လံာ်စီၤၡမူၤအ့လးအခီၣ်ထံးတဘ့ၣ် 11:4 - Sgaw Karen Common Bible

⁴ ပှၤစိာ်တၢ်ကစီၣ်တဖၣ်ဟဲတုၤဝဲလၢဝ့ၢ်ကံးဘဧၤဖဲစီၤစီလူး အိၣ်ဆိးဝဲဒီးဖဲအဝဲသ့ၣ်တဲဘၣ်တၢ်ကစီၣ်န့ၣ်, ပှၤဂီၢ်မုၢ်စးထီၣ်ဟီၣ်ဝဲ ယၢၤဝဲလၢတၢ်သးဟးဂီၤအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:4 Iomraidhean Croise

လံာ်တၢ်ကဲထီၣ်အခီၣ်ထံး 27:38

စီၤဧ့ၡီၤဃ့ကညးအပၢ်, “ပၢ်ဧၢ, မ့ၢ်နအိၣ်ဒီးတၢ်ဆိၣ်ဂ့ၤထဲ တမံၤဧိၤလီၤဧါ. ဆိၣ်ဂ့ၤစ့ၢ်ကီးယၤတက့ၢ်.” ဒီးစီၤဧ့ၡီၤဟီၣ်ဝဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:6

လၢတၢ်န့ၣ်အဃိဟ့ၣ်လီၤပှၤလၢအဝဲအစၢၤအသွဲၣ်ပိာ်ခွါနွံဂၤ ဒီးပကစၢသံအဝဲသ့ၣ်လၢယွၤအမဲာ်ညါလၢဝ့ၢ်ကံးဘဧၤ, တၢ်လီၢ်လၢအမ့ၢ်, စီၤပၤလၢယွၤဃုထၢတ့ၢ်အီၤစီၤစီလူးအဝ့ၢ်န့ၣ်လီၤ.” စီၤပၤစံးဆၢဝဲဒၣ်, “ယကဟ့ၣ်လီၤအဝဲသ့ၣ်ဆူသုအိၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 12:3

အဝဲသ့ၣ်ဘၣ်တၢ်ကဲခိၣ်ကဲနၢ်အီၤလၢပှၤကံဘဧးဖိစီၤၡၤမၤအဖိ ခွါစီၤအဃံၤဧ့စ့ၢ်ဒီးစီၤယိၤအၣ်န့ၣ်လီၤ. အအံၤမ့ၢ်ပှၤသုးဖိတဖၣ်န့ၣ်လီၤ. စီၤဧၤစမၤဝ့းအဖိခွါစီၤယံးစအ့လးဒီးစီၤပ့လး, ပှၤဧၤနသိးဖိစီၤဘရၤကၤဒီးစီၤယၤဟူ,

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.

1 ကရံၣ်သူး 12:26

နီၢ်ခိအက့ၢ်အဂီၤတမံၤမ့ၢ်တူၢ်ဘၣ်တၢ်ဒီး, က့ၢ်ဂီၤအဂၤခဲလၢာ်တူၢ်ဘၣ်ဃုာ်တၢ်ဒီးအီၤ, က့ၢ်ဂီၤတမံၤမ့ၢ်ဘၣ်တၢ်စံးထီၣ်ပတြၢၤအီၤဒီး က့ၢ်ဂီၤအဂၤတဖၣ်ခဲလၢာ်ဒိးန့ၢ်ဘၣ်ဃုာ်အဝဲဒၣ် အတၢ်သးခုလီၤ.

ကလၤတံ 6:2

ဝံလိာ်သုတၢ်ဝံတၢ်ယိးတဖၣ်တဂၤဒီးတဂၤ, ဒီးလၢကျဲဒ်အံၤ အပူၤန့ၣ်, သုကစူၢ်ခရံာ်အတၢ်သိၣ်တၢ်သီန့ၣ်လီၤ.

ဧ့ၤဘြံၤ 13:3

သ့ၣ်နီၣ်ထီၣ်ပှၤလၢအအိၣ်လၢဃိာ်ပူၤတဖၣ်တုၤဒၣ်လဲာ်တၢ် ကမၤအသးဒီးသုဒ်သုလီၤဘၣ်ဃိာ်ဒီးအဝဲသ့ၣ်အသိးန့ၣ် တက့ၢ်. သ့ၣ်နီၣ်ထီၣ်ပှၤလၢအဘၣ်တၢ်မၤအၢမၤနးအီၤတဖၣ် ဒ်သုတူၢ်ဘၣ်တၢ်ဒ်သိးအဝဲသ့ၣ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 2:4

ဖဲယွၤအကလူးစံးတၢ်အံၤဝံၤဒီး, အံၣ်စရ့လးအပှၤဂီၢ်မုၢ်ခဲလၢာ်န့ၣ်ဟီၣ်ဝဲယၢၤဝဲ န့ၣ်လီၤ.

လံာ်ပှၤစံၣ်ညီၣ်ကွီၢ် 20:23

လၢတၢ်န့ၣ်အဃိ, အံၣ်စရ့လးအသုးမုၢ်အသးဆူၣ်ထီၣ်ဒီးပာ်လီၤ ကဒီးအသုးမုၢ်အလီၢ်ဒ်လၢအပူၤကွံာ်တနံၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 20:26

တုၤနုၤတစု, ပှၤအံၣ်စရ့လးဖိခဲလၢာ်လဲၤထီၣ်ဆူဘ့ၤသ့လးဒီး ဟီၣ်ဝဲယၢၤဝဲလီၤ. အဝဲသ့ၣ်ဆ့ၣ်နီၤဖဲန့ၣ်လၢယွၤအမဲာ်ညါဒီးတၢ်အီၣ်တုၤမုၢ်ဟါလီၤတစုန့ၣ်လီၤ. အဝဲသ့ၣ်ဒုၣ်တၢ်အီၣ်ဒီးလုၢ်တၢ်လုၢ်မၤဃူမၤဖိး ဒီးတၢ်လုၢ်မ့ၣ်အူလၢကစၢ်ယွၤအမဲာ်ညါလီၤ.

လံာ်ပှၤစံၣ်ညီၣ်ကွီၢ် 21:2

ဒီးပှၤအံၣ်စရ့လးဖိတဖၣ်လဲၤဆူဘ့ၤသ့လးဒီးဆ့ၣ်နီၤဖဲန့ၣ် လၢကစၢ်ယွၤအမဲာ်ညါတုၤလၢမုၢ်ဟါလီၤတစုန့ၣ်လီၤ. ဒီးဟီၣ်ဝဲယၢၤဝဲဒိၣ်ဒိၣ်ကလဲာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:26

စီၤစီလူးစ့ၢ်ကီးက့ၤဆူအဟံၣ်လၢဝ့ၢ်ကံးဘဧၤအပူၤလီၤ. ပှၤပိာ်ခွါတနီၤလၢအဂံၢ်ဆူၣ်ဘါဆူၣ်လၢကစၢ်ယွၤထိးဘၣ်အသးန့ၣ် က့ၤဃုာ်ဒီးအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:2

လၢအသူၣ်အဒဲလၢသ့ၣ်သလဲသၣ်တထံးအဖီလာ်အိၣ်လၢဝ့ၢ်မံးကြိၣ် တဘူးတယံၤဒီးဝ့ၢ်ကံးဘဧၤန့ၣ်ဘၣ်. အဝဲအိၣ်ဒီးပှၤသုးဖိအဂၤဃုကယၤလၢအသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:34

အန့ၣ်ဝံၤဒီးစီၤၡမူၤအ့လးလဲၤဆူဝ့ၢ်ရၤမါဒီးစီၤပၤစီၤစီလူး က့ၤဆူအဟံၣ်အိၣ်လၢဝ့ၢ်ကံးဘဧၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:4

စီၤဒၤဝံးဒီးအပှၤတဖၣ်ဟီၣ်ဝဲယၢၤဝဲဒီး တုၤလၢအလီၤဘှံးလီၤဘှါလၢာ်လၢာ်ဆ့ဆ့တစုန့ၣ်တဆိကတီၢ်ဘၣ်ဝဲဘၣ်.