လံာ်စီၤၡမူၤအ့လးအခီၣ်ထံးတဘ့ၣ် 13:13 - Sgaw Karen Common Bible

¹³ စီၤၡမူၤအ့လးစံးဆၢဝဲဒၣ်, “တၢ်န့ၣ်မ့ၢ်တၢ်မၢးအတၢ်မၤ တမံၤလၢတၢ်ကမၤအီၤအဂီၢ်လီၤ. နတစူၢ်တ့ၢ်ယွၤအတၢ်မၤလိာ်လၢနကစၢ်ယွၤဟ့ၣ်လီၤတ့ၢ်နၤန့ၣ်ဘၣ်. နမ့ၢ်စူၢ်ဒီးအဝဲကပျဲနၤဒီးနစၢၤနသွဲၣ်တဖၣ်ပၢဘၣ် ကီၢ်အံၣ်စရ့လး လီၤထူလီၤယိာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:13 Iomraidhean Croise

လံာ်တၢ်ကဲထီၣ်အခီၣ်ထံး 31:28

နတပျဲယဆၢဂ့ၤဆၢဝါထွဲယလံၤတဖၣ်ဒီးယဖိမုၣ်တဖၣ်ဒၣ်လဲာ်ဘၣ်. တၢ်န့ၣ်မ့ၢ်ပှၤအမၢးအတၢ်မၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:10

ဘၣ်ဆၣ်ဒီးဖဲစီၤဒၤဝံး မၤတၢ်ဂံၢ်ဒီးတၢ်ကွဲးနီၣ်ကွဲးဃါအံၤဝံၤအလီၢ်ခံန့ၣ်, အဝဲအသးလၢအသ့ၣ်ညါဒၣ်တၢ်, စးထီၣ်ဘၣ်ဒိဘၣ်ထံးဝဲ, ဒီးအဝဲစံးဘၣ်ယွၤ, “ယမၤတ့ၢ်တၢ်ဒဲးဘးလီၤပျံၤလီၤဖုးတမံၤလၢယမၤတၢ်အံၤအဃိန့ၣ်လီၤ. ဝံသးစူၤပျၢ်ယတၢ်ကမၣ်တက့ၢ်. ယမၤယသးဒ်ပှၤအမၢးတဂၤအသိးန့ၣ်လီၤ.”

လံာ်စီၤပၤအခီၣ်ထံးတဘ့ၣ် 18:18

စီၤအ့ၤလံယၤစံးဆၢအီၤ, “ယတမ့ၢ်ဘၣ်ပှၤမၤကိၢ်မၤဂီၤတၢ် ဘၣ်. မ့ၢ်သုဝဲ, နၤဒီးနပၢ်တခီန့ၣ်လီၤ. သုတစူၢ်ဘၣ်ယွၤအတၢ်မၤ လိာ်တဖၣ်ဘၣ်ဒီးသုဘူၣ်ထီၣ်ဘါထီၣ်ဘဧၤလးအတၢ်ဂီၤတၢ်ဖီၣ်တဖၣ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:20

တုၤစီၤအၤဃာ်ထံၣ်ဘၣ်စီၤအ့ၤလံယၤန့ၣ်, အဝဲစံးဝဲ, “ယဒုၣ်ယဒါဧၢ, မ့ၢ်နချုးန့ၢ်ယၤလံဧါ.” စီၤအ့ၤလံယၤစံးဆၢဝဲ, “မ့ၢ်ယချုးန့ၢ်နၤလံ. နဟ့ၣ်လီၤတ့ၢ်လံနသးလၢာ်လၢာ်ဆ့ဆ့လၢနကမၤတၢ်လၢအကမၣ်လၢယွၤ အမဲာ်ညါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:13

စီၤစီလူးသံဝဲ, မ့ၢ်လၢတတီဒီးယွၤအဃိန့ၣ်လီၤ. အဝဲတဒိကနၣ်, ယွၤအတၢ်မၤလိာ်တဖၣ်ဘၣ်. အဝဲကျဲးစၢးတ့ၢ်ဒ်သိးကမၤန့ၢ်တၢ်နဲၣ်ကျဲတဖၣ်ခီဖျိဃ့တၢ် ဟ့ၣ်ကူၣ်လၢပှၤသံအကလၤတဖၣ်အအိၣ်, လၢကဃ့ဝဲလၢယွၤအအိၣ်အလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:9

ယွၤကွၢ်ထံကွၢ်ဆးတၢ်လၢဟီၣ်ခိၣ်ဒီဘ့ၣ်ညါအဖီခိၣ်, ဒ်သိးအကဟ့ၣ်ဂံၢ်ဟ့ၣ်ဘါပှၤတဖၣ်လၢအအိၣ်ဒီးတၢ်သးတီဒီးအီၤ န့ၣ်လီၤ. နမၤတ့ၢ်လံတၢ်ဒ်ပှၤအမၢးတဂၤဒီးစးထီၣ်ခဲအံၤန့ၣ်နကဘၣ်ဒုး တၢ်ယၤတၢ်ထီဘိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 19:2

ဝံတဂၤလၢအမ့ၢ်စီၤဃနၤနံအဖိခွါစီၤယ့ၤဟူ, လဲၤထီၣ်သဂၢၢ်စီၤပၤဒီးစံးဘၣ်အီၤ, “မ့ၢ်နဆိကမိၣ်လၢတၢ်မၤ စၢၤပှၤအၢပှၤသီဒီးတၢ်အိၣ်လၢပှၤသးဟ့ယွၤအအိၣ်တကပၤန့ၣ်, မ့ၢ်တၢ်အဘၣ်န့ၣ်ဧါ. တၢ်လၢနမၤတ့ၢ်န့ၣ်, ဟဲစိာ်ယွၤအတၢ်သးထီၣ်လၢနလိၤန့ၣ်လီၤ.

လံာ်စီၤယိၤဘး 34:18

ကစၢ်ယွၤစံၣ်ညီၣ်ဃၣ်စီၤပၤတဖၣ်ဒီးပဒိၣ်ဖးဒိၣ်တဖၣ်ဖဲ အဝဲသ့ၣ်အလုၢ်အပှ့ၤတအိၣ်လၢၤမ့ၢ်ဂ့ၤမၤတၢ်အၢတၢ်သီမ့ၢ်ဂ့ၤ န့ၣ်လီၤ.

တၢ်ကတိၤဒိ. 12:8

နမ့မ့ၢ်ပှၤအိၣ်ဒီးတၢ်ကူၣ်တၢ်ဆးတဂၤဒီး, နကဘၣ်တၢ်စံးထီၣ် ပတြၢၤနၤလီၤ. နတၢ်သူၣ်ထံသးဆးမ့ၢ်တအိၣ်ဘၣ်ဒီး, ပှၤကကွၢ်တလီၤနၤလီၤ.

တၢ်ကတိၤဒိ. 19:3

ပှၤတနီၤနီၤမၤဟးဂီၤလီၤအသးဒၣ်ဝဲခီဖျိနီၢ်ကစၢ်ဒၣ်ဝဲအတၢ် မၤတဂိာ်တသီၣ်တဖၣ်ဝံၤဒီးပာ်တၢ်ကမၣ်လၢယွၤအလိၤလီၤ.

လံာ်ယၡါယၤ 39:5

အန့ၣ်ဒီးဝံယၡါယၤစံးဘၣ်စီၤပၤ, “ယွၤသ့တၢ်လၢာ်စံးဝဲ လၢ

လံာ်ယံးရမံယၤ 18:10

ပှၤကလုာ်အဝဲန့ၣ်မ့ၢ်တစူၢ်ယၤဘၣ်ဒီးမၤတၢ်အၢန့ၣ်, ယတမၤ တၢ်လၢယစံးတ့ၢ်လၢယကမၤအီၤန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 1:22

ဘၣ်ဆၣ်ဒီးအဝဲအံၤတဘျီနီၢ်ဃးနၤတလဲၤဝဲဘၣ်. ပိာ်မုၣ်န့ၣ်စံးဘၣ်အဝၤ, “ဖဲဖိသၣ်အံၤထုးဖှၣ်အနုၢ်တဘျီဃီန့ၣ် ယကလဲၤစိာ်အီၤဆူယွၤအဟံၣ်, ဒီးကအိၣ်ဝဲဖဲန့ၣ်တစိၤသးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 13:12

လၢတၢ်န့ၣ်အဃိယဆိကမိၣ်ထီၣ်ယဲ, “ပှၤဖလ့ၡသးဖိတဖၣ်န့ၣ်ကဟဲ ဒုးယၤဖဲအံၤလၢဝ့ၢ်ကံးလကၤလးအပူၤဒီးယတကျဲးစၢးမၤန့ၢ်ဒံး ယွၤအတၢ်ကွၢ်မဲာ်ဘၣ်. လၢတၢ်န့ၣ်အဃိ, တၢ်လီၤဂာ်ဘၣ်ယၤဒ်ယကဘၣ်လုၢ်ထီၣ်တၢ်လုၢ်တၢ်ပာ်တမံၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:11

“ယသးအုးလၢယဒုးကဲထီၣ်ဘၣ်စီၤစီလူးလၢစီၤပၤတဂၤအဃိ န့ၣ်လီၤ. အဝဲဃၣ်ကွံာ်အသးလၢယအိၣ်ဒီးတစူၢ်ဘၣ်ယတၢ်မၤလိာ်တဖၣ်ဘၣ်.” စီၤၡမူၤအ့လးအသးဒိၣ်ဝဲဒီးသီတနၤကျၢၤန့ၣ်ဃ့ကညးတၢ်လၢ ယွၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:22

စီၤၡမူၤအ့လးစံးဝဲ, “ယွၤဘၣ်အသးလၢတၢ်မနုၤတမံၤလဲၣ်. တၢ်စူၢ်အကလုၢ်ဧါ. မ့တမ့ၢ်ဘၣ်ဒီးတၢ်မၤဘူၣ်တဖၣ်ဒီးတၢ်လုၢ်တၢ် ပာ်တဖၣ်ဧါ. ဂ့ၤဒိၣ်တက့ၢ်လၢတၢ်စူၢ်အီၤအါန့ၣ်ဒံးတၢ်ကလုၢ်ထီၣ်ပာ်ထီၣ်သိ ဖိအဂ့ၤကတၢၢ်တဖၣ်ဆူအအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:28

စီၤၡမူၤအ့လးစံးဘၣ်အီၤ, “ယွၤဖှီယာ်ကွံာ်ကီၢ်အံၣ်စရ့လး အဘီအမုၢ်ယံၤဒီးနၤလၢတနံၤအံၤဒီးဟ့ၣ်လီၤအီၤဆူပှၤအဂ့ၤ ဒိၣ်န့ၢ်အါန့ၢ်နၤတဂၤအအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:21

စီၤစီလူးစံးဆၢဝဲဒၣ်, “ယမၤကမၣ်တ့ၢ်တၢ်လံ. ဟဲက့ၤကဒါက့ၤစီၤဒၤဝံး, ယဖိခွါဧၢ, ယတမၤဆါကဒီးနၤနီတစုလၢၤဘၣ်. အဂ့ၢ်ဒ်အံၤ, နပျဲပူၤဖျဲးယသးသမူလၢတနၤအံၤအဃိလီၤ. ယမ့ၢ်တ့ၢ်ပှၤအမၢးတဂၤလီၤ. ယမၤတ့ၢ်တၢ်အၢတၢ်သီဖးဒိၣ်လီၤ.”