လံာ်စီၤၡမူၤအ့လးအခီၣ်ထံးတဘ့ၣ် 10:6 - Sgaw Karen Common Bible

⁶ သတူၢ်ကလာ်န့ၣ်ယွၤအသးကဟဲလီၤလၢနလိၤဒီးပၢၤနၤဒီးနကဂဲၤ ကလံာ်ဃုာ်လၢအဝဲသ့ၣ်အတၢ်ဘူၣ်တၢ်ဘါအတၢ်ဂဲၤကလံာ်အပူၤဒီးကိး ပသူထီၣ်ဒီးနကကဲထီၣ်ပှၤလီၤဆီတဂၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:6 Iomraidhean Croise

လံာ်တၢ်ဂံၢ် 11:17

ယကဟဲလီၤဒီးကတိၤတၢ်ဒီးနၤဖဲန့ၣ်ဒီးယကဟံးန့ၢ်သးလၢယဟ့ၣ် လီၤတ့ၢ်နၤတနီၤဒီးဟ့ၣ်လီၤအီၤဆူအဝဲသ့ၣ်အအိၣ်န့ၣ်လီၤ. အန့ၣ်ဒီးအဝဲသ့ၣ်ကမၤစၢၤနၤလၢတၢ်စိာ်ထီၣ်မူဒါလၢပှၤဂီၢ် မုၢ်တဖၣ်အံၤအဂီၢ်, ဒီးနတဝံဘၣ်ယိးဘၣ်ထဲတဂၤဧိၤလၢၤဘၣ်.

လံာ်တၢ်ဂံၢ် 11:25

တုၤနုၤတစုယွၤဟဲလီၤဝဲလၢတၢ်အၢၣ်အပူၤဒီးကတိၤဃီၤတၢ်ဆူ အအိၣ်လီၤ. ယွၤဟံးန့ၢ်သးလၢအဟ့ၣ်လီၤတ့ၢ်စီၤမိၤၡ့ဒီးဟ့ၣ် လီၤအီၤဆူပှၤခိၣ်ပှၤနၢ်အဂၤနွံဆံအအိၣ်န့ၣ်လီၤ. ဖဲသးန့ၣ်လီၤဘၣ်လၢအဝဲသ့ၣ်အလိၤဒီးအဝဲသ့ၣ်စးထီၣ်ကိးပသူ ထီၣ်ဒ်ဝံတဖၣ်အသိး, ဘၣ်ဆၣ်ဒီးတယံာ်ဘၣ်ဝဲဘၣ်.

လံာ်တၢ်ဂံၢ် 11:26

ခိၣ်နၢ်အဂၤနွံဆံအကျါခံဂၤလၢအမ့ၢ်, စီၤအ့လဒးဒီးစီၤမ့ ဒးအိၣ်တ့ၢ်လၢသူၣ်ဒဲလီၢ်အပူၤဒီးတဟးထီၣ်လဲၤဘၣ်ဆူဒဲစီ ဆှံဘၣ်. ဖဲန့ၣ်, လၢသူၣ်ဒဲလီၢ်အပူၤ, သးန့ၣ်ဟဲလီၤလၢအဝဲသ့ၣ်အလိၤ ဒီးအဝဲသ့ၣ်စ့ၢ်ကီးစးထီၣ်ကိးထီၣ်ဝဲဒ်ဝံတဖၣ်အသိးန့ၣ်လီၤ.

လံာ်တၢ်ဂံၢ် 11:29

စီၤမိၤၡ့စံးဆၢအီၤ, “မ့ၢ်နသးကါဘၣ်ဃးယတၢ်သူၣ်အိၣ်သး အိၣ်အဂ့ၢ်န့ၣ်ဧါ. ယဆၢမုၢ်လၢ်လၢယွၤကဟ့ၣ်အသးဆူအပှၤဂီၢ်မုၢ်ခဲလၢာ်ဒီးဒုးကိး ပသူထီၣ်အဝဲသ့ၣ်ဒ်ဝံဧိၤမီၣ်ဧိၤတဖၣ်အသိးန့ၣ်လီၤ.”

လံာ်မးသဲ 7:22

ဖဲယွၤစံၣ်ညီၣ်တၢ်အမုၢ်တနံၤတုၤဝဲန့ၣ်ပှၤအါဂၤကစံးဘၣ်ယၤ, ‘ကစၢ်ဧၢ, ကစၢ်ဧၢ, လၢနမံၤန့ၣ်ပစံၣ်တဲၤတဲလီၤကစၢ်ယွၤအတၢ်ကစီၣ်, လၢနမံၤန့ၣ်ပဟီထီၣ်ကွံာ်တၢ်နါအါဒုဒီးမၤတၢ်လီၤလးအါမံၤလီၤ.’

လံာ်ပှၤစံၣ်ညီၣ်ကွီၢ် 14:6

သတူၢ်ကလာ်န့ၣ်ယွၤအစိကမီၤမၤဆူၣ်ထီၣ်စီၤၡံၣ်ၡိၣ် ဒီးအဝဲဖှီကွံာ်ခ့ယုၢ်တဒုန့ၣ်ထဲလၢအစုယၢ်ခီဧိၤန့ၣ် မၤသးဒ်မဲာ်တဲးလဲးအစၢ်ဖိတဒုအသိးလီၤ. ဘၣ်ဆၣ်ဒီးတတဲဘၣ်အမိၢ်အပၢ်လၢတၢ်လၢအမၤတ့ၢ်ဝဲအဂ့ၢ်န့ၣ်ဘၣ်.

လံာ်ပှၤစံၣ်ညီၣ်ကွီၢ် 15:14

ဖဲအဝဲတုၤဃီၤဆူဝ့ၢ်လ့ၤဃံန့ၣ်ပှၤဖလ့ၡသးဖိတဖၣ်ဟဲဃ့ၢ်ဆူအအိၣ်, ဒီးကိးပသူထီၣ်ဝဲလီၤ. သတူၢ်ကလာ်ယွၤအစိကမီၤမၤဆူၣ်ထီၣ်အဂံၢ်အဘါ ဒီးအဝဲမၤထီၣ်တဲာ်ကွံာ်ပျံၤတဖၣ်လၢအစၢဃာ်အစုဒုၣ်စုတီၤ, ဒ်လုၣ်ဖျ့လၢမ့ၣ်အူအီၣ်ကွံာ်အီၤအသိးလီၤ.

လံာ်ပှၤစံၣ်ညီၣ်ကွီၢ် 3:10

ယွၤအသးလီၤဘၣ်လၢအဝဲအလိၤဒီးအဝဲကဲထီၣ်ပှၤအံၣ်စရ့လးဖိ အခိၣ်န့ၣ်လီၤ. စီၤဧီၤသန့လးလဲၤဒုးတၢ်ယၤတၢ်ဒီး ယွၤဟ့ၣ်အီၤတၢ်မၤနၢၤလၢကီၢ်မံးစပတၤမံအစီၤပၤအဖီခိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:10

ဖဲစီၤစီလူးဒီးအကုၢ်လဲၤတုၤဆူဝ့ၢ်ကံးဘဧၤန့ၣ်, ဝံတဖုဟဲသဂၢၢ်အီၤန့ၣ်လီၤ. သတူၢ်ကလာ်န့ၣ်ကစၢ်ယွၤအသးပၢၤဃာ် အီၤဒီးအဝဲနုာ်လီၤဆူဝံတဖၣ်အတၢ်ဘူၣ်တၢ်ဘါအတၢ်ဂဲၤကလံာ်ဒီး တၢ်ကိးပသူန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:9

ဖဲစီၤစီလူးဃၣ်အသးလၢကဟးထီၣ်လၢစီၤၡမူၤအ့လးအအိၣ်ဒီး ကစၢ်ယွၤဟ့ၣ်စီၤစီလူးအသးအသီတကလုာ်လီၤ. ဒီးတၢ်ကိးမံၤဒဲးလၢစီၤၡမူၤအ့လးစံးတ့ၢ်အီၤန့ၣ်မၤအသး လၢမုၢ်တနံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:6

ဖဲစီၤစီလူးနၢ်ဟူတၢ်အံၤဒီးကစၢ်ယွၤအသးလီၤဘၣ်လၢအလိၤ ဒီးအဝဲအသးဒိၣ်ထီၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:13

စီၤၡမူၤအ့လးဟံးန့ၢ်သ့ၣ်စၤယံးအသိဒီးဖှူစီၤဒၤဝံးလၢ အဒီပုၢ်ဝဲၢ်ခွါတဖၣ်အမဲာ်ညါလီၤ. သတူၢ်ကလာ်န့ၣ်ယွၤအသးမုၢ်စီဆှံပၢၤဃးစီၤဒၤဝံးဒီးအိၣ် ဒီးအီၤစးထီၣ်လၢမုၢ်တနံၤန့ၣ်လီၤ. အန့ၣ်ဝံၤဒီးစီၤၡမူၤအ့လးက့ၤကဒါက့ၤဆူဝ့ၢ်ရၤမါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:20

လၢတၢ်န့ၣ်အဃိ, အဝဲမၢလီၤပှၤတနီၤလၢကလဲၤဖီၣ်န့ၢ်အီၤန့ၣ် လီၤ. အဝဲသ့ၣ်ထံၣ်ဝံတဖုဂဲၤကလံာ်ဒီးကိးပသူတၢ်ဃုာ်ဒီး စီၤၡမူၤအ့လးဒ်အခိၣ်အနၢ်အသိးန့ၣ်လီၤ. တုၤနုၤတစု, ယွၤအသးဟံးဃာ်စီၤစီလူးအပှၤတဖၣ်ဒီးအဝဲသ့ၣ် စးထီၣ်ဂဲၤကလံာ်ဒီးကိးပသူဝဲလီၤ.