လံာ်စီၤၡမူၤအ့လးအခီၣ်ထံးတဘ့ၣ် 14:20 - Sgaw Karen Common Bible

²⁰ အန့ၣ်တစုစီၤစီလူးဒီးအပှၤတဖၣ်လဲၤထီၣ်ဆူတၢ်ဒုးဒီးထီဒါ ပှၤဖလ့ၡသးဖိတဖၣ်လၢအဒုးလိာ်ယၤလိာ်အသးလၢတၢ်သဘံၣ်ဘုၣ်နး နးကလဲာ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:20 Iomraidhean Croise

လံာ်စီၤပၤအခီၣ်ထံးတဘ့ၣ် 20:21

စီၤပၤအၤဃာ်လဲၤထီၣ်ဆူတၢ်ဒုးအပျီပူၤဒီးမၤန့ၢ်ကွံာ်ကသ့ၣ် တဖၣ်ဒီးလ့ၣ်ကဟၣ်တဖၣ်ဒီးဒုးတူၢ်ဘၣ်ပှၤစူၤရံဖိတဖၣ်လၢတၢ်ဃၣ် ကွံာ်လၢအနးဒိၣ်မးတမံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:23

ပှၤဧၣ်မိၣ်ဖိတဖၣ်ဒီးပှၤမိၤအးဖိတဖၣ်ဒုးတၢ်ထီဒါကီၢ်အဒိၣ် အသုးမုၢ်ဒီးမၤဟးဂီၤကွံာ်ဝဲလၢာ်လၢာ်ဆ့ဆ့, ဝံၤဒီးအဝဲသ့ၣ်ကဒဲကဒဲဒုးလိာ်အသးဆူၣ်ဆူၣ်ကလဲာ်န့ၣ်လီၤ.

လံာ်ယၡါယၤ 19:2

ယွၤစံးဝဲဒၣ်, “ယကထိၣ်ဂဲၤထီၣ်ပှၤအဲၤကူပတူးဖိအတၢ်ဒုး ထီဒါလိာ်သးကဒဲကဒဲလီၤ. ဒီပုၢ်ဝဲၢ်ကထီဒါအဒီပုၢ်ဝဲၢ်, ပှၤအိၣ်ဘူးအိၣ်တံၢ်ကထီဒါလိာ်အသး, ဝ့ၢ်တဖၣ်လၢအဂုာ်မၤနၢၤလိာ်အသးကဒုးတၢ်ယၤတၢ်, ဒီးစီၤပၤတဖၣ်လၢအဂုာ်မၤနၢၤလိာ်အသးကဂဲၤပျုၢ် မၤန့ၢ်တၢ်စိတၢ်ကမီၤလီၤ.

လံာ်ယဃ့းစက့လး 38:21

ယကမၤပျံၤမၤဖုးစီၤကိးလၢကယဲၢ်တၢ်တတၢးတနါအကလုာ် ကလုာ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံ တၢ်လံ. အဝဲအပှၤပိာ်ခွါတဖၣ်, ကယူာ်ထီၣ်အနးထီဒါလိာ်အသး တဂၤဒီးတဂၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:22

ဒီးဖဲစီၤကံးဒဧိၣ်အပှၤတဖၣ်အူထီၣ်ကွဲၤန့ၣ်ယွၤမၤဒ်သိးဒုၣ်ဒါအသုးမုၢ် ကဒုးလိာ်ယၤလိာ်အသး ကဒဲကဒဲလၢအနးဒၣ်ဝဲန့ၣ်လီၤ. အဝဲသ့ၣ်ဃ့ၢ်လိၤလိၤဆူစ့ၤရ့းပၢၢ်တုၤလၢဝ့ၢ်ဘ့ၤသၡံးတၤ ဒီးဝ့ၢ်အၤဘ့လးမဃိလၤ လၢအဘူးဒီးဝ့ၢ်တးဘးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:16

စီၤစီလူးအပှၤတဖၣ်အိၣ်ခိးကွၢ်တၢ်ဖဲဝ့ၢ်ကံးဘဧၤလၢအအိၣ်လၢ ပှၤဘံၣ်ယၤမံၣ်ဖိတဖၣ်အလီၢ်ကဝီၤအပူၤဒီးထံၣ်ဘၣ်ဝဲ ပှၤဖလ့ၡသးဖိတဖၣ်ဃ့ၢ်ကွံာ်လၢတၢ်သဘံၣ်ဘုၣ်အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:16

“ခဲမုၢ်ဆ့ၣ်လၢအဆၢကတီၢ်ဒ်အံၤန့ၣ်, ယကဆှၢလီၤပှၤတဂၤလၢစီၤ ဘံၣ်ယၤမံၣ်အဒူၣ်ဆူနအိၣ်လီၤ. ဖှူအီၤဒ်ယပှၤဂီၢ်မုၢ်အံၣ်စရ့လးအပှၤပၢတၢ်တက့ၢ်. ဒီးအဝဲဒၣ်ကအုၣ်က့ၤခီၣ်က့ၤအဝဲသ့ၣ်လၢပှၤဖလ့ၡသးဖိတဖၣ်အစု ပူၤလီၤ. ယထံၣ်ဘၣ်တ့ၢ်ယပှၤဂီၢ်မုၢ်အတၢ်နးတၢ်ဖှီၣ်ဒီးနၢ်ဟူ တ့ၢ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လီၤ.”