လံာ်စီၤၡမူၤအ့လးအခီၣ်ထံးတဘ့ၣ် 12:18 - Sgaw Karen Common Bible

¹⁸ မၤသးဒ်န့ၣ်ဒီးစီၤၡမူၤအ့လးဘါထုကဖၣ်တၢ်, ဒီးလၢတနံၤဃီန့ၣ်ယွၤဆှၢလီၤလီသီၣ်လီသဲဒီးတၢ်စူၤလီၤ. တုၤနုၤတစု, ပှၤဂီၢ်မုၢ်ခဲလၢာ်ပျံၤယွၤဒီးစီၤၡမူၤအ့လးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:18 Iomraidhean Croise

လံာ်စီၤပၤအခီၣ်ထံးတဘ့ၣ် 18:42

ဖဲစီၤအၤဃာ်လဲၤတ့ၢ်ဒ်သိးကအီၣ်တၢ်န့ၣ်, စီၤအ့ၤလံယၤလဲၤထီၣ်ဆူကစၢၢ်ကၢ်မ့ၤလးအဒီခိၣ်, ဖဲအဝဲထိၣ်လီၤပှီၤအသးလၢဟီၣ်ခိၣ်လိၤဒီးပာ်အခိၣ်လၢအခီၣ် လ့ၣ်ခိၣ်အကဆူးန့ၣ်လီၤ.

လံာ်စီၤဧ့စြၤ 10:9

လၢသၢသီအတီၢ်ပူၤ, ဖဲလါခွံလါတလါထီၣ်အသီခံဆံန့ၣ်, ကယဲၢ်ပှၤပိာ်ခွါခဲလၢာ်လၢအအိၣ်ဆိးဝဲလၢယူဒၤဒီးဘံၣ်ယၤ မံၣ်အဒူၣ်အလီၢ်ကဝီၤပူၤန့ၣ်ဟဲဆူဝ့ၢ်ယရူၤၡလ့ၣ်ဒီးပာ်ဖှိၣ် ထီၣ်အသးဖဲတၢ်လုၢ်ဟံၣ်အဂၢၤပူၤန့ၣ်လီၤ. တၢ်ဟဲစူၤဖးဒိၣ်, ဒီးမ့ၢ်လၢမူခိၣ်ကလံၤသီၣ်ဂီၤဒီးတၢ်အိၣ်ဖှိၣ်ရိဖှိၣ်အတၢ် ကါဒိၣ်အဃိ, ပှၤကိးဂၤဒဲးကနိးကစုာ်ဝဲဒၣ်န့ၣ်လီၤ.

လံာ်စီၤယိၤဘး 37:13

ကစၢ်ယွၤဆှၢလီၤတၢ်စူၤထံဒ်သိးကမၤဘၣ်စီၣ်ဟီၣ်ခိၣ်န့ၣ်လီၤ. ဒီးလၢတၢ်သိၣ်ဃီၣ်ပှၤကညီမ့ၢ်ဂ့ၤ, တၢ်ဒုးထံၣ်အီၤလၢအတၢ် ဘၣ်အသးမ့ၢ်ဂ့ၤအဝဲကဆှၢလီၤဝဲလီၤ.

စံးထီၣ်ပတြၢၤ 99:6

စီၤမိၤၡ့ဒီး စီၤအၤဟရိၣ်မ့ၢ် အပှၤလုၢ်တၢ်အခိၣ်တဖၣ်, ဒီးစီၤၡမူၤအ့လးမ့ၢ် ပှၤတဂၤလၢ အဘါထုကဖၣ်တၢ်ဆူအီၤလီၤ. အဝဲသ့ၣ်ကိးထီၣ်ယွၤဒီး အဝဲဒၣ်စံးဆၢအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 14:31

ဖဲပှၤအံၣ်စရ့လးဖိတဖၣ်ထံၣ်ဘၣ်တၢ်စိတၢ်ကမီၤဖးဒိၣ်လၢယွၤ မၤနၢၤကွံာ်ပှၤအဲၤကူပတူးဖိတဖၣ်ဒီးပှၤဂီၢ်မုၢ်ပျံၤယွၤ ဒီးအဝဲသ့ၣ်နာ်ယွၤဒီးအခ့အပှၤစီၤမိၤၡ့န့ၣ်လီၤ.

လံာ်စီၤယိၤၡူ 10:12

မုၢ်တနံၤလၢယွၤဟ့ၣ်ပှၤအံၣ်စရ့လးဖိ တၢ်မၤနၢၤလၢပှၤအမိၢ်ဖိအဖီခိၣ်န့ၣ်, စီၤယိၤ ၡူကတိၤတၢ်ဒီးယွၤလၢပှၤအံၣ်စရ့လးဖိတဖၣ်အမဲာ်ညါဒီးစံးဝဲ, “မုၢ်ဧၢ, အိၣ်ဂၢၢ်တပၢၢ်လၢဝ့ၢ်ကံးဘိၣ်အဖီခိၣ်ဒီးလါဧၢ, အိၣ်ကတီၢ်လၢအးယၤလိၣ်အကစၢၢ်ကဆူးအဖီခိၣ်န့ၣ်တက့ၢ်.”

လံာ်စီၤယိၤၡူ 4:14

ဒီးလၢနံၤအဝဲန့ၣ်, ယွၤယူာ်ထီၣ်ထီစီၤယိၤၡူလၢအံၣ်စရ့လးခဲလၢာ်အမဲာ်ညါဒီးဒ် အဝဲသ့ၣ်, ပျံၤစီၤမိၤၡ့အသိးန့ၣ်, ပျံၤစ့ၢ်ကီးစီၤယိၤၡူတစိၤဒၣ်အီၤန့ၣ်လီၤ.