လံာ်စီၤၡမူၤအ့လးအခီၣ်ထံးတဘ့ၣ် 12:8 - Sgaw Karen Common Bible

⁸ ဖဲစီၤယၤကိာ်ဒီးအဟံၣ်ဖိဃီဖိလဲၤတ့ၢ်ဆူကီၢ်အဲၤကူပတူး ဒီးပှၤအဲၤကူပတူးဖိတဖၣ်မၤနးမၤဖှိၣ်အဝဲသ့ၣ်န့ၣ်, သုမိၢ်ပၢ်ဖံဖုလၢပျၢၤတဖၣ်ကိးထီၣ်ဆူယွၤအအိၣ်ဒီးအဝဲဆှၢ လီၤစီၤမိၤၡ့ဒီးစီၤအၤဟရိၣ်လၢအထုးထီၣ်ကွံာ်အဝဲသ့ၣ်လၢ ကီၢ်အဲၤကူပတူးအပူၤဒီးပာ်လီၤန့ၢ်အလီၢ်အိၣ်လီၢ်ဆိးဖဲကီၢ် အံၤအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:8 Iomraidhean Croise

စံးထီၣ်ပတြၢၤ 105:44

အဝဲဒၣ်ဟ့ၣ်အဝဲသ့ၣ်လၢ ပှၤဂီၢ်မုၢ်အဂၤအထံအကီၢ်တဖၣ်, ဒီးပျဲအဟံးန့ၢ်ကွံာ်အစံာ်ဧိၤပှဲၤဧိၤတဖၣ်,

လံာ်တၢ်ဟးထီၣ်ကွံာ် 12:51

ဒီးလၢမုၢ်နံၤအဝဲန့ၣ်, ယွၤထုးထီၣ်ကွံာ်ပှၤအံၣ်စရ့လးဖိ အဒူၣ်တဖၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 6:26

ဒီးစီၤအၤဟရိၣ်ဒီးစီၤမိၤၡ့တဖၣ်မ့ၢ်ပှၤတဖၣ်လၢကစၢ်ယွၤစံး ဘၣ်အဝဲသ့ၣ်, “ကဲခိၣ်ကဲနၢ်ဒီးဒုးဟးထီၣ်ကွံာ်ပှၤအံၣ်စရ့လးဖိ အဒူၣ်တဖၣ်လၢကီၢ်အဲၤကူပတူးအပူၤတက့ၢ်.” န့ၣ်လီၤ.

လံာ်တၢ်ဂံၢ် 20:15

ပမိၢ်ပၢ်ဖံဖုလၢပျၢၤတဖၣ်လဲၤနုာ်ဆူကီၢ်အဲၤကူပတူးဒ်လဲၣ်, တၢ်လီၢ်ဖဲပအိၣ်ဆိးတ့ၢ်လၢအါနံၣ်အါလါအတီၢ်ပူၤန့ၣ်လီၤ. ပှၤအဲၤကူပတူးဖိတဖၣ်မၤအၢမၤနးတ့ၢ်ပမိၢ်ပၢ်ဖံဖုတဖၣ်, ဒီးပဝဲဒၣ်

မၤတၢ် 7:15

အန့ၣ်တစု, စီၤယၤကိာ်ဒီးအဒူၣ်ဖိထၢဖိခဲလၢာ်လဲၤလီၤဝဲဆူကီၢ် အဲၤကူပတူး, ဒီးအဝဲဒၣ်ဒီးပပၢ်ဖးဒိၣ်တဖၣ်သံဝဲဒၣ်ဖဲကီၢ်န့ၣ်အပူၤလီၤ.

လံာ်စီၤယိၤၡူ 1:6

ပာ်ဆူၣ်နသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, နကမ့ၢ်ပှၤဂီၢ်မုၢ်အံၤအခိၣ်အနၢ် ဖဲအဝဲသ့ၣ်နုာ်လီၤဒီးန့ၢ်သါကီၢ်အံၤလၢယအၢၣ်လီၤတ့ၢ်အဝဲ သ့ၣ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်စီၤယိၤၡူ 21:43

သတးဒီးယွၤဟ့ၣ်လီၤပှၤအံၣ်စရ့လးဖိလၢထံကီၢ်ခဲလၢာ်ဒ်အအၢၣ် လီၤတ့ၢ်ဝဲလၢအကဟ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ. ဖဲအဝဲသ့ၣ်မၤန့ၢ်ထံကီၢ်ခဲလၢာ်လံဒီးအဝဲသ့ၣ်အိၣ်ဝဲ ဆိးဝဲဖဲန့ၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:18

ဒီးစံးဘၣ်အဝဲသ့ၣ်, “ယွၤ, ကီၢ်အံၣ်စရ့လးအကစၢ်ယွၤစံးဝဲ ဒၣ်, ယထုးထီၣ်တ့ၢ်သုလၢကီၢ်အဲၤကူပတူးဒီးအုၣ်က့ၤခီၣ်က့ၤသုလၢ ပှၤအဲၤကူပတူးဖိတဖၣ်အစုပူၤဒီးလၢကယဲၢ်ပှၤဂီၢ်မုၢ်အဂၤတဖၣ် လၢအမၤနးမၤဖှီၣ်သုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:6

စီၤၡမူၤအ့လးကတိၤဒံးတၢ်ဆူညါ, “ယွၤမ့ၢ်ပှၤတဂၤလၢအဃု ထၢထီၣ်စီၤမိၤၡ့စီၤအၤဟရိၣ်ဒီးမ့ၢ်ပှၤထုးထီၣ်သုမိၢ်ပၢ်ဖံဖု လၢပျၢၤတဖၣ်လၢကီၢ်အဲၤကူပတူးအပူၤန့ၣ်လီၤ.