လံာ်စီၤၡမူၤအ့လးအခီၣ်ထံးတဘ့ၣ် 12:12 - Sgaw Karen Common Bible

¹² ဘၣ်ဆၣ်ဒီးဖဲသုထံၣ်လၢပှၤဧၣ်မိၣ်အစီၤပၤစီၤနၤဃၣ်ဘူးတ့ၢ်က ဟဲဒုးသုန့ၣ်သုညိကွံာ်ယွၤဒ်သုစီၤပၤအသိးဒီးစံးဘၣ်ယၤ, (ပအဲၣ်ဒိးဘၣ်စီၤပၤတဂၤလၢကပၢပှၤလီၤ.)

လံာ်စီၤၡမူၤအ့လးအခီၣ်ထံးတဘ့ၣ် 12:12 Iomraidhean Croise

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

စံးထီၣ်ပတြၢၤ 74:12

ကစၢ်ယွၤမ့ၢ်ယစီၤပၤလၢပျၢၤ, လၢအမၤတၢ်အုၣ်က့ၤခီၣ်က့ၤလၢ ထံဧိၤကီၢ်ဧိၤအပူၤလီၤ.

လံာ်ယၡါယၤ 33:22

ယၢ်ထူၣ်ခဲလၢာ်လၢကဘီတဖၣ်န့ၣ်အလိၤတၢ်သူအီၤ တသ့လၢၤဘၣ်. ယၢ်လၣ်တဖၣ်တၢ်သလၣ်ထီၣ်အီၤတန့ၢ်လၢၤဘၣ်. ပကဂုာ်ဟံးန့ၢ်ဒုၣ်ဒါအသုးမုၢ်တဖၣ်အတၢ်ထူးတၢ်တီၤခဲလၢာ်, ဒီးတၢ်ကအိၣ်အါဝဲဂီၢ်ဝဲတုၤပှၤစုတဆူၣ်အခီၣ်တဂ့ၤတဖၣ်ဒၣ်လဲာ် မၤန့ၢ်တၢ်နီၤဟ့ၣ်တမံၤလၢအဝဲသ့ၣ်အဂီၢ်ကသ့ဝဲလီၤ.

လံာ်ယံးရမံယၤ 40:11

ဖဲန့ၣ်အခါ, ပှၤအံၣ်စရ့လးဖိခဲလၢာ်လၢအအိၣ်ဆိးလၢကီၢ်မိၤ အး, ကီၢ်ဧၣ်မိၣ်, ကီၢ်အဒိၣ်, ဒီးကီၢ်အဂၤတဖၣ်အပူၤန့ၣ်, နၢ်ဟူဝဲလၢကီၢ်ဘၤဘူၤလိၣ်အစီၤပၤပျဲပှၤအံၣ်စရ့လးဖိတနီၤ ကအိၣ်ဒံးဝဲလၢကီၢ်ယူဒၤဒီးအဝဲပာ်ထီၣ်စီၤကဒါလယၤလၢကီၢ် အပဒိၣ်ဖးဒိၣ်န့ၣ်လီၤ.

လံာ်ဟိၤၡ့ 13:10

နဃ့စီၤပၤတဂၤဒီးပဒိၣ်ပပှၢ်တဖၣ်ဘၣ်ဆၣ်, အဝဲသ့ၣ်မၤပူၤဖျဲးပှၤတကလုာ်ကသ့ဒ်လဲၣ်.

လံာ်တၢ်ဂံၢ် 23:21

ယထံၣ်ဆိပာ်တၢ်လၢကီၢ်အံၣ်စရ့လးအတၢ်အိၣ်မူဆူညါတဟဲစိာ်န့ၢ် အီၤတၢ်တတၢးတနါမ့တမ့ၢ်, တၢ်ကီတၢ်ခဲနီတမံၤန့ၣ်ဘၣ်. ယွၤ, အဝဲသ့ၣ်အကစၢ်ယွၤန့ၣ်အိၣ်ဒီးအဝဲသ့ၣ်လီၤ. အဝဲသ့ၣ်ကိးထီၣ်ဘိးဘၣ်သ့ၣ်ညါဝဲလၢယွၤမ့ၢ် အဝဲသ့ၣ်အစီၤပၤန့ၣ်လီၤ.

လံာ်ပှၤစံၣ်ညီၣ်ကွီၢ် 8:23

စီၤကံးဒဧိၣ်စံးဆၢဝဲဒၣ်, “ယတပၢသုဘၣ်. ယဖိခွါတဖၣ်စ့ၢ်ကီးတပၢသုဘၣ်. ယွၤကပၢသုန့ၣ်လီၤ.”

လံာ်ပှၤစံၣ်ညီၣ်ကွီၢ် 9:18

ဘၣ်ဆၣ်ဒီးမုၢ်မဆါတနံၤအံၤသုဃၣ်သုသးထီဒါယပၢ်အဟံၣ်ဖိဃီဖိလီၤ. သုမၤသံကွံာ်အဖိခွါအဂၤနွံဆံလၢလၢၢ်တဖျၢၣ်ဃီဖီခိၣ်, ဒီးထဲဒၣ်လၢအဝဲအဖိခွါစီၤအဘံၤမ့လ့း လၢအမၤန့ၢ်ဝဲလၢအကုၢ်ပိာ်မုၣ်, မ့ၢ်သုဘူးသုတံၢ်အဃိဧိၤန့ၣ်, သုဒုးကဲထီၣ်အီၤစီၤပၤလၢၡက့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:19

ယမ့ၢ်သုကစၢ်ယွၤ, ပှၤတဂၤလၢအအုၣ်က့ၤခီၣ်က့ၤသုလၢကယဲၢ်သုတၢ်ကိၢ်တၢ်ဂီၤဒီး တၢ်ကီတၢ်ခဲတဖၣ်အပူၤန့ၣ်လီၤ. ဘၣ်ဆၣ်တနံၤအံၤသုညိကွံာ်ယၤဒီးဃ့တ့ၢ်ယၤလၢယကဟ့ၣ်သု စီၤပၤတဂၤလီၤ. ဂ့ၤလံ. မ့မ့ၢ်ဒ်န့ၣ်ဒီး, ပာ်ဖှိၣ်ထီၣ်သုသး လၢယွၤအမဲာ်ညါဒ်ဒူၣ်, တဒူၣ်ဘၣ်တဒူၣ်ဒီးဒူၣ်ထၢတဒူၣ်တထၢဘၣ် တဒူၣ်တထၢအသိးတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 8:3

ဘၣ်ဆၣ်ဒီး, အဝဲသ့ၣ်တမၤထွဲအပၢ်အဒိအတဲာ်ဘၣ်. အဝဲသ့ၣ်အသးစဲဒၣ်ထဲလၢကမၤန့ၢ်တိၢ်ဧိၤစ့ဧိၤန့ၣ်လီၤ. လၢတၢ်န့ၣ်အဃိအဝဲသ့ၣ်တူၢ်လိာ်ခိၣ်ဖးလာ်ဆှိးတဖၣ်ဒီးတစံၣ် ညီၣ်တဲာ်တၢ်ဂ့ၢ်တၢ်ကျိၤတဖၣ်လၢတၢ်သူၣ်တီသးလိၤအပူၤဘၣ်လီၤ.