လံာ်စီၤၡမူၤအ့လးအခီၣ်ထံးတဘ့ၣ် 13:6 - Sgaw Karen Common Bible

⁶ အန့ၣ်ဝံၤဒီးအဝဲသ့ၣ်ဒုးတၢ်ထီဒါပှၤအံၣ်စရ့လးဖိတဖၣ်လၢတၢ် ဒုးဆူၣ်ဆူၣ်ကိၤကိၤတခါဒီးဒုးကဲထီၣ် တၢ်လီၤပျံၤလီၤဖုးဖးဒိၣ်တမံၤလၢအဝဲသ့ၣ်အဂီၢ်လီၤ. ပှၤအံၣ်စရ့လးဖိတနီၤပာ်ခူသူၣ်အသးလၢလၢၢ်ကအိဒီးတၢ်ပူၤ တဖၣ်အပူၤမ့ၢ်ဂ့ၤ, လၢလ့ကျါမ့ၢ်ဂ့ၤ, တၢ်ပူၤဖိတဖၣ်အပူၤ, ဒီးထံပူၤတဖၣ်အပူၤမ့ၢ်ဂ့ၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:14

စီၤဒၤဝံးစံးဆၢဝဲဒၣ်, “ယအိၣ်လၢတၢ်စုကတၢၢ်ခီၣ်ကတၢၢ်အပူၤလီၤ. ဘၣ်ဆၣ်ဒီးယတအဲၣ်ဒိးလၢပှၤကညီကစံၣ်ညီၣ်ယၤဘၣ်. မ်ယွၤအကစၢ်ဒၣ်ဝဲမ့ၢ်ပှၤတဂၤလၢအစံၣ်ညီၣ်ပှၤတက့ၢ်. အဂ့ၢ်ဒ်အံၤ, အဝဲပှဲၤဒီးတၢ်သူၣ်ကညီၤသးကညီၤန့ၣ်လီၤ.”

လံာ်ယၡါယၤ 42:22

ဘၣ်ဆၣ်ဒီးခဲအံၤန့ၣ်အပှၤဂီၢ်မုၢ်သ့ၣ်တဖၣ်ဘၣ်တၢ်ဂုာ်ဆူၣ်ပျီ ဆူၣ်အီၤလံ. အဝဲသ့ၣ်ဘၣ်တၢ်စၢဃာ်အီၤလၢတၢ်ပူၤခံးသူတဖၣ်အပူၤ ဒီးဘၣ်တၢ်ပာ်တဒၢကွံာ်အီၤလၢဃိာ်တဖၣ်အပူၤလီၤ. အဝဲသ့ၣ်ဘၣ်တၢ်တမျိၤတမျးအီၤဒီးဘၣ်တၢ်ဂုာ်ဆူၣ်ပျီဆူၣ်အီၤ ဒီးပှၤလၢကဟဲလၢတၢ်မၤပူၤမၤဖျဲးအဝဲသ့ၣ်အဂီၢ်တအိၣ်နီတဂၤ ဘၣ်လီၤ.

လံာ်ယံးရမံယၤ 41:9

ထံပူၤလၢ စီၤယံးၡမၤအ့လးကွံာ်နုာ်ပှၤလၢအဝဲမၤသံကွံာ်ဝဲတဖၣ် အစိၣ်န့ၣ်, မ့ၢ်ထံပူၤဖးဒိၣ်တပူၤလၢ စီၤပၤအၤစါခူၣ်တ့ၢ်ဝဲဖဲအဝဲ ဘၣ်တၢ်ဒုးအီၤလၢ ကီၢ်အံၣ်စရ့လးအစီၤပၤဘါၡၤအခါန့ၣ်လီၤ. စီၤယံးၡမၤအ့လးမၤပှဲၤထံပူၤန့ၣ်လၢ ပှၤအစိၣ်တဖၣ်န့ၣ်လီၤ.

လံာ်ယဃ့းစက့လး 33:27

တဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ်, ဟ့ၣ်ပလီၢ်အဝဲသ့ၣ်လၢ, ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤ အသိးန့ၣ်, ယစံးယဲလၢပှၤဂီၢ်မုၢ်လၢအအိၣ်ဆိးလၢဝ့ၢ်တဖၣ် လၢအဟးဂီၤအပူၤန့ၣ်, ကဘၣ်တၢ်မၤသံအီၤန့ၣ်လီၤ. ပှၤတဖၣ်လၢအအိၣ်ဆိးလၢခိခိၣ်ပှၢ်လၢ်ကျါန့ၣ်, ကဘၣ်တၢ်အီၣ်ကွံာ်အီၤ လၢဆၣ်ဖိကီၢ်ဖိအမံၤတဖၣ်န့ၣ်လီၤ. ပှၤတဖၣ်လၢအအိၣ်ခူသူၣ် လၢကစၢၢ်ကလိတဖၣ်ဒီးလၢၢ်ကအိပူၤတဖၣ်န့ၣ်, ကသံလၢ တၢ်ဆါအဃိန့ၣ်လီၤ.

ဖံလံးပံၤ 1:23

ယဘၣ်တၢ်ဆီၣ်သနံးယၤလၢတၢ်ခံမံၤအဘၢၣ်စၢၤလီၤ. ယသးအိၣ်ဒိၣ်မးလၢယကပာ်တီၢ်တၢ်အိၣ်မူအံၤဒီးက့ၤအိၣ်မူဘၣ် ဒီးခရံာ်လီၤ. အန့ၣ်မ့ၢ်တၢ်လၢအဂ့ၤဒိၣ်ဒၣ်တၢ်တက့ၢ်လီၤ.

ဧ့ၤဘြံၤ 11:38

ဟီၣ်ခိၣ်တကြၢးတဘၣ်ဘၣ်ဒီးအဝဲသ့ၣ်ဘၣ်. အဝဲသ့ၣ်ဟးဝ့ၤဝီၤလၢမဲးမုၢ်ခိၣ်ဒီးလၢကစၢၢ်ခိၣ်ကလိကျါ ဒီးအိၣ်ဝဲဆိးဝဲလၢလၢၢ်ဒီးလ့အအိပူၤဒီးလၢဟီၣ်ခိၣ် အအိပူၤလီၤ.

လံာ်စီၤယိၤၡူ 8:20

ဖဲပှၤဝ့ၢ်ဂဲဖိတဖၣ်ကွၢ်ကဒါက့ၤတၢ်ဒီး, ထံၣ်ဘၣ်ဝဲလၢမ့ၣ်အူလုၣ်ခုၣ်ထီၣ်ဝဲဆူမူခိၣ်န့ၣ်လီၤ. အဝဲသ့ၣ်ကဃ့ၢ်ပူၤဖျဲးအဂီၢ်ကျဲတအိၣ်လၢၤဘၣ်. အဂ့ၢ်ဒ်လဲၣ်န့ၣ်, ပှၤအံၣ်စရ့လးဖိလၢအဃ့ၢ်ဆူ ပှၢ်မုၢ်ကနၢတဖၣ်ဃၣ်ကဒါက့ၤအသးလၢ ကဒုးအဝဲသ့ၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:9

ပှၤဧၣ်မိၣ်ဖိတဖၣ်ခီဂာ်ဒၣ်လဲာ်ထံကျိယၢ်ဒ့ၣ်ဒ်သိးကဒုးပှၤယူဒၤဖိ, ပှၤဘံၣ်ယၤမံၣ်ဖိဒီးပှၤအ့ဖရဲၣ်ဖိအဒူၣ်တဖၣ်န့ၣ်လီၤ. ဒီးအံၣ်စရ့လးအိၣ်လၢတၢ်ကိၢ်တၢ်ဂီၤဖးဒိၣ်အပူၤလီၤ.

လံာ်ပှၤစံၣ်ညီၣ်ကွီၢ် 20:41

ပှၤအံၣ်စရ့လးဖိတဖၣ်ဃၣ်တရံးက့ၤအသးဒီးပှၤဘံၣ်ယၤမံၣ်ဖိ တဖၣ်တၢ်ပျံၤတၢ်ဖုးဖးဒိၣ်လီၤဘၣ်အီၤမ့ၢ်လၢအသ့ၣ်ညါလီၤက့ၤအသး လၢကဘၣ်တၢ်မၤဟးဂီၤကွံာ်အီၤအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 6:2

ပှၤမံးဒယၣ်ဖိတဖၣ်အဂံၢ်အဘါဆူၣ်န့ၢ်ဒံးအံၣ်စရ့လး, ဒီးအံၣ်စရ့လးအပှၤဂီၢ်မုၢ်ပာ်ခူသူၣ်အသးလၢလၢၢ်ကအိလ့ကအိတဖၣ်အပူၤ ဒီးတၢ်လီၢ်ပူၤဖျဲးအဂၤတဖၣ်လၢကစၢၢ်ကလိအကျါန့ၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:15

စီၤၡမူၤအ့လးဟးထီၣ်လၢဝ့ၢ်ကံးလကၤလးဒီးလဲၤအကျဲဒၣ်ဝဲလီၤ. ပှၤဂီၢ်မုၢ်အိၣ်လီၤတဲာ်တဖၣ်ပိာ်ထီၣ်စီၤစီလူး အခံဖဲလၢ အဝဲလဲၤပာ်ဖှိၣ်အသးဒီးအသုးမုၢ်န့ၣ်လီၤ. အဝဲသ့ၣ်လဲၤလၢဝ့ၢ်ကံးလကၤလးဆူဝ့ၢ်ကံးဘဧၤလၢအအိၣ်ဝဲလၢ ပှၤဘံၣ်ယၤမံၣ်အလီၢ်ကဝီၤအပူၤန့ၣ်လီၤ. စီၤစီလူးသမံသမိးအသုးမုၢ်သံၣ်ဘိတဖၣ်ဒီးပှၤပိာ်ခွါအိၣ်ဝဲ အဂၤဃုကယၤအကပိာ်ကပၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:11

မၤသးဒ်န့ၣ်ဒီး, အဝဲသ့ၣ်ပျဲပှၤဖလ့ၡသးဖိတဖၣ်ထံၣ်အဝဲသ့ၣ် ဒီးပှၤဖလ့ၡသးဖိတဖၣ်စံး, “ကွၢ်လၢန့ၣ်တက့ၢ်. ပှၤဧ့ၤဘြံၤ ဖိတနီၤဟဲထွးထီၣ်လၢတၢ် ပူၤဖဲအအိၣ်ခူသူၣ်ဝဲဒၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:22

ပှၤအဂၤလၢအပာ်ခူသူၣ်အသးလၢကီၢ်အ့ဖရဲၣ်အတၢ်လူၢ်ဒီခိၣ်တဖၣ် နၢ်ဟူလၢပှၤဖလ့ၡသးဖိတဖၣ်ထွးထီၣ်ဃ့ၢ်သတးဒီးအဝဲ သ့ၣ်စ့ၢ်ကီးပာ်ဖှိၣ်ဃုာ်အသးဒီးစီၤစီလူးဒီးဒုးတၢ်ထီဒါ ပှၤဖလ့ၡသးဖိတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:19

ပှၤတနီၤအိၣ်လၢဝ့ၢ်စံဖးလဲၤဆူစီၤစီလူးအအိၣ်လၢဝ့ၢ်ကံ ဘဧၤဒီးစံးဝဲ, “စီၤဒၤဝံးအိၣ်ခူသူၣ်လၢပလီၢ်ကဝီၤအပူၤဖဲဃိရဲးလၢ ကစၢၢ်ဃကံလၤအဒီခိၣ်လၢကီၢ်ယူဒၤအပှၤမုၢ်ကနၢန့ၣ်ကလံၤထံး တကပၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:3

အဝဲတုၤဃီၤဖဲလ့ကအိတခါ ဘူးဒီးသိအကရၢတဖၣ်လၢကျဲအကပၤ ဒီးလဲၤနုာ်ဆူလ့ကအိအပူၤဒ်သိးအကမၤဖှံထီၣ်အတၢ်ဝံတၢ်ယိးလီၤ. တၢ်န့ၣ်ဘၣ်အတီၤလၢအမ့ၢ်လ့ကအိတခါဃီဖဲစီၤဒၤဝံး ဒီးအပှၤတဖၣ်အိၣ်ခူသူၣ်ဝဲလၢလ့ကအိအလီၢ်ခံကတၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:7

ဖဲပှၤအံၣ်စရ့ဖးဖိတဖၣ်လၢတၢ်တြီၤယံးစရ့လးအဘးခီဒီးထံကျိယၢ်ဒ့ၣ်အမုၢ်ထီၣ်တခီ နၢ်ဟူလၢပှၤအံၣ်စရ့လးဖိအသုးမုၢ်ထွးထီၣ်ဃ့ၢ်ကွံာ်ဒီး စီၤစီလူးဒီးအဖိခွါတဖၣ်ဘၣ်တၢ်မၤသံကွံာ် အီၤန့ၣ်, အဝဲသ့ၣ်ပာ်တ့ၢ်ကွံာ်အခူအဝ့ၢ်ဒီးထွးထီၣ်ဃ့ၢ်ကွံာ်ဝဲဒၣ်လီၤ. တုၤနုၤတစုပှၤဖလ့ၡသးဖိတဖၣ်ဟဲဒီးဟံးန့ၢ်ကွံာ်ဝ့ၢ်တဖၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:7

ဖဲပှၤဖလ့ၡသးဖိတဖၣ်နၢ်ဟူလၢ ပှၤအံၣ်စရ့လးဖိတဖၣ်ပာ်ဖှိၣ်ထီၣ်အသးလၢဝ့ၢ်မံးစပၤန့ၣ်, ပှၤဖလ့ၡသးဖိအစီၤပၤယဲၢ်ဂၤစးထီၣ်ပာ်ဖှိၣ်အသးဒီးအပှၤတဖၣ် ဒ်သိးအကဒုးအဝဲသ့ၣ်အဂီၢ်န့ၣ်လီၤ. ပှၤအံၣ်စရ့လးဖိတဖၣ်နၢ်ဟူတၢ်ဂ့ၢ်န့ၣ်ဒီးပျံၤတၢ်ဖုးတၢ်လီၤ.