လံာ်စီၤၡမူၤအ့လးအခီၣ်ထံးတဘ့ၣ် 10:16 - Sgaw Karen Common Bible

¹⁶ စီၤစီလူးစံးဆၢဝဲ, “အဝဲတဲပှၤလၢဆၣ်ဖိကီၢ်ဖိတဖၣ်န့ၣ် ဘၣ်တၢ်ထံၣ်က့ၤအီၤလံန့ၣ်လီၤ.” ဘၣ်ဆၣ်ဒီးအဝဲတတဲဘၣ်အဖါတံၢ်လၢစီၤၡမူၤအ့လးတဲ တၢ်ဘၣ်ဃးအဝဲကကဲထီၣ်စီၤပၤအဂ့ၢ်န့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 10:16 Iomraidhean Croise

လံာ်တၢ်ဟးထီၣ်ကွံာ် 4:18

တုၤနုၤတစု, စီၤမိၤၡ့က့ၤကဒါက့ၤဆူအမံၤပှၢ်စီၤယံးသရိၤ အအိၣ်ဒီးစံးဘၣ်အီၤ, “ဝံသးစူၤပျဲယက့ၤကဒါက့ၤဆူယ ဘူးယတံၢ်တဖၣ်အအိၣ်လၢကီၢ်အဲၤကူပတူးအပူၤဒီးကွၢ်, မ့ၢ်အဝဲသ့ၣ်အိၣ်မူဒံးတဂၤဂၤဧါ.” ဒီးစီၤယံးသရိၤစံးဘၣ်အီၤ, “က့ၤမုာ်မုာ်တက့ၢ်,” န့ၣ်လီၤ.

တၢ်ကတိၤဒိ. 12:23

ပှၤလၢအသူၣ်ထံအသးဆးတဖၣ်န့ၣ်အိၣ်ဘှီၣ်ဝဲဘၣ်ဃးတၢ်လၢအသ့ၣ်ညါ ဝဲအဂ့ၢ်လီၤ. မ့မ့ၢ်ပှၤလၢအသူၣ်တထံအသးတဆးတဖၣ်န့ၣ်ဒုးဟူထီၣ်သါလီၤ အတၢ်တမၤလိမၤဒိးဘၣ်တၢ်န့ၣ်လီၤ.

တၢ်ကတိၤဒိ. 29:11

ပှၤလၢအသးတဆးတဖၣ်န့ၣ်ပျဲဟးထီၣ်အတၢ်သူၣ်ဒိၣ်သးဖျိးလၢာ်လၢာ် ဆ့ဆ့လီၤ. မ့မ့ၢ်, ပှၤလၢအအိၣ်ဒီးတၢ်သူၣ်ဆးသးဆးန့ၣ်အသးစူၤဒီးပၢၤ ဃာ်အသးန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:7

တၢ်အကတီၢ်လၢတၢ်ကဖှီတဲာ်တၢ်အဂီၢ်, ဒီးတၢ်အကတီၢ်လၢတၢ်ကဆးကျးတၢ်အဂီၢ်, တၢ်အကတီၢ်လၢတၢ်ကအိၣ်ဘှ့ၣ်အဂီၢ်, ဒီးတၢ်ဆၢကတီၢ်လၢတၢ်ကကတိၤတၢ်အဂီၢ်လီၤ.

လံာ်ပှၤစံၣ်ညီၣ်ကွီၢ် 14:6

သတူၢ်ကလာ်န့ၣ်ယွၤအစိကမီၤမၤဆူၣ်ထီၣ်စီၤၡံၣ်ၡိၣ် ဒီးအဝဲဖှီကွံာ်ခ့ယုၢ်တဒုန့ၣ်ထဲလၢအစုယၢ်ခီဧိၤန့ၣ် မၤသးဒ်မဲာ်တဲးလဲးအစၢ်ဖိတဒုအသိးလီၤ. ဘၣ်ဆၣ်ဒီးတတဲဘၣ်အမိၢ်အပၢ်လၢတၢ်လၢအမၤတ့ၢ်ဝဲအဂ့ၢ်န့ၣ်ဘၣ်.

လံာ်ပှၤစံၣ်ညီၣ်ကွီၢ် 14:9

အဝဲပှၢ်န့ၣ်ဝဲကနဲစီန့ၣ်ဆူအစုပူၤဒီးဖဲအလဲၤတၢ်အခါန့ၣ်အီၣ်ဝဲဒၣ်လီၤ. ဝံၤဒီးလဲၤဆူအပၢ်ဒီးအမိၢ်အိၣ်ဒီးဟ့ၣ်ဒုးအီၣ်ဝဲတနီၤလီၤ. အဝဲသ့ၣ်အီၣ်ဝဲလီၤ. ဘၣ်ဆၣ်ဒီးစီၤၡံၣ်ၡိၣ်တတဲဘၣ်အဝဲသ့ၣ်လၢ အမၤန့ၣ်ကနဲစီၤန့ၣ်လၢခ့ယုၢ်အသံစိၣ်တဒုန့ၣ်အပူၤအဂ့ၢ်န့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 10:15

စီၤစီလူးအဖါတံၢ်သံကွၢ်အီၤ, “ဒီးအဝဲတဲနၤတၢ်မနုၤ လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 9:20

မ့မ့ၢ်လၢကသ့ၣ်ယီၤတဖၣ်လၢအဟါမၢ်တ့ၢ်ဝဲလၢအပူၤကွံာ်သၢသီ အဂီၢ်န့ၣ်, ဘၣ်ကိၢ်ဘၣ်ဂီၤလၢအဂ့ၢ်တဂ့ၤ. အဝဲသ့ၣ်ဘၣ်တၢ်ထံၣ်န့ၢ်က့ၤအီၤလံ. ဘၣ်ဆၣ်ဒီးပှၤတဂၤလၢကီၢ်အံၣ်စရ့လးအပှၤဂီၢ်မုၢ်လိၣ်ဘၣ်အီၤ အါအါကလဲာ်န့ၣ်မ့ၢ်မတၤလဲၣ်. အဝဲန့ၣ်မ့ၢ်နၤ, နၤဒီးနပၢ်အပှၤဟံၣ်ဖိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 9:27

ဖဲအဝဲသ့ၣ်တုၤဃီၤဆူဝ့ၢ်အထိးနါန့ၣ်စီၤၡမူၤအ့လးစံးဘၣ် စီၤစီလူး, “တဲဘၣ်ကုၢ်န့ၣ်ဒ်သိးကလဲၤပာ်လၢပမဲာ်ညါတက့ၢ်.” ကုၢ်တဂၤန့ၣ်လဲၤတၢ်ဒီးစီၤၡမူၤအ့လးစံးကဒီးဝဲဆူညါ, “အိၣ်ဖဲအံၤတစိၢ်ဒီးယကတဲဘၣ်နၤတၢ်လၢကစၢ်ယွၤစံးတ့ၢ်ဝဲ ဒၣ်န့ၣ်လီၤ.”