လံာ်စီၤၡမူၤအ့လးအခီၣ်ထံးတဘ့ၣ် 14:11 - Sgaw Karen Common Bible

¹¹ မၤသးဒ်န့ၣ်ဒီး, အဝဲသ့ၣ်ပျဲပှၤဖလ့ၡသးဖိတဖၣ်ထံၣ်အဝဲသ့ၣ် ဒီးပှၤဖလ့ၡသးဖိတဖၣ်စံး, “ကွၢ်လၢန့ၣ်တက့ၢ်. ပှၤဧ့ၤဘြံၤ ဖိတနီၤဟဲထွးထီၣ်လၢတၢ် ပူၤဖဲအအိၣ်ခူသူၣ်ဝဲဒၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:46

အဝဲသ့ၣ်အတၢ်သးဒူလီၤမၢ်ကွံာ် ဒီးဟဲထီၣ်လၢအတိာ်တဖၣ်အပူၤအိၣ်ဒီးတၢ်ကနိးကစုာ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:2

ပှၤမံးဒယၣ်ဖိတဖၣ်အဂံၢ်အဘါဆူၣ်န့ၢ်ဒံးအံၣ်စရ့လး, ဒီးအံၣ်စရ့လးအပှၤဂီၢ်မုၢ်ပာ်ခူသူၣ်အသးလၢလၢၢ်ကအိလ့ကအိတဖၣ်အပူၤ ဒီးတၢ်လီၢ်ပူၤဖျဲးအဂၤတဖၣ်လၢကစၢၢ်ကလိအကျါန့ၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:6

အန့ၣ်ဝံၤဒီးအဝဲသ့ၣ်ဒုးတၢ်ထီဒါပှၤအံၣ်စရ့လးဖိတဖၣ်လၢတၢ် ဒုးဆူၣ်ဆူၣ်ကိၤကိၤတခါဒီးဒုးကဲထီၣ် တၢ်လီၤပျံၤလီၤဖုးဖးဒိၣ်တမံၤလၢအဝဲသ့ၣ်အဂီၢ်လီၤ. ပှၤအံၣ်စရ့လးဖိတနီၤပာ်ခူသူၣ်အသးလၢလၢၢ်ကအိဒီးတၢ်ပူၤ တဖၣ်အပူၤမ့ၢ်ဂ့ၤ, လၢလ့ကျါမ့ၢ်ဂ့ၤ, တၢ်ပူၤဖိတဖၣ်အပူၤ, ဒီးထံပူၤတဖၣ်အပူၤမ့ၢ်ဂ့ၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:22

ပှၤအဂၤလၢအပာ်ခူသူၣ်အသးလၢကီၢ်အ့ဖရဲၣ်အတၢ်လူၢ်ဒီခိၣ်တဖၣ် နၢ်ဟူလၢပှၤဖလ့ၡသးဖိတဖၣ်ထွးထီၣ်ဃ့ၢ်သတးဒီးအဝဲ သ့ၣ်စ့ၢ်ကီးပာ်ဖှိၣ်ဃုာ်အသးဒီးစီၤစီလူးဒီးဒုးတၢ်ထီဒါ ပှၤဖလ့ၡသးဖိတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:3

ပှၤဖလ့ၡသးဖိအသုးခိၣ်ကျၢၢ်တဖၣ်ထံၣ်အဝဲသ့ၣ်ဒီးသံကွၢ်ဝဲ, “ပှၤဧ့ၤဘြံၤဖိတဖၣ်အံၤမၤတၢ်မနုၤဖဲအံၤန့ၣ်လဲၣ်.” စီၤအၤကံၣ်စံးဆၢဝဲဒၣ်, “အဝဲအံၤမ့ၢ်စီၤဒၤဝံး, ကီၢ်အံၣ်စရ့လးအစီၤပၤစီၤစီလူးအသုးခိၣ်တဂၤန့ၣ်လီၤ. အဝဲအိၣ်ဒီးယၤခဲအံၤယံာ်ထီၣ်တစဲးလံ. စးထီၣ်မုၢ်တနံၤလၢအဟဲအိၣ်ဒီးယၤန့ၣ်ယတထံၣ်န့ၢ်တၢ်ကမၣ်လၢ အမၤဝဲနီတမံၤဘၣ်.”