လံာ်စီၤၡမူၤအ့လးအခီၣ်ထံးတဘ့ၣ် 11:5 - Sgaw Karen Common Bible

⁵ ဖဲအကတီၢ်အဝဲန့ၣ်စီၤစီလူးဟဲက့ၤလၢစံာ်ပျီဃုာ်ဒီးအဂီၤ ဖံးဖါတဖၣ်ဒီးအဝဲသံကွၢ်ဝဲ, “တၢ်လဲၤကမၣ်အသးဒ်လဲၣ်. ဘၣ်မနုၤလၢပှၤကိးဂၤဒဲးဟီၣ်ဝဲယၢၤဝဲန့ၣ်လဲၣ်.” အဝဲသ့ၣ်တဲဘၣ်အီၤတၢ်လၢပှၤစိာ်တၢ်ကစီၣ်တဖၣ်လၢဝ့ၢ်ယၤဘ့ၣ်ပာ် ဖျါတ့ၢ်ဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:5 Iomraidhean Croise

လံာ်တၢ်ကဲထီၣ်အခီၣ်ထံး 21:17

ဒီးကစၢ်ယွၤနၢ်ဟူဖိသၣ်ပိာ်ခွါအံၤဟီၣ်ဝဲအကလုၢ်ဒီးလၢမူ ခိၣ်န့ၣ်ကစၢ်ယွၤအကလူးကတိၤတၢ်ဒီးနီၢ်ဟၤကၢ်စံးဝဲ, “နီၢ်ဟၤကၢ်ဧၢ, နကိၢ်တၢ်လၢမနုၤအဂီၢ်န့ၣ်လဲၣ်. ပျံၤတၢ်တဂ့ၤ. ကစၢ်ယွၤနၢ်ဟူလံဖိသၣ်ပိာ်ခွါအတၢ်ဟီၣ်တၢ်ယၢၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:19

စီၤအ့ၤလံယၤဟးထီၣ်ဝဲဒီးထံၣ်ဘၣ်စီၤအလံၤၡါထဲၣ်တၢ်ဒီး ဂီၤဖံးဖါတဖုလီၤ. လၢအဝဲအမဲာ်ညါန့ၣ်ဂီၤဖံးဖါအိၣ်ဝဲတဆံတဆိ ဒီးအဝဲနီၣ်ဂီၤဖံးဖါလၢခံကတၢၢ်တဆိန့ၣ်လီၤ. စီၤအ့ၤလံယၤဘ့ၣ်လီၤကွံာ်အဆ့ကၤဖးထီဒီးပာ်ထီၣ်ဝဲလၢစီၤ အလံၤၡါအလိၤန့ၣ်လီၤ.

စံးထီၣ်ပတြၢၤ 78:71

ဖဲအကွၢ်ထွဲအသိအဖုအဂီၢ်တဖၣ် ဒီးဒုးကဲထီၣ်အီၤလၢ အံၣ်စရ့လးအစီၤပၤ, ကစၢ်ယွၤအပှၤဂီၢ်မုၢ်အပှၤကွၢ်သိန့ၣ်လီၤ.

လံာ်ယၡါယၤ 22:1

အအံၤမ့ၢ်တၢ်ကစီၣ်တခါဘၣ်ဃးဒီးတၢ်ထံၣ်လၢညါခီ အကစၢၢ်ကဆူးအဂ့ၢ်န့ၣ်လီၤ. တၢ်မနုၤမၤအသးန့ၣ်လဲၣ်. ဘၣ်မနုၤအဃိပှၤလၢဝ့ၢ်ပူၤတဖၣ် မၤမူးသးခုလၢအဟံၣ်တဖၣ်အခိၣ်ဒုးအဖီခိၣ်န့ၣ်လဲၣ်.

လံာ်ပှၤစံၣ်ညီၣ်ကွီၢ် 18:23

ဒီးတုၤအဝဲသ့ၣ်ချုးန့ၢ်ပှၤဒၣ်ဖိတဖၣ်ဒီးကိးပသူထီၣ်ဆူအဝဲသ့ၣ်အအိၣ်လီၤ. ပှၤဒၣ်ဖိတဖၣ်တရံးဃီၤအသးဒီးသံကွၢ်စီၤမံၤကါ, “မ့ၢ်အဘၣ်မနုၤလဲၣ်. ဘၣ်မနုၤပှၤဂီၢ်မုၢ်အံၤပာ်ဖှိၣ်အသးန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 9:1

ပှၤအိၣ်ဝဲတဂၤလၢအမ့ၢ်ပှၤထူးပှၤတီၤဒီးမ့ၢ်ပှၤအစိကမီၤအိၣ် လၢပှၤဂၤအဖီခိၣ်ဒီးအမံၤမ့ၢ်ဝဲ စီၤကံၣ်လၢစီၤဘံၣ်ယၤမံၣ်အဒူၣ်ပူၤန့ၣ်လီၤ. အဝဲမ့ၢ်စီၤစရိာ်အလံၤခွါ, စီၤအဘိၤအ့လးအဖိခွါ, ဒီးဘၣ်ထွဲဒီးစီၤအဖံၤအဒူၣ်ထၢအကျါဒူၣ်ထၢဖိတဒူၣ်လၢအမ့ၢ်စီၤဘကိရး အဟံၣ်ဖိဃီဖိန့ၣ်လီၤ.