လံာ်စီၤၡမူၤအ့လးအခီၣ်ထံးတဘ့ၣ် 14:32 - Sgaw Karen Common Bible

³² မၤသးဒ်န့ၣ်ဒီး, အဝဲသ့ၣ်ဃ့ၢ်သဖှိဃီၤဆူတၢ်လၢအဖီၣ်န့ၢ်ဝဲ တဖၣ်လၢအဒုၣ်အဒါအစုပူၤ, ဟံးန့ၢ်သိဒီးဂီၤဘုၣ်ဂီၤဖံးဒီးမၤသံ ဝဲတဘျီဃီဖဲန့ၣ်ဒီးအီၣ်တၢ်ညၣ်လၢအအိၣ်ဒံးဒီးတၢ်သွံၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:32 Iomraidhean Croise

လံာ်တၢ်ကဲထီၣ်အခီၣ်ထံး 9:4

တၢ်တမံၤလၢသုတဘၣ်အီၣ်အီၤန့ၣ်တၢ်ညၣ်လၢတၢ်သွံၣ်အိၣ်ဒံးလၢ အပူၤန့ၣ်လီၤ. ယတြီတၢ်အံၤမ့ၢ်လၢသးသမူ အိၣ်လၢတၢ်သွံၣ်အပူၤအဃိလီၤ.

လံာ်ယဃ့းစက့လး 33:25

တဲဘၣ်အဝဲသ့ၣ်လၢ, ယၤယွၤပၢဘၣ်တၢ်ခဲလၢာ်ကစၢ်စံးတၢ်အံၤ တက့ၢ်. သုအီၣ်တၢ်ညၣ်လၢတၢ်သွံၣ်အိၣ်ဒံးလၢအပူၤန့ၣ်လီၤ. သုဘါထီၣ်တၢ်ဂီၤတၢ်ဖီၣ်တဖၣ်န့ၣ်လီၤ. သုမၤသံတၢ်န့ၣ်လီၤ. တၢ်မနုၤဒုးဆိကမိၣ်သုလၢကီၢ်အံၤမ့ၢ်သုတၢ်န့ၣ်လဲၣ်.

လံာ်တၢ်ဘူၣ်ထီၣ်ဘါထီၣ် 19:26

အီၣ်တၢ်ဖံးတၢ်ညၣ်လၢအအိၣ်ဒီးအသွံၣ်အဖၢမုၢ်န့ၣ်တဂ့ၤ. ဒီးမၤမုၣ်ကီၤလံၢ်အတၢ်မၤတဂ့ၤ.

လံာ်တၢ်ဘူၣ်ထီၣ်ဘါထီၣ် 3:17

တၢ်အသိမ့ၢ်ဂ့ၤ, တၢ်အသွံၣ်မ့ၢ်ဂ့ၤ, သုသုတအီၣ်အီၤတဂ့ၤ. အအံၤမ့ၢ်တၢ်မၤလိာ်လၢသုဘၣ်တိၢ်န့ၢ်အီၤအစိၤစိၤအဃၣ်ဃၣ်ဖဲ သုအိၣ်တပူၤလၢ်လၢ်န့ၣ်လီၤ.

မၤတၢ် 15:20

မ့မ့ၢ်တခီ, ပကြၢးကွဲးလံာ်ဆူအဝဲသ့ၣ်အအိၣ်ဒီးစံးဘၣ်အီၤလၢ အသုတအီၣ်တၢ်အီၣ်တကဆှီဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိး နီတမံၤလၢအဘၣ်တၢ်လုၢ်ထီၣ်အီၤဆူတၢ် ဂီၤတၢ်ဖီၣ်န့ၣ်တဂ့ၤ. ဒီးအကဟးဆှဲးတၢ်မၤကမၣ်မုၣ်ကမၣ်ခွါ, ဒီးအသုတအီၣ်ဆၣ်ဖိကီၢ်ဖိလၢအဘၣ်တၢ်စံၢ်သံအီၤ, ဒီးတၢ်အသွံၣ်တမံၤလၢ်လၢ်တဂ့ၤ.

မၤတၢ် 15:29

တၢ်အီၣ်လၢအဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤတၢ်ဖီၣ်န့ၣ်, အီၣ်အီၤတဂ့ၤ. အီၣ်တၢ်သွံၣ်တဂ့ၤ. ဆၣ်ဖိကီၢ်ဖိလၢအဘၣ်တၢ်စံၢ်သံအီၤန့ၣ်အီၣ်အီၤတဂ့ၤ. ဒီးဟးဆှဲးတၢ်မၤကမၣ်မုၣ်ကမၣ်ခွါန့ၣ်တက့ၢ်. သုမ့ၢ်ဟးဆှဲးတၢ်သ့ၣ်တဖၣ်အံၤဒီး, ကမ့ၢ်သုမၤတၢ်လၢအကြၢး ဝဲဘၣ်ဝဲန့ၣ်လီၤ. လၢတၢ်ဆၢဂ့ၤအါအပူၤ.”

လံာ်သိၣ်လီၤသီလီၤတၢ် 12:16

မ့မ့ၢ်သုတအီၣ်ဘၣ်အဝဲသ့ၣ်အသွံၣ်ဘၣ်. သုကဘၣ်လူလီၤအီၤဆူ ဟီၣ်ခိၣ်အလိၤဒ်ထံအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:19

ဒီးဘၣ်မနုၤလၢနတစူၢ်အီၤန့ၣ်လဲၣ်. ဘၣ်မနုၤလၢနဃ့ၢ်သဖှိ ဃီၤဒ်သိးနကစှီၤတၢ်ဂုာ်န့ၢ်တဖၣ်ဒီးမၤတၢ်န့ၣ်လၢတၢ်မၤသး အုးယွၤအသးန့ၣ်လဲၣ်.”