လံာ်စီၤၡမူၤအ့လးအခီၣ်ထံးတဘ့ၣ် 1:9 - Sgaw Karen Common Bible

⁹ ဘၣ်တနံၤ, ဖဲအဝဲသ့ၣ်အီၣ်တၢ်အီတၢ်လၢယွၤအဟံၣ်လၢဝ့ၢ်ၡံလိၤ အပူၤဝံၤန့ၣ်, နီၢ်ဃးနၤဆၢထၢၣ်ဝဲလီၤ. အဝဲအသးဟးဂီၤနးနးကလဲာ်ဒီးဟီၣ်ဟ့သးဖဲအဃ့ဘါထု ကဖၣ်တၢ်လၢယွၤအခါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:2

တုၤနုၤတစုစီၤပၤစံးဘၣ်ဝံနၤသၣ်, “ယအိၣ်ဆိးဖဲအံၤလၢ ဟံၣ်တဖျၢၣ်လၢအဘၣ်တၢ်ဘှီထီၣ်အီၤလၢသ့ၣ်ဆှိအ့ရ့းအပူၤလီၤ. မ့မ့ၢ်ကစၢ်ယွၤအတၢ်အၢၣ်လီၤအီလီၤအတလါစီဆှံန့ၣ်ဘၣ်တၢ်ပာ် အီၤလၢဒဲတဖျၢၣ်အပူၤလီၤ.”

စံးထီၣ်ပတြၢၤ 27:4

ယဃ့တ့ၢ်ယွၤလၢတၢ်တမံၤအဂီၢ်, ယဆၢန့ၢ်ဘၣ်ထဲတၢ်တမံၤဧိၤ, ဒ်သိးယကအိၣ်ကဆိးဘၣ်လၢယွၤအဟံၣ်ပူၤတစိၤဒၣ်ယၤ, လၢယကထံၣ်ဘၣ်ယွၤအတၢ်ဂ့ၤတၢ်ဝါ ဒီးဃ့န့ၢ်ယွၤအတၢ်ပၢတၢ်ဆှၢန့ၣ်လီၤ.

စံးထီၣ်ပတြၢၤ 29:9

ယွၤအကလုၢ်ဒုးဖှံလီၤတၤဟိမိၢ်တဖၣ် ဒီးမၤလီၤဆှုကွံာ်သ့ၣ်လၣ်ခဲလၢာ်လၢပှၢ်လၢ်ကျါ, ဒီးပှၤအိၣ်လၢအတၢ်လုၢ်ဟံၣ်အပူၤခဲလၢာ် ကိးထီၣ် “တၢ်လၤကပီၤမ်အဘၣ်ကစၢ်ယွၤ” န့ၣ်လီၤ.

စံးထီၣ်ပတြၢၤ 5:7

မ့မ့ၢ်ယဲဒၣ်အံၤ, ခီဖျိနတၢ်အဲၣ်ဂၢၢ်ကျၢၤလၢအဒိၣ်ဝဲအါဝဲန့ၣ်, ယကဟဲနုာ်ဘၣ်ဆူနဟံၣ်ပူၤ, ယကဘူၣ်ထီၣ်ဘါထီၣ်ဘၣ်နၤလၢ နတၢ်လုၢ်ဟံၣ်စီဆှံအပူၤ လၢတၢ်ပျံၤဒီးတၢ်ယူးယီၣ်ပာ်ကဲနၤအပူၤန့ၣ်လီၤ.

လံာ်တၢ်ဟးထီၣ်ကွံာ် 21:6

အကစၢ်ကဘၣ်လဲၤကိးအီၤဆူတၢ်ဘူၣ်ထီၣ်ဘါထီၣ်အလီၢ်န့ၣ်လီၤ. ဖဲန့ၣ်အကစၢ်ကဘၣ်မၢအဆၢထၢၣ်လၢတြဲၤမ့တမ့ၢ်တြဲၤအထူၣ်အမဲာ်ညါ ဒီးကမၤထူၣ်ဖျိအနၢ်လီၤ. တုၤနုၤတစုအဝဲကကဲထီၣ်အကစၢ်အကုၢ်တစိၤသးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:10

အကတီၢ်ဖဲန့ၣ်ပှၤလုၢ်တၢ်အခိၣ်စီၤဧ့လံၤဆ့ၣ်နီၤလၢအလီၢ်လၢ တြဲၤကပၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:15

စီၤၡမူၤအ့လးအိၣ်လၢလီၢ်မံခိၣ်တုၤလၢမုၢ်ဆ့ၣ်ဝါလီၤ. ဝံၤဒီးဂဲၤဆၢထၢၣ်ဝဲဒီးအိးထီၣ်ယွၤအဟံၣ်အတြဲၤတဖၣ်လီၤ. အဝဲပျံၤတၢ်လၢကတဲစီၤဧ့လံၤဘၣ်ဃးဒီးတၢ်ထံၣ်လၢညါခီအဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:3

စီၤၡမူၤအ့လးမံဝဲလၢတၢ်လုၢ်ဟံၣ်အပူၤဖဲယွၤအတၢ်အၢၣ်လီၤ အီလီၤအတလါစီဆှံအိၣ်ဝဲဒၣ်အလီၢ်န့ၣ်လီၤ. တချုးမုၢ်ဆ့ၣ်ထီၣ်တၢ်ခံးဒံးဘၣ်ဖဲမ့ၣ်အူဒၢကပီၤဒံးဝဲန့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 4:13

စီၤဧ့လံၤလၢအသူၣ်ကိၢ်သးဂီၤတၢ်လၢတၢ်အၢၣ်လီၤအီလီၤအတလါစီဆှံအဃိန့ၣ်, ဆ့ၣ်နီၤဝဲလၢတၢ်လီၢ်တတီၤလၢကျဲကပၤန့ၣ်ဒီး ကွၢ်ဃီၤတၢ်စူကညူးလီၤ. ပှၤတဂၤန့ၣ်ရၤလီၤတၢ်ကစီၣ်သကုၤဝ့ၢ်ဒီဝ့ၢ်ညါဒီးပှၤကိးဂၤ ကိးပသူထီၣ်လၢတၢ်ပျံၤတၢ်ဖုးအပူၤလီၤ.