လံာ်စီၤၡမူၤအ့လးအခီၣ်ထံးတဘ့ၣ် 13:7 - Sgaw Karen Common Bible

⁷ ပှၤအဂၤခီဂာ်ထံကျိယၢ်ဒ့ၣ်ဆူဝ့ၢ်ကးဒီးဝ့ၢ်ကံးလကၤလးအတၢ်ပၢအပူၤလီၤ. စီၤစီလူးအိၣ်ဒံးဝဲလၢဝ့ၢ်ကံးလကၤလးဒီးပှၤဂီၢ်မုၢ်အိၣ် ဒီးအီၤတဖၣ်ကနိးကစုာ်လၢတၢ်ပျံၤတၢ်ဖုးအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:7 Iomraidhean Croise

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်သိၣ်လီၤသီလီၤတၢ် 20:8

သုးခိၣ်သုးနၢ်တဖၣ်ကဘၣ်စံးဘၣ်စ့ၢ်ကီးအပှၤတဖၣ်လၢ, ဖဲအံၤမ့ၢ်ပှၤအိၣ်တဂၤဂၤလၢအသဒံပှံၢ်လီၤမ့ၢ်ဂ့ၤ, အပျံၤတၢ်ဖုးတၢ်မ့ၢ်ဂ့ၤန့ၣ်ဧါ. မ့ၢ်အိၣ်ဒီး, အဝဲကဘၣ်က့ၤဆူဟံၣ်လီၤ. မ့တမ့ၢ်ဘၣ်န့ၣ်, အဝဲကမၤဟးဂီၤကွံာ် ပှၤအဂၤတဖၣ်အသးအဂံၢ်အဘါန့ၣ်လီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 3:12

ဖဲပဟံးန့ၢ်ကီၢ်န့ၣ်ဒ်ပတၢ်အသိးန့ၣ်, ယဟ့ၣ်လီၤရူၤဘ့ၣ်ဒီးကး အဒူၣ်လၢတၢ်လီၢ်ကဝီၤလၢအအိၣ်လၢဝ့ၢ်ဧရိၤဧ့ၢ်ကလံၤစိးတခီ ဘူးဒီးထံကျိအၢ်နိၣ်ဒီးကီၢ်ကံးလဧးအလီၢ်ကဝီၤလၢအအိၣ်ဒီး အတၢ်လူၢ်တၢ်တြီၤတနီၤဃုာ်ဒီးအခူအဝ့ၢ်တဖၣ်န့ၣ်လီၤ.

လံာ်စီၤယိၤၡူ 13:11

ပၣ်ဃုာ်ဒီးကီၢ်ကံးလဧး, ပှၤကၡူၢ်ဖိဒီးပှၤမၤကးဖိအကီၢ်, ကစၢၢ်ဃ့ရမိၣ်ဒီဖျၢၣ်, ဒီးဘၤၡၣ်ဒီကီၢ်တုၤလၢဝ့ၢ်စၤလကးန့ၣ်လီၤ.

လံာ်စီၤယိၤၡူ 13:8

မ့မ့ၢ်ဒူၣ်တဖၣ်လၢအမ့ၢ်ဝဲရူၤဘ့ၣ်ဒီးကးဒီးမနၤၡ့ၤအဒူၣ် တဝာ်ဒိးန့ၢ်တ့ၢ်လံဝဲအတၢ်န့ၢ်သါလၢယွၤအခ့အပှၤစီၤမိၤၡ့ ဟ့ၣ်လီၤအဝဲသ့ၣ်န့ၣ်လီၤ. ကီၢ်အံၤအိၣ်လၢထံကျိယၢ်ဒ့ၣ်အမုၢ်ထီၣ်တကပၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:3

ဘိးဘၣ်သ့ၣ်ညါပှၤဂီၢ်မုၢ်ဒီးစံး, ပှၤတဂၤလၢ်လၢ်လၢအပျံၤတၢ်န့ၣ် ကြၢးက့ၤကဒါက့ၤဆူဟံၣ်, ဒီးပကအိၣ်တ့ၢ်ပဝဲဖဲကစၢၢ်ကံးလဧးအံၤလီၤ.” လၢတၢ်န့ၣ်အဃိပှၤအဂၤခံကလးခံကထိ က့ၤကဒါက့ၤဝဲဒီး ပှၤတကလးအိၣ်တီၢ်ဝဲဒၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:8

အဝဲအိၣ်ခိးတ့ၢ်စီၤၡမူၤအ့လးနွံသီ, ဒ်စီၤၡမိၤအ့လး မၤလိာ်တ့ၢ်ဝဲအသိးလီၤ. ဘၣ်ဆၣ်ဒီးစီၤၡမူၤအ့လးတဟဲဆူဝ့ၢ်ကံးလကၤလးဒံးဘၣ်. ပှၤဂီၢ်မုၢ်စးထီၣ်ဟးဖးဒီးစီၤစီလူးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:11

ဖဲစီၤစီလူးဒီးအပှၤတဖၣ်နၢ်ဟူတၢ်အံၤန့ၣ်အဝဲသ့ၣ်ပျံၤတၢ် နးနးကလဲာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:7

ဖဲပှၤအံၣ်စရ့ဖးဖိတဖၣ်လၢတၢ်တြီၤယံးစရ့လးအဘးခီဒီးထံကျိယၢ်ဒ့ၣ်အမုၢ်ထီၣ်တခီ နၢ်ဟူလၢပှၤအံၣ်စရ့လးဖိအသုးမုၢ်ထွးထီၣ်ဃ့ၢ်ကွံာ်ဒီး စီၤစီလူးဒီးအဖိခွါတဖၣ်ဘၣ်တၢ်မၤသံကွံာ် အီၤန့ၣ်, အဝဲသ့ၣ်ပာ်တ့ၢ်ကွံာ်အခူအဝ့ၢ်ဒီးထွးထီၣ်ဃ့ၢ်ကွံာ်ဝဲဒၣ်လီၤ. တုၤနုၤတစုပှၤဖလ့ၡသးဖိတဖၣ်ဟဲဒီးဟံးန့ၢ်ကွံာ်ဝ့ၢ်တဖၣ် န့ၣ်လီၤ.