လံာ်စီၤၡမူၤအ့လးအခီၣ်ထံးတဘ့ၣ် 12:20 - Sgaw Karen Common Bible

²⁰ စီၤၡမူၤအ့လးစံးဝဲဒၣ်, “ပျံၤတၢ်တဂ့ၤ, သုမ့ၢ်မၤတ့ၢ်တၢ်အၢတၢ်သီဒ်န့ၣ်အသိးဘၣ်ဆၣ်, ဃၣ်ကွံာ်သုသးလၢယွၤအအိၣ်တဂ့ၤ, မ့မ့ၢ်မၤအတၢ်မၤလၢသုသး ဒီဖျၢၣ်ညါတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 12:20 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

စံးထီၣ်ပတြၢၤ 101:3

ဒီး တပျဲတၢ်အၢတၢ်သီမၤအသး နီတစုဘၣ်. ပှၤတဖၣ်လၢ အဃၣ်ကွံာ်အသးယံၤဒီး ကစၢ်ယွၤအတၢ်ဖံးတၢ်မၤန့ၣ် ယသးဟ့အီၤ, ဒီးယတမၤဘၣ်အၢယသးဒီး အဝဲသ့ၣ်ဘၣ်.

စံးထီၣ်ပတြၢၤ 125:5

မ့မ့ၢ်ပှၤလၢ ပိာ်ကျဲအက့ၣ်အကူတဖၣ်န့ၣ် ယွၤကဟီထီၣ်ကွံာ်အီၤဃုာ်ဒီး ပှၤမၤတၢ်အၢန့ၣ်လီၤ. မ်တၢ်ဃူတၢ်ဖိးအိၣ်လၢအံၣ်စရ့လးအပူၤတက့ၢ်.

စံးထီၣ်ပတြၢၤ 40:4

ပှၤလၢအပာ်ယွၤလၢအတၢ်သန့ၤအသး, ပှၤလၢအတဃၣ်အသးဆူတၢ်ဂီၤတၢ်ဖီၣ်, မ့တမ့ၢ်ပှၤလၢအတဒုးစဲဘူးအသးလၢ ကစၢ်လၢအတမ့ၢ်တတီသ့ၣ်တဖၣ်န့ၣ်, ဘၣ်ဆိၣ်ဂ့ၤဝဲလီၤ.

လံာ်တၢ်ဟးထီၣ်ကွံာ် 23:25

သုမ့ၢ်ဘူၣ်ထီၣ်ဘါထီၣ်ယၤ, ယွၤ, သုကစၢ်ယွၤဒီး, ယကဆိၣ်ဂ့ၤသုလၢတၢ်အီၣ်တၢ်အီဒီးထံဒီးသုးယံၤကွံာ် ကယဲၢ်သုတၢ်ဆူးတၢ်ဆါခဲလၢာ်လီၤ.

လံာ်တၢ်ဟးထီၣ်ကွံာ် 32:30

လၢခံတနံၤန့ၣ်စီၤမိၤၡ့စံးဘၣ်ပှၤဂီၢ်မုၢ်, “သုမၤတ့ၢ်တၢ်ဒဲးဘးအၢအၢသီသီတမံၤလီၤ. ဘၣ်ဆၣ်ဒီးခဲအံၤယကလဲၤထီၣ်ကဒီးဆူကစၢၢ်ဒီခိၣ်ဆူယွၤအအိၣ်လီၤ. ဘၣ်သ့ၣ်သ့ၣ်ယမၤန့ၢ်တၢ်ပျၢ်တၢ်ဒဲးဘးလၢသုဂီၢ်ကသ့ဝဲလီၤ.”

လံာ်ယံးရမံယၤ 3:1

ယွၤစံးဝဲ, “ပှၤတဂၤမ့ၢ်ပာ်မၢ်အမါ, ဒီးအမါဟးသဒၣ်အီၤဒီး ကဲထီၣ်ပှၤအဂၤတဂၤအမါဒီး, အဝဲဟံးန့ၢ်က့ၤကဒီးအီၤတသ့ လၢၤဘၣ်. တၢ်အံၤကမၤဘၣ်အၢထံကီၢ်လၢာ်လၢာ်ဆ့ဆ့လီၤ. ဘၣ်ဆၣ်ဒီးကီၢ်အံၣ်စရ့လးဧၢ, နအိၣ်တ့ၢ်ဒီးပှၤလၢနအဲၣ်အီၤအါ ဂၤ, ဒီးအခဲအံၤတခီနအဲၣ်ဒိးဟဲက့ၤကဒါက့ၤဆူယအိၣ်လီၤ.

လံာ်ဃးကဲ 2:5

ဖဲသုဟးထီၣ်ကွံာ်လၢကီၢ်အဲၤကူပတူးန့ၣ်, ယအၢၣ်လီၤအီလီၤတ့ၢ်လၢယကအိၣ်ဒီးသုထီဘိလီၤ. ယအိၣ်ဒံးဒီးသုအဃိဒီး, ပျံၤတၢ်တဂ့ၤ.

လံာ်သိၣ်လီၤသီလီၤတၢ် 10:12

ခဲကနံၣ်အံၤ, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယွၤ, သုကစၢ်ယွၤဃ့ဝဲလၢသုအိၣ်န့ၣ်တက့ၢ်. အိၣ်ဒီးတၢ်ယူးယီၣ်ယွၤ, ဒီးမၤကယဲၢ်တၢ်လၢအဝဲမၤလိာ်ဝဲတဖၣ် န့ၣ်တက့ၢ်. အဲၣ်အီၤ, မၤအတၢ်မၤလၢသုသးဒီဖျၢၣ်ညါ,

လံာ်သိၣ်လီၤသီလီၤတၢ် 11:16

ပျဲသုနီၢ်ကစၢ်ဒၣ်ဝဲဘၣ်တၢ်ဆှၢယံၤကွံာ်သုလၢယွၤအအိၣ်လၢတၢ် ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်အဂီၢ်တဂ့ၤ.

လံာ်သိၣ်လီၤသီလီၤတၢ် 31:29

ယသ့ၣ်ညါလၢဖဲယသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤတ တီတလိၤဒီးညိကွံာ်တၢ်လၢယသိၣ်လိတ့ၢ်အဝဲသ့ၣ်န့ၣ်လီၤ. ဒီးလၢတၢ်ဆၢကတီၢ်လၢအကဟဲအပူၤန့ၣ်, အဝဲသ့ၣ်ကဘၣ်သဂၢၢ်ဒီးတၢ်တတၢးတနါ, မ့ၢ်လၢအဝဲသ့ၣ်ကမၤသးထီၣ် ယွၤခီဖျိတၢ်လၢအဝဲတြီတ့ၢ်ဝဲတဖၣ်အဃိန့ၣ်လီၤ.”

လံာ်စီၤယိၤၡူ 23:6

လၢတၢ်န့ၣ်အဃိဒီး, အိၣ်ဂၢၢ်ကျၢၤလၢသုကဟံးဃာ်ဒီး မၤကယဲၢ်တၢ်ကွဲးအသးလၢစီၤမိၤၡ့အလံာ်တၢ်သိၣ်တၢ်သီအပူၤ, ဒီးဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤသုသုတဃၣ်ကွံာ်သုသးတဂ့ၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 12:19

ဒီးအဝဲသ့ၣ်စံးဘၣ်စီၤၡမူၤအ့လး, “တၢ်ဒိၣ်ဧၢ, ဝံသးစူၤဘါထုကဖၣ်ဆူယွၤ, နကစၢ်ယွၤအအိၣ်လၢပဂီၢ်ဒ်သိးပသု တသံတဂ့ၤန့ၣ်တက့ၢ်. ခဲအံၤပသ့ၣ်ညါလီၤတံၢ်လၢ, ပတၢ်ဒဲးဘးအဂၤခဲလၢာ်အမဲာ်ညါန့ၣ်ပမၤတ့ၢ်တၢ်ဒဲးဘးခီဖျိ ပဃ့န့ၢ်စီၤပၤတဂၤအဃိလီၤ.”