လံာ်စီၤၡမူၤအ့လးအခီၣ်ထံးတဘ့ၣ် 12:23 - Sgaw Karen Common Bible

²³ မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:23 Iomraidhean Croise

လံာ်စီၤပၤအခီၣ်ထံးတဘ့ၣ် 8:36

ဒိကနၣ်လၢ်အဝဲသ့ၣ်လၢမူခိၣ်န့ၣ်တက့ၢ်. ပျၢ်လၢ်စီၤပၤဒီးကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် ဒီးသိၣ်လိအဝဲသ့ၣ်လၢကမၤတၢ်လၢအဘၣ်န့ၣ်တက့ၢ်. အန့ၣ်ဒီးယွၤဧၢ, ဒုးစူၤလီၤတၢ်လၢနကီၢ်အံၤအဖီခိၣ်, ကီၢ်လၢနဟ့ၣ်တ့ၢ်နပှၤဂီၢ်မုၢ်ဒ်အတၢ်န့ၢ်သါအဂၢၢ်အကျၢၤအသိးန့ၣ် တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 6:27

အိယွၤဧၢ, ဒိကနၣ်လၢ်အဝဲသ့ၣ်လၢမူခိၣ်ဒီးပျၢ်လၢ်ဘၣ်နခ့နပှၤ အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ်, ဒီးသိၣ်လိအဝဲသ့ၣ်လၢကမၤတၢ်လၢအဘၣ်န့ၣ်တက့ၢ်. အန့ၣ်ဝံၤဒီးယွၤဧၢ, ဒုးဟဲစူၤလီၤတၢ်လၢနထံဧိၤကီၢ်ဧိၤ အံၤ, လၢနဟ့ၣ်လီၤတ့ၢ်နပှၤဂီၢ်မုၢ်ဒ်တၢ်န့ၢ်သါအဂၢၢ်အကျၢၤတမံၤအသိး န့ၣ်, အဖီခိၣ်တက့ၢ်.

စံးထီၣ်ပတြၢၤ 122:6

ဘါထုကဖၣ်န့ၢ်တၢ်လၢ ယရူၤၡလ့ၣ်အတၢ်ဃူတၢ်ဖိးအဂီၢ်န့ၣ်တက့ၢ်. ပှၤလၢအအဲၣ်နၤတဖၣ်န့ၣ် မ်အကဘီၣ်ထီၣ်ညီထီၣ်န့ၣ်တက့ၢ်.

စံးထီၣ်ပတြၢၤ 34:11

ဟဲ, ဖိသ့ၣ်လံၤသ့ၣ်ဧၢ, ဒိကနၣ်ယကလုၢ်တက့ၢ်. ယကသိၣ်လိသုလၢတၢ်ပျံၤယွၤန့ၣ်လီၤ.

စံးထီၣ်ပတြၢၤ 34:12

မ့ၢ်နအဲၣ်ဒိးမုာ်လၤသးခုလၢတၢ်အိၣ်မူအပူၤန့ၣ်ဧါ. မ့ၢ်နဆၢဒိးန့ၢ်ဘၣ်တၢ်အိၣ်ကၢအိၣ်ခိး ဒီးတၢ်သူၣ်ခုသးခုန့ၣ်ဧါ.

လံာ်တၢ်ဟးထီၣ်ကွံာ် 32:30

လၢခံတနံၤန့ၣ်စီၤမိၤၡ့စံးဘၣ်ပှၤဂီၢ်မုၢ်, “သုမၤတ့ၢ်တၢ်ဒဲးဘးအၢအၢသီသီတမံၤလီၤ. ဘၣ်ဆၣ်ဒီးခဲအံၤယကလဲၤထီၣ်ကဒီးဆူကစၢၢ်ဒီခိၣ်ဆူယွၤအအိၣ်လီၤ. ဘၣ်သ့ၣ်သ့ၣ်ယမၤန့ၢ်တၢ်ပျၢ်တၢ်ဒဲးဘးလၢသုဂီၢ်ကသ့ဝဲလီၤ.”

တၢ်ကတိၤဒိ. 4:11

ယသိၣ်လိတ့ၢ်နၤလၢတၢ်ကူၣ်သ့ဒီးကျဲအဘၣ်လၢနကအိၣ်မူထွဲ အဂီၢ်လီၤ.

လံာ်ပှၤစံၣ်တဲၤတဲလီၤတၢ် 12:10

ပှၤဆိကမိၣ်တၢ်အဒိၣ်အယိာ်တဂၤအံၤကျဲးစၢးဃုထံၣ်န့ၢ်တၢ် ကတိၤမုာ်သူၣ်မုာ်သးတဖၣ်, ဒီးတၢ်ကတိၤလၢအဝဲကွဲးတ့ၢ်ဝဲတဖၣ်တီဝဲလိၤဝဲန့ၣ်လီၤ.

လံာ်ယၡါယၤ 30:21

သုမ့ၢ်ဟးဖျိးကွံာ်လၢကျဲဒီးဟးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ ဘၣ်ဆၣ်ဒီး, သုကနၢ်ဟူဘၣ်အကလုၢ်လၢသုလီၢ်ခံလၢအစံးဝဲ, “ကျဲအိၣ်ဖဲအံၤလီၤ. ပိာ်ထွဲအီၤတက့ၢ်,” န့ၣ်လီၤ.

လံာ်ယံးရမံယၤ 15:1

အန့ၣ်ဒီးယွၤစံးဘၣ်ယၤ, “စီၤမိၤၡ့ဒီးစီၤၡမူၤအ့လးမ့ၢ် ဆၢထၢၣ်ဖဲအံၤဒီးဃ့သကွံၢ်ကညးယၤဒၣ်လဲာ်, ယတဒုးနဲၣ်ဘၣ်ပှၤဂီၢ်မုၢ် အံၤတၢ်သးကညီၤနီတမံၤဘၣ်. မၢအဝဲသ့ၣ်ဟးကွံာ်တက့ၢ်. မၢအဝဲသ့ၣ်ဟးထီၣ်ကွံာ်လၢယမဲာ်ညါတက့ၢ်.

လံာ်ယံးရမံယၤ 27:18

အဝဲသ့ၣ်မ့မ့ၢ်ဝံနီၢ်နီၢ်တဖၣ်ဒီး အဝဲသ့ၣ်မ့ၢ်အိၣ်ဒီးယတၢ်ကစီၣ်န့ၣ်ဒီး, မ်အဝဲသ့ၣ်ဃ့ကညးယၤ, ယွၤသ့တၢ်လၢာ်လၢ, ယသုတပျဲ တၢ်စိာ်ထီၣ်ကွံာ်တၢ်လုၢ်ဒိၣ်ပှ့ၤဒိၣ်တဖၣ်လၢ အအိၣ်တ့ၢ်ဒံးလၢ ယွၤအတၢ်လုၢ်ဟံၣ်အပူၤ ဒီးစီၤပၤအနူၢ်ပူၤန့ၣ်, ဆူကီၢ်ဘၤဘူၤလိၣ်တဂ့ၤ, န့ၣ်တက့ၢ်.

လံာ်ယံးရမံယၤ 42:4

ယစံးဆၢယဲ, “မ့မ့ၢ်ဒ်န့ၣ်ဒီး, ဂ့ၤလံ. ယကဃ့ထုကဖၣ်ဆူ ယွၤပကစၢ် ယွၤဒ်သုမၢတ့ၢ်ယၤအသိး, ဒီၤဖဲတၢ်လၢအဝဲစံးဝဲ တမံၤဂ့ၤတမံၤဂ့ၤန့ၣ်, ယကတဲဘၣ်သုလီၤ. ယတပာ်တဒၢ တၢ်လၢသုနီတမံၤဘၣ်.”

လံာ်ယံးရမံယၤ 6:16

ယွၤစံးဘၣ်တ့ၢ်အပှၤဂီၢ်မုၢ်, “ဆၢထၢၣ်ဖဲကျဲဘၣ်သဂၢၢ်လိာ်သးဒီးကွၢ်တၢ်တက့ၢ်. သံကွၢ်က့ၤကျဲဖိလၢပျၢၤတဖၣ်ဒီး, ကျဲမုၢ်အဂ့ၤကတၢၢ်အိၣ်ဝဲဖဲလဲၣ်န့ၣ်တက့ၢ်. လဲၤတၢ်လၢအပူၤဒီး သုကအိၣ်မူဘၣ်လၢတၢ်ဃူတၢ်မုာ်အပူၤန့ၣ်လီၤ.” ဘၣ်ဆၣ်ဒီးအဝဲသ့ၣ်စံးဝဲ, “ပတလဲၤပိာ်ဘၣ်.”

မၤတၢ် 12:5

လၢတၢ်န့ၣ်အဃိ, စီၤပ့းတရူးဘၣ်တၢ်ဒုးဃာ်ပာ်အီၤလၢဃိာ်ပူၤ, ဘၣ်ဆၣ်တၢ်အိၣ်ဖှိၣ်ဖိတဖၣ်ဃ့ဘါထုကဖၣ်ကစၢ်ယွၤသပှၢ်ပှၢ်လၢ အဝဲဒၣ်အဂီၢ်လီၤ.

မၤတၢ် 20:20

သုသ့ၣ်ညါလၢ, ဖဲယစံၣ်တဲၤတဲလီၤန့ၢ်သုတၢ်ဒီးသိၣ်လိသီလိသုလၢ ကမျၢၢ်အကျါမ့ၢ်ဂ့ၤ, လၢသုဟံၣ်သုဃီပူၤမ့ၢ်ဂ့ၤ, တၢ်တမံၤလၢ်လၢ်လၢအကကဲထီၣ်တၢ်မၤစၢၤလၢသုဂီၢ်န့ၣ်, ယတပာ်ခူသူၣ်ယဲနီတမံၤဘၣ်န့ၣ်လီၤ.

ရိမ့ၤ 1:9

အဂ့ၢ်ဒ်အံၤ, ကစၢ်ယွၤလၢယမၤအတၢ်လၢယသးဒီဖျၢၣ်ညါ ခီဖျိတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီးအဖိခွါန့ၣ်, မ့ၢ်ပှၤအုၣ်အသးလၢတၢ်လၢယစံးတဖၣ်မ့ၢ်ဝဲတီဝဲန့ၣ်လီၤ. ကစၢ်ယွၤသ့ၣ်ညါလၢယသ့ၣ်နီၣ်ထီၣ်သုထီဘိလၢယတၢ် ထုကဖၣ်အပူၤန့ၣ်လီၤ.

1 ကရံၣ်သူး 9:16

ယတအိၣ်ဒီးတၢ်အခွဲးအယာ်လၢယကပာ်ကဖၢလၢယသး, မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိဘၣ်. နီၢ်နီၢ်တခီန့ၣ်တၢ်ဟ့ၣ်လီၤယၤတၢ်ကလုၢ်လၢယကမၤတၢ်မၤ တမံၤအံၤန့ၣ်လီၤ. ဒီးယမ့ၢ်တစံၣ်တဲၤတဲလီၤတၢ်သးခုကစီၣ်န့ၣ်, တၢ်ကနးကဖှီၣ်မးလၢယဂီၢ်ဆံးဒိၣ်လဲၣ်.

ကလီးစဲ 1:28

ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.

ကလီးစဲ 1:9

လၢတၢ်န့ၣ်အဃိ, စးထီၣ်မုၢ်တနံၤလၢပနၢ်ဟူဘၣ်သုဂ့ၢ်လံၤလံၤ န့ၣ်ပတဆိတ့ၢ်ဘါထုကဖၣ်လၢသုဂီၢ်ဘၣ်. ပတၢ်ထုကဖၣ်လၢ သုဂီၢ်မ့ၢ်ဒ်သိးယွၤကမၤပှဲၤသုဒီးတၢ်သ့ၣ်ညါအတၢ်ဘၣ်အသးဒီး တၢ်ကူၣ်ဘၣ်ကူၣ်သ့ဒီးတၢ်သ့ၣ်ညါနၢ်ပၢၢ်ခဲလၢာ်လၢယွၤ အသးဟ့ၣ်လီၤဝဲ,

၁ သ့းစၤလနံ 3:10

မုၢ်ဆါဒီးမုၢ်နၤန့ၣ်ပဃ့အီၤလၢပသးဒီဖျၢၣ်ညါ, ဒ်သိးအကပျဲပထံၣ်လိာ်ဘၣ်ပသးမဲာ်သကိးမဲာ်, ဒီးဟ့ၣ်သုတၢ်လၢသုလိၣ်ဘၣ်ဒံးလၢသုတၢ်စူၢ်တၢ်နာ်အပူၤ န့ၣ်လီၤ.

၂ တံၤမသ့း 1:3

ယစံးဘျုးကစၢ်ယွၤလၢယမၤအတၢ်လၢသးလၢအသ့ၣ်ညါ ဒၣ်တၢ်အဂ့ၤတီတီအပူၤ, ဒ်ယမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲ အသိးန့ၣ်လီၤ. ယစံးဘျုးအီၤဖဲယသ့ၣ်နီၣ်ထီၣ်နၤထီဘိလၢ ယတၢ်ထုကဖၣ်အပူၤ, လၢမုၢ်ဆါဆဲးလၢမုၢ်နၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:19

ဒီးအဝဲသ့ၣ်စံးဘၣ်စီၤၡမူၤအ့လး, “တၢ်ဒိၣ်ဧၢ, ဝံသးစူၤဘါထုကဖၣ်ဆူယွၤ, နကစၢ်ယွၤအအိၣ်လၢပဂီၢ်ဒ်သိးပသု တသံတဂ့ၤန့ၣ်တက့ၢ်. ခဲအံၤပသ့ၣ်ညါလီၤတံၢ်လၢ, ပတၢ်ဒဲးဘးအဂၤခဲလၢာ်အမဲာ်ညါန့ၣ်ပမၤတ့ၢ်တၢ်ဒဲးဘးခီဖျိ ပဃ့န့ၢ်စီၤပၤတဂၤအဃိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 8:6

စီၤၡမူၤအ့လးတဘၣ်သူၣ်ဘၣ်သးလၢအဝဲသ့ၣ်အတၢ်ဃ့န့ၢ်စီၤပၤ တဂၤအဂီၢ်န့ၣ်ဘၣ်. အဃိဒီး, အဝဲဘါထုကဖၣ်တၢ်ဆူ ယွၤအအိၣ်လီၤ.