လံာ်စီၤၡမူၤအ့လးအခီၣ်ထံးတဘ့ၣ် 1:21 - Sgaw Karen Common Bible

²¹ တၢ်ဆၢကတီၢ်တုၤကဒီးဝဲတဘျီလၢစီၤအ့လကါနၤဒီးအဟံၣ်ဖိဃီဖိအဂီၢ် လၢကလဲၤဆူဝ့ၢ်ၡံလိၤဒီးမၤဘူၣ်ထီၣ်တနံၣ်တဘျီအတၢ်လုၢ်တၢ်ပာ်ဆူယွၤအအိၣ် ဒ်အအၢၣ်လီၤဝဲအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:21 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

စံးထီၣ်ပတြၢၤ 101:2

ယကပလီၢ်ယသးလၢညါ လၢတၢ်အိၣ်မူလၢ တၢ်ပာ်တၢ်ကမၣ် လၢအလိၤအလီၢ်တအိၣ်ဘၣ်အပူၤန့ၣ်လီး. နကဟဲဆူယအိၣ်အကတီၢ်ဖဲလဲၣ်. လၢယဟံၣ်ပူၤန့ၣ်, ယကအိၣ်မူလၢ တၢ်သးကဆှီအပူၤ,

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:6

ဒီးဖဲန့ၣ်သုကဘၣ်လုၢ်ထီၣ်တၢ်လုၢ်တၢ်ပာ်တဖၣ်လၢတၢ်ဆိၣ်ကဲၤထီၣ် အဂီၢ်ဒီးတၢ်လုၢ်တၢ်ပာ်အဂၤတဖၣ်ဒီးတၢ်မၤဘူၣ်တဖၣ်, သုတၢ်ဟ့ၣ်လၢသုအၢၣ်လီၤဒီးယွၤ, သုတၢ်သူၣ်အိၣ်သးအိၣ်အတၢ်မၤ ဘူၣ်တဖၣ်ဒီးသုဂီၤဘုၣ်ဂီၤဖံးဒီးသုသိအဝဲၢ်ကိတဖၣ်န့ၣ်လီၤ.

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 1:3

ကိးနံၣ်ဒဲးန့ၣ်စီၤအ့ကါနၤလဲၤလၢဝ့ၢ်ရၤမါဆူဝ့ၢ်ၡံလိၤ ဒ်သိးအကဘူၣ်တၢ်ဘါတၢ်ဒီးမၤဘူၣ်တၢ်လုၢ်တၢ်ပာ်တဖၣ်ဆူ ယွၤသ့တၢ်လၢာ်အအိၣ်န့ၣ်လီၤ. ဖဲန့ၣ်စီၤဧ့လံၤအဖိခွါစီၤဃၤဖနံၤဒီးစီၤဖံနဃၤခံဂၤ န့ၣ်မ့ၢ်ဝဲပှၤလုၢ်တၢ်အခိၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:19

တနံၣ်ဘၣ်တနံၣ်န့ၣ်အမိၢ်ဟဲမၤန့ၢ်အီၤဆ့ဖးထီဖိတဘ့ၣ်ဒီးလဲၤစိာ်ဆူအအိၣ် ဖဲအလဲၤပိာ်အဝၤအခံဒ်သိးကမၤဘူၣ် တနံၣ်တဘျီအတၢ်လုၢ်တၢ်ပာ်တဖၣ်အဂီၢ်န့ၣ်လီၤ.