၁ ပ့းတရူး 5:6 - Sgaw Karen Common Bible

⁶ မ့မ့ၢ်ဒ်န့ၣ်ဒီး, ဆီၣ်လီၤသုသးလၢကစၢ်ယွၤအစုကညီၢ် အဖီလာ်, ဒ်သိးအဝဲကစိာ်ထီၣ်ထီသုလၢအဆၢအကတီၢ် ဒၣ်ဝဲအဂီၢ်န့ၣ်တက့ၢ်.

၁ ပ့းတရူး 5:6 Iomraidhean Croise

လံာ်စီၤပၤအခီၣ်ထံးတဘ့ၣ် 21:29

“မ့ၢ်နပာ်သူၣ်ပာ်သးလၢ, စီၤအၤဃာ်ဆိၣ်လီၤတ့ၢ်အသးလၢယမဲာ် ညါဒ်လဲၣ်န့ၣ်ဧါ. မ့ၢ်လၢအဝဲမၤတ့ၢ်တၢ်အံၤအဃိ, ယတဟဲစိာ်တၢ်တတၢးတနါလၢအဖီခိၣ်ဖဲအဝဲအိၣ်မူဒံးဝဲ အဆၢကတီၢ်န့ၣ်ဘၣ်. တၢ်ဆၢကတီၢ်လၢယကဟဲစိာ်တၢ်တတၢးတနါဆူစီၤ အၤဃာ်အဟံၣ်ဒူၣ်ဃီထၢအဖီခိၣ်န့ၣ်ကမ့ၢ်ဖဲအဝဲအဖိပိာ်ခွါ အစိၤအဆၢကတီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 22:19

ဒီးနပီၢ်ယၢ်လီၤက့ၤနသး, ဒီးနဆီၣ်လီၤနသးလၢယမဲာ်ညါ, နဖှီနကူနသိးတဖၣ်နဟီၣ်တၢ်ယၢၤတၢ်ဖဲနနၢ်ဟူဘၣ်ယမၤပျံၤမၤ ဖုးတၢ်လၢယကစံၣ်ညီၣ်ဝ့ၢ်ယရူၤၡလ့ၣ်ဒီးအပှၤဂီၢ်မုၢ်ဒ်လဲၣ်န့ၣ် လီၤ. ယကဒုးကဲထီၣ်အီၤလၢတၢ်ထံၣ်လီၤပျံၤလီၤဖုးအလီၢ်တတီၤ, တၢ်လီၢ်တတီၤလၢပှၤဂီၢ်မုၢ်ကသူအမံၤဒ်တၢ်ဆိၣ်အၢန့ၣ်လီၤ. ဘၣ်ဆၣ်ယနၢ်ဟူတ့ၢ်နတၢ်ထုကဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 12:12

မ့ၢ်လၢအဝဲဆီၣ်လီၤအသးလၢယွၤအဖီလာ်အဃိ, ယွၤအတၢ်သးဒိၣ်ထီၣ်တမၤဟးဂီၤကွံာ်အီၤလၢာ်လၢာ်ဆ့ဆ့ဘၣ်. ဒီးတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢယူဒၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:11

ပှၤအိၣ်ဒံးတနီၤလၢအၤၡ့ၢ်, မနၤၡ့ၤဒီးစဘူလိၣ်အဒူၣ်တဖၣ်အပူၤ လၢအသးအိၣ်ဟဲဝဲဆူဝ့ၢ်ယရူၤရှလ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:26

ဘၣ်ဆၣ်ဒီးလၢခံကတၢၢ်န့ၣ်, စီၤဃံးစကံယၤဒီးဝ့ၢ်ယရူၤရှလ့ၣ် အပှၤဂီၢ်မုၢ်ဆီၣ်လီၤအသး, ဒီးလၢတၢ်န့ၣ်အဃိ, တချုးဒံးဘၣ်လၢစီၤဃံးစကံယၤသံဝံၤန့ၣ်ယွၤတစံၣ် ညီၣ်ဘၣ်ပှၤဂီၢ်မုၢ်ဘၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:12

လၢအဝဲအတၢ်တူၢ်ဘၣ်ခီၣ်ဘၣ်အပူၤန့ၣ်, အဝဲဆီၣ်လီၤက့ၤအသး, ဃၣ်ဃီၤက့ၤအသးဆူယွၤ, အကစၢ်ယွၤအအိၣ်, ဒီးဃ့ကညးအီၤလၢတၢ်မၤစၢၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:19

စီၤပၤအတၢ်ထုကဖၣ်ဒီးကစၢ်ယွၤအတၢ်စံးဆၢက့ၤအီၤ, ဒီးတၢ်ဂ့ၢ်ဘၣ်ထွဲဒီးတၢ်ဒဲးဘးတဖၣ်လၢအဝဲမၤတ့ၢ်တချုးလၢ အပီၢ်ယၢ်လီၤက့ၤအသး, တၢ်အၢတၢ်သီလၢအမၤတ့ၢ်ဝဲ, ပှၤတစူၢ်တနာ်ယွၤအတၢ်ဘူၣ်တၢ်ဘါအလီၢ်တဖၣ်ဒီးကစၢ်မုၣ်အၡ့ရၤ အတၢ်ပနီၣ်တဖၣ်လၢအမၤထီၣ်တ့ၢ်ဝဲဒီးတၢ်ဂီၤတၢ်ဖီၣ်တဖၣ်လၢအဝဲ ဘူၣ်ထီၣ်ဘါထီၣ်တ့ၢ်ဝဲ, ခဲလၢာ်န့ၣ်ဘၣ်တၢ်ကွဲးနီၣ်ကွဲးဃါအီၤလၢဝံတဖၣ်အတၢ်စံၣ်စိၤ တဲစိၤအလံာ်ပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:23

ဘၣ်ဆၣ်အဝဲတဆီၣ်လီၤအသးဒီးဃၣ်က့ၤအသးဆူယွၤအအိၣ်ဒ်အပၢ်မၤ တ့ၢ်ဝဲအသိးန့ၣ်ဘၣ်. အဝဲမၤတၢ်ဒဲးဘးဒိၣ်န့ၢ်ဒံးအပၢ်ဒၣ်လဲာ်တက့ၢ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:12

အဝဲမၤတ့ၢ်တၢ်ဒဲးဘးထီဒါယွၤဒီးတဒိကနၣ်ယွၤအတၢ်ကတိၤလၢ ဝံယံးရမံယၤကတိၤဝဲန့ၣ်, လၢတၢ်ဆီၣ်လီၤသးအပူၤဘၣ်.

လံာ်စီၤယိၤဘး 36:22

ကွၢ်ကွၢ်, ယွၤအိၣ်ထီၣ်ထီဝဲလၢအစိကမီၤဒၣ်ဝဲအပူၤလီၤ. အဝဲမ့ၢ်သရၣ်အဒိၣ်ကတၢၢ်လၢပှၤခဲလၢာ်အကျါလီၤ.

စံးထီၣ်ပတြၢၤ 75:10

အဝဲကဘိးကၢ်ကွံာ်ပှၤတတီတလိၤအစိကမီၤလီၤ. မ့မ့ၢ်ပှၤတီပှၤလိၤအစိအကမီၤန့ၣ် ကမၤအါထီၣ်ဝဲဒၣ်န့ၣ် လီၤ.

စံးထီၣ်ပတြၢၤ 89:13

နအိၣ်ဒီးနစုဒုၣ်လၢအဂံၢ်ဆူၣ်ဘါဆူၣ်, နစုန့ၣ်ဆူၣ်ဝဲဒီးနစုထွဲအိၣ်ထီၣ်ထီလီၤ.

လံာ်တၢ်ဟးထီၣ်ကွံာ် 10:3

လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးစံးဘၣ်အီၤ, “ယွၤ, ပှၤဧ့ၤဘြံၤဖိအကစၢ်ယွၤစံးဒ်အံၤ, ဒ်သိးနသုတဆီၣ်လီၤနသးလၢယဖီလာ်တဂ့ၤဒီးနကဂ့ၢ်လိာ်ဆံးယံာ် ဒံးလဲၣ်. ပျၢ်ယပှၤဂီၢ်မုၢ်ဒ်သိးကလဲၤဘူၣ်ထီၣ်ဘါထီၣ်ယၤတက့ၢ်.

လံာ်တၢ်ဟးထီၣ်ကွံာ် 3:19

ယသ့ၣ်ညါလၢကီၢ်အဲၤကူပတူးအစီၤပၤန့ၣ်မ့တမ့ၢ်ဘၣ်လၢတၢ်စိ ဒိၣ်ကမီၤထီအစုဒုၣ်အတၢ်မၤဆူၣ်အီၤဘၣ်န့ၣ်ဒီးတပျဲသုဘၣ်.

လံာ်တၢ်ဟးထီၣ်ကွံာ် 32:11

ဘၣ်ဆၣ်ဒီး, စီၤမိၤၡ့ဃ့ကညးဝဲယွၤ, အကစၢ်ယွၤဒီးစံး, “ယွၤဧၢ, ဘၣ်မနုၤလၢနဘၣ်သးထီၣ်ဘၣ်နပှၤဂီၢ်မုၢ်လၢနအုၣ်က့ၤ ခီၣ်က့ၤအီၤလၢကီၢ်အဲၤကူပတူးအပူၤလၢတၢ်ဂံၢ်တၢ်ဘါဒီးတၢ် စိကမီၤဖးဒိၣ်န့ၣ်အပူၤလဲၣ်.

တၢ်ကတိၤဒိ. 29:23

တၢ်ပာ်ထီၣ်ထီသးကဟဲစိာ်န့ၢ်နၤနတၢ်ဟးဂီၤလီၤ. ဘၣ်ဆၣ်နမ့ၢ်ဆီၣ်လီၤနသးဒီး, နကဘၣ်တၢ်ပာ်ကဲနၤန့ၣ်လီၤ.

လံာ်ယၡါယၤ 2:11

မုၢ်တနံၤကဟဲဝဲဖဲပှၤကညီအတၢ်ပာ်ထီၣ်ထီသးကဘၣ်တၢ်မၤ ကတၢၢ်ကွံာ်အီၤဒီးပှၤကညီအတၢ်ပာ်ကဖိအသးကဟးဂီၤကွံာ်ဝဲလီၤ. အန့ၣ်ဒီးထဲယွၤတဂၤဧိၤကဘၣ်တၢ်ပာ်ထီၣ်ထီအီၤန့ၣ်လီၤ.

လံာ်ယၡါယၤ 40:4

မၤပှဲၤတၢ်တြီၤခဲလၢာ် ဒီးမၤပၢၤကစၢၢ်ခဲလၢာ်တက့ၢ်. တၢ်လူၢ်တဖၣ်ကကဲထီၣ်ပျီတဘ့ၣ် ဒီးထံကီၢ်လၢအထီၣ်ကူလီၤယၢၣ်အံၤကဘၣ်တၢ်မၤဘျ့ မၤပၢၤအီၤန့ၣ်လီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယံးရမံယၤ 13:18

ယွၤစံးဘၣ်ယၤ, “တဲဘၣ်စီၤပၤဒီးအမိၢ်လၢအကစံၣ်လီၤလၢ အလီၢ်ပစိာ်တဖၣ်အဖီခိၣ်တက့ၢ်. အဂ့ၢ်ဒ်အံၤအတၢ်လၤကပီၤ အခိၣ်သလုးဃံလၤတဖၣ်လီၤတဲာ်ကွံာ်လၢအဝဲသ့ၣ်အခိၣ်တဖၣ် အလိၤလံန့ၣ်လီၤ.

လံာ်ယံးရမံယၤ 44:10

ဘၣ်ဆၣ်, တုၤမုၢ်မဆါတနံၤအံၤ ဒၣ်လဲာ်သုတဆီၣ်လီၤဒံး သုသးဘၣ်. သုတမၤလၤမၤကပီၤယၤမ့ၢ်ဂ့ၤ, တအိၣ်မူဘၣ်ဒ် တၢ်သိၣ်တၢ်သီတဖၣ်လၢ ယဟ့ၣ်လီၤသုဒီၤ သုမိၢ်ပၢ်ဖံဖုလၢပျၢၤတဖၣ်မ့ၢ်ဂ့ၤ, အသိးန့ၣ်ဘၣ်.

လံာ်ယဃ့းစက့လး 17:21

အဝဲအသုးဖိအဂ့ၤကတၢၢ်တဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ် ယၤအပူၤ, ဒီးပှၤလၢအအိၣ်လီၤတဲာ်တဖၣ်ကဘၣ်တၢ်မၤလီၤ ပြံလီၤပြါအီၤဆူတၢ်လီၢ်ကိးကပၤဒဲးန့ၣ်လီၤ. အန့ၣ်ဒီး, သုကသ့ၣ်ညါလၢယၤ, ယွၤအံၤ, ကတိၤလံတၢ်လံန့ၣ်လီၤ.”

လံာ်ယဃ့းစက့လး 21:6

ပှၤကညီလၢအသံသ့ဧၢ, ကအုကစွါဒ်နသးသ့ၣ်ဖးလၢ တၢ်သူၣ်လီၤဘှံးသးလီၤဘှါအဃိအသိးန့ၣ်တက့ၢ်. ကအုကစွါလၢတၢ်သူၣ်အုးသးအုးအပူၤ, တၢ်လီၢ်ဖဲပှၤကိးဂၤကွၢ် နၤသ့ဝဲန့ၣ်တက့ၢ်.

လံာ်ဒၤနံးယ့လး 5:22

ဒီးအဝဲဒၣ်အဖိခွါနဲဒၣ်, စီၤဘ့ၤလၡါစၢ်ဧၢ, နသ့ၣ်ညါ တ့ၢ်တၢ်ဂ့ၢ်တဖၣ်အံၤခဲလၢာ်ဒၣ်လဲာ်န့ၣ်နတဆီၣ်လီၤတ့ၢ် ဘၣ်နသးဘၣ်.

လံာ်တၢ်ဘူၣ်ထီၣ်ဘါထီၣ် 26:41

ဒ်သိးယကဃၣ်ယသးထီဒါအီၤဒီးဆှၢအီၤဆူအဒုၣ်အဒါတဖၣ်အကီၢ်ပူၤန့ၣ်လီၤ. လၢခံကတၢၢ်ဖဲသုစၢၤသုသွဲၣ်တဖၣ်ဆီၣ်လီၤက့ၤအသးဒီးဟ့ၣ်က့ၤ တၢ်အဘူးအလဲလၢအဝဲသ့ၣ်အတၢ် ဒဲးဘးဒီးတၢ်ပူထီၣ်ထီဒါအဂီၢ်ဒီး,

လံာ်မံကၤ 6:8

တမ့ၢ်ဘၣ်. ယွၤစံးဘၣ်တ့ၢ်ပှၤတၢ်အဂ့ၤမ့ၢ်မနုၤလဲၣ်န့ၣ်လီၤ. တၢ်လၢယွၤအဲၣ်ဒိးလၢပအိၣ်န့ၣ်မ့ၢ်အအံၤလီၤ. လၢပကမၤတၢ်လၢအတီအလိၤ, လၢပကပာ်ဖျါတၢ်အဲၣ်တပယူာ်ဃီ, ဒီးလၢပကအိၣ်မူရ့လိာ်ပသးဒီး ကစၢ်ယွၤအိၣ်ဒီးတၢ်ဆီၣ်လီၤသးန့ၣ်လီၤ.

လံာ်မးသဲ 23:12

ပှၤတဂၤလၢ်လၢ်လၢအပာ်ဒိၣ်ပာ်ထီလီၤအသးန့ၣ်, ယွၤကဆီၣ်လီၤအီၤလီၤ. ဒီးပှၤတဂၤလၢ်လၢ်လၢအဆီၣ်လီၤအသးန့ၣ်, ယွၤကပာ်ဒိၣ်ပာ်ထီအီၤလီၤ.

လံာ်လူၤကၣ် 1:52

အဝဲဒၣ်ပာ်လီၤကွံာ်စီၤပၤလၢအစိဒိၣ်ကမီၤထီတဖၣ်လၢ အလီၢ်ပစိာ်အလိၤ ဒီးယူာ်ထီၣ်ထီပှၤအိၣ်လၢတၢ်လီၢ် အတီၤဖုၣ်တဖၣ်လီၤ.

လံာ်လူၤကၣ် 14:11

အဂ့ၢ်ဒ်အံၤပှၤတဂၤလၢ်လၢ်လၢအပာ်ထီၣ်ထီအသးန့ၣ်ကဘၣ် တၢ်ဆီၣ်လီၤအီၤ, ဒီးပှၤတဂၤလၢ်လၢ်လၢအဆီၣ်လီၤအသးန့ၣ် ကဘၣ်တၢ်ပာ်ထီၣ်ထီအီၤလီၤ.”

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”

ရိမ့ၤ 5:6

မ့ၢ်အဂ့ၢ်ဒ်လဲၣ်န့ၣ်, ဖဲပမၤစၢၤလီၤပသးတသ့ဒံးဘၣ်အဖၢမုၢ်န့ၣ်, ခရံာ်တူၢ်သံအသးလၢပှၤအၢပှၤသီတဖၣ်အဂီၢ်လၢအဆၢ ကတီၢ်ဖဲကစၢ်ယွၤဃုထၢပာ်လီၤဝဲန့ၣ်လီၤ.

1 ကရံၣ်သူး 10:22

မ့တမ့ၢ်ဘၣ်ဒီး, မ့ၢ်ပအဲၣ်ဒိးမၤသးက့ၣ်ကစၢ်ဧါ. မ့ၢ်ပဆိကမိၣ်လၢပဂံၢ်ပဘါဆူၣ်န့ၢ်ဒံးအီၤတက့ၢ်ဧါ.

လံာ်သိၣ်လီၤသီလီၤတၢ် 32:35

ယွၤကဟ့ၣ်ကၣ်တၢ်ဒီးစံၣ်ညီၣ်အဝဲသ့ၣ်, တၢ်ဆၢကတီၢ်ကတုၤဝဲဖဲအဝဲသ့ၣ်ကဟးဂီၤကွံာ်, အဝဲသ့ၣ်အတၢ်ဘၣ်စံၣ်ညီၣ်ဃါမနၤအမုၢ်နံၤန့ၣ် ဘူးထီၣ်ဝဲလံ.

၁ တံၤမသ့း 2:6

လၢအဟ့ၣ်လီၤအသးလၢတၢ်ပှ့ၤက့ၤပှၤဟီၣ်ခိၣ်ဖိခဲလၢာ် အဂီၢ်န့ၣ်လီၤ. တၢ်အဝဲအံၤမ့ၢ်တၢ်အုၣ်အသးဘၣ်ဆၢဘၣ် ကတီၢ်လၢကစၢ်ယွၤသးအိၣ်လၢပှၤခဲလၢာ်ကတုၤလၢတၢ် အုၣ်က့ၤခီၣ်က့ၤအဂ့ၢ်န့ၣ်လီၤ.

တံတူး 1:3

ဒီးတုၤတၢ်ဆၢကတီၢ်ဘၣ်ဒီးအဝဲလီၣ်ဖျါထီၣ်အီၤလၢအတၢ်ကစီၣ် အပူၤလီၤ. တၢ်အံၤဘၣ်တၢ်ဟ့ၣ်လီၤယၤ, ဒီးယတဲဖျါထီၣ်အီၤဒ်ကစၢ်ယွၤလၢအအုၣ်က့ၤခီၣ်က့ၤပှၤ အတၢ်ဟ့ၣ်လီၤခါလီၤအကလုၢ်အသိးန့ၣ်လီၤ.

ယၤကိာ် 4:10

ဆီၣ်လီၤသုသးလၢကစၢ်အဖီလာ်, ဒီးအဝဲဒၣ်ကပာ်ထီၣ်ထီ သုလီၤ.

ယၤကိာ် 4:7

လၢတၢ်န့ၣ်အဃိ, ဆီၣ်လီၤသုသးလၢကစၢ်ယွၤအဖီလာ် တက့ၢ်. ထီဒါမုၣ်ကီၤလံၢ်ဒီးအဝဲကဃ့ၢ်ထီၣ်ကွံာ်လၢသုအိၣ်လီၤ.

ယၤကိာ် 5:10

ယဒီပုၢ်ဝဲၢ်သ့ၣ်ဧၢ, သ့ၣ်နီၣ်ထီၣ်ဝံတဖၣ်လၢအကတိၤတၢ်လၢကစၢ်အမံၤအပူၤန့ၣ်တက့ၢ်. ပာ်အဝဲသ့ၣ်ဒ်တၢ်အဒိအတဲာ်ဘၣ်ဃးဒီးတၢ်တူၢ်တၢ်နးတၢ်ဖှီၣ်လၢ တၢ်ဝံသးစူၤအပူၤန့ၣ်တက့ၢ်.