လံာ်စီၤၡမူၤအ့လးအခီၣ်ထံးတဘ့ၣ် 1:24 - Sgaw Karen Common Bible

²⁴ ဖဲအဝဲထုးဖှၣ်အနုၢ်လၢအီၤဝံၤန့ၣ်, ပိာ်မုၣ်အံၤလဲၤစိာ်အီၤ ဆူဝ့ၢ်ၡံလိၤ, ဃုာ်ဒီးကျီၢ်ဖါအသးအိၣ်သၢနံၣ်တဒု, ကိၣ်ကမူၣ်သၢသလိးဒီးထၢၣ်တၢ်ဖံးပှဲၤဒီးစပံးထံတဖျၢၣ်န့ၣ်လီၤ. ပိာ်မုၣ်န့ၣ်လဲၤစိာ်စီၤၡမူၤအ့လးဖဲအမ့ၢ်ဒံးဖိသၣ်ဆံးအခါ န့ၣ်ဆူယွၤအဟံၣ်လၢဝ့ၢ်ၡံလိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:24 Iomraidhean Croise

လံာ်တၢ်ကဲထီၣ်အခီၣ်ထံး 21:8

ဒီးဖိသၣ်ဒိၣ်ထီၣ်ဝဲ, ဒီးမုၢ်တနံၤလၢအဖှၣ်အမိၢ်အနုၢ်န့ၣ်စီၤ အၤဘြၤဟၣ်မၤတၢ်အီၣ်အမူးဖးဒိၣ်လီၤ.

လံာ်စီၤပၤအခီၣ်ထံးတဘ့ၣ် 11:20

ပိာ်မုၣ်အံၤဆံးစၢ်န့ၢ်အီၤလၢအဖိခွါတဂၤလၢအမံၤမ့ၢ်ဝဲစီၤ ကနူဘးန့ၣ်လီၤ. အဝဲဘၣ်တၢ်လုၢ်ဒိၣ်ထီၣ်အီၤလၢနီၢ်ပၤမုၣ်လၢနီပူၤဖဲအဝဲအိၣ် ဆိးဝဲဒီးစီၤပၤဖိခွါတဖၣ်န့ၣ်လီၤ.

လံာ်မးသဲ 13:33

အဝဲစံးဘၣ်တဲဘၣ်အဝဲသ့ၣ်လၢတၢ်ကတိၤဒိအဂၤတခါ, “မူခိၣ်အဘီမုၢ်န့ၣ်လီၤဂာ်ဒီးကိၣ်မံၣ်တနီၤလၢပိာ်မုၣ်တဂၤ ဟံးန့ၢ်ဒီးစံၢ်ကျဲၣ်ကျီအီၤလၢကိၣ်ကမူၣ်သၢသလိးအကျါတုၤ ကိၣ်ဖးထီၣ်ဝဲခဲလၢာ်န့ၣ်လီၤ.”

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.

လံာ်စီၤယိၤၡူ 18:1

ပှၤအံၣ်စရ့လးဖိတဖၣ်မၤနၢၤကီၢ်န့ၣ်ဝံၤဒီး, အဝဲသ့ၣ်ခဲလၢာ်ပာ်ဖှိၣ်အသးဖဲဝ့ၢ်ၡံလိၤ ဒီးသူၣ်ထီၣ်တၢ်ဘူၣ်ထီၣ်ဘါထီၣ်ယွၤအဒဲန့ၣ်လီၤ.