လံာ်စီၤၡမူၤအ့လးအခီၣ်ထံးတဘ့ၣ် 12:10 - Sgaw Karen Common Bible

¹⁰ အန့ၣ်တစု, အဝဲသ့ၣ်ကိးထီၣ်ဆူယွၤအအိၣ်လၢတၢ်မၤစၢၤအဂီၢ်ဒီး စံးဝဲ, “ပမၤတ့ၢ်တၢ်ဒဲးဘးလံ. အဂ့ၢ်ဒ်အံၤ, ပဃၣ်ကွံာ်ပသးလၢနအိၣ်ယွၤဧၢ, ဒီးဘူၣ်ထီၣ်ဘါထီၣ်ဘဧၤလးဒီးအၤၡတြိးတဖၣ်အတၢ်ဂီၤသိအသး န့ၣ်လီၤ. အုၣ်က့ၤခီၣ်က့ၤပှၤလၢပဒုၣ်ပဒါတဖၣ်အစုပူၤ, ဒီးပကဘူၣ်ထီၣ်ဘါထီၣ်နၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:10 Iomraidhean Croise

စံးထီၣ်ပတြၢၤ 106:44

အန့ၣ်ဒၣ်လဲာ်, ဖဲအဝဲသ့ၣ်ကိးထီၣ်န့ၣ် ယွၤနၢ်ဟူအဝဲသ့ၣ်ဒီး အဝဲပာ်သူၣ်ပာ်သးလၢ အဝဲသ့ၣ်အတၢ်ကိၢ်တၢ်ဂီၤန့ၣ်လီၤ.

လံာ်ယၡါယၤ 26:16

နစံၣ်ညီၣ်နပှၤဂီၢ်မုၢ်, ယွၤဧၢ, ဒီးလၢတၢ်သးကိၢ်သးဂီၤအပူၤ အဝဲသ့ၣ်ဘါထုကဖၣ်တၢ်ဆူနအိၣ်လီၤ.

လံာ်ယၡါယၤ 33:22

ယၢ်ထူၣ်ခဲလၢာ်လၢကဘီတဖၣ်န့ၣ်အလိၤတၢ်သူအီၤ တသ့လၢၤဘၣ်. ယၢ်လၣ်တဖၣ်တၢ်သလၣ်ထီၣ်အီၤတန့ၢ်လၢၤဘၣ်. ပကဂုာ်ဟံးန့ၢ်ဒုၣ်ဒါအသုးမုၢ်တဖၣ်အတၢ်ထူးတၢ်တီၤခဲလၢာ်, ဒီးတၢ်ကအိၣ်အါဝဲဂီၢ်ဝဲတုၤပှၤစုတဆူၣ်အခီၣ်တဂ့ၤတဖၣ်ဒၣ်လဲာ် မၤန့ၢ်တၢ်နီၤဟ့ၣ်တမံၤလၢအဝဲသ့ၣ်အဂီၢ်ကသ့ဝဲလီၤ.

လံာ်စီၤယိၤၡူ 13:31

ပၣ်ဃုာ်ဒီးကီၢ်ကံးလဧးတဝာ်, ဃုာ်ဒီးဧၤၡတြိးဒီးအ့ဒြံၤ, လၢအမ့ၢ်ဝ့ၢ်ခိၣ်တဖၣ်လၢစီၤပၤစီၤဧိာ်အဘီအမုၢ်လၢ ကီၢ်ဘၤၡၣ်အပူၤန့ၣ်လီၤ. တၢ်ခဲလၢာ်အံၤဘၣ်တၢ်ဟ့ၣ်လီၤအီၤဆူစီၤမနၤၡ့ၤအဖိခွါစီၤ မၤက့ၢ်အဖိအလံၤအဒူၣ်ဖိထၢဖိတဝာ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:10

တုၤနုၤတစု, ပှၤအံၣ်စရ့လးဖိတဖၣ်ကိးထီၣ်ဆူယွၤအအိၣ်ဒီးစံး, “ပမၤတ့ၢ်တၢ်ဒဲးဘးထီဒါနၤလံ. အဂ့ၢ်ဒ်အံၤပညိကွံာ်တ့ၢ်နၤ, ပကစၢ်ယွၤဒီးဘူၣ်ထီၣ်ဘါထီၣ်ဘဧၤလးတဖၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 2:11

တုၤနုၤတစုကီၢ်အံၣ်စရ့လးအပှၤဂီၢ်မုၢ်မၤတၢ်ဒဲးဘးထီဒါ ယွၤဒီးစးထီၣ်မၤဘဧၤလးအတၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 2:13

ဒီးအဝဲသ့ၣ်ဆိကတီၢ်ဘူၣ်ထီၣ်ဘါထီၣ်ယွၤ, ဒီးမၤဘဧၤလးဒီးဧၡတြိးတဖၣ်အတၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:15

တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢကမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲ ပှၤဘံၣ်ယၤမံၣ်ဖိစီၤက့ရၤအဖိခွါစီၤအ့ဟူာ်န့ၣ်လီၤ. ဒီးစီၤအ့ဟူာ်မ့ၢ်ပှၤအစုဆူၣ်လၢစုစ့ၣ်တခီန့ၣ်လီၤ. အံၣ်စရ့လးအပှၤဂီၢ်မုၢ်ဆှၢလီၤစီၤအ့ဟူာ်ဆူကီၢ်မိၤအးအစီၤ ပၤစီၤဧ့းကလိၣ်အအိၣ်ဃုာ်ဒီးတၢ်ဟ့ၣ်တဖၣ်လၢအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:7

ကီၢ်အံၣ်စရ့လးအပှၤဂီၢ်မုၢ်သးပ့ၤနီၣ်ကွံာ်အကစၢ်ယွၤ, ဒီးမၤတၢ်ဒဲးဘးထီဒါအီၤ, ဒီးဘူၣ်ထီၣ်ဘါထီၣ်ဘဧၤလးဒီး အၡ့ရၤအတၢ်ဂီၤတၢ်ဖီၣ်တဖၣ်လီၤ.

လံာ်ပှၤစံၣ်ညီၣ်ကွီၢ် 3:9

တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢအမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲစီၤကၤလ့းအပုၢ်ပိာ်ခွါစီၤကနးစးအဖိခွါ စီၤဧီၤသန့လးန့ၣ်လီၤ.

လံာ်ပှၤစံၣ်ညီၣ်ကွီၢ် 4:3

စီၤပၤယၤဘံၣ်အိၣ်ဒီးလ့ၣ်ကဟၣ်ဒုးသုးထးအဆိခွံကယၤ, ဒီးအဝဲပၢအံၣ်စရ့လးအပှၤဂီၢ်မုၢ်လၢတၢ်အၢတၢ်သီဒီး တၢ်မၤအၢမၤနးဖးဒိၣ်အပူၤအနံၣ်ခံဆံန့ၣ်လီၤ. တုၤနုၤတစုအံၣ်စရ့လးအပှၤဂီၢ်မုၢ်ကိးပသူထီၣ်ဆူယွၤအအိၣ် လၢတၢ်မၤစၢၤအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:7

တုၤနုၤတစု, အံၣ်စရ့လးအပှၤဂီၢ်မုၢ်ကိးပသူထီၣ်ဆူယွၤအအိၣ် လၢတၢ်မၤစၢၤအဂီၢ်ထီဒါပှၤမံးဒယၣ်ဖိတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:2

ယွၤအတၢ်အၢၣ်လီၤအီလီၤအတလါစီဆှံအိၣ်ဝဲလၢဝ့ၢ်ကံးရယးယဧၤ ရံၣ်ဖးယံာ်ညါတုၤလၢအနံၣ်ခံဆံန့ၣ်လီၤ. လၢအကတီၢ်ဖဲအံၤအပူၤအတ့ၤန့ၣ်ပှၤအံၣ်စရ့လးဖိတဖၣ် ကိးပသူထီၣ်ဆူယွၤအအိၣ်လၢတၢ်မၤစၢၤအဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:6

လၢတၢ်န့ၣ်အဃိအဝဲသ့ၣ်ပာ်ဖှိၣ်ထီၣ်အသးဖဲဝ့ၢ်မံးစပၤလီၤ. အဝဲသ့ၣ်ဒၢၣ်န့ၢ်ထံတနီၤဒီးလူလီၤအီၤဒ်တၢ်လုၢ်မၤဘူၣ်တမံၤ ဆူယွၤအအိၣ်ဒီးဒုၣ်တၢ်အီၣ်သ့တနံၤကျၢၤလီၤ. အဝဲသ့ၣ်စံး, “ပမၤတ့ၢ်တၢ်ဒဲးဘးထီဒါယွၤလီၤ.” (ဝ့ၢ်မံးစပၤန့ၣ်မ့ၢ်တၢ်လီၢ်လၢစီၤၡမူၤအ့လးမၤလိၤမၤဘၣ် တၢ်ဂ့ၢ်လိာ်ဘှီလိာ်တဖၣ်လၢပှၤအံၣ်စရ့လးဖိတဖၣ်အဘၢၣ်စၢၤန့ၣ်လီၤ.)