လံာ်စီၤၡမူၤအ့လးအခီၣ်ထံးတဘ့ၣ် 11:13 - Sgaw Karen Common Bible

¹³ ဘၣ်ဆၣ်ဒီးစီၤစီလူးစံးဝဲ, “တနံၤအံၤတၢ်တဘၣ်မၤသံကွံာ် ကွံာ်ပှၤနီတဂၤဘၣ်. အဂ့ၢ်ဒ်အံၤ, အဝဲအံၤမ့ၢ်မုၢ်တနံၤလၢယွၤအုၣ်က့ၤခီၣ်က့ၤကီၢ် အံၣ်စရ့လးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 11:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:22

ဘၣ်ဆၣ်ဒီး, စီၤဒၤဝံးစံးဘၣ်စီၤအဘံၡဲၤဒီးအဒီပုၢ်ဝဲၢ်ခွါစီၤယိၤအာ်ဒ်အံၤ, “မတၤတဂၤဃ့သုတၢ်ဟ့ၣ်ကူၣ်န့ၣ်လဲၣ်. မ့ၢ်သုအဲၣ်ဒိးဟ့ၣ်ယၤတၢ်ကီတၢ်ခဲဧါ. ခဲအံၤယမ့ၢ်ပှၤတဂၤလၢ အကဲကီၢ်အံၣ်စရ့လးအစီၤပၤလီၤ. ဒီးတနံၤအံၤပှၤတဘၣ်မၤသံပှၤအံၣ်စရ့လးဖိနီတဂၤဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 19:23

ဒီးအဝဲစံးဘၣ်စီၤၡံမံၤ, “ယဆိၣ်တၢ်ဒီးနၤလၢနတဘၣ်တၢ်မၤသံ ဘၣ်နၤဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 23:10

ဘၣ်ဆၣ်အဝဲဆၢထၢၣ်ဂၢၢ်ကျၢၤဝဲဒီးဒုးပှၤဖလ့ၡသးဖိတဖၣ် တုၤလၢအစုလီၤဘှါဒိၣ်မး, တုၤဒၣ်လဲာ်အစုလၣ်လၢအစှီၤဃးနးန့ၣ်အိၣ်ဃံးတံာ်အသးဒီးသလၣ် ထီၣ်က့ၤဝဲလၢကပျဲကွံာ်နးတန့ၢ်ဘၣ်လီၤ. ယွၤအိၣ်ဒီးတၢ်မၤနၢၤဖးဒိၣ်လၢမုၢ်တနံၤန့ၣ်လီၤ. တၢ်န့ၣ်ဝံၤအလီၢ်ခံ, ပှၤအံၣ်စရ့လးဖိတဖၣ်ဟဲက့ၤကဒါက့ၤဆူ တၢ်လီၢ်ဖဲစီၤအလၤဧစၢ်အိၣ်ဝဲဒီးဟံးန့ၢ်ကွံာ်ပှၤသံတဖၣ်အစုကဝဲၤန့ၣ်လီၤ.

လံာ်တၢ်ဟးထီၣ်ကွံာ် 14:13

ဒီးစီၤမိၤၡ့စံးဆၢဝဲဒၣ်, “ပျံၤတၢ်တဂ့ၤ, အိၣ်ဂၢၢ်ဆိးကျၢၤတက့ၢ်. ဒီးသုကထံၣ်ဘၣ်ယွၤကမၤတၢ်တနံၤအံၤလၢကအုၣ်က့ၤခီၣ်က့ၤသု အဂီၢ်န့ၣ်လီၤ. သုတထံၣ်ဘၣ်ကဒီးလၢၤပှၤအဲၤကူပတူးဖိနီ တစုလၢၤဘၣ်.

လံာ်တၢ်ဟးထီၣ်ကွံာ် 14:30

ဒီးလၢမုၢ်တနံၤန့ၣ်ယွၤအုၣ်က့ၤခီၣ်က့ၤကီၢ်အံၣ်စရ့လးအပှၤ ဂီၢ်မုၢ်လၢပှၤအဲၤကူပတူးဖိတဖၣ်အစုပူၤဒီးပှၤအံၣ်စရ့လး ဖိတဖၣ်ထံၣ်ဘၣ်အဝဲသ့ၣ်လီၤအုးသံလၢပီၣ်လဲၣ်ကၢၢ်နံၤန့ၣ်လီၤ.

လံာ်ယၡါယၤ 59:16

အဝဲကမၢကမၣ်လၢတထံၣ်န့ၢ်ဘၣ်ပှၤနီတဂၤလၢကမၤစၢၤ ပှၤလၢအဘၣ်တၢ်မၤအၢမၤနးအီၤတဖၣ်ဘၣ်အဃိလီၤ. သတးဒီးအဝဲကသူအတၢ်စိကမီၤဒၣ်ဝဲလၢကမၤထူၣ်ဖျဲး အဝဲသ့ၣ်ဒ်သိးကမၤနၢၤတၢ်အဂီၢ်လီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:27

ဘၣ်ဆၣ်ဒီးပှၤကလီကလီတနီၤစံးဝဲဒၣ်, ပှၤတဂၤအံၤမၤတၢ်ဂ့ၤလၢ ပဂီၢ်တမံၤမံၤကသ့ဝဲမနုၤလဲၣ်. အဝဲသ့ၣ်တကနၣ်ဃုာ်စီၤစီလူးဒီးတဟဲစိာ်န့ၢ်အီၤလၢ တၢ်ဟ့ၣ်ကနၢၤနီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 14:45

ဘၣ်ဆၣ်ဒီးပှၤဂီၢ်မုၢ်စံးဘၣ်စီၤစီလူး, “မ့ၢ်စီၤယိနၤသၣ် လၢအမၤန့ၢ်တၢ်မၤနၢၤလၢကီၢ်အံၣ်စရ့လးအဂီၢ်ကဘၣ်တၢ်မၤသံ အီၤဧါ. တသ့ဘၣ်. ပအၢၣ်လီၤတၢ်လၢယွၤလၢအမူဝဲတဂၤအ မံၤအပူၤ, လၢအဝဲအခိၣ်သူဖိတဘိဒၣ်လဲာ်တဘၣ်လီၤမၢ်ကွံာ်ဘၣ်. တၢ်လၢအမၤတ့ၢ်ဝဲတနံၤအံၤန့ၣ်, မ့ၢ်တၢ်မၤတ့ၢ်အသးဃုာ်ဒီးကစၢ် ယွၤအတၢ်မၤစၢၤန့ၣ်လီၤ.” မၤသးဒ်န့ၣ်ဒီး, ပှၤဂီၢ်မုၢ်အုၣ်က့ၤခီၣ်က့ၤစီၤယိနၤသၣ်လၢ ကဘၣ်တၢ်မၤသံကွံာ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:5

အဝဲညိကွံာ်အသးသမူဖဲအမၤသံစီၤကၤလယးဒီးယွၤမၤနၢၤတၢ် ဖးဒိၣ်လၢကီၢ်အံၣ်စရ့လးအဂီၢ်လီၤ. ဖဲနထံၣ်တ့ၢ်တၢ်န့ၣ်ဒီးနသးခုလီၤ. အန့ၣ်ဒီး, ဘၣ်မနုၤအဃိခဲအံၤနအဲၣ်ဒိးမၤကမၣ်ပှၤအတၢ်ကမၣ်တအိၣ် ဘၣ်တဂၤဒီးမၤသံစီၤဒၤဝံးလၢတၢ်ဂ့ၢ်တၢ်ကျိၤတအိၣ်ဘၣ်အပူၤ န့ၣ်လဲၣ်.”