လံာ်စီၤၡမူၤအ့လးအခီၣ်ထံးတဘ့ၣ် 14:12 - Sgaw Karen Common Bible

¹² အန့ၣ်ဝံၤဒီးအဝဲသ့ၣ်ကိးထီၣ်ဆူစီၤယိနၤသၣ်ဒီးပှၤသးစၢ် ပိာ်ခွါန့ၣ်အအိၣ်, “ဟဲထီၣ်ဆူအံၤတက့ၢ်. ပအိၣ်ဒီးတၢ်ဂ့ၢ်တနီၤလၢပအဲၣ်ဒိးတဲဘၣ်သုလီၤ.” စီၤယိၤနၤသၣ်စံးဘၣ်ပှၤသးစၢ်ပိာ်ခွါန့ၣ်, “ပိာ်ယခံတက့ၢ်. ယွၤဟ့ၣ်လီၤကီၢ်အံၣ်စရ့လးတၢ်မၤနၢၤလၢအဝဲသ့ၣ်အဖီခိၣ်လံ.”

လံာ်စီၤၡမူၤအ့လးအခီၣ်ထံးတဘ့ၣ် 14:12 Iomraidhean Croise

လံာ်တၢ်ကဲထီၣ်အခီၣ်ထံး 24:42

ဒီးတနံၤအံၤဖဲယဟဲတုၤဆူထံပူၤန့ၣ်ယဘါထုကဖၣ်ယဲ, ‘ယွၤ, ယကစၢ်စီၤအၤဘြၤဟၣ်အကစၢ်ယွၤဧၢ, ဝံသးစူၤဟ့ၣ်ယၤတၢ်မၤ နၢၤလၢတၢ်လၢယမၤအပူၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 24:48

ဒီးယချံးခီၣ်တီၤလီၤဒီးဘူၣ်ထီၣ်ဘါထီၣ်ယွၤလီၤ. ယစံးထီၣ်ပတြၢၤယွၤ, ယကစၢ်စီၤအၤဘြၤဟၣ်အကစၢ်ယွၤလၢအဆှၢတ့ၢ် ယၤလိၤလိၤဆူယကစၢ်အဘူးအတံၢ်တဖၣ်အအိၣ်ဖဲယထံၣ်န့ၢ်အဖိမုၣ်လၢ ယကစၢ်အဖိခွါအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:24

ဖဲသုနၢ်ဟူတၢ်လဲၤထီၣ်ဒုးတၢ်အသီၣ်လၢသ့ၣ်တဖၣ်အစိးခံန့ၣ်, လဲၤထီၣ်ဒုးတၢ်တက့ၢ်. အဂ့ၢ်ဒ်အံၤ, ယကလဲၤထီၣ်ဆိ လၢသုမဲာ်ညါလၢတၢ်မၤနၢၤကွံာ်ပှၤဖလ့ၡသးဖိအသုးမုၢ်အဂီၢ် န့ၣ်လီၤ.”

လံာ်စီၤပၤခံဘ့ၣ်တဘ့ၣ် 14:8

အန့ၣ်ဝံၤဒီးစီၤအမၤစယါဆှၢလီၤပှၤစိာ်တၢ်ကစီၣ်တဖၣ်ဆူ ကီၢ်အံၣ်စရ့လးစီၤပၤယိၤအၣ်အအိၣ်ဒီးတၤအီၤလၢကဟဲထီၣ်ဒုး တၢ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:14

တုၤနုၤတစုနီၢ်ဒဘိရၤစံးဘၣ်စီၤဘါရး, “လဲၤတက့ၢ်. ယွၤဆှၢနၤလီၤ. တနံၤအံၤအဝဲဟ့ၣ်လီၤနၤတၢ်မၤနၢၤလၢစီၤစံစရၤအဖီခိၣ်လီၤ.” မၤသးဒ်န့ၣ်ဒီးစီၤဘါရးဟဲလီၤလၢကစၢၢ်တၤဘိၢ်အဒီခိၣ်ဃုာ်ဒီးအပှၤတကလးဂၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:14

အတံၤသကိးစံးဆၢအီၤ, “တၢ်န့ၣ်မ့ၢ်ပှၤအံၣ်စရ့လးဖိ စီၤယိၤအၣ်အဖိခွါစီၤကံးဒဧိၣ်အနးန့ၣ်လီၤ. အခီပညီအဂၤတအိၣ်ဘၣ်. ကစၢ်ယွၤဟ့ၣ်လီၤအီၤတၢ်မၤနၢၤလၢပှၤမံးဒယၣ်ဖိဒီးပဝဲသုးမုၢ် ဒီဖုညါအဖီခိၣ်လံ.”

လံာ်ပှၤစံၣ်ညီၣ်ကွီၢ် 7:15

တုၤစီၤကံးဒဧိၣ်နၢ်ဟူဘၣ်ပှၤတဂၤန့ၣ်အတၢ်မံမီၢ်ဒီးအခီပညီ န့ၣ်အဝဲတီၤလီၤလၢအခီၣ်လ့ၢ်ခိၣ်ဒီးဘူၣ်ထီၣ်ဘါထီၣ်ယွၤန့ၣ် လီၤ. တုၤနုၤတစုအဝဲက့ၤကဒါက့ၤဆူပှၤအံၣ်စရ့လးဖိသူၣ်ဒဲအလီၢ် ဒီးစံးဝဲ, “ဂဲၤထၢၣ်တက့ၢ်. ယွၤဟ့ၣ်လီၤသုတၢ်မၤနၢၤလၢပှၤမံးဒယၣ်ဖိ အသုးမုၢ်အဖီခိၣ်လံ.”

လံာ်ပှၤစံၣ်ညီၣ်ကွီၢ် 9:54

တုၤနုၤတစု, အဝဲကိးန့ၢ်ပှၤသးစၢ်လၢအစိာ်အစုကဝဲၤန့ၣ်ချ့ချ့ဒီးစံးဘၣ်အီၤ, “ထုးထီၣ်နနးဒီးမၤသံကွံာ်ယၤတက့ၢ်. ယတအဲၣ်ဒိးလၢပှၤစံးလၢပိာ်မုၣ်တဂၤမၤသံယၤန့ၣ်ဘၣ်.” ဒီးပှၤသးစၢ်န့ၣ်ဆဲးဖျိအီၤဒီးသံဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:10

ဘၣ်ဆၣ်ဒီးအဝဲသ့ၣ်မ့ၢ်မၢပလဲၤဆူအဝဲသ့ၣ်အအိၣ်န့ၣ်, အန့ၣ်တစုပကလဲၤလီၤ. အဂ့ၢ်ဒ်အံၤ, တၢ်န့ၣ်ကမ့ၢ်တၢ်ပနီၣ်တမံၤလၢ ယွၤဟ့ၣ်ပှၤတၢ်မၤနၢၤလၢအဝဲသ့ၣ်အဖီခိၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:13

စီၤယိနၤသၣ်စွါထီၣ်ဆူကျဲဖီခိၣ်လၢအစုဒီးအခီၣ်လ့ၢ်ခိၣ် တဖၣ်ဒီးပှၤသးစၢ်ပိာ်ခွါန့ၣ်ပိာ်အခံလီၤ. စီၤယိနၤသၣ်ဒုးပှၤဖလ့ၡသးဖိတဖၣ်ဒီးမၤလီၤဃံၤကွံာ်အဝဲ သ့ၣ်ဒီးပှၤသးစၢ်န့ၣ်မၤသံကွံာ်အဝဲသ့ၣ်လီၤ.