လံာ်စီၤၡမူၤအ့လးအခီၣ်ထံးတဘ့ၣ် 14:13 - Sgaw Karen Common Bible

¹³ စီၤယိနၤသၣ်စွါထီၣ်ဆူကျဲဖီခိၣ်လၢအစုဒီးအခီၣ်လ့ၢ်ခိၣ် တဖၣ်ဒီးပှၤသးစၢ်ပိာ်ခွါန့ၣ်ပိာ်အခံလီၤ. စီၤယိနၤသၣ်ဒုးပှၤဖလ့ၡသးဖိတဖၣ်ဒီးမၤလီၤဃံၤကွံာ်အဝဲ သ့ၣ်ဒီးပှၤသးစၢ်န့ၣ်မၤသံကွံာ်အဝဲသ့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:13 Iomraidhean Croise

စံးထီၣ်ပတြၢၤ 18:29

ခီဖျိနၤန့ၣ်ယမၤဟးဂီၤကွံာ်သုးမုၢ်သံၣ်ဘိတဖၣ်သ့ဝဲ, ဒီးခီဖျိယကစၢ်န့ၣ်ယစံၣ်ဖျိကွံာ်တၢ်ဒူၣ်သ့ဝဲလီၤ.

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

လံာ်သိၣ်လီၤသီလီၤတၢ် 28:7

ယွၤကမၤနၢၤကွံာ်သုဒုၣ်သုဒါတဖၣ်ဖဲအဝဲသ့ၣ်ဟဲထီၣ်ဒုးသု န့ၣ်လီၤ. အဝဲသ့ၣ်ကဟဲထီၣ်ဒုးသုထဲလၢကျိၤကျဲတကျိၤဧိၤ, ဘၣ်ဆၣ်အဝဲသ့ၣ်ကဃ့ၢ်ကွံာ်လၢသုအိၣ်လၢကျိၤကျဲခဲလၢာ်အပူၤ န့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

ဧ့ၤဘြံၤ 11:34

မၤလီၤပံာ်ကွံာ်မ့ၣ်အူလၢအအီၣ်တၢ်ဆူၣ်ဆူၣ်ကလဲာ်, ပူၤဖျဲးထီၣ်လၢနးအကနၣ်န့ၣ်လီၤ. လၢတၢ်ဂံၢ်စၢ်ဘါစၢ်အပူၤန့ၣ်အဂံၢ်အဘါဆူၣ်ထီၣ်ဝဲ, ကဲထီၣ်လၢပှၤဂံၢ်ဆူၣ်ဘါဆူၣ်လၢတၢ်ဒုးတၢ်ယၤ အပူၤဒီးမၤနၢၤမၤဃၣ်ကွံာ်ပှၤတခီဘီမုၢ်ဖိအသုးမုၢ်သံၣ်ဘိ တဖၣ်လီၤ.

လံာ်စီၤယိၤၡူ 23:10

ပှၤလၢသုကျါတဂၤဒုးဃ့ၢ်ပှၤအဂၤတကထိသ့လီၤ. အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်ဒ်အအၢၣ်လီၤတ့ၢ်ဝဲအသိးအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 9:54

တုၤနုၤတစု, အဝဲကိးန့ၢ်ပှၤသးစၢ်လၢအစိာ်အစုကဝဲၤန့ၣ်ချ့ချ့ဒီးစံးဘၣ်အီၤ, “ထုးထီၣ်နနးဒီးမၤသံကွံာ်ယၤတက့ၢ်. ယတအဲၣ်ဒိးလၢပှၤစံးလၢပိာ်မုၣ်တဂၤမၤသံယၤန့ၣ်ဘၣ်.” ဒီးပှၤသးစၢ်န့ၣ်ဆဲးဖျိအီၤဒီးသံဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:12

အန့ၣ်ဝံၤဒီးအဝဲသ့ၣ်ကိးထီၣ်ဆူစီၤယိနၤသၣ်ဒီးပှၤသးစၢ် ပိာ်ခွါန့ၣ်အအိၣ်, “ဟဲထီၣ်ဆူအံၤတက့ၢ်. ပအိၣ်ဒီးတၢ်ဂ့ၢ်တနီၤလၢပအဲၣ်ဒိးတဲဘၣ်သုလီၤ.” စီၤယိၤနၤသၣ်စံးဘၣ်ပှၤသးစၢ်ပိာ်ခွါန့ၣ်, “ပိာ်ယခံတက့ၢ်. ယွၤဟ့ၣ်လီၤကီၢ်အံၣ်စရ့လးတၢ်မၤနၢၤလၢအဝဲသ့ၣ်အဖီခိၣ်လံ.”

လံာ်စီၤၡမူၤအ့လးအခီၣ်ထံးတဘ့ၣ် 14:14

လၢတၢ်မၤသံတဘျီန့ၣ်, စီၤယိနၤသၣ်မၤသံကွံာ်ပှၤအဂၤခံဆံ ဃၣ်ဃၣ်လၢဟီၣ်ခိၣ်ကဝီၤအ့ကၢၢ်တဝာ်ဃၣ်ဃၣ်အပူၤန့ၣ်လီၤ.