လံာ်စီၤၡမူၤအ့လးအခီၣ်ထံးတဘ့ၣ် 10:27 - Sgaw Karen Common Bible

²⁷ ဘၣ်ဆၣ်ဒီးပှၤကလီကလီတနီၤစံးဝဲဒၣ်, ပှၤတဂၤအံၤမၤတၢ်ဂ့ၤလၢ ပဂီၢ်တမံၤမံၤကသ့ဝဲမနုၤလဲၣ်. အဝဲသ့ၣ်တကနၣ်ဃုာ်စီၤစီလူးဒီးတဟဲစိာ်န့ၢ်အီၤလၢ တၢ်ဟ့ၣ်ကနၢၤနီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 10:27 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 8:2

အန့ၣ်ဝံၤဒီးအဝဲမၤနၢၤကွံာ်ပှၤမိၤအးဖိတဖၣ်လီၤ. အဝဲမၢပှၤဃိာ်ဖိတဖၣ်မံလီၤလၢဟီၣ်ခိၣ်လိၤဒီးမၤသံကွံာ်ပှၤ သၢဂၤအကျါခံဂၤစုာ်စုာ်လီၤ. မၤသးဒ်န့ၣ်ဒီး, ပှၤမိၤအးဖိတဖၣ်ကဲထီၣ်ပှၤဃၣ်ကွံာ်လၢအဝဲပၢ ဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:25

ကယဲၢ်ပှၤလၢအဟဲတဂၤလၢ်လၢ်န့ၣ်ဟဲစိာ်န့ၢ်အီၤတၢ်ဟ့ၣ်တမံၤမံၤ, လၢအမ့ၢ်ဝဲ, တၢ်ပီးတၢ်လီတဖၣ်လၢအမ့ၢ်စ့မ့တမ့ၢ်ထူ, ဆ့ကၤဖးထီတဖၣ်, တၢ်စုကဝဲၤတဖၣ်, တၢ်နၢမူနၢဆှီတဖၣ်, ကသ့ၣ်တဖၣ်ဒီးကသ့ၣ်လၤတဖၣ်န့ၣ်လီၤ. တၢ်အံၤမၤထွဲအသးတနံၣ်ဝံၤတနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:21

စီၤၡလိၤမိၤအဘီအမုၢ်တုၤဝဲဆူကယဲၢ်ပှၤကလုာ်, လၢအအိၣ်လၢထံကျိဖရၤသးအကီၢ်ဒီးတုၤဆူကီၢ်အဲၤကူပတူး အကီၢ်ဆၢန့ၣ်လီၤ. ဒီးအဝဲသ့ၣ်ဟ့ၣ်အီၤတၢ်ခိတၢ်သွဲတဖၣ်ဒီးအိၣ်လၢအဝဲအတၢ်ပၢ အဖီလာ်တစိၤဒၣ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:1

ဝ့ၢ်ထါယၢၣ်ကီၢ်အစီၤပၤဃူရၣ်, ထီဘိမ့ၢ်တ့ၢ်စီၤဒၤဝံးအတံၤသကိးတဂၤန့ၣ်လီၤ. ဒီးဖဲအဝဲနၢ်ဟူဘၣ်ဝဲလၢစီၤၡလိၤမိၤကဲထီၣ်စီၤပၤလၢစီၤ ဒၤဝံးအလီၢ်န့ၣ်, အဝဲဆှၢလီၤအထံကီၢ်မီၣ်သီတဖၣ်ဆူစီၤၡလိၤမိၤအအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:7

လၢခံ, အဝဲပာ်ဖှိၣ်ထီၣ်ပှၤအၢပှၤသီဖိလၢတဂိာ်တသီၣ်တၢ်တဖု ဒီးအဝဲသ့ၣ်မၤဆူၣ်စီၤၡလိၤမိၤအဖိခွါစီၤရဃၤဘၣ်လၢကမၤ ထွဲအဝဲသ့ၣ်အတၢ်ဘၣ်အသးအခံန့ၣ်လီၤ. စီၤရဃၤဘၣ်အသးစၢ်ဒံးဒိၣ်မးဒီးအတၢ်လဲၤခီဖျိစှၤဒံးဒိၣ် မးလၢကထီဒါဆၢအဝဲသ့ၣ်န့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 17:5

ယွၤဟ့ၣ်လီၤစီၤယဟိၡၤဖးလၢတၢ်ပၢဘၣ်ကီၢ်ယူဒၤအဘီအမုၢ်ဂၢၢ် ဂၢၢ်ကျၢၤကျၢၤ, ဒီးကယဲၢ်ပှၤဂီၢ်မုၢ်ခဲလၢာ်ဟဲစိာ်န့ၢ်အီၤတၢ်ဟ့ၣ်တဖၣ်တုၤဒၣ် လဲာ်အဝဲထူးထီၣ်တီၤထီၣ်ဝဲဒီးဘၣ်တၢ်ပာ်လၤပာ်ကပီၤအီၤဒိၣ် ဒိၣ်အါအါန့ၣ်လီၤ.

စံးထီၣ်ပတြၢၤ 38:13

ဒီးယလီၤဂာ်ဒီးပှၤနၢ်တအၢတဂၤ, ယတနၢ်ဟူတၢ်ဘၣ်. ယလီၤဂာ်ဒီးပှၤတအုၣ်တဂၤလၢ အတအဲးထီၣ်အထးခိၣ်ဘၣ်န့ၣ်လီၤ.

စံးထီၣ်ပတြၢၤ 72:10

မ်ကီၢ်စပၤနံဒီးကီးတဖၣ်အစီၤပၤတဖၣ် ဟ့ၣ်အီၤလၢတၢ်ဟ့ၣ်, မ်ၡဘၤဒီးစဘၤအစီၤပၤတဖၣ် ဟဲစိာ်တၢ်ဟ့ၣ်တဖၣ်တက့ၢ်.

လံာ်ပှၤစံၣ်တဲၤတဲလီၤတၢ် 7:21

ပာ်နသးစုာ်ကနၣ်လၢပှၤအတၢ်ကတိၤကိးမံၤဒဲးန့ၣ်တဂ့ၤ. နကနၢ်ဟူဘၣ်ဖုးနခ့နပှၤကတိၤဒုၣ်ဒွဲၣ်စံးအၢနၤလီၤ.

လံာ်ယၡါယၤ 36:21

ပှၤဂီၢ်မုၢ်အိၣ်ဘှီၣ်ကလာ်ဝဲဒ်စီၤပၤဃံးစကံယၤစံးဘၣ်တ့ၢ် အဝဲသ့ၣ်အသိးဒီးအဝဲသ့ၣ်တကတိၤတၢ်နီတဘီဘၣ်န့ၣ်လီၤ.

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.

မၤတၢ် 7:35

စီၤမိၤၡ့မ့ၢ်ပှၤတဂၤဃီလၢအဘၣ်တၢ်ညိကွံာ်အီၤလၢပှၤ အံၣ်စရ့လးဖိခီဖျိတၢ်ကတိၤလၢအစံးဝဲ, ‘မ့ၢ်မတၤတဂၤဟ့ၣ်စိဟ့ၣ်ကမီၤနၤလၢနကပၢဘၣ်ဒီးစံၣ်ညီၣ်ပဝဲ ဒၣ်အံၤန့ၣ်လဲၣ်’ လီၤ. အဝဲမ့ၢ်ပှၤတဂၤဃီလၢကစၢ်ယွၤမၢလီၤအီၤလၢအကပၢဘၣ်ပှၤဂီၢ် မုၢ်ဒီးမၤထူၣ်ဖျဲးထီၣ်အီၤခီဖျိကလူးလၢအလီၣ်ဖျါထီၣ်အသး လၢတပှီာ်လၢမ့ၣ်အူအီၣ်အီၤတလိၣ်အပူၤတဂၤအတၢ်မၤစၢၤအီၤန့ၣ် လီၤ.

လံာ်သိၣ်လီၤသီလီၤတၢ် 13:13

ပှၤတဂိာ်တသီၣ်တၢ်တနီၤအိၣ်လၢသုပှၤကလုာ်အကျါလၢအဆှၢကမၣ်တ့ၢ် ပှၤဂီၢ်မုၢ်လၢအဝ့ၢ်ဒၣ်ဝဲဒ်သိးကဘါထီၣ်ကစၢ်တဖၣ်လၢသုတဘါထီၣ် တ့ၢ်အီၤလၢညါနီတစုဘၣ်အဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:12

အန့ၣ်ဝံၤဒီးကီၢ်အံၣ်စရ့လးအပှၤဂီၢ်မုၢ်စံးဘၣ်စီၤၡမူၤအ့လး, “ပှၤလၢအစံးတ့ၢ်ဝဲလၢစီၤစီလူးတကြၢးကဲထီၣ်ဘၣ်ပစီၤပၤ ဘၣ်န့ၣ်အိၣ်ဖဲလဲၣ်. ဟ့ၣ်လီၤအဝဲသ့ၣ်လၢပစုပူၤတက့ၢ်. ဒီးပကမၤသံကွံာ်အဝဲသ့ၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 11:13

ဘၣ်ဆၣ်ဒီးစီၤစီလူးစံးဝဲ, “တနံၤအံၤတၢ်တဘၣ်မၤသံကွံာ် ကွံာ်ပှၤနီတဂၤဘၣ်. အဂ့ၢ်ဒ်အံၤ, အဝဲအံၤမ့ၢ်မုၢ်တနံၤလၢယွၤအုၣ်က့ၤခီၣ်က့ၤကီၢ် အံၣ်စရ့လးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:20

စီၤယံးၡဲဆှၢလီၤစီၤဒၤဝံးဆူစီၤစီလူးအအိၣ်ဃုာ်ဒီးမဲာ် တဲးလဲးသးစၢ်ဖိတဒု, ကသ့ၣ်ယီၤတဒုလၢအဘၣ်တၢ်ပဒၢးထီၣ်အီၤဒီးကိၣ်တဖၣ်, ဒီးထၢၣ်တၢ်ဖံးတဖျၢၣ်လၢအပှဲၤဒီးစပံးထံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:12

စီၤဧ့လံၤအဖိခွါတဖၣ်န့ၣ်မ့ၢ်ပှၤတတီတလိၤတဖၣ်လီၤ. အဝဲသ့ၣ်တပာ်ကဲယွၤအကလုၢ်မ့ၢ်ဂ့ၤ,

လံာ်စီၤၡမူၤအ့လးအခီၣ်ထံးတဘ့ၣ် 25:17

ဆိကမိၣ်ကွၢ်တၢ်အံၤဒီးစံၣ်ညီၣ်တဲာ်တၢ်လၢနကဘၣ်မၤအီၤတက့ၢ်. တၢ်အံၤကဲထီၣ်တၢ်တတၢးတနါလၢပကစၢ်အဂီၢ်ဒီးအဒူၣ်ဖိ ထၢဖိခဲလၢာ်အဂီၢ်သ့ဝဲလီၤ. အဝဲဒၣ်အခိၣ်ကိၤအၢသီတုၤဒၣ်လဲာ်တကနၣ်ဘၣ်ပှၤနီတဂၤဘၣ်န့ၣ်လီၤ.”