ၣ်ဧါ.” ယွၤစံးဆၢအီၤ, “မ့ၢ်လီၤ, လဲၤဒုးအဝဲသ့ၣ်ဒီးမၤပူၤမၤဖျဲးက့ၤဝ့ၢ်ကံလၤ တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 23:4

မၤသးဒ်န့ၣ်ဒီး, စီၤဒၤဝံးသံကွၢ်ကဒီးတၢ်လၢကစၢ်ယွၤဒီးယွၤ စံးဘၣ်အီၤ, “လဲၤဒီးဒုးဝ့ၢ်ကံလၤတက့ၢ်. အဂ့ၢ်ဒ်အံၤ, ယဟ့ၣ်လီၤသုတၢ်မၤနၢၤလၢပှၤဖလ့ၡသးဖိတဖၣ်အဖီ ခိၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:6

မၤသးဒ်န့ၣ်ဒီး, အဝဲသံကွၢ်ယွၤလၢကဘၣ်မၤတၢ်မနုၤလဲၣ်န့ၣ်လီၤ. ဘၣ်ဆၣ်ဒီးလၢတၢ်မံမီၢ်မ့ၢ်ဂ့ၤ, လၢအူရံၣ်ဒီးတူမံၢ်မ့ၢ်ဂ့ၤ, ခီဖျိဝံတဖၣ်မ့ၢ်ဂ့ၤန့ၣ်, ယွၤတစံးဆၢအီၤနီတမံၤဘၣ်.