လံာ်စီၤၡမူၤအ့လးအခီၣ်ထံးတဘ့ၣ် 10:26 - Sgaw Karen Common Bible

²⁶ စီၤစီလူးစ့ၢ်ကီးက့ၤဆူအဟံၣ်လၢဝ့ၢ်ကံးဘဧၤအပူၤလီၤ. ပှၤပိာ်ခွါတနီၤလၢအဂံၢ်ဆူၣ်ဘါဆူၣ်လၢကစၢ်ယွၤထိးဘၣ်အသးန့ၣ် က့ၤဃုာ်ဒီးအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:6

လၢတၢ်န့ၣ်အဃိဟ့ၣ်လီၤပှၤလၢအဝဲအစၢၤအသွဲၣ်ပိာ်ခွါနွံဂၤ ဒီးပကစၢသံအဝဲသ့ၣ်လၢယွၤအမဲာ်ညါလၢဝ့ၢ်ကံးဘဧၤ, တၢ်လီၢ်လၢအမ့ၢ်, စီၤပၤလၢယွၤဃုထၢတ့ၢ်အီၤစီၤစီလူးအဝ့ၢ်န့ၣ်လီၤ.” စီၤပၤစံးဆၢဝဲဒၣ်, “ယကဟ့ၣ်လီၤအဝဲသ့ၣ်ဆူသုအိၣ်လီၤ.”

လံာ်စီၤဧ့စြၤ 1:5

တုၤနုၤတစုပှၤအခိၣ်တဖၣ်လၢ, ဒူၣ်ထၢတဖၣ်လၢယူဒၤအဒူၣ် ဒီးဘံၣ်ယၤမံၣ်အဒူၣ်အပူၤ, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိ တဖၣ်, ဒီးပှၤကိးဂၤဒဲးလၢကစၢ်ယွၤထိၣ်ဂဲၤထီၣ်အသးန့ၣ်ကတဲာ်ကတီၤ ထီၣ်အသးလၢကက့ၤဒီးသူၣ်ထီၣ်ကဒါက့ၤယွၤအတၢ်လုၢ်ဟံၣ်လၢ ဝ့ၢ်ယရူၤၡလ့ၣ်အပူၤန့ၣ်လီၤ.

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

လံာ်ယၡါယၤ 10:29

အဝဲသ့ၣ်လဲၤခီဖျိတ့ၢ်လံတၢ်ကဆူးဒီးမံဝဲဖဲဝ့ၢ်က့ဘၤလီၤ. ပှၤတဖၣ်လၢဝ့ၢ်ရၤမါအပူၤပျံၤတၢ်ဖုးတၢ်ဒီးပှၤလၢစီၤပၤစီၤ စီလူးအဝ့ၢ်ကံးဘဧၤအပူၤတဖၣ်ထွးထီၣ်ဃ့ၢ်တ့ၢ်လံဝဲလီၤ.

မၤတၢ် 13:48

ဖဲပှၤကလုာ်ဂၤတဖၣ်နၢ်ဟူဘၣ်တၢ်တမံၤအံၤန့ၣ်, အဝဲသ့ၣ်အသးခုဒီးစံးထီၣ်ပတြၢၤကစၢ်ယွၤလၢအတၢ်ကစီၣ် အဃိန့ၣ်လီၤ. ဒီးပှၤလၢယွၤဃုထၢအီၤဒ်သိးအကဒိးန့ၢ် တၢ်မူအထူအယိာ်တဖၣ်န့ၣ်, စူၢ်က့ၤနာ်က့ၤတၢ်လီၤ.

မၤတၢ် 7:10

ဒီးမၤပူၤမၤဖျဲးအီၤတဘျီလၢ်လၢ်ဖဲအဘၣ်တၢ်ကီတၢ်ခဲ အကတီၢ်န့ၣ်လီၤ. တုၤအလဲၤထီၣ်ဘၣ်လၢကီၢ်အဲၤကူပတူးအစီၤပၤဖၤရိၤအမဲာ် ညါဒီး, ကစၢ်ယွၤဟ့ၣ်အီၤတၢ်ပာ်သူၣ်ပာ်သးဒီးတၢ်ကူၣ်သ့ကူၣ် ဘၣ်လၢအထုးန့ၢ်စီၤပၤဖၤရိၤအသးသတးဒီး, စီၤပၤန့ၣ်ဒုးကဲထီၣ်အီၤလၢပဒိၣ်ပၢတၢ်လၢကီၢ်အဲၤကူပတူး အဖီခိၣ်, ဒီးလၢအနူၢ်အစီၤအဖီခိၣ်န့ၣ်လီၤ.

လံာ်စီၤယိၤၡူ 18:28

စ့လၤ, အ့လ့ာ်, ယဘူၣ် (မ့တမ့ၢ်ယရူၤၡလ့ၣ်) က့ဘဧး, ဒီးကံးရယးန့ၣ်လီၤ. မ့ၢ်ဝ့ၢ်တဆံလွံၢ်ဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ. အအံၤမ့ၢ်ဘံၣ်ယၤမံၣ်အဒူၣ်အတၢ်န့ၢ်သါဒ်အဒူၣ်အထၢအိၣ်ဝဲအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 20:14

ဒီးပှၤအိၣ်လၢဘံၣ်ယၤမံၣ်အဝ့ၢ်ခဲလၢာ်အပူၤတဖၣ်ဟဲဆူကံး ဘဧၤဒ်သိးအကဒုးပှၤအံၣ်စရ့လးဖိအဂၤတဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:4

ပှၤစိာ်တၢ်ကစီၣ်တဖၣ်ဟဲတုၤဝဲလၢဝ့ၢ်ကံးဘဧၤဖဲစီၤစီလူး အိၣ်ဆိးဝဲဒီးဖဲအဝဲသ့ၣ်တဲဘၣ်တၢ်ကစီၣ်န့ၣ်, ပှၤဂီၢ်မုၢ်စးထီၣ်ဟီၣ်ဝဲ ယၢၤဝဲလၢတၢ်သးဟးဂီၤအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:2

စီၤစီလူးဃုထၢထီၣ်ပှၤပိာ်ခွါအဂၤသၢကထိဒီးပာ်ဝဲပှၤအဂၤခံကထိဃုာ်ဒီးအီၤ ဖဲဝ့ၢ်မံးကမၣ်ဒီးလၢကစၢၢ်ကလိအဝ့ၢ်ဘ့ၤသ့လးအပူၤလီၤ. ပှၤတကထိန့ၣ်ဆှၢဝဲဆူဝ့ၢ်ကံးဘဧးအိၣ်လၢပှၤဘံၣ်ယၤမံၣ်အဒူၣ်အကီၢ်ပူၤလီၤ. ပှၤအဂၤအိၣ်လီၤတဲာ်တဖၣ်န့ၣ်စီၤစီလူးဆှၢက့ၤဆူအဟံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:34

အန့ၣ်ဝံၤဒီးစီၤၡမူၤအ့လးလဲၤဆူဝ့ၢ်ရၤမါဒီးစီၤပၤစီၤစီလူး က့ၤဆူအဟံၣ်အိၣ်လၢဝ့ၢ်ကံးဘဧၤန့ၣ်လီၤ.