လံာ်စီၤၡမူၤအ့လးအခီၣ်ထံးတဘ့ၣ် 14:23 - Sgaw Karen Common Bible

²³ အဝဲသ့ၣ်ဒုးတၢ်ကျဲဒီဘိဖျိကွံာ်ဝ့ၢ်ဘ့ၤသအၤဝ့ၣ်လီၤ. ယွၤအုၣ်က့ၤခီၣ်က့ၤကီၢ်အံၣ်စရ့လးလၢမုၢ်နံၤအဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:23 Iomraidhean Croise

လံာ်စီၤပၤခံဘ့ၣ်တဘ့ၣ် 14:27

ဘၣ်ဆၣ်ဒီးတမ့ၢ်ဘၣ်ယွၤအတၢ်တိာ်လၢကမၤဟးဂီၤကွံာ်ပှၤအံၣ်စရ့ လးဖိလၢာ်လၢာ်ဆ့ဆ့ဒီးလီၤစိၤလီၤထီန့ၣ်ဘၣ်. လၢတၢ်န့ၣ်အဃိအဝဲမၤပူၤမၤဖျဲးက့ၤအဝဲသ့ၣ်ခီဖျိစီၤယၤ ရၤဘၣ်ခံဂၤတဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:14

ဒီးအဝဲဒီးအပှၤတဖၣ်ထၢၣ်ဂၢၢ်ဝဲဖဲပျီခၢၣ်သးဒီးဒုးပှၤဖလ့ ၡသးဖိတဖၣ်န့ၣ်လီၤ. ဒီးယွၤဟ့ၣ်လီၤအီၤတၢ်မၤနၢၤဖးဒိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:22

လၢကျဲဒ်သိးအံၤန့ၣ်, ယွၤမၤထူၣ်ဖျဲးစီၤပၤဃံးစကံယၤဒီး ဝ့ၢ်ယရူၤရှလ့ၣ်အပှၤဂီၢ်မုၢ်လၢကီၢ်အၤၡူၢ်အစီၤပၤဖးဒိၣ်စီၤ စၤနဃ့ရံးအစိကမီၤအဖီလာ်, ဒီးလၢအဝဲသ့ၣ်အဒုၣ်အဒါအဂၤတဖၣ်အစုပူၤစ့ၢ်ကီးန့ၣ်လီၤ. အဝဲပျဲပှၤဂီၢ်မုၢ်အိၣ်ဆိးဃုာ်ဒီးကယဲၢ်ထံကီၢ်အိၣ်ခိၣ်အိၣ် ဃၢၤတဖၣ်လၢတၢ်ဃူတၢ်ဖိးအပူၤန့ၣ်လီၤ.

လံာ်တၢ်ဟးထီၣ်ကွံာ် 14:30

ဒီးလၢမုၢ်တနံၤန့ၣ်ယွၤအုၣ်က့ၤခီၣ်က့ၤကီၢ်အံၣ်စရ့လးအပှၤ ဂီၢ်မုၢ်လၢပှၤအဲၤကူပတူးဖိတဖၣ်အစုပူၤဒီးပှၤအံၣ်စရ့လး ဖိတဖၣ်ထံၣ်ဘၣ်အဝဲသ့ၣ်လီၤအုးသံလၢပီၣ်လဲၣ်ကၢၢ်နံၤန့ၣ်လီၤ.

လံာ်ဟိၤၡ့ 1:7

ဘၣ်ဆၣ်ယကဒုးနဲၣ်တၢ်အဲၣ်ဆူကီၢ်ယူဒၤအပှၤဂီၢ်မုၢ်န့ၣ်လီၤ. ယၤ, ယွၤအဝဲသ့ၣ်အကစၢ်ယွၤ, ကအုၣ်က့ၤခီၣ်က့ၤအဝဲသ့ၣ်လီၤ. ဘၣ်ဆၣ်ယတမၤတၢ်အံၤလၢတၢ်ဒုးတၢ်ယၤဒီးလၢဘီမ့ၢ်ဂ့ၤ, လၢချံၣ်ဒီးပျၢ်တဖၣ်မ့တမ့ၢ်, လၢကသ့ၣ်တဖၣ်မ့ၢ်ဂ့ၤ, ပှၤဒိးကသ့ၣ်တဖၣ်မ့ၢ်ဂ့ၤန့ၣ်ဘၣ်.

လံာ်သိၣ်လီၤသီလီၤတၢ် 20:4

ယွၤ, သုကစၢ်ယွၤကလဲၤဃုာ်ဒီးသုဒီးကဟ့ၣ်သုတၢ်မၤနၢၤန့ၣ် လီၤ.

လံာ်စီၤယိၤၡူ 7:2

စီၤယိၤၡူမၢလီၤပှၤတနီၤလၢဝ့ၢ်ယရံၤဃိဆူဝ့ၢ်ဂဲ, ဝ့ၢ်လၢအအိၣ်လၢဘ့ၤသ့လးအမုၢ်ထီၣ်ဘူးဒီးဘ့ၤသအၤဝ့ၣ်, ဒီးဟ့ၣ်လီၤအကလုၢ်လၢကလဲၤဒီးကွၢ်ဟုၣ်ကွၢ်စုးကီၢ်န့ၣ်လီၤ. ဖဲအဝဲသ့ၣ်မၤတၢ်အံၤဝံၤဒီး,

လံာ်ပှၤစံၣ်ညီၣ်ကွီၢ် 2:18

ဖဲယွၤဟ့ၣ်လီၤပှၤအံၣ်စရ့လးဖိလၢခိၣ်နၢ်တဘျီလၢ်လၢ်န့ၣ်, ယွၤမၤစၢၤအီၤဒီးအုၣ်က့ၤခီၣ်က့ၤပှၤဂီၢ်မုၢ်လၢအဒုၣ်အဒါတဖၣ်အစုပူၤဖဲခိၣ်နၢ်တဂၤန့ၣ်အိၣ်မူဒံးဝဲအဆၢကတီၢ်န့ၣ်လီၤ. ယွၤသးကညီၤအဝဲသ့ၣ်မ့ၢ်လၢအဝဲသ့ၣ်ကအုကစွါဝဲလၢ အတၢ်နးတၢ်ဖှီၣ်ဒီးတၢ်မၤအၢမၤနးအပူၤအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:19

ယမ့ၢ်သုကစၢ်ယွၤ, ပှၤတဂၤလၢအအုၣ်က့ၤခီၣ်က့ၤသုလၢကယဲၢ်သုတၢ်ကိၢ်တၢ်ဂီၤဒီး တၢ်ကီတၢ်ခဲတဖၣ်အပူၤန့ၣ်လီၤ. ဘၣ်ဆၣ်တနံၤအံၤသုညိကွံာ်ယၤဒီးဃ့တ့ၢ်ယၤလၢယကဟ့ၣ်သု စီၤပၤတဂၤလီၤ. ဂ့ၤလံ. မ့မ့ၢ်ဒ်န့ၣ်ဒီး, ပာ်ဖှိၣ်ထီၣ်သုသး လၢယွၤအမဲာ်ညါဒ်ဒူၣ်, တဒူၣ်ဘၣ်တဒူၣ်ဒီးဒူၣ်ထၢတဒူၣ်တထၢဘၣ် တဒူၣ်တထၢအသိးတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 13:5

ပှၤဖလ့ၡသးဖိတဖၣ်အိၣ်ဖှိၣ်ရိဖှိၣ်ဒ်သိးကဒုးပှၤအံၣ်စရ့လး ဖိတဖၣ်လီၤ. အဝဲသ့ၣ်အိၣ်ဒီးလ့ၣ်ကဟၣ်ဒုးသုးသၢကလး, ပှၤဒိးကသ့ၣ်သုးမုၢ်အဂၤဃုကထိ ဒီးပှၤသုးဖိအါထဲသိးမဲးဧိၤဟီၣ်ဧိၤလၢပီၣ်လဲၣ်အနံၤလီၤ. အဝဲသ့ၣ်လဲၤဆူဝ့ၢ်မံးကမၣ်အိၣ်လၢ ဝ့ၢ်ဘ့ၤသအၤဝ့ၣ်အမုၢ်ထီၣ်န့ၣ်ဒီးသူၣ်ထီၣ်အဒဲဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:16

“ခဲမုၢ်ဆ့ၣ်လၢအဆၢကတီၢ်ဒ်အံၤန့ၣ်, ယကဆှၢလီၤပှၤတဂၤလၢစီၤ ဘံၣ်ယၤမံၣ်အဒူၣ်ဆူနအိၣ်လီၤ. ဖှူအီၤဒ်ယပှၤဂီၢ်မုၢ်အံၣ်စရ့လးအပှၤပၢတၢ်တက့ၢ်. ဒီးအဝဲဒၣ်ကအုၣ်က့ၤခီၣ်က့ၤအဝဲသ့ၣ်လၢပှၤဖလ့ၡသးဖိတဖၣ်အစု ပူၤလီၤ. ယထံၣ်ဘၣ်တ့ၢ်ယပှၤဂီၢ်မုၢ်အတၢ်နးတၢ်ဖှီၣ်ဒီးနၢ်ဟူ တ့ၢ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လီၤ.”