လံာ်စီၤၡမူၤအ့လးအခီၣ်ထံးတဘ့ၣ် 14:31 - Sgaw Karen Common Bible

³¹ မုၢ်နံၤအဝဲန့ၣ်ပှၤအံၣ်စရ့လးဖိတဖၣ်မၤနၢၤကွံာ်ပှၤဖလ့ၡသး ဖိတဖၣ်လၢအဒုးတၢ်ကျဲဒီဘိညါစးထီၣ်လၢဝ့ၢ်မံးကမၣ်တုၤဆူ ဝ့ၢ်အၤယလိၣ်လီၤ. တုၤအဆၢကတီၢ်အံၤန့ၣ်ပှၤအံၣ်စရ့လးဖိတဖၣ်အဂံၢ်အဘါစၢ်ဒိၣ်မး လၢတၢ်သူၣ်ဝံၤသၣ်စ့ၤအသးအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:31 Iomraidhean Croise

လံာ်စီၤယိၤၡူ 10:12

မုၢ်တနံၤလၢယွၤဟ့ၣ်ပှၤအံၣ်စရ့လးဖိ တၢ်မၤနၢၤလၢပှၤအမိၢ်ဖိအဖီခိၣ်န့ၣ်, စီၤယိၤ ၡူကတိၤတၢ်ဒီးယွၤလၢပှၤအံၣ်စရ့လးဖိတဖၣ်အမဲာ်ညါဒီးစံးဝဲ, “မုၢ်ဧၢ, အိၣ်ဂၢၢ်တပၢၢ်လၢဝ့ၢ်ကံးဘိၣ်အဖီခိၣ်ဒီးလါဧၢ, အိၣ်ကတီၢ်လၢအးယၤလိၣ်အကစၢၢ်ကဆူးအဖီခိၣ်န့ၣ်တက့ၢ်.”

လံာ်စီၤယိၤၡူ 19:42

ၡၤလးဘံၣ်, အးယးလိၣ်, ယံးသလၤ,

လံာ်စီၤၡမူၤအ့လးအခီၣ်ထံးတဘ့ၣ် 13:2

စီၤစီလူးဃုထၢထီၣ်ပှၤပိာ်ခွါအဂၤသၢကထိဒီးပာ်ဝဲပှၤအဂၤခံကထိဃုာ်ဒီးအီၤ ဖဲဝ့ၢ်မံးကမၣ်ဒီးလၢကစၢၢ်ကလိအဝ့ၢ်ဘ့ၤသ့လးအပူၤလီၤ. ပှၤတကထိန့ၣ်ဆှၢဝဲဆူဝ့ၢ်ကံးဘဧးအိၣ်လၢပှၤဘံၣ်ယၤမံၣ်အဒူၣ်အကီၢ်ပူၤလီၤ. ပှၤအဂၤအိၣ်လီၤတဲာ်တဖၣ်န့ၣ်စီၤစီလူးဆှၢက့ၤဆူအဟံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:30

ပပှၤဂီၢ်မုၢ်တဖၣ်မ့ၢ်အီၣ်တၢ်အီၣ်လၢအဟဲစိာ်ဝဲန့ၣ်လၢတနံၤအံၤ ဖဲအမၤနၢၤကွံာ်အဒုၣ်အဒါန့ၣ်ကဂ့ၤဒိၣ်ဝဲဆံးဒိၣ်လဲၣ်. ထဲဆိကမိၣ်ကွၢ်လၢအဝဲသ့ၣ်မၤသံကွံာ်ပှၤဖလ့ၡသးဖိကန့ၢ်အါ န့ၣ်အလီၢ်ဆံးဒိၣ်လဲၣ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 14:5

လ့တဖျၢၣ်န့ၣ်အိၣ်လၢကျဲအကလံၤစိးဒီးကွၢ်အမဲာ်ဆူ ဝ့ၢ်မံးကမၣ်ဒီးအဂၤတဖျၢၣ်န့ၣ်အိၣ်လၢကလံၤထံးတကပၤဒီးကွၢ်အမဲာ်ဆူ ဝ့ၢ်ကံဘၤလီၤ.