လံာ်စီၤၡမူၤအ့လးအခီၣ်ထံးတဘ့ၣ် 13:2 - Sgaw Karen Common Bible

² စီၤစီလူးဃုထၢထီၣ်ပှၤပိာ်ခွါအဂၤသၢကထိဒီးပာ်ဝဲပှၤအဂၤခံကထိဃုာ်ဒီးအီၤ ဖဲဝ့ၢ်မံးကမၣ်ဒီးလၢကစၢၢ်ကလိအဝ့ၢ်ဘ့ၤသ့လးအပူၤလီၤ. ပှၤတကထိန့ၣ်ဆှၢဝဲဆူဝ့ၢ်ကံးဘဧးအိၣ်လၢပှၤဘံၣ်ယၤမံၣ်အဒူၣ်အကီၢ်ပူၤလီၤ. ပှၤအဂၤအိၣ်လီၤတဲာ်တဖၣ်န့ၣ်စီၤစီလူးဆှၢက့ၤဆူအဟံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 21:6

လၢတၢ်န့ၣ်အဃိဟ့ၣ်လီၤပှၤလၢအဝဲအစၢၤအသွဲၣ်ပိာ်ခွါနွံဂၤ ဒီးပကစၢသံအဝဲသ့ၣ်လၢယွၤအမဲာ်ညါလၢဝ့ၢ်ကံးဘဧၤ, တၢ်လီၢ်လၢအမ့ၢ်, စီၤပၤလၢယွၤဃုထၢတ့ၢ်အီၤစီၤစီလူးအဝ့ၢ်န့ၣ်လီၤ.” စီၤပၤစံးဆၢဝဲဒၣ်, “ယကဟ့ၣ်လီၤအဝဲသ့ၣ်ဆူသုအိၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 23:29

ပှၤဝ့ၢ်နတိၤဖၤဖိစီၤဘၤနါအဖိခွါစီၤဃ့လ့ာ်, ပှၤဝ့ၢ်ကံးလဧၤဖိစီၤရံဘဲၤအဖိခွါစီၤအံတဲၤဘၣ်ဃးဒီး ပှၤဘံၣ်ယၤမံၣ်အဒူၣ်,

လံာ်စီၤနဃ့မယၤ 11:31

ဘံၣ်ယၤမံၣ်အဒူၣ်အပှၤဂီၢ်မုၢ်အိၣ်ဆိးဝဲဒၣ်လၢဝ့ၢ်က့ဘၤဝ့ၢ် မံးကမၣ်, ဝ့ၢ်ဂဲ, ဝ့ၢ်ဘ့ၤသ့လးဒီးသဝီအိၣ်ဘူးတဖၣ်အပူၤ,

လံာ်စီၤယိၤၡူ 18:28

စ့လၤ, အ့လ့ာ်, ယဘူၣ် (မ့တမ့ၢ်ယရူၤၡလ့ၣ်) က့ဘဧး, ဒီးကံးရယးန့ၣ်လီၤ. မ့ၢ်ဝ့ၢ်တဆံလွံၢ်ဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ. အအံၤမ့ၢ်ဘံၣ်ယၤမံၣ်အဒူၣ်အတၢ်န့ၢ်သါဒ်အဒူၣ်အထၢအိၣ်ဝဲအသိးန့ၣ်လီၤ.

လံာ်စီၤယိၤၡူ 22:6

အန့ၣ်ဒီးစီၤယိၤၡူဆိၣ်ဂ့ၤအဝဲသ့ၣ်ဒီးပျၢ်အီၤဒီးအဝဲသ့ၣ်က့ၤက့ၤ ဝဲဆူအဟံၣ်ဒၣ်ဝဲန့ၣ်လီၤ. ဒီးအခဲအံၤလၢပှၤမ နၤၡ့ၤအဒူၣ်တဝာ်အဂီၢ် စီၤမိၤၡ့ဟ့ၣ်လီၤအလီၢ်လၢကီၢ်ဘၤၡၣ်အပူၤ, ဘၣ်ဆၣ်လၢအဒူၣ်တဝာ်အဂီၢ်တခီ စီၤယိၤၡူဟ့ၣ်လီၤတ့ၢ်အီၤတၢ်လီၢ်လၢအဒီပုၢ်ဝဲၢ်တဖၣ်အကပၤ လၢထံကျိယၢ်ဒ့ၣ်အမုၢ်နုာ်န့ၣ်လီၤ. ဒီးဖဲစီၤယိၤၡူပျၢ်ကွံာ် အဝဲသ့ၣ်ဆူအဟံၣ်ဒီးဆိၣ်ဂ့ၤအဝဲသ့ၣ်န့ၣ်, အဝဲစံးဘၣ်အဝဲသ့ၣ်, “က့ၤက့ၤဆူသုဟံၣ်အိၣ်ဒီးတၢ်ထူးတၢ် တီၤလၢအအါ, ဃုာ်ဒီးဆၣ်ဖိကီၢ်ဖိလၢအအါ, ဃုာ်ဒီးစ့, ထူ, တိၢ်ဘီ, ဒီးထး, ဃုာ်ဒီးတၢ်ကူတၢ်ကၤလၢအအါ, ဒီးနီၤဖးလီၤန့ၢ်သုဒီပုၢ်ဝဲၢ်တဖၣ်တၢ်ဂုာ်န့ၢ်လၢသုမၤန့ၢ်လၢသုဒုၣ်သုဒါတဖၣ်အအိၣ် န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 19:12

ဘၣ်ဆၣ်ဒီးအကစၢ်စံးဘၣ်အီၤ, “ဝ့ၢ်တဝ့ၢ်လၢတမ့ၢ်ပှၤအံၣ်စရ့လး ဖိအဝ့ၢ်န့ၣ်ပတအိၣ်ကတီၢ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 10:26

စီၤစီလူးစ့ၢ်ကီးက့ၤဆူအဟံၣ်လၢဝ့ၢ်ကံးဘဧၤအပူၤလီၤ. ပှၤပိာ်ခွါတနီၤလၢအဂံၢ်ဆူၣ်ဘါဆူၣ်လၢကစၢ်ယွၤထိးဘၣ်အသးန့ၣ် က့ၤဃုာ်ဒီးအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:5

အန့ၣ်ဝံၤဒီးနကလဲၤဆူကစၢ်ယွၤအကစၢၢ်အအိၣ်လၢဝ့ၢ်ကံးဘဧးအပူၤ ဖဲပှၤဖလ့ၡသးဖိတဖၣ်သူၣ်ဒဲအလီၢ်အိၣ်ဝဲတတီၤန့ၣ်လီၤ. ဖဲတၢ်လဲၤနုာ်လီၤဆူဝ့ၢ်အကျဲစၢၤန့ၣ်နကထံၣ်လိာ်ဒီးဝံတဖု ဟဲလီၤလၢတၢ်လုၢ်လီၢ်အိၣ်လၢကစၢၢ်လိၤန့ၣ်ဒ့ဒီးသီတူၢ်တဖၣ်, ပှီၢ်ဒၢတဖၣ်, အူပံတဖၣ်ဒီးမၤသီၣ်စှၢၢ်စှံးတဖၣ်န့ၣ်လီၤ. အဝဲသ့ၣ်ကဂဲၤကလံာ်ဒီးကိးပသူဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:1

စီၤစီလူးအသးပှၢ်ဖဲအကဲထီၣ်စီၤပၤဒီးအဝဲကဲကီၢ်အံၣ်စရ့လးအစီၤပၤခံနံၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:11

ဘၣ်ဆၣ်ဒီးစီၤၡမူၤအ့လးစံးဝဲ, “နမၤတ့ၢ်တၢ်မနုၤလဲၣ်.” စီၤစီလူးစံးဆၢဝဲဒၣ်, “ပှၤဂီၢ်မုၢ်စးထီၣ်ဟးသဒၣ်ယၤဒီး ဒ်နစံးတ့ၢ်လၢနကဟဲန့ၣ်နတဟဲပၢၢ်ထီၣ်ဘၣ်. လၢန့ၣ်အမဲာ်ညါပှၤဖလ့ၡသးဖိတဖၣ်ပာ်ဖှိၣ်ထီၣ်အသးလၢဝ့ၢ်မံး ကမၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:15

စီၤၡမူၤအ့လးဟးထီၣ်လၢဝ့ၢ်ကံးလကၤလးဒီးလဲၤအကျဲဒၣ်ဝဲလီၤ. ပှၤဂီၢ်မုၢ်အိၣ်လီၤတဲာ်တဖၣ်ပိာ်ထီၣ်စီၤစီလူး အခံဖဲလၢ အဝဲလဲၤပာ်ဖှိၣ်အသးဒီးအသုးမုၢ်န့ၣ်လီၤ. အဝဲသ့ၣ်လဲၤလၢဝ့ၢ်ကံးလကၤလးဆူဝ့ၢ်ကံးဘဧၤလၢအအိၣ်ဝဲလၢ ပှၤဘံၣ်ယၤမံၣ်အလီၢ်ကဝီၤအပူၤန့ၣ်လီၤ. စီၤစီလူးသမံသမိးအသုးမုၢ်သံၣ်ဘိတဖၣ်ဒီးပှၤပိာ်ခွါအိၣ်ဝဲ အဂၤဃုကယၤအကပိာ်ကပၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:16

စီၤစီလူး, အဖိခွါစီၤယိနၤသၣ်ဒီးအပှၤတဖၣ်သူၣ်ထီၣ်အဒဲ ဖဲဝ့ၢ်ကံဘၤလၢပှၤဘံၣ်ယၤမံၣ်ဖိအကီၢ်ပူၤန့ၣ်လီၤ. ပှၤဖလ့ၡသးဖိတဖၣ်အသူၣ်ဒဲအလီၢ်အိၣ်ဖဲဝ့ၢ်မံးကမၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:23

ပှၤဖလ့ၡသးဖိတဖၣ်ဆှၢလီၤပှၤသုးဖိတဖုလၢကဒီဒၣ်အိၣ်ပှိၤ ဝ့ၢ်မံးကမၣ်အကျဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:5

ပှၤဖလ့ၡသးဖိတဖၣ်အိၣ်ဖှိၣ်ရိဖှိၣ်ဒ်သိးကဒုးပှၤအံၣ်စရ့လး ဖိတဖၣ်လီၤ. အဝဲသ့ၣ်အိၣ်ဒီးလ့ၣ်ကဟၣ်ဒုးသုးသၢကလး, ပှၤဒိးကသ့ၣ်သုးမုၢ်အဂၤဃုကထိ ဒီးပှၤသုးဖိအါထဲသိးမဲးဧိၤဟီၣ်ဧိၤလၢပီၣ်လဲၣ်အနံၤလီၤ. အဝဲသ့ၣ်လဲၤဆူဝ့ၢ်မံးကမၣ်အိၣ်လၢ ဝ့ၢ်ဘ့ၤသအၤဝ့ၣ်အမုၢ်ထီၣ်န့ၣ်ဒီးသူၣ်ထီၣ်အဒဲဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:31

မုၢ်နံၤအဝဲန့ၣ်ပှၤအံၣ်စရ့လးဖိတဖၣ်မၤနၢၤကွံာ်ပှၤဖလ့ၡသး ဖိတဖၣ်လၢအဒုးတၢ်ကျဲဒီဘိညါစးထီၣ်လၢဝ့ၢ်မံးကမၣ်တုၤဆူ ဝ့ၢ်အၤယလိၣ်လီၤ. တုၤအဆၢကတီၢ်အံၤန့ၣ်ပှၤအံၣ်စရ့လးဖိတဖၣ်အဂံၢ်အဘါစၢ်ဒိၣ်မး လၢတၢ်သူၣ်ဝံၤသၣ်စ့ၤအသးအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:5

လ့တဖျၢၣ်န့ၣ်အိၣ်လၢကျဲအကလံၤစိးဒီးကွၢ်အမဲာ်ဆူ ဝ့ၢ်မံးကမၣ်ဒီးအဂၤတဖျၢၣ်န့ၣ်အိၣ်လၢကလံၤထံးတကပၤဒီးကွၢ်အမဲာ်ဆူ ဝ့ၢ်ကံဘၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:52

စီၤစီလူးဘၣ်ဒုးတၢ်ထီဒါပှၤဖလ့ၡသးဖိတဖၣ်ဆူၣ်ဆူၣ်ကလဲာ်လၢ အသးသမူတစိၤန့ၣ်လီၤ. မၤသးဒ်န့ၣ်ဒီးဖဲအထံၣ်န့ၢ်ကယဲၢ်ပှၤတဂၤလၢ်လၢ်လၢအဒူဒီး အဂံၢ်အဘါဆူၣ်န့ၣ်, အဝဲကိးနုာ်အီၤဆူအသုးမုၢ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:34

အန့ၣ်ဝံၤဒီးစီၤၡမူၤအ့လးလဲၤဆူဝ့ၢ်ရၤမါဒီးစီၤပၤစီၤစီလူး က့ၤဆူအဟံၣ်အိၣ်လၢဝ့ၢ်ကံးဘဧၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:3

အဝဲတုၤဃီၤဖဲလ့ကအိတခါ ဘူးဒီးသိအကရၢတဖၣ်လၢကျဲအကပၤ ဒီးလဲၤနုာ်ဆူလ့ကအိအပူၤဒ်သိးအကမၤဖှံထီၣ်အတၢ်ဝံတၢ်ယိးလီၤ. တၢ်န့ၣ်ဘၣ်အတီၤလၢအမ့ၢ်လ့ကအိတခါဃီဖဲစီၤဒၤဝံး ဒီးအပှၤတဖၣ်အိၣ်ခူသူၣ်ဝဲလၢလ့ကအိအလီၢ်ခံကတၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:2

စီၤစီလူးလဲၤတဘျီဃီဃုာ်ဒီးပှၤသုးဖိအဂ့ၤကတၢၢ်လၢကီၢ် အံၣ်စရ့လးအပူၤအဂၤသၢကထိဆူဝ့ၢ်စံဖးအပှၢ်မုၢ်ကနၢဒ်သိးကဃု စီၤဒၤဝံးအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:11

စီၤၡမူၤအ့လးစံးဝဲ, “အအံၤမ့ၢ်တၢ်လၢသုစီၤပၤကမၤဘၣ်သု န့ၣ်လီၤ. အဝဲကဒုးကဲထီၣ်သုဖိခွါတဖၣ်လၢအသုးဖိတဖၣ်, တနီၤကမၤတၢ်လၢအဝဲအလ့ၣ်ကဟၣ်ဒုးသုးတဖၣ်အဂီၢ်ဒီးပှၤအဂၤတဖၣ် ကဃ့ၢ်လၢအဝဲအလ့ၣ်ကဟၣ်ဒုးသုးတဖၣ်အမဲာ်ညါလီၤ.