လံာ်စီၤၡမူၤအ့လးအခီၣ်ထံးတဘ့ၣ် 12:9 - Sgaw Karen Common Bible

⁹ ဘၣ်ဆၣ်ဒီးပှၤဂီၢ်မုၢ်သးပ့ၤနီၣ်ယွၤ, အဝဲသ့ၣ်အကစၢ်ယွၤလီၤ. မၤသးဒ်န့ၣ်ဒီးအဝဲပျဲပှၤဖလ့ၡသးဖိတဖၣ် ဒီးကီၢ်မိၤအးအစီၤပၤဒီးဝ့ၢ်ဃါစိၢ် အသုးမုၢ်အခိၣ်စီၤစံစရၤလၢကဒုးတၢ်ထီဒါ သုမိၢ်ပၢ်ဖံဖုလၢပျၢၤတဖၣ်ဒီးမၤနၢၤအဝဲသ့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:11

ဘၣ်ဆၣ်ဒီးတၢ်အံၤတမၤကဒီးအသးလၢၤဘၣ်. ယအၢၣ်လီၤအီၤလီၤလၢယကကဟုကယာ်နၤလၢနဒုၣ်နဒါခဲလၢာ်, ဒီးဟ့ၣ်လီၤနၤလၢနစၢၤနသွဲၣ်တဖၣ်န့ၣ်လီၤ.

စံးထီၣ်ပတြၢၤ 106:21

အဝဲသ့ၣ်သးပ့ၤနီၣ်ကွံာ်ကစၢ်ယွၤ, ပှၤအုၣ်က့ၤခီၣ်က့ၤအီၤ, ပှၤလၢအမၤတ့ၢ်တၢ်အဒိၣ်တဖၣ်လၢ အဲၤကူပတူးအပူၤန့ၣ်လီၤ.

လံာ်ယၡါယၤ 63:10

ဘၣ်ဆၣ်ဒီးအဝဲသ့ၣ်ပူထီၣ်တ့ၢ်တၢ်ထီဒါအီၤဒီးဒုးသးအုးတ့ၢ် အသးစီဆှံန့ၣ်လီၤ. လၢတၢ်န့ၣ်အဃိ, ယွၤကဲထီၣ်အဝဲသ့ၣ် အဒုၣ်အဒါဒီးဒုးတၢ်ထီဒါအဝဲသ့ၣ်န့ၣ်လီၤ.

လံာ်ယံးရမံယၤ 2:32

ပိာ်မုၣ်သးစၢ်တဂၤသးပ့ၤနီၣ်အတၢ်မျၢ်ပလဲမ့ၢ်ဂ့ၤ, တလးမူးပိာ်မုၣ် တဂၤသးပ့ၤနီၣ်အတၢ်တ့တၢ်ဖျီအတၢ်ကူတၢ်ကၤမ့ၢ်ဂ့ၤကသ့ဧါ. ဘၣ်ဆၣ်ဒီး, ယပှၤဂီၢ်မုၢ်သးပ့ၤနီၣ်တ့ၢ်ယၤလၢမုၢ်နံၤတဖၣ်လၢ တၢ်ဂံၢ်အီၤတသ့ဘၣ်ဒၣ်လဲာ်အပူၤန့ၣ်လီၤ.

လံာ်သိၣ်လီၤသီလီၤတၢ် 32:18

အဝဲသ့ၣ်သးပ့ၤနီၣ်ကွံာ်အကစၢ်ယွၤ, အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲ, ကစၢ်တဂၤလၢအဟ့ၣ်လီၤတ့ၢ်အဝဲသ့ၣ်တၢ်မူန့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:7

မၤသးဒ်န့ၣ်ဒီး, ယွၤသးဒိၣ်ထီၣ်ဘၣ်ပှၤအံၣ်စရ့လးဖိတဖၣ်ဒီး ပျဲပှၤဖလ့ၡသးဖိဒီးပှၤဧၤမိၣ်ဖိတဖၣ်မၤနၢၤအဝဲသ့ၣ်လီၤ.

လံာ်ပှၤစံၣ်ညီၣ်ကွီၢ် 13:1

ပှၤအံၣ်စရ့လးဖိသ့ၣ်တဖၣ်မၤကဒီးတၢ်ဒဲးဘးထီဒါယွၤဒီး ယွၤပျဲပှၤဖလ့ၡသးဖိတဖၣ်ပၢအဝဲသ့ၣ်အနံၣ်လွံၢ်ဆံန့ၣ်လီၤ.

လံာ်ပှၤစံၣ်ညီၣ်ကွီၢ် 2:14

လၢတၢ်န့ၣ်အဃိယွၤအသးကဲၤထီၣ်ဘၣ်ပှၤအံၣ်စရ့လးဖိဒီးပျဲပှၤ ဂုာ်ဆူၣ်ပျီဆူၣ်တၢ် တဖၣ်ဒုးအီၤဒီးဂုာ်ဆူၣ်န့ၢ်အတၢ်လီၤ. ဒီးယွၤပျဲဒုၣ်ဒါအိၣ်ဝးတရံးတဖၣ်ဒိၣ်စိလၢအဝဲသ့ၣ်အဖီခိၣ် န့ၣ်လီၤ. ဒီးပှၤအံၣ်စရ့လးဖိတဖၣ်ဒီဒၣ်အိၣ်ပှိၤလီၤက့ၤအသးတန့ၢ်လၢၤဘၣ် န့ၣ်လီၤ.

လံာ်ပှၤစံၣ်ညီၣ်ကွီၢ် 3:12

ကီၢ်အံၣ်စရ့လးအပှၤဂီၢ်မုၢ်မၤကဒီးတၢ်ဒဲးဘးထီဒါယွၤန့ၣ် လီၤ. လၢတၢ်အံၤအဃိယွၤဒုးဆူၣ်ထီၣ်ကီၢ်မိၤအးအစီၤပၤဧ့းကလိၣ် အဂံၢ်အဘါအါန့ၢ်ပှၤအံၣ်စရ့လးဖိန့ၣ်လီၤ.

လံာ်ပှၤစံၣ်ညီၣ်ကွီၢ် 3:31

ပှၤခိၣ်ပှၤနၢ်လၢခံတဂၤန့ၣ်မ့ၢ်ဝဲစီၤဧးနးအဖိခွါစီၤၡးမကၢ်န့ၣ်လီၤ. အဝဲစ့ၢ်ကီးမၤပူၤဖျဲးပှၤအံၣ်စရ့လးဖိခီဖျိအမၤသံပှၤ ဖလ့ၡသးဖိအဂၤဃုကယၤ လၢနီၣ်ဆဲးကျီၢ်တဘီန့ၣ်လီၤ.

လံာ်ပှၤစံၣ်ညီၣ်ကွီၢ် 4:2

လၢတၢ်န့ၣ်အဃိယွၤပျဲကနၤဧၣ်အစီၤပၤယၤဘံၣ်လၢအပၢတၢ်ဖဲ ဝ့ၢ်ဃါစိၢ်အပူၤ, လၢအကမၤနၢၤအဝဲသ့ၣ်န့ၣ်လီၤ. အဝဲအသုးခိၣ်ဖးဒိၣ်မ့ၢ်ဝဲစီၤစံစရၤလၢအအိၣ်လၢဝ့ၢ်ဃရိၡ့းဘၣ်ဃး ဒီးပှၤကလုာ်ဂၤတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:15

ဘၣ်ဆၣ်ဒီးသုမ့ၢ်တဒိကနၣ်ယွၤဒီး, သုမ့ၢ်တစူၢ်ဘၣ်အတၢ်မၤလိာ် တဖၣ်န့ၣ်အဝဲကထီဒါသုဒီးသုစီၤပၤလီၤ.