လံာ်စီၤၡမူၤအ့လးအခီၣ်ထံးတဘ့ၣ် 10:11 - Sgaw Karen Common Bible

¹¹ ပှၤဂီၢ်မုၢ်လၢအသ့ၣ်ညါတ့ၢ်အီၤလၢညါတဖၣ်ထံၣ်အမၤတၢ်အံၤဒီး သံကွၢ်လိာ်အသးတဂၤဒီးတဂၤ, “တၢ်မၤအသးဒီးစီၤကံၣ်အဖိခွါဒ်လဲၣ်. မ့ၢ်စီၤစီလူးကဲထီၣ်ဝံတဂၤလံဧါ.”

လံာ်စီၤၡမူၤအ့လးအခီၣ်ထံးတဘ့ၣ် 10:11 Iomraidhean Croise

လံာ်ဧၤမိၣ် 7:14

ဒီးဝံဧၤမိၣ်စံးဆၢစီၤအမၤစယါ, ယတမ့ၢ်တ့ၢ်ဝံဘၣ်ဒီးယတ ဟဲလီၤစၢၤတ့ၢ်လၢဝံအဒူၣ်အထၢဘၣ်. ယမ့ၢ်တ့ၢ်ပှၤကွၢ်ဆၣ်ဖိကီၢ် ဖိ, ဒီးပှၤသူၣ်အီၣ်ဖျးအီၣ်သ့ၣ်သိးဝံာ်ဒၢတဖၣ်လီၤ.

လံာ်ဧၤမိၣ် 7:15

ဘၣ်ဆၣ်ဒီးယွၤဟံးထီၣ်တ့ၢ်ယၤဖဲယမၤပှၤကွၢ်သိအတၢ်မၤ, ဒီးမၤလိာ်တ့ၢ်ယၤလၢယကဟဲဒီးကတိၤတၢ်လၢဝံကျိာ်ဆူ အပှၤဂီၢ်မုၢ်လၢကီၢ်အံၣ်စရ့လးန့ၣ်လီၤ.

လံာ်ယိၤဟၣ် 7:15

ပှၤယူဒၤဖိအခိၣ်အနၢ်တဖၣ်ကမၢကမၣ်ဝဲဒိၣ်မးဒီးစံး, “ပှၤတဂၤအံၤတမၤလိဘၣ်တၢ်လၢပှၤယူဒၤဖိတၢ်သိၣ် တၢ်သီအသရၣ်ဒိၣ်တဖၣ်အစုပူၤသနာ်က့, သ့ၣ်ညါ တၢ်အါထဲအံၤညါန့ၣ်, ဟဲအသးဒ်လဲၣ်.”

မၤတၢ် 3:10

ဒီးတုၤအသ့ၣ်ညါဝဲလၢအမ့ၢ်ပှၤတဂၤဃီလၢအဆ့ၣ်နီၤဃ့အီၣ် တၢ်ဖဲတၢ်လုၢ်ဟံၣ်အတြဲၤဃံလၤအခီၣ်ထံးန့ၣ်ဒီး, တၢ်လီၤကမၢကမၣ်ဘၣ်အဝဲသ့ၣ်ဒီးအသးလီၤကတုၤဝဲ, မ့ၢ်လၢအထံၣ်ဘၣ်တၢ်လၢအမၤအသးဒီးအီၤအဃိန့ၣ်လီၤ.

မၤတၢ် 4:13

ပှၤလၢအအိၣ်လၢကီၣ်ကးအပူၤတဖၣ်တုၤအထံၣ်ဘၣ်စီၤပ့းတရူး ဒီးစီၤယိၤဟၣ်အတၢ်သူၣ်ဒူသးဒူဒီးသ့ၣ်ညါဝဲလၢပှၤခံ ဂၤအံၤမ့ၢ်ပှၤတမၤလိမၤဒိးဘၣ်တၢ်ဘၣ်, ဒီးမ့ၢ်ဒၣ်ပှၤမုၢ်ဆ့ၣ်မုၢ်ဂီၤဖိသတးဒီး, အဝဲသ့ၣ်ကမၢကမၣ်ဝဲဒၣ်လီၤ. အန့ၣ်ဒီးသ့ၣ်ညါဝဲလၢအဝဲသ့ၣ်မ့ၢ်တ့ၢ်ပှၤတဖၣ်လၢအရ့လိာ်ဘၣ် အသးတံၢ်တံၢ်ဒီးယ့ၣ်ၡူးန့ၣ်လီၤ.

မၤတၢ် 9:21

ပှၤလၢအနၢ်ဟူအတၢ်စံးတၢ်ကတိၤတဖၣ်ခဲလၢာ်န့ၣ်, တၢ်လီၤကမၢကမၣ်ဘၣ်အသးဒီးသံကွၢ်တၢ်ဒီးစံး, “အဝဲဒၣ်တဂၤအံၤတမ့ၢ်ပှၤလၢအလူၤမၤသံပှၤလၢဝ့ၢ်ယရူၤ ၡလ့ၣ်အပူၤလၢအဘူၣ်ထီၣ်ဘါထီၣ်ယ့ၣ်ၡူးတဂၤန့ၣ်ဘၣ်ဧါ. ဒီးအဝဲဒၣ်ဟဲဝဲဖဲအံၤအတၢ်ပညိၣ်ကွၢ်စိတမ့ၢ်တခါဃီလၢ အကဖီၣ်န့ၢ်ပှၤဒ်သိးန့ၣ်တဖၣ်, ဒီးက့ၤဆှၢအဝဲသ့ၣ်ဆူပှၤလုၢ်တၢ်အခိၣ်အဒိၣ်တဖၣ်အအိၣ် န့ၣ်ဘၣ်ဧါ.”

လံာ်စီၤၡမူၤအ့လးအခီၣ်ထံးတဘ့ၣ် 19:24

အဝဲဘ့ၣ်လီၤကွံာ်အတၢ်ကူတၢ်သိးတဖၣ်ဒီးဂဲၤကလံာ်ဒီးကိးပသူထီၣ်ဝဲလၢ စီၤၡမူၤအ့လးအမဲာ်ညါဒီးမံလီၤဘ့ၣ်ဆ့ဒီနံၤဒီနၤညါ န့ၣ်လီၤ. (တၢ်အံၤမ့ၢ်တၢ်ကတိၤတထံၣ်လၢအစံးဝဲ, “မ့ၢ်စီၤစီလူးဒၣ်လဲာ်ကဲထီၣ်ဝံတဂၤလံဧါ.” န့ၣ်ကဲထီၣ်အခီၣ်ထံးခီၣ်ဘိဒ်လဲၣ်အဂ့ၢ်န့ၣ်လီၤ.)