လံာ်စီၤၡမူၤအ့လးအခီၣ်ထံးတဘ့ၣ် 14:19 - Sgaw Karen Common Bible

¹⁹ ဖဲစီၤစီလူးကတိၤတၢ်ဒီးပှၤလုၢ်တၢ်အခိၣ်အခါန့ၣ်, တၢ်သဘံၣ်ဘုၣ်မၤအသးလၢပှၤဖလ့ၡသးဖိတဖၣ်အဒဲပူၤန့ၣ်ဆူၣ်ထီၣ် အါထီၣ်ဝဲအဃိဒီးစီၤစီလူးစံးဘၣ်အီၤ, “တၢ်ဆၢကတီၢ်လၢပကသံကွၢ်ယွၤအတၢ်အဂီၢ်န့ၣ်တအိၣ်လၢၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 14:19 Iomraidhean Croise

စံးထီၣ်ပတြၢၤ 106:13

ဘၣ်ဆၣ်အဝဲသ့ၣ်သးပ့ၤနီၣ်အဝဲ အတၢ်မၤတဖၣ်ချ့သဒံး ဒီးမၤတၢ်တအိၣ်ဒီးတၢ်ခိး အဝဲတၢ်ဟ့ၣ်ကူၣ်ဟ့ၣ်ဖးဘၣ်န့ၣ်လီၤ.

လံာ်ယၡါယၤ 28:16

မၤသးဒ်န့ၣ်ဒီးခဲအံၤစိဒိၣ်ကမီၤဒိၣ်ယွၤစံးဝဲ, “ယပာ်လီၤတၢ်ခီၣ်ထံးအဂၢၢ်အကျၢၤဒီးဆူၣ်ဝဲတခါလၢ ဝ့ၢ်စံယိၣ်အပူၤလီၤ. လၢအပူၤန့ၣ်, ယပာ်လၢၢ်သနၢၣ်ဂၢၢ်ကျၢၤတ ဖျၢၣ်လၢအအိၣ်ဒီးတၢ်ကတိၤလၢအကွဲးလီၤအသးလၢအလိၤ, ‘တၢ်နာ်လၢအဂၢၢ်ဝဲကျၢၤဝဲန့ၣ်သးစူၤစ့ၢ်ကီးဝဲလီၤ.’

လံာ်တၢ်ဂံၢ် 27:21

အဝဲကဘၣ်သန့ၤအသးလၢပှၤလုၢ်တၢ်အခိၣ်စီၤအလၤဧစၢ်, ပှၤတဂၤလၢအကမၤလိတၢ်ဘၣ်ယသးခီဖျိအူရံၣ်ဒီးထူမံၣ်န့ၣ်လီၤ. လၢကျဲဒ်အံၤန့ၣ်စီၤအလၤဧစၢ်ကနဲၣ်န့ၢ်စီၤယိၤၡူဒီးကီၢ်အံၣ်စရ့လး အကမျၢၢ်ဒီဖုန့ၣ်အကျဲလၢကယဲၢ်အတၢ်ဂ့ၢ်တၢ် ကျိၤခဲလၢာ်အပူၤန့ၣ်လီၤ.”

လံာ်စီၤယိၤၡူ 9:14

ပှၤအံၣ်စရ့လးဖိတဖၣ်တူၢ်လိာ်တၢ်အီၣ်တနီၤလၢအဝဲသ့ၣ်ဟဲစိာ် ဝဲ, ဘၣ်ဆၣ်ဒီး အဝဲသ့ၣ်တဃ့တၢ်ဟ့ၣ်ကူၣ်လၢ ယွၤလၢတၢ်ဂ့ၢ်အံၤ ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 13:11

ဘၣ်ဆၣ်ဒီးစီၤၡမူၤအ့လးစံးဝဲ, “နမၤတ့ၢ်တၢ်မနုၤလဲၣ်.” စီၤစီလူးစံးဆၢဝဲဒၣ်, “ပှၤဂီၢ်မုၢ်စးထီၣ်ဟးသဒၣ်ယၤဒီး ဒ်နစံးတ့ၢ်လၢနကဟဲန့ၣ်နတဟဲပၢၢ်ထီၣ်ဘၣ်. လၢန့ၣ်အမဲာ်ညါပှၤဖလ့ၡသးဖိတဖၣ်ပာ်ဖှိၣ်ထီၣ်အသးလၢဝ့ၢ်မံး ကမၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:20

အန့ၣ်တစုစီၤစီလူးဒီးအပှၤတဖၣ်လဲၤထီၣ်ဆူတၢ်ဒုးဒီးထီဒါ ပှၤဖလ့ၡသးဖိတဖၣ်လၢအဒုးလိာ်ယၤလိာ်အသးလၢတၢ်သဘံၣ်ဘုၣ်နး နးကလဲာ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:24

ပှၤအံၣ်စရ့လးဖိတဖၣ်အဂံၢ်အဘါစၢ်လၢမုၢ်နံၤအဝဲန့ၣ်မ့ၢ်လၢ တၢ်သၣ်ဝံၤအသးအဃိလီၤ. အဂ့ၢ်ဒ်အံၤ, စီၤစီလူးမၤတၢ်ဆိၣ်သမှံၤသပှၢ်တမံၤဒီးဟ့ၣ်လီၤ အကလုၢ်လၢ, “တချုးလၢယဟ့ၣ်ကၣ်ဒံးဘၣ်ယဒုၣ်ယဒါတဖၣ်အမုၢ်တနံၤန့ၣ်ပှၤတဂၤ လၢ်လၢ်လၢအအီၣ်တၢ်အီၣ်တမံၤမံၤန့ၣ်တၢ်ဆိၣ်အၢတမံၤကအိၣ်လၢ အလိၤလီၤ.” မၤသးဒ်န့ၣ်ဒီးလၢမုၢ်နံၤအဝဲန့ၣ်ဒီနံၤညါန့ၣ်, ပှၤတအီၣ်တၢ်နီတမံၤနီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 30:7

စီၤဒၤဝံးစံးဘၣ်ပှၤလုၢ်တၢ်အခိၣ်, စီၤအဃံၤမ့လ့းအဖိခွါ စီၤအ့ဘယၤသၢ်, “ဟဲစိာ်န့ၢ်ယၤအ့ဖိးတက့ၢ်.” ဒီးစီၤအ့ဘယၤသၢ်ဟဲစိာ်တၢ်န့ၣ်ဆူအအိၣ်န့ၣ်လီၤ.