လံာ်စီၤၡမူၤအ့လးအခီၣ်ထံးတဘ့ၣ် 1:10 - Sgaw Karen Common Bible

¹⁰ အကတီၢ်ဖဲန့ၣ်ပှၤလုၢ်တၢ်အခိၣ်စီၤဧ့လံၤဆ့ၣ်နီၤလၢအလီၢ်လၢ တြဲၤကပၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:10 Iomraidhean Croise

လံာ်တၢ်ကဲထီၣ်အခီၣ်ထံး 30:1

မ့မ့ၢ်နီၢ်ရၤဃ့လးန့ၣ်တဆံးစၢ်န့ၢ်အဖိနီတဂၤလၢစီၤယၤကိာ် အဂီၢ်ဘၣ်. ဒီးအသးက့ၣ်အဒီပုၢ်ဝဲၢ်မုၣ်နီၢ်လ့ၤအၤဒီးစံးဘၣ်စီၤယၤကိာ်, “ဟ့ၣ်ယၤလၢဖိတဖၣ်တက့ၢ်. မ့တမ့ၢ်ဘၣ်ဒီးယကသံလီၤ.”

လံာ်တၢ်ကဲထီၣ်အခီၣ်ထံး 50:10

ဖဲအဝဲသ့ၣ်လဲၤတုၤဆူအၤတၤအကြဲၢ်လၢအအိၣ်လၢထံကျိ ယၢ်ဒ့ၣ်အမုၢ်ထီၣ်န့ၣ်, အဝဲသ့ၣ်ဟီၣ်ဝဲယၢၤဝဲဒိၣ်ဒိၣ်မုၢ်မုၢ်, ယံာ်ယံာ်ထၢထၢ, ဒီးစီၤယိၤသးမၤတၢ်ဟီၣ်တၢ်ယၢၤအမူးတဖၣ်နွံ သီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:36

ဖဲအဝဲကတိၤတၢ်အံၤဝံၤတဘျီဃီန့ၣ်, စီၤဒၤဝံးအဖိခွါတဖၣ်ဟဲက့ၤနုာ်လီၤဝဲလီၤ. အဝဲသ့ၣ်စးထီၣ်ဟီၣ်ဝဲယၢၤဝဲ, ဒီးစီၤဒၤဝံးဒီးအပဒိၣ်ပပှၢ်တဖၣ်ဟီၣ်စ့ၢ်ကီးဝဲနးမးလီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:8

နသ့ၣ်ညါလၢနပၢ်စီၤဒၤဝံးဒီးအပှၤတဖၣ်န့ၣ်, မ့ၢ်ပှၤဒုးတၢ်ဆူၣ်မးတဖၣ်ဒီးအဝဲသ့ၣ်တဖၣ်န့ၣ်လီၤပျံၤလီၤဖုးမး ဒ်တၤသူမိၢ်တဒုလၢတၢ်ဂုာ်န့ၢ်ကွံာ်အဖိတဖၣ်အသိးန့ၣ်လီၤ. နပၢ်မ့ၢ်ပှၤသုးဖိတဂၤလၢအတၢ်လဲၤခီဖျိအါမးဒီးတအိၣ်ဆိးဘၣ်ဒီး အသုးဖိသံၣ်ဖိတဖၣ်လၢမုၢ်နၤအကတီၢ်န့ၣ်ဘၣ်.

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်စီၤယိၤဘး 10:1

တၢ်ဘှံးယသးလၢယတၢ်အိၣ်မူန့ၣ်လီၤ. ဒိကနၣ်လၢ်ယတၢ် ကအုကစွါလၢတၢ်နးတၢ်ဖှီၣ်အပူၤန့ၣ်တက့ၢ်.

လံာ်စီၤယိၤဘး 7:11

လၢတၢ်န့ၣ်အဃိယအိၣ်ဃိကလာ်တသ့ဘၣ်. ယကကတိၤ တၢ်လၢတၢ်ကိၢ်တၢ်ဂီၤပှဲၤယသးဒီးကဒူးကဒၣ်လၢ ယတၢ်သးဆါအပူၤလီၤ.

လံာ်စီၤယိၤဘး 9:18

အဝဲတပျဲယချူးန့ၢ်ယတၢ်သါဒီးမၤပှဲၤတ့ၢ်လံယတၢ်အိၣ်မူ လၢတၢ်နးတၢ်ဖှီၣ်နးနးကလဲာ်လံန့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

တၢ်ကတိၤဒိ. 14:10

နတၢ်သးခုမ့ၢ်နတၢ်ဒၣ်နဲဒီးနတၢ်သးခၣ်မ့ၢ်နတၢ်ဒၣ်နဲလီၤ. ပှၤဒိးဃုာ်တၢ်ဒီးနၤတသ့ဘၣ်နီတဂၤဘၣ်.

လံာ်ယၡါယၤ 38:15

ယစံးမနုၤကသ့လဲၣ်. ယွၤမၤတ့ၢ်တၢ်အံၤလီၤ. ယသးခၣ်ဝဲဒီးယမံတန့ၢ်ဘၣ်.

လံာ်ယၡါယၤ 54:6

ကီၢ်အံၣ်စရ့လးဧၢ, နမၤနသးဒ်မါသးစၢ်တဂၤ လၢအဝၤဟးသဒၣ်အီၤဒီးအသးဟးဂီၤ ဒိၣ်မးအသိးန့ၣ်လီၤ. ဘၣ်ဆၣ်ဒီး, ယွၤကိးကဒါက့ၤနၤဆူအအိၣ်ဒီးစံးဝဲ,

လံာ်ယံးရမံယၤ 13:17

သုမ့ၢ်တဒိကနၣ်တၢ်ဘၣ်ဒီး, ယကဟီၣ်ခူသူၣ်လၢသုတၢ်ပာ်ထီၣ်ထီသုသး အဃိလီၤ. ယကဟီၣ်ကယၢၤနးနးကလဲာ်ဒီးယမဲာ်ထံကယွၤလီၤဝဲ မ့ၢ်လၢယွၤအပှၤဂီၢ်မုၢ်ဘၣ်တၢ်စိာ်မၢကဲကုၢ်အီၤအဃိန့ၣ်လီၤ.

လံာ်ယံးရမံယၤ 22:10

ကီၢ်ယူဒၤအပှၤဂီၢ်မုၢ်သ့ၣ်ဧၢ, ဟီၣ်တၢ်ယၢၤတၢ်လၢစီၤပၤ စီၤယိၤၡံယၤအဂီၢ်တဂ့ၤ. သူၣ်အုးသးအုးလၢအဝဲအတၢ်သံအဃိန့ၣ်တဂ့ၤ. မ့မ့ၢ်တခီ, ဟီၣ်နးနးကလဲာ်လၢအဝဲအဖိခွါ စီၤယဟိအါဃးအဃိန့ၣ်တက့ၢ်. အဝဲသ့ၣ်က့ၤစိာ်ကွံာ်အီၤလံ. တဟဲက့ၤနီတဘျီလၢၤဘၣ်ဒီးတထံၣ်ဘၣ်လၢၤထံကီၢ်လၢအဝဲ အိၣ်ဖျဲၣ်ထီၣ်ဝဲန့ၣ်နီတစုလၢၤဘၣ်.

လံာ်သးသယုၢ်တၢ် 3:15

ကယဲၢ်တၢ်လၢအဟ့ၣ်ယၤလၢတၢ်အီၣ်တၢ်အီအဂီၢ်န့ၣ်မ့ၢ်ထဲ တၢ်တူၢ်ဘၣ်ခီၣ်ဘၣ်အခၣ်တဖၣ်လီၤ.

လံာ်လူၤကၣ် 22:44

လၢတၢ်သူၣ်ကိၢ်သးဂီၤဖးဒိၣ်အပူၤ, အဝဲဃ့ဘါထုကဖၣ်တၢ်လၢတၢ်ပာ်အသးသပှၢ်ပှၢ်အပူၤ, ဒိၣ်န့ၢ်အလီၢ်လီၤ. အဝဲဒၣ်အကပၢၤယွၤလီၤဒ်တၢ်သွံၣ်အလီၤစီၤ တဖၣ်အသိး, လၢဟီၣ်ခိၣ်လိၤလီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

လံာ်ပှၤစံၣ်ညီၣ်ကွီၢ် 21:2

ဒီးပှၤအံၣ်စရ့လးဖိတဖၣ်လဲၤဆူဘ့ၤသ့လးဒီးဆ့ၣ်နီၤဖဲန့ၣ် လၢကစၢ်ယွၤအမဲာ်ညါတုၤလၢမုၢ်ဟါလီၤတစုန့ၣ်လီၤ. ဒီးဟီၣ်ဝဲယၢၤဝဲဒိၣ်ဒိၣ်ကလဲာ်လီၤ.

လံာ်နီၢ်ရူၤသး 1:20

အဝဲစံးဆၢဝဲ, “တဘၣ်ကိးယၤလၢနီၢ်နၤဧမံလၢအမ့ၢ်ပှၤလၢ အသူၣ်ဖှံသးညီတဂ့ၤ. ကိးယၤလၢနီၢ်မၤရၤလၢအမ့ၢ်ပှၤလၢအသူၣ်အုးသးအုး, မ့ၢ်လၢသ့တၢ်လၢာ်ကစၢ်ယွၤမၤဆါယၤနးနးကလဲာ်လံအဃိတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 1:11

နီၢ်ဃးနၤမၤတၢ်အၢၣ်လီၤအီၤလီၤတၢ်သညူးသပှၢ်တမံၤန့ၣ်လီၤ. “ယွၤသ့တၢ်လၢာ်ဧၢ, ကွၢ်လီၤယၤနကုၢ်အံၤတက့ၢ်. ထံၣ်ယတၢ်ကိၢ်တၢ်ဂီၤဒီးသ့ၣ်နီၣ်ထီၣ်က့ၤယၤတက့ၢ်. သးပ့ၤနီၣ်ယၤတဂ့ၤ. နမ့ၢ်ဟ့ၣ်ယၤလၢဖိခွါတဂၤဒီးယအၢၣ်လီၤ နၤလၢယကပာ်စီဆှံအီၤဆူနအိၣ်လၢအသးသမူတစိၤဒီးအခိၣ်သူ တဘၣ်တၢ်ကူးတဲာ်အီၤနီတစုဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 1:9

ဘၣ်တနံၤ, ဖဲအဝဲသ့ၣ်အီၣ်တၢ်အီတၢ်လၢယွၤအဟံၣ်လၢဝ့ၢ်ၡံလိၤ အပူၤဝံၤန့ၣ်, နီၢ်ဃးနၤဆၢထၢၣ်ဝဲလီၤ. အဝဲအသးဟးဂီၤနးနးကလဲာ်ဒီးဟီၣ်ဟ့သးဖဲအဃ့ဘါထု ကဖၣ်တၢ်လၢယွၤအခါန့ၣ်လီၤ.