လံာ်စီၤၡမူၤအ့လးအခီၣ်ထံးတဘ့ၣ် 14:24 - Sgaw Karen Common Bible

²⁴ ပှၤအံၣ်စရ့လးဖိတဖၣ်အဂံၢ်အဘါစၢ်လၢမုၢ်နံၤအဝဲန့ၣ်မ့ၢ်လၢ တၢ်သၣ်ဝံၤအသးအဃိလီၤ. အဂ့ၢ်ဒ်အံၤ, စီၤစီလူးမၤတၢ်ဆိၣ်သမှံၤသပှၢ်တမံၤဒီးဟ့ၣ်လီၤ အကလုၢ်လၢ, “တချုးလၢယဟ့ၣ်ကၣ်ဒံးဘၣ်ယဒုၣ်ယဒါတဖၣ်အမုၢ်တနံၤန့ၣ်ပှၤတဂၤ လၢ်လၢ်လၢအအီၣ်တၢ်အီၣ်တမံၤမံၤန့ၣ်တၢ်ဆိၣ်အၢတမံၤကအိၣ်လၢ အလိၤလီၤ.” မၤသးဒ်န့ၣ်ဒီးလၢမုၢ်နံၤအဝဲန့ၣ်ဒီနံၤညါန့ၣ်, ပှၤတအီၣ်တၢ်နီတမံၤနီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 14:24 Iomraidhean Croise

စံးထီၣ်ပတြၢၤ 18:47

အဝဲဟ့ၣ်ယၤတၢ်မၤနၢၤလၢယဒုၣ်ယဒါတဖၣ်အဖီခိၣ်, အဝဲဆီၣ်လီၤပှၤကလုာ်တဖၣ်လၢယဖီလာ်,

တၢ်ကတိၤဒိ. 11:9

နဘၣ်တၢ်မၤဟးဂီၤနၤလၢပှၤလုၢ်အၢလၢ်သီတဖၣ်အတၢ်ကတိၤသ့ဝဲ လီၤ. ဘၣ်ဆၣ်ဒီးပှၤတီပှၤလိၤအတၢ်ကူၣ်သ့အုၣ်က့ၤခီၣ်က့ၤနၤသ့ဝဲ လီၤ.

လံာ်တၢ်ဘူၣ်ထီၣ်ဘါထီၣ် 27:29

ပှၤကညီတဂၤဂၤဒၣ်လဲာ်မ့ၢ်ဘၣ်တၢ်လုၢ်ထီၣ်အီၤလၢာ်လၢာ်ဆ့ဆ့ န့ၣ်ဘၣ်တၢ်ပှ့ၤက့ၤအီၤတသ့ဘၣ်. ကဘၣ်တၢ်မၤသံကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:4

ပှၤတဂၤဂၤမ့ၢ်ဆိၣ်လီၤအသးချ့သဒံးလၢတၢ်အၢအဂီၢ်မ့ၢ်ဂ့ၤ, တၢ်ဂ့ၤအဂီၢ်မ့ၢ်ဂ့ၤ, လၢတၢ်တပလီၢ်သူၣ်ပလီၢ်သးအပူၤဘၣ်န့ၣ်, တုၤအသ့ၣ်ညါက့ၤဝဲဒီး, အတၢ်ဒဲးဘးအိၣ်ဝဲလီၤ.

လံာ်တၢ်ဂံၢ် 21:2

တုၤနုၤတစု, ပှၤအံၣ်စရ့လးဖိမၤတၢ်ဆိၣ်တမံၤဒီးယွၤစံးဝဲ, “နမ့ၢ်ပျဲပမၤနၢၤကွံာ်ပှၤတဖၣ်အံၤဒီးပကလုၢ်ထီၣ်အဝဲသ့ၣ် ဒီးအဝ့ၢ်တဖၣ်ဆူနအိၣ်လၢတၢ်သူၣ်အိၣ်သးအိၣ်အပူၤဒီးမၤဟးဂီၤ ကွံာ်အဝဲသ့ၣ်န့ၣ်လီၤ.”

လံာ်တၢ်ဂံၢ် 5:21

မ်ယွၤဒုးကဲထီၣ်နမံၤလၢတၢ်ဆိၣ်အၢတမံၤလၢနပှၤကလုာ်အကျါတက့ၢ်. မ်အဒုးသံးကတူၢ်နဒၢလီၢ်အကျိၤလၢကဃ့ထီ ဒီးနဟၢဖၢကညိးထီၣ်တက့ၢ်.

ရိမ့ၤ 10:2

ယအုၣ်ယသးလၢအဝဲသ့ၣ်အဂီၢ်လၢအဝဲသ့ၣ်အဲၣ်ကစၢ်ယွၤ နီၢ်နီၢ်လီၤ. ဘၣ်ဆၣ်ဒီးအတၢ်အဲၣ်ကစၢ်ယွၤန့ၣ်တသန့ၤထီၣ် အသးလၢတၢ်သ့ၣ်ညါအမ့ၢ်အတီအလိၤဘၣ်.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

လံာ်စီၤယိၤၡူ 6:26

ဖဲအကတီၢ်ဝဲအံၤ, စီၤယိၤၡူဆိၣ်အၢတၢ်လၢယွၤအမဲာ်ညါဒီးစံးဝဲ, “ပှၤတဂၤဂ့ၤတဂၤဂ့ၤလၢအကျဲးစၢးသူၣ်ထီၣ်က့ၤဝ့ၢ်ယရံၤဃိ န့ၣ်ကဘၣ်ယွၤအတၢ်ဆိၣ်အၢန့ၣ်လီၤ. ပှၤတဂၤဂ့ၤတဂၤဂ့ၤလၢအပာ်လီၤတၢ်အခီၣ်ထံးန့ၣ်, အဖိခွါအဒိၣ်ကတၢၢ်ကလီၤမၢ်ကွံာ်န့ၢ်အီၤ, ဒီး ပှၤတဂၤဂ့ၤတဂၤဂ့ၤလၢအသူၣ်ထီၣ်ဝ့ၢ်အတြဲၤတဖၣ်န့ၣ်, အဖိသဒါကလီၤမၢ်ကွံာ်န့ၢ်အီၤန့ၣ်လီၤ.”

လံာ်ပှၤစံၣ်ညီၣ်ကွီၢ် 1:28

ဒီးဖဲပှၤအံၣ်စရ့လးဖိတဖၣ်အဂံၢ်ဆူၣ်အဘါဆူၣ်ထီၣ်န့ၣ်, အဝဲသ့ၣ်မၤဆူၣ်ပှၤကနၤဧၣ်ဖိလၢကမၤတၢ်လၢအဝဲသ့ၣ်အဂီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်တနီၣ်ထီၣ်ကွံာ်ဒံးပှၤကနၤဧၣ်ဖိခဲလၢာ်ဘၣ်လီၤ.

လံာ်ပှၤစံၣ်ညီၣ်ကွီၢ် 5:2

စံးထီၣ်ပတြၢၤယွၤတက့ၢ်. ပှၤအံၣ်စရ့လးဖိတဖၣ်ပာ်လီၤအသးလၢကဒုးတၢ်ဒီး ပှၤဂီၢ်မုၢ်ဟ့ၣ်လီၤအသးလၢတၢ်သူၣ်အိၣ်သးအိၣ်ဒီးလၢတၢ်သးခုအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:25

အဝဲသ့ၣ်ခဲလၢာ်ဟဲတုၤလၢသ့ၣ်ပှၢ်တပှၢ်အလီၢ်တတီၤဒီးထံၣ်ကနဲစီ ကိးတၢ်လီၢ်အပူၤဒဲးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:39

ယအၢၣ်လီၤတ့ၢ်တၢ်လၢယွၤလၢအမူဝဲတဂၤလၢအဟ့ၣ်ကီၢ်အံၣ်စရ့လး လၢတၢ်မၤနၢၤအမံၤအပူၤ, လၢပှၤလၢအတၢ်ကမၣ်အိၣ်တဂၤန့ၣ်အဝဲမ့မ့ၢ်ဒၣ်လဲာ် ယဖိခွါစီၤယိနၤသၣ်န့ၣ်ကဘၣ်တၢ်မၤသံကွံာ်အီၤလီၤ.” ဘၣ်ဆၣ်ဒီးပှၤတစံးဘၣ်တၢ်နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 18:25

ဒီးစီၤစီလူးမၤလိာ်အဝဲသ့ၣ်လၢကတဲဘၣ်စီၤဒၤဝံး, “ကယဲၢ်တၢ်လၢစီၤပၤသးလီလၢနအိၣ်ဒ်တၢ်အပှ့ၤလၢတလးမူးပိာ် မုၣ်အဂီၢ်န့ၣ်မ့ၢ်ပှၤဖလ့ၡသးဖိအဂၤတကယၤလၢအသံဝဲအတၢ်အခိၣ် ဖံး, လၢတၢ်ဟ့ၣ်ကၣ်က့ၤအဒုၣ်အဒါတဖၣ်အဂီၢ်န့ၣ်လီၤ.” (တၢ်အံၤမ့ၢ်စီၤစီလူးအတၢ်ကူၣ်ကျဲၤလၢစီၤဒၤဝံးကဘၣ်တၢ်မၤ သံအီၤလၢပှၤဖလ့ၡသးဖိတဖၣ်ဒ်လဲၣ်အဂ့ၢ်န့ၣ်လီၤ.)