လံာ်စီၤၡမူၤအ့လးအခီၣ်ထံးတဘ့ၣ် 1:1 - Sgaw Karen Common Bible

¹ ပှၤအိၣ်ဝဲတဂၤအမံၤလၢစီၤအ့လကါနၤလီၤ. အဝဲမ့ၢ်ပှၤအ့ဖရဲၣ်အဒူၣ် ဒီးအိၣ်ဝဲလၢဝ့ၢ်ရၤမါလၢကစၢၢ်ကလိအဝ့ၢ်အ့ဖရဲၣ်န့ၣ်လီၤ. အဝဲမ့ၢ်စီၤအလံဟူၤအလံၤခွါဒီးစီၤယဟိရၣ်အဖိခွါဒီးဘၣ် ဃးလၢစီၤတိဟူၤအဟံၣ်ဖိဃီဖိဒီးမ့ၢ်ပှၤလၢစီၤစူာ်အဒူၣ်ထၢ တဒူၣ်အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:1 Iomraidhean Croise

လံာ်စီၤပၤအခီၣ်ထံးတဘ့ၣ် 11:26

ပှၤအဂၤတဂၤလၢအထီဒါကွံာ်စီၤပၤၡလိၤမိၤန့ၣ်, မ့ၢ်အဝဲအပဒိၣ်ပပှၢ်အကျါတဂၤ, လၢအမ့ၢ်စီၤနဘးအဖိခွါစီၤယၤ ရၤဘၣ်, ပှၤအ့ဖရဲၣ်ဖိတဂၤလၢအဘၣ်ဃးဒီးစရ့ဒၤန့ၣ်လီၤ. အဝဲအမိၢ်မ့ၢ်မုၣ်ကမဲတဂၤလၢအမံၤမ့ၢ်နီၢ်စရူၤဧၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:22

အအံၤမ့ၢ်စီၤကဃးအစၢၤအသွဲၣ်တဖၣ်လၢစိၤတစိၤဘၣ်တစိၤန့ၣ်လီၤ. စီၤဧၤမံၤနဒး, စီၤကိၤရး, စီၤအးစံၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 6:33

ဒူၣ်ထၢအတၢ်လီၤစၢၤတဖၣ်လၢအဟံးန့ၢ်မူဒါအံၤ, မ့ၢ်ဒ်အဖီလာ်အသိးလီၤ. လၢပှၤကဃးဖိအဒူၣ်ထၢပူၤန့ၣ်, စီၤဟ့မၣ်, လၢအမ့ၢ်စီၤယိၤအ့လးအဖိခွါ, မ့ၢ်တၢ်သးဝံၣ်ရိအခီၣ်ထံးတဖုအခိၣ်န့ၣ်လီၤ. အဝဲအတၢ်လီၤစၢၤလီၤသွဲၣ်စးထီၣ်လၢစီၤယၤကိာ်မ့ၢ်ဒ်လာ်အံၤ န့ၣ်လီၤ. စီၤဟ့မၣ်, စီၤယိၤအ့လး, စီၤၡမူၤအ့လး,

လံာ်ကွဲးနီၣ်တၢ်အခီၣ်ထံးတဘ့ၣ် 6:34

စီၤအ့လကါနၤ, စီၤယရိဃၣ်, စီၤအလံၤအ့လး, စီၤတိအး,

လံာ်မးသဲ 27:57

တုၤလီၤလၢဟါခီန့ၣ်, ပှၤထူးပှၤတီၤလၢဝ့ၢ်အရံၤမၤသဲဟဲတုၤဝဲ တဂၤလီၤ. အဝဲအမံၤမ့ၢ်စီၤယိၤသးဒီးမ့ၢ်စ့ၢ်ကီးယ့ၣ်ၡူးအပျဲၢ် အဘီၣ်တဂၤလီၤ.

လံာ်စီၤယိၤၡူ 24:33

စီၤအၤဟရိၣ်အဖိခွါစီၤအလၤဧစၢ်သံဝဲဒီးဘၣ်တၢ်ခူၣ်လီၤအီၤဖဲ ဝ့ၢ်ကံဘဧၤလၢအအိၣ်လၢအ့ဖရဲၣ်အကစၢၢ်အလိၤလၢအဘၣ် တၢ်ဟ့ၣ်လီၤတ့ၢ်ဝဲလၢအဖိခွါစီၤဖံၤနဃၣ်အအိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 12:5

ဒ်သိးပှၤအ့ဖရဲၣ်ဖိအသုတဃ့ၢ်ပူၤဖျဲးတဂ့ၤဒီး, ပှၤကံးလဧးဖိတဖၣ်ဟံးန့ၢ်တၢ်လီၢ်တဖၣ်ဖဲတၢ်ခီဂာ်ထံကျိယၢ် ဒ့ၣ်သ့ဝဲန့ၣ်လီၤ. ဖဲပှၤအ့ဖရဲၣ်ဖိတဂၤဂၤလၢအကျဲးစၢးဒ်သိး ကပူၤဖျဲးအဂီၢ်ဃ့တၢ်ပျဲလၢကခီဂာ်တၢ်န့ၣ်ပှၤကံးလဧးဖိတဖၣ်သံကွၢ်ဝဲ, “နမ့ၢ်ပှၤအ့ဖရဲၣ်ဖိဧါ.” ဒီးအဝဲမ့ၢ်စံးဆၢ, “တမ့ၢ်ဘၣ်”, ဒီး

လံာ်ပှၤစံၣ်ညီၣ်ကွီၢ် 17:1

တဘျီပှၤအိၣ်ဝဲတဂၤအမံၤလၢစီၤမံၤကါ, ဒီးအိၣ်ဝဲဒၣ်လၢအ့ဖရဲၣ်အကစၢၢ်ကလိန့ၣ်လီၤ.

လံာ်ပှၤစံၣ်ညီၣ်ကွီၢ် 19:1

တချုးလၢအံၣ်စရ့လးအိၣ်ဒီးအစီၤပၤဒံးဘၣ်အမုၢ်နံၤတဖၣ်န့ၣ် ပှၤလ့ၤဝံဖိတဂၤအိၣ်ဝဲလၢတၢ်လီၢ်ဖးယံၤဖဲအ့ဖရဲၣ်အကစၢၢ် ကလိန့ၣ်လီၤ. အဝဲဟံးန့ၢ်ပိာ်မုၣ်ဖိတဂၤလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤဒ်အသံၣ်မါအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 4:5

အဝဲညီနုၢ်ဆ့ၣ်နီၤလၢသ့ၣ်စူၣ်ပလိၣ်တထံးအဖီလာ်ဖဲဝ့ၢ်ရၤမါ ဒီးဝ့ၢ်ဘ့ၤသ့လးအဘၢၣ်စၢၤလၢအ့ဖရဲၣ်ကစၢၢ်ကလိ, ဒီးအံၣ်စရ့လးအပှၤဂီၢ်မုၢ်ဘၣ်လဲၤဖဲန့ၣ် လၢအဝဲတၢ်စံၣ်ညီၣ်နီၤဖးအဂီၢ်န့ၣ်လီၤ.

လံာ်နီၢ်ရူၤသး 1:2

လၢတၢ်အံၤအဃိပှၤအိၣ်ဝဲတဂၤလၢဝ့ၢ်ဘ့ၤသလ့ဃ့ၣ်လၢကီၢ်ယူဒၤ အပူၤန့ၣ်, လဲၤဆူကီၢ်မိၤအးဃုာ်ဒီးအမါဒီးအဖိခွါခံဂၤဒ်သိးအကလဲၤ အိၣ်ဝဲတစိၢ်တလီၢ်အဂီၢ်န့ၣ်လီၤ. ပှၤတဂၤအံၤအမံၤမ့ၢ်ဝဲစီၤအလံၤမ့လ့း, အမါအမံၤမ့ၢ်နီၢ်နၤဧမံ, ဒီးအဖိခွါခံဂၤန့ၣ်, မ့ၢ်စီၤမၤဃလိၣ်ဒီးစီၤကံးလယိၣ်န့ၣ်လီၤ. အဝဲသ့ၣ်တဖၣ်န့ၣ်ဘၣ်ဃးဒီးပှၤအ့ဖရးသးဖိအဒူၣ်အထၢလီၤ.

လံာ်နီၢ်ရူၤသး 4:22

စီၤဧိၤဘ့းထီၣ်ဖိစီၤယံးၡဲ, ဒီးစီၤယံးၡဲထီၣ်ဖိစီၤဒၤဝံးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:19

မုၢ်ဆ့ၣ်ထီၣ်တနံၤန့ၣ်, စီၤအ့လကါနၤဒီးအဟံၣ်ဖိဃီဖိပၢၢ်ထီၣ်ဂီၤဂီၤဒီးဘူၣ်ထီၣ်ဘါထီၣ်ယွၤဝံၤ, အဝဲသ့ၣ်က့ၤကဒါက့ၤဆူဝ့ၢ်ရၤမါလီၤ. စီၤအ့လကါနၤမံဃုာ်ဒီးအမါနီၢ်ဃးနၤဒီး ယွၤစံးဆၢပိာ်မုၣ်န့ၣ်အတၢ်ထုကဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:12

စီၤဒၤဝံးမ့ၢ်, ပှၤအ့ဖရၤသးဖိလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤ, စီၤယံးၡဲအဖိခွါန့ၣ်လီၤ. စီၤယံးၡဲအဖိခွါအိၣ်ဃိးဂၤဒီးဖဲစီၤစီလူးကဲစီၤပၤ န့ၣ်, စီၤယံးၡဲမ့ၢ်ပှၤသးပှၢ်တဂၤလံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:11

ဒီးစီၤအ့လကါနၤက့ၤကဒါက့ၤဆူအဟံၣ်လၢဝ့ၢ်ရၤမါလီၤ. မ့မ့ၢ်စီၤၡမူၤအ့လးအိၣ်တ့ၢ်ဝဲလၢဝ့ၢ်ၡံလိၤဒီးမၤယွၤ အတၢ်မၤလၢစီၤဧ့လံၤအဖီလာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:17

အန့ၣ်ဝံၤဒီးအဝဲက့ၤကဒါက့ၤဝဲဆူအဟံၣ်လၢဝ့ၢ်ရၤမါအပူၤ, ဖဲအဝဲမၤစ့ၢ်ကီးတၢ်ဒ်ပှၤစံၣ်ညီၣ်ကွီၢ်အသိးန့ၣ်လီၤ. လၢဝ့ၢ်ရၤမါအပူၤန့ၣ်အဝဲသူၣ်ထီၣ်တၢ်လုၢ်လီၢ်တခါဆူယွၤအအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:4

အဝဲသ့ၣ်လဲၤသကုၤအကစၢၢ်ကလိကီၢ်အ့ဖရဲၣ်ဒီဘ့ၣ်ဒီးဆူကီၢ်ၡၤ လံၡၤအလီၢ်ကဝီၤဘၣ်ဆၣ်ဒီးတထံၣ်က့ၤဝဲဘၣ်. မၤသးဒ်န့ၣ်ဒီးလဲၤဆူညါဆူကီၢ်ၡၤလံၣ်လီၤ. ဘၣ်ဆၣ်ဒီးကသ့ၣ်ယီၤတဖၣ်တအိၣ်ဖဲန့ၣ်ဘၣ်. အန့ၣ်ဝံၤဒီးအဝဲသ့ၣ်လဲၤခီဂာ်ဘံၣ်ယၤမံၣ်အလီၢ်ကဝီၤဘၣ်ဆၣ် တထံၣ်ဒံးအဝဲသ့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 9:5

ဖဲအဝဲသ့ၣ်ဟဲတုၤလၢကီၢ်စူာ်န့ၣ်စီၤစီလူးစံးဘၣ်အကုၢ်, “မ်ပက့ၤကဒါက့ၤဆူဟံၣ်တက့ၢ်. မ့တမ့ၢ်ဘၣ်ဒီးယပၢ် ကဆိကတီၢ် တၢ်ဆိကမိၣ်ဘၣ်ဃးကသ့ၣ်ယီၤအဂ့ၢ်ဒီးကစးထီၣ်ကိၢ်တၢ်ဂီၤ တၢ်လၢပဂီၢ်လီၤ.”