လံာ်စီၤၡမူၤအ့လးအခီၣ်ထံးတဘ့ၣ် 10:1 - Sgaw Karen Common Bible

¹ တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:14

စီၤဒၤဝံးသံကွၢ်အီၤ, “နဒူတုၤဒၣ်လဲာ်နမၤသံစီၤပၤလၢ ယွၤဃုထၢအီၤတဂၤန့ၣ်သ့ဒ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 19:39

အန့ၣ်ဝံၤဒီး, စီၤဒၤဝံးဒီးကယဲၢ်အပှၤခဲလၢာ်ခီဂာ် ထံကျိယၢ်ဒ့ၣ်န့ၣ်လီၤ. အဝဲနၢမူစီၤဘၢ်စံးလဲဒီးဟ့ၣ်လီၤအီၤလၢအတၢ်ဆိၣ်ဂ့ၤဆိၣ်ဝါ ဒီးစီၤဘၢ်စံးလဲက့ၤကဒါက့ၤဆူအဟံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:19

ပဝ့ၢ်အံၤမ့ၢ်ဝ့ၢ်ဖးဒိၣ်လၢကီၢ်အံၣ်စရ့လးအပူၤတဖၣ်အကျါတဝ့ၢ်, လၢအအိၣ်ဒီးအပှၤဝ့ၢ်ဖိတဖၣ်လၢအအဲၣ်တၢ်ဃူတၢ်ဖိးဒီးအိၣ်ဒီး တၢ်သူၣ်တီသးရၤန့ၣ်လီၤ. ဘၣ်မနုၤလၢနကျဲးစၢးမၤဟးဂီၤအီၤန့ၣ်လဲၣ်. မ့ၢ်နအဲၣ်ဒိးမၤဟးဂီၤတၢ်လၢအဘၣ်ဃးဒီးယွၤန့ၣ်ဧါ.”

လံာ်စီၤၡမူၤအ့လးခံဘ့ၣ်တဘ့ၣ် 5:2

လၢအပူၤကွံာ်, ဖဲစီၤစီလူးမ့ၢ်ဒံးပစီၤပၤအခါဒၣ်လဲာ်န့ၣ်, နဆှၢကီၢ်အံၣ်စရ့လးအပှၤဂီၢ်မုၢ်လၢတၢ်ဒုးအပူၤ, ဒီးယွၤအၢၣ်လီၤတ့ၢ်နၤလၢနကဆှၢအပှၤဂီၢ်မုၢ် ဒီးကဲထီၣ်အဝဲသ့ၣ်အပှၤပၢတၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:34

ဒီးဖဲန့ၣ်, စီၤစၤဒိး, ဒီးစီၤနၤသၣ်ကဘၣ်ဖှူအီၤဒ်ကီၢ်အံၣ် စရ့လးအစီၤပၤအသိးန့ၣ်လီၤ. အန့ၣ်ဝံၤဒီး, အူထီၣ်ကွဲၤဒီးကိးပသူထီၣ်, မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 19:18

အန့ၣ်ဒၣ်လဲာ်, ယကပာ်မူဒံးပှၤဂီၢ်မုၢ်နွံကထိဂၤလၢကီၢ်အံၣ် စရ့လးအပူၤ, ကယဲၢ်ပှၤတဖၣ်လၢအသးတီဒီးယၤ, ဒီးတတီၤလီၤလၢဘဧၤလးအမဲာ်ညါမ့ၢ်ဂ့ၤ, နၢမူအတၢ်ဂီၤတၢ်ဖီၣ်မ့ၢ်ဂ့ၤဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:5

ကက့ၤကဒါက့ၤဆူယွၤအပှၤဂီၢ်မုၢ်အပှၤပၢတၢ်စီၤဃံးစကံယၤ အအိၣ်ဒီးစံးဘၣ်အီၤ, “ယၤ, ကစၢ်, နပၢ်ဖးဒိၣ်လၢပျၢၤစီၤဒၤဝံးကစၢ်အယွၤ, နၢ်ဟူလံနတၢ်ထုကဖၣ်ဒီးထံၣ်လံ နမဲာ်ထံတဖၣ်လံ. ယကမၤဘျါက့ၤနၤဒီး, ဒီးလၢသၢသီ အတီၢ်ပူၤန့ၣ်နကလဲၤဆူယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:1

ဖဲဆၢကတီၢ်အဝဲန့ၣ်အပူၤအတ့ၤ, ဝံအလံၤၡါကိးဃီၤဝံသးစၢ် အကျါတဂၤဒီးစံးဘၣ်အီၤ, “ကတဲာ်ကတီၤထီၣ်နသးဒီးလဲၤဆူဝ့ၢ်ရၤမိးလၢကီၢ်ကံးလဧး အပူၤန့ၣ်တက့ၢ်. လဲၤစိာ်သ့ၣ်စၤယံးအသိတကိအံၤဃုာ်ဒီးနၤ,

လံာ်စီၤပၤခံဘ့ၣ်တဘ့ၣ် 9:12

အဝဲသ့ၣ်စံးဆၢဝဲ, “ပတသ့ၣ်ညါဘၣ်. တဲဘၣ်ပှၤတၢ်လၢအစံးတ့ၢ်နၤန့ၣ်တက့ၢ်.” စီၤယ့ၤဟူစံးဆၢဝဲ, “အဝဲတဲဘၣ်ယၤလၢယွၤစံးဝဲ, ယဖှူနၤဒ်ကီၢ်အံၣ်စရ့လးအစီၤပၤအသိးန့ၣ်လီၤ.”

စံးထီၣ်ပတြၢၤ 135:4

အဂ့ၢ်ဒ်အံၤ, ယွၤဃုထၢတ့ၢ်လံဝဲ ယၤကိာ်လၢအဂီၢ်ဒၣ်ဝဲ, အံၣ်စရ့လးဒ်အတၢ်ဒၣ်ဝဲအသိးန့ၣ်လီၤ.

စံးထီၣ်ပတြၢၤ 2:12

ဒီးဆီၣ်လီၤသုသးလၢအဖီလာ်တက့ၢ်. မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး, ဒီးသုကသံသတူၢ်ကလာ်လီၤ. ပှၤလၢအအိၣ်ကဒုလၢယွၤအပူၤခဲလၢာ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

စံးထီၣ်ပတြၢၤ 78:71

ဖဲအကွၢ်ထွဲအသိအဖုအဂီၢ်တဖၣ် ဒီးဒုးကဲထီၣ်အီၤလၢ အံၣ်စရ့လးအစီၤပၤ, ကစၢ်ယွၤအပှၤဂီၢ်မုၢ်အပှၤကွၢ်သိန့ၣ်လီၤ.

လံာ်ယံးရမံယၤ 10:16

စီၤယၤကိာ်အကစၢ်ယွၤတလီၤဂာ်ဒီးအဝဲသ့ၣ်ဘၣ်. အဝဲမ့ၢ်ပှၤတဂၤလၢအတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်ပှၤအံၣ်စရ့လးဖိလၢကမ့ၢ်အဝဲအတၢ်န့ၢ်သါအပှၤဂီၢ် မုၢ်ဒၣ်ဝဲန့ၣ်လီၤ. သ့တၢ်လၢာ်ကစၢ်ယွၤ, မ့ၢ်အမံၤန့ၣ်လီၤ.

လံာ်ယဃ့းစက့လး 16:13

နအိၣ်ဒီးတၢ်ကယၢကယဲတဖၣ်လၢထူဒီးစ့, ဒီးထီဘိနကူသိးဒၣ်တၢ်ကူတၢ်ကၤဖှီဝါကဆှၣ် လၢတၢ်ဆးဒဲးကံၣ်ဒဲးဝ့ၤအီၤဒီးတၢ်ကူတၢ်ကၤသတိၢ်န့ၣ်လီၤ. နအီၣ်ကိၣ်လၢအဘၣ်တၢ်မၤအီၤလၢကိၣ်ကမူၣ်အဂ့ၤကတၢၢ်ဒီးနအိၣ်ဒီး ကနဲစီဒီးသ့ၣ်စၤယံးအသိလၢနကအီၣ်အီၤအဂီၢ်န့ၣ်လီၤ. နတၢ်ဃံတၢ်လၤန့ၣ်မၤကတုၤပှၤအသး ဒီးနကဲထီၣ်နီၢ်ပၤမုၣ်တဂၤန့ၣ်လီၤ.

လံာ်ဟိၤၡ့ 13:2

အဝဲသ့ၣ်ကမၤဒံးတၢ်ဒဲးဘးခီဖျိအတၢ်သိထီၣ်တၢ်ဂီၤတဖၣ်လၢ အဘၣ်တၢ်မၤအီၤလၢစ့, တိၢ်ဒီးထးလၢကဘါထီၣ်ဝဲအဂီၢ်တၢ်ဂီၤတဖၣ်လၢအဘၣ်တၢ်မၤအီၤလၢ စ့, ဘၣ်တၢ်ဒုးအိၣ်ထီၣ်လၢပှၤကညီအတၢ်ဆိကမိၣ်ဒီးမၤအီၤလၢပှၤကညီ အစုတဖၣ်န့ၣ်လီၤ. ဒီးအဝဲသ့ၣ်စံးဝဲ, လုၢ်ထီၣ်တၢ်လုၢ်တၢ်ပာ်တဖၣ်ဆူအီၤတက့ၢ်. ပှၤကညီတဖၣ်နၢမူတၢ်ဂီၤတၢ်ဖီၣ်တဖၣ်အံၤ, တၢ်ဂီၤတဖၣ်လၢအအိၣ်လၢဂီၤဖံးဖါတဖၣ်အက့ၢ်အဂီၤကသ့ဒ်လဲၣ်.

မၤတၢ် 13:21

ဒီးဖဲအဝဲသ့ၣ်ဃ့စီၤပၤန့ၣ်, ကစၢ်ယွၤဃုထၢထီၣ်န့ၢ်အီၤစီၤစီလူးလၢ အမ့ၢ်စီၤကံၣ်ဘၣ်ဃးဒီးစီၤဘံၣ်ယၤမံၣ်အဒူၣ်န့ၣ်အဖိခွါ, ဒ်သိးအကမ့ၢ်အဝဲသ့ၣ်အစီၤပၤလၢအနံၣ်လွံၢ်ဆံအတီၢ်ပူၤလီၤ.

လံာ်သိၣ်လီၤသီလီၤတၢ် 32:9

မ့မ့ၢ်စီၤယၤကိာ်အစၢၤအသွဲၣ်တဖၣ်န့ၣ်, အဝဲဃုထၢတ့ၢ်အီၤလၢ အဂီၢ်ဒၣ်ဝဲလီၤ.

၁ သ့းစၤလနံ 5:26

ဆၢဂ့ၤဆၢဝါဒီပုၢ်ဝဲၢ်ပှၤစူၢ်က့ၤနာ်က့ၤတၢ်ခဲလၢာ်ခီဖျိ တၢ်နၢမူစီဆှံန့ၣ်တက့ၢ်.

ဧ့ၤဘြံၤ 2:10

မ့ၢ်တၢ်အဂ့ၤဒီးကြၢးဝဲလၢကစၢ်ယွၤ, ပှၤလၢတၢ်ခဲလၢာ်မ့ၢ်လၢ အဂီၢ်ဒီးတၢ်ခဲလၢာ်ကဲထီၣ်လၢအီၤတဂၤန့ၣ်, ကမၤလၢပှဲၤတၢ်အခိၣ်လၢအဝဲသ့ၣ်အတၢ်အုၣ်က့ၤခီၣ်က့ၤအဂီၢ် တဂၤ, ခီဖျိတၢ်တူၢ်တၢ်ဒ်သိးဒီးကစၢ်ယွၤအဖိခွါအါဂၤကဒိး န့ၢ်ဘၣ်အလၤအကပီၤအဂီၢ်လီၤ.

လံာ်လီၣ်ဖျါ 5:8

ဖဲအမၤဝဲဒ်န့ၣ်န့ၣ်, တၢ်အသးသမူအိၣ်လွံၢ်ဒုဒီးပှၤသူၣ်က့သး ပှၢ်ခံဆံလွံၢ်ဂၤထိၣ်လီၤပှီၤအသးလၢသိဖိအမဲာ်ညါလီၤ. အဝဲသ့ၣ်တဒုဘၣ်တဒု, တဂၤဘၣ်တဂၤအိၣ်ဒီးတနၢ်တဆိဒီးသလၢထူတဖၣ်လၢ အပှဲၤဒီးတၢ်နၢမူနၢဆှီ, လၢအမ့ၢ်ကစၢ်ယွၤအပှၤဂီၢ်မုၢ်အတၢ်ထုကဖၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:3

ကွၢ်ကွၢ်, ယၤလီၤ. ယမ့ၢ်မၤတ့ၢ်တၢ်ကမၣ်တမံၤမံၤဒီး, ဆှိးထီၣ်ယၤခဲအံၤလၢယွၤဒီးစီၤပၤလၢအဝဲဃုထီၣ်အီၤအမဲာ် ညါတက့ၢ်. မ့ၢ်ယဟံးန့ၣ်ပှၤတဂၤဂၤအဂီၤဖံးမိၢ်ဒီးပှၤတဂၤဂၤအကသ့ၣ်ယီၤဧါ. မ့ၢ်ယလီတၢ်ဒီးမၤနးမၤဖှီၣ်ပှၤတဂၤဂၤဧါ. မ့ၢ်ယတူၢ်လိာ်ခိၣ်ဖးလာ်ဆှိးလၢပှၤတဂၤဂၤအအိၣ်ဧါ. ယမ့ၢ်မၤတ့ၢ်တၢ်တမံၤမံၤလၢတၢ်တဖၣ်အံၤအကျါန့ၣ်ယကလိးက့ၤတၢ် လၢယဟံးန့ၢ်တ့ၢ်အီၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 13:14

မ့မ့ၢ်ခဲကနံၣ်အံၤနတၢ်ပၢတၢ်ပြးတလဲၤဆူညါတပယူာ်ဃီဘၣ်. အဂ့ၢ်ဒ်အံၤနတစူၢ်အီၤဘၣ်အဃိလီၤ. ယွၤကဃုန့ၢ်ပှၤတဂၤလၢအဝဲသးလီဝဲဒီးဒုးကဲထီၣ်အီၤလၢပှၤပၢဘၣ်အပှၤဂီၢ်မုၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:1

စီၤၡမူၤအ့လးစံးဘၣ်စီၤစီလူး, “ယမ့ၢ်ပှၤတဂၤလၢယွၤဆှၢ လီၤအီၤဒ်သိးကဖှူနၤဒ်စီၤပၤတဂၤလၢအပှၤဂီၢ်မုၢ်ပှၤအံၣ်စရ့ လးဖိအဂီၢ်လီၤ. ခဲအံၤကနၣ်တၢ်လၢသ့တၢ်လၢာ်ယွၤစံးဝဲန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 15:17

စီၤၡမူအ့လးစံးဆၢဝဲ, “နမ့ၢ်ဆိကမိၣ်လီၤနသးလၢနတမ့ၢ်တၢ် အကါဒိးနီတမံၤဒၣ်လဲာ်န့ၣ်, နမ့ၢ်ပှၤအံၣ်စရ့လးဖိအဒူၣ်တဖၣ်အခိၣ်လီၤ. ယွၤဖှူနၤဒ်ကီၢ်အံၣ်စရ့လးအစီၤပၤတဂၤအသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:13

စီၤၡမူၤအ့လးဟံးန့ၢ်သ့ၣ်စၤယံးအသိဒီးဖှူစီၤဒၤဝံးလၢ အဒီပုၢ်ဝဲၢ်ခွါတဖၣ်အမဲာ်ညါလီၤ. သတူၢ်ကလာ်န့ၣ်ယွၤအသးမုၢ်စီဆှံပၢၤဃးစီၤဒၤဝံးဒီးအိၣ် ဒီးအီၤစးထီၣ်လၢမုၢ်တနံၤန့ၣ်လီၤ. အန့ၣ်ဝံၤဒီးစီၤၡမူၤအ့လးက့ၤကဒါက့ၤဆူဝ့ၢ်ရၤမါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:10

ယွၤအဒုၣ်အဒါတဖၣ်န့ၣ်ကဘၣ်တၢ်မၤ ဟးဂီၤကွံာ်အီၤလီၤ. အဝဲကမၤသီၣ်, လီသီၣ်လီသဲထီဒါအဝဲသ့ၣ်လၢမူခိၣ်လီၤ. ယွၤကစံၣ်ညီၣ်ဟီၣ်ခိၣ်ဒီဘ့ၣ်ညါလီၤ. အဝဲကဟ့ၣ်လီၤတၢ်စိတၢ်ကမီၤလၢအစီၤပၤတဖၣ်လီၤ. အဝဲကမၢအစီၤပၤလၢအဃုထၢဝဲန့ၣ်မၤန့ၢ်မၤနၢၤတၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:6

ဒီးအဝဲစံးဘၣ်အပှၤတဖၣ်, “မ်ယွၤပၢၤဃးယၤလၢတၢ်မၤဆါဘၣ် ယကစၢ်, လၢယွၤဃုထၢအီၤဒ်စီၤပၤတဂၤအသိးန့ၣ်တက့ၢ်. တစဲးဖိဒၣ်လဲာ်ယတဘၣ်မၤဆါဘၣ်အီၤဘၣ်. အဂ့ၢ်ဒ်အံၤ, အဝဲမ့ၢ်စီၤပၤလၢအဘၣ်တၢ်ဃုထၢအီၤလၢယွၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:11

ယွၤတြီယၤလၢယကကျဲးစၢးမၤဆါပှၤတဂၤလၢယွၤဒုးကဲထီၣ်အီၤ လၢစီၤပၤန့ၣ်လီၤ. မ်ပဟံးန့ၢ်အဘီ, အထံကိဖိဒီးဟးထီၣ်ကွံာ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 26:9

ဘၣ်ဆၣ်ဒီးစီၤဒၤဝံးစံးဝဲ, “နတဘၣ်မၤဆါအီၤဘၣ်. ပှၤတဂၤလၢ်လၢ်လၢအမၤဆါယွၤအပှၤဃုထၢဖိစီၤပၤန့ၣ်ယွၤကစံၣ် ညီၣ်အီၤသပှၢ်ကတၢၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 8:19

ပှၤဂီၢ်မုၢ်တကနၣ်ဃုာ်စီၤၡမူၤအ့လးနီတစဲးဘၣ်. မ့မ့ၢ်အဝဲသ့ၣ်စံးဝဲ, “အတွးတအိၣ်ဘၣ်. ပသးလီစီၤပၤတဂၤ,

လံာ်စီၤၡမူၤအ့လးအခီၣ်ထံးတဘ့ၣ် 8:9

မၤသးဒ်န့ၣ်ဒီးခဲအံၤ, ဒိကနၣ်အဝဲသ့ၣ်တက့ၢ်. ဘၣ်ဆၣ်ဒီးဟ့ၣ်ပလီၢ်ပဒီအဝဲသ့ၣ်အသးဃံးဃံးဒီး တဲနၢ်ပၢၢ်အဝဲသ့ၣ်လၢအစီၤပၤတဖၣ်ကမၤအီၤဒ်လဲၣ်အဂ့ၢ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 9:16

“ခဲမုၢ်ဆ့ၣ်လၢအဆၢကတီၢ်ဒ်အံၤန့ၣ်, ယကဆှၢလီၤပှၤတဂၤလၢစီၤ ဘံၣ်ယၤမံၣ်အဒူၣ်ဆူနအိၣ်လီၤ. ဖှူအီၤဒ်ယပှၤဂီၢ်မုၢ်အံၣ်စရ့လးအပှၤပၢတၢ်တက့ၢ်. ဒီးအဝဲဒၣ်ကအုၣ်က့ၤခီၣ်က့ၤအဝဲသ့ၣ်လၢပှၤဖလ့ၡသးဖိတဖၣ်အစု ပူၤလီၤ. ယထံၣ်ဘၣ်တ့ၢ်ယပှၤဂီၢ်မုၢ်အတၢ်နးတၢ်ဖှီၣ်ဒီးနၢ်ဟူ တ့ၢ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 9:27

ဖဲအဝဲသ့ၣ်တုၤဃီၤဆူဝ့ၢ်အထိးနါန့ၣ်စီၤၡမူၤအ့လးစံးဘၣ် စီၤစီလူး, “တဲဘၣ်ကုၢ်န့ၣ်ဒ်သိးကလဲၤပာ်လၢပမဲာ်ညါတက့ၢ်.” ကုၢ်တဂၤန့ၣ်လဲၤတၢ်ဒီးစီၤၡမူၤအ့လးစံးကဒီးဝဲဆူညါ, “အိၣ်ဖဲအံၤတစိၢ်ဒီးယကတဲဘၣ်နၤတၢ်လၢကစၢ်ယွၤစံးတ့ၢ်ဝဲ ဒၣ်န့ၣ်လီၤ.”