လံာ်စီၤၡမူၤအ့လးအခီၣ်ထံးတဘ့ၣ် 12:5 - Sgaw Karen Common Bible

⁵ စီၤၡမူၤအ့လးစံးဆၢဝဲ, “ယွၤဒီးစီၤပၤလၢအဝဲဃုထၢ ထီၣ်ဝဲန့ၣ်မ့ၢ်ပှၤအုၣ်အသးတနံၤအံၤလၢသုထံၣ်ယၤလၢယမ့ၢ်ပှၤအိၣ်မူ တီတီလိၤလိၤလၢလၢပှဲၤပှဲၤန့ၣ်လီၤ.” ဒီးပဝဲသ့ၣ်စံးဆၢဝဲဒၣ်, “မ့ၢ်လီၤ. ယွၤမ့ၢ်ပှၤအုၣ်အသးလၢ ပဂီၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:5 Iomraidhean Croise

လံာ်တၢ်ကဲထီၣ်အခီၣ်ထံး 31:50

ဒီးစီၤလၤစံးဘၣ်ကဒီးဝဲ, “နမ့ၢ်မၤအၢမၤသီယဖိမုၣ်တဖၣ် မ့ၢ်ဂ့ၤ, နမ့ၢ်ဟံးန့ၢ်ပှၤပိာ်မုၣ်အဂၤတဖၣ်မ့ၢ်ဂ့ၤ, ယမ့ၢ်တသ့ၣ်ညါနာ်သက့ သ့ၣ်နီၣ်ထီၣ်လၢကစၢ်ယွၤကွၢ်လီၤပှၤန့ၣ်တက့ၢ်.

လံာ်စီၤယိၤဘး 16:19

ခဲကနံၣ်အံၤဒၣ်လဲာ်, ပှၤအုၣ်အသးလၢယဂီၢ်တဂၤအိၣ်ဝဲလၢမူခိၣ်, လၢကဆၢထၢၣ်ဒီးအိၣ်ပှိၤယၤန့ၣ်လီၤ.

လံာ်စီၤယိၤဘး 42:7

တုၤယွၤကတိၤတၢ်ဒီးစီၤယိၤဘးဝံၤဒီး, စံးဘၣ်ပှၤတ့ၤမၣ်ဖိ စီၤအလံဖးစး, ယသးထီၣ်နၤဒီးနတံၤသကိးခံဂၤန့ၣ်လီၤ. အဂ့ၢ်ဒ်အံၤ, နတစံးကတိၤတၢ်လၢယဂ့ၢ်ယကျိၤလၢအတီအလိၤ ဒ်ယခ့ယပှၤစီၤယိၤဘးစံးတ့ၢ်အသိးန့ၣ်လီၤ.

စံးထီၣ်ပတြၢၤ 17:3

နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ, နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ် တၢ်ဆၢမၤတၢ်အၢတၢ်သီလၢယပူၤဘၣ်.

လံာ်တၢ်ဟးထီၣ်ကွံာ် 22:4

တၢ်ဘျၣ်တဂၤမ့ၢ်ဘၣ်တၢ်ဖီၣ်န့ၢ်အီၤဖဲအဘၢၣ်ဖျိဟံၣ်တဖျၢၣ်လၢ မုၢ်နၤခါဒီးမ့ၢ်ဘၣ်တၢ်မၤသံအီၤန့ၣ်, ပှၤလၢအမၤသံအီၤတဂၤန့ၣ်အတၢ်ကမၣ်တအိၣ်လၢအမၤသံတၢ် အဃိဘၣ်. ဘၣ်ဆၣ်ဒီးတၢ်မၤအသးအံၤမ့မ့ၢ်လၢမုၢ်ဆါခီဒီးပှၤမၤသံ တၢ်တဂၤန့ၣ်အတၢ်ကမၣ်အိၣ်ဝဲလၢအမၤသံတၢ်အဃိလီၤ.

လံာ်ယိၤဟၣ် 18:38

စီၤပံၤလးသံကွၢ်တၢ်ဒီးစံးဝဲ, “တၢ်မ့ၢ်တၢ်တီမ့ၢ်တၢ်မနုၤ လဲၣ်.” တုၤနုၤတစုစီၤပံၤလးဟးထီၣ်ကဒီးဆူတၢ်ချၢဆူပှၤယူဒၤဖိ တဖၣ်အအိၣ်ဒီးစံးဘၣ်အဝဲသ့ၣ်, “ယတထံၣ်န့ၢ်တၢ်ဂ့ၢ်လၢတၢ်ကစံၣ်ညီၣ်အီၤအဂီၢ်နီတမံၤဘၣ်.

မၤတၢ် 23:9

တၢ်ကိးပသူကိးပသီသီၣ်ဒိၣ်ထီၣ်ဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတနီၤလၢအဘၣ်ထွဲဒီးပှၤဖၤရံၤၡဲအကရူၢ် တဖၣ်ဂဲၤဆၢထၢၣ်, ဒီးကတိၤထီဒါတၢ်ဆူၣ်ဆူၣ်ကလဲာ်ဒီးစံးဝဲ, “ပတထံၣ်ပှၤတဂၤအံၤမၤကမၣ်တၢ်နီတမံၤဘၣ်. ဘၣ်တဘၣ်သး, မ့တမ့ၢ်မူခိၣ်ကလူး, ကတိၤတၢ်ဒီးအီၤနီၢ်နီၢ်လီၤ.”

မၤတၢ် 24:16

လၢတၢ်န့ၣ်အဃိယဂုာ်ကျဲးစၢးယဲဒၣ်အဂ့ၤကတၢၢ်ထီဘိဒ်သိး ယကအိၣ်ဒီးသးလၢအသ့ၣ်ညါဒၣ်တၢ်လၢအဂ့ၤအပူၤလၢကစၢ်ယွၤဒီး ပှၤကညီအမဲာ်ညါန့ၣ်လီၤ.

မၤတၢ် 24:20

မ့တမ့ၢ်ဘၣ်ဒီး, ပျဲပှၤဖဲအံၤသ့ၣ်တဖၣ်တဲဖျါထီၣ်တၢ်ကမၣ်လၢ အထံၣ်ဝဲလၢယပူၤ, ဖဲယအိၣ်ဆၢထၢၣ်လၢကီၣ်ကးအမဲာ်ညါအဆၢကတီၢ်န့ၣ်တက့ၢ်.

1 ကရံၣ်သူး 4:4

ယသးလၢအသ့ပဲာ်ဖးနီၤဖးတၢ်ဂ့ၤဒီးတၢ်အၢအဆၢဖျါဆှံကစီဒီလီၤ. ဘၣ်ဆၣ်ဒီးအဝဲန့ၣ်တမၤဖျါလၢယတၢ်ဒဲးဘးတအိၣ်စဲဃဲၤနီၢ်နီၢ် န့ၣ်ဘၣ်. ကစၢ်မ့ၢ်ပှၤလၢအစံၣ်ညီၣ်ထိၣ်ကွၢ်တဲာ်ကွၢ်ယၤလီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:4

ပှၤဂီၢ်မုၢ်စံးဆၢဝဲဒၣ်, “တမ့ၢ်ဘၣ်. နတလီတ့ၢ်ပှၤမ့ၢ်ဂ့ၤ, မၤနးမၤဖှီၣ်တ့ၢ်ပှၤမ့ၢ်ဂ့ၤ, နတဟံးန့ၢ်တ့ၢ်တၢ်တမံၤမံၤလၢ ပှၤနီတဂၤအအိၣ်မ့ၢ်ဂ့ၤန့ၣ်ဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 26:9

ဘၣ်ဆၣ်ဒီးစီၤဒၤဝံးစံးဝဲ, “နတဘၣ်မၤဆါအီၤဘၣ်. ပှၤတဂၤလၢ်လၢ်လၢအမၤဆါယွၤအပှၤဃုထၢဖိစီၤပၤန့ၣ်ယွၤကစံၣ် ညီၣ်အီၤသပှၢ်ကတၢၢ်လီၤ.”