လံာ်စီၤၡမူၤအ့လးအခီၣ်ထံးတဘ့ၣ် 1:18 - Sgaw Karen Common Bible

¹⁸ ပိာ်မုၣ်န့ၣ်စံးဆၢအီၤ, “မ်နဆိကမိၣ်တၢ်လၢယဂ့ၢ်လၢတၢ်သူၣ် ကညီၤသးကညီၤအပူၤထီဘိတက့ၢ်.” အန့ၣ်ဝံၤဒီးပိာ်မုၣ်န့ၣ်ဟးထီၣ်ဝဲဒီးအီၣ်တၢ်ဒီးအသးတအုးလၢၤဘၣ်ဝဲဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 1:18 Iomraidhean Croise

လံာ်တၢ်ကဲထီၣ်အခီၣ်ထံး 32:5

ယအိၣ်ဒီးဂီၤဘုၣ်ဂီၤဖံး, ကသ့ၣ်ယီၤ, သိဒီးမဲာ်တဲးလဲးဒီး ကုၢ်သ့ၣ်တဖၣ်လီၤ. တၢ်ဒိၣ်ဧၢ, ယဆှၢလီၤတၢ်ကစီၣ်လၢတၢ်မုၢ်လၢ်အပူၤဒ်သိးယကဒိး န့ၢ်ဘၣ်နတၢ်သးကညီၤကွၢ်မဲာ်ယၤလီၤ.”

လံာ်တၢ်ကဲထီၣ်အခီၣ်ထံး 32:6

ဖဲပှၤစိာ်တၢ်ကစီၣ်တဖၣ်ဟဲက့ၤတုၤဆူစီၤယၤကိာ်အအိၣ်န့ၣ်, အဝဲသ့ၣ်စံး, “ပလဲၤဆူနဝဲၢ်စီၤဧ့ၡီၤအအိၣ်, ဒီးအဝဲဟဲ ထီၣ်လံဝဲဒ်သိးအကဟဲသဂၢၢ်နၤလီၤ. အဝဲအိၣ်ဒီးအပှၤအဂၤလွံၢ်ကယၤလီၤ.”

လံာ်တၢ်ကဲထီၣ်အခီၣ်ထံး 33:15

စီၤဧ့ၡီၤစံးဝဲ, “ပမ့ၢ်မၤဒ်န့ၣ်ဒီးပျဲယပာ်တီၢ်ယပှၤတနီၤ ဒီးနၤတက့ၢ်.” ဘၣ်ဆၣ်စီၤယၤကိာ်စံးဆၢဝဲ, “အဝဲန့ၣ်အလီၢ်တအိၣ်ဘၣ်. အဂ့ၢ်ဒ်အံၤ, ယအဲၣ်ဒိးထဲနတၢ်သးကညီၤကွၢ်မဲာ်ဧိၤလီၤ.”

လံာ်တၢ်ကဲထီၣ်အခီၣ်ထံး 33:8

စီၤဧ့ၡီၤသံကွၢ်ဝဲ, “ဆၣ်ဖိကီၢ်ဖိလၢနဟဲနီၣ်ဃုာ်ဒီးနၤ တဖၣ်တခီ, အခီပညီဒ်လဲၣ်.” စီၤယၤကိာ်စံးဆၢဝဲ, “တၢ်န့ၣ်မ့ၢ်လၢယက ဒိးန့ၢ်နတၢ်သးကညီၤကွၢ်မဲာ်ယၤအဂီၢ်လီၤ.”

စံးထီၣ်ပတြၢၤ 34:6

ပှၤဖှီၣ်ယာ်တဂၤအံၤကိးထီၣ်ဝဲ, ဒီးယွၤနၢ်ဟူအီၤ, ဒီးမၤပူၤဖျဲးအီၤလၢ အတၢ်ကိၢ်တၢ်ဂီၤခဲလၢာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:7

လဲၤကာ်နဲာ်, အီၣ်နတၢ်အီၣ်ဒီးသူၣ်ခုသးခုနဲ, အီနစပံးထံဒီးသူၣ်ဖှံသးညီနဲတက့ၢ်. တၢ်န့ၣ်ဂ့ၤဝဲလၢကစၢ်ယွၤအမဲာ်လီၤ.

လံာ်ယိၤဟၣ် 16:24

တုၤအခဲအံၤန့ၣ်, သုတဃ့တၢ်နီတမံၤလၢယမံၤဒံးဘၣ်. ဃ့တၢ်တက့ၢ်. ဒီးသုကန့ၢ်ဘၣ်တၢ်, ဒ်သိးသုတၢ်သူၣ်ခုသးခုကလၢထီၣ်ပှဲၤထီၣ်ဝဲအဂီၢ်န့ၣ်လီၤ.

ရိမ့ၤ 15:13

မ်ကစၢ်ယွၤ, လၢအမ့ၢ်တၢ်မုၢ်လၢ်အဂံၢ်ထံး, မၤပှဲၤသုဒီးကယဲၢ်တၢ်သးခုဒီးတၢ်ဃူတၢ်ဖိးခီဖျိသုတၢ် စူၢ်တၢ်နာ်အီၤ, ဒ်သိးသုတၢ်မုၢ်လၢ်ကဒိၣ်ထီၣ်အါထီၣ်ခီဖျိသး စီဆှံအစိကမီၤန့ၣ်တက့ၢ်.

လံာ်နီၢ်ရူၤသး 2:13

တုၤနုၤတစု, နီၢ်ရူၤသးစံးဆၢဝဲဒၣ်, “ယကစၢ်ဧၢ, နမ့ၢ်ပှၤလၢအမၤဘျုးမၤဖှိၣ်ယၤဒိၣ်မးလီၤ. အဂ့ၢ်ဒ်အံၤ, ယမ့တမ့ၢ်ဘၣ်ဒ်ပှၤဒ်သိးဒီးနကုၢ်ပိာ်မုၣ်အကျါတဂၤ ဘၣ်ဆၣ်နမၤသးမုာ်ယၤလၢနတၢ်ကတိၤတၢ်မုာ်မုာ်ခုၣ်ခုၣ် တဖၣ်န့ၣ်လီၤ.”

လံာ်နီၢ်ရူၤသး 2:2

ပှၤမိၤအးမုၣ်ဖိနီၢ်ရူၤသးစံးဘၣ်နီၢ်နၤဧမံ, “ပျဲယလဲၤဆူစံာ်ပျီတဖၣ်အပူၤဒ်သိးယကထၢဖှိၣ်ဘုအစဲၤတဖၣ် လၢပှၤကူးဘုတဖၣ်ပာ်လီၤတဲာ်န့ၣ်တက့ၢ်. ယနာ်လၢယကထံၣ်န့ၢ်ပှၤတဂၤဂၤလၢအကပျဲ ယမၤတၢ်အံၤန့ၣ်လီၤ.” ဒီးနီၢ်နၤဧမံစံးဆၢဝဲ, “ယဖိမုၣ်ဧၢ, လဲၤတက့ၢ်.”