လံာ်စီၤၡမူၤအ့လးအခီၣ်ထံးတဘ့ၣ် 14:14 - Sgaw Karen Common Bible

¹⁴ လၢတၢ်မၤသံတဘျီန့ၣ်, စီၤယိနၤသၣ်မၤသံကွံာ်ပှၤအဂၤခံဆံ ဃၣ်ဃၣ်လၢဟီၣ်ခိၣ်ကဝီၤအ့ကၢၢ်တဝာ်ဃၣ်ဃၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:9

အခါခဲအံၤဒၣ်လဲာ်န့ၣ် ဘၣ်သ့ၣ်သ့ၣ်အဝဲအိၣ်ခူသူၣ်ဝဲဒၣ်လၢလ့ကအိတဖျၢၣ်အပူၤ မ့တမ့ၢ်လၢတၢ်လီၢ်အဂၤတတီၤန့ၣ်လီၤ. တုၤစီၤဒၤဝံးဒုးနပှၤတဖၣ်တကီၢ်ခါန့ၣ်, ပှၤတဂၤလၢ်လၢ်လၢအနၢ်ဟူတၢ်ဂ့ၢ်အံၤကစံးဝဲလၢ နပှၤတဖၣ်ဘၣ်တၢ်မၤနၢၤကွံာ်အီၤလံန့ၣ်လီၤ.

လံာ်ပှၤစံၣ်ညီၣ်ကွီၢ် 15:15

တုၤနုၤတစု, အဝဲထံၣ်န့ၢ်ကသ့ၣ်ယီၤသံတယံာ်ဒံးဘၣ်အခၣ်ဃံတဘိ န့ၣ်လီၤ. အဝဲထၢထီၣ်ဝဲဒီးမၤသံကွံာ်ပှၤတကထိဂၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:54

တုၤနုၤတစု, အဝဲကိးန့ၢ်ပှၤသးစၢ်လၢအစိာ်အစုကဝဲၤန့ၣ်ချ့ချ့ဒီးစံးဘၣ်အီၤ, “ထုးထီၣ်နနးဒီးမၤသံကွံာ်ယၤတက့ၢ်. ယတအဲၣ်ဒိးလၢပှၤစံးလၢပိာ်မုၣ်တဂၤမၤသံယၤန့ၣ်ဘၣ်.” ဒီးပှၤသးစၢ်န့ၣ်ဆဲးဖျိအီၤဒီးသံဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:13

စီၤယိနၤသၣ်စွါထီၣ်ဆူကျဲဖီခိၣ်လၢအစုဒီးအခီၣ်လ့ၢ်ခိၣ် တဖၣ်ဒီးပှၤသးစၢ်ပိာ်ခွါန့ၣ်ပိာ်အခံလီၤ. စီၤယိနၤသၣ်ဒုးပှၤဖလ့ၡသးဖိတဖၣ်ဒီးမၤလီၤဃံၤကွံာ်အဝဲ သ့ၣ်ဒီးပှၤသးစၢ်န့ၣ်မၤသံကွံာ်အဝဲသ့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:15

ကယဲၢ်ပှၤဖလ့ၡသးဖိအိၣ်လၢဝ့ၢ်အဃၢၤန့ၣ်ပျံၤတၢ်ဖုးတၢ်နးနးကလဲာ်လီၤ. ပှၤဂုာ်ဆူၣ်တၢ်တဖၣ်ဒီးပှၤသုးဖိတဖၣ်လၢသူၣ်ဒဲအလီၢ်န့ၣ် ကနိးကစုာ်လၢတၢ်ပျံၤတၢ်ဖုးအပူၤလီၤ. ဟီၣ်ခိၣ်ဟူးဝဲဒီးတၢ်ပျံၤတၢ်ဖုးဖးဒိၣ်အိၣ်ထီၣ်ဝဲလီၤ.