၁ ပ့းတရူး 5:5 - Sgaw Karen Common Bible

⁵ လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),

၁ ပ့းတရူး 5:5 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:41

ယွၤ, ကစၢ်ယွၤဧၢ, ဂဲၤထၢၣ်ခဲကနံၣ်အံၤ, ဒီးလဲၤနုာ်ဆူယွၤအတၢ် လုၢ်ဟံၣ်ပူၤဃုာ်ဒီးတၢ်အၢၣ်လီၤအီလီၤအတလါစီဆှံ, တၢ်အဒိဘၣ်ထွဲဒီးနတၢ်စိတၢ်ကမီၤဒီးအိၣ်နဲဆိးနဲဖဲအံၤ လီၤစိၤလီၤထီတက့ၢ်. ဆိၣ်ဂ့ၤနပှၤလုၢ်တၢ်အခိၣ်တဖၣ်လၢကယဲၢ်တၢ်ခဲလၢာ်လၢအမၤဝဲအပူၤ ဒီးမ်နပှၤဂီၢ်မုၢ်ခဲလၢာ်သူၣ်ဖှံသးညီ, မ့ၢ်လၢနတၢ်မၤဂ့ၤဘၣ်အဝဲသ့ၣ်အဃိန့ၣ်တက့ၢ်.

လံာ်စီၤယိၤဘး 22:29

ကစၢ်ယွၤဆီၣ်လီၤပှၤပာ်ထီၣ်ထီသးဒီးအုၣ်က့ၤခီၣ်က့ၤပှၤဆီၣ် လီၤအသးန့ၣ်လီၤ.

လံာ်စီၤယိၤဘး 29:14

ယမၤတၢ်လၢတၢ်စံၣ်ညီၣ်တီဒီးတၢ်တီတၢ်လိၤအပူၤထီဘိန့ၣ်လီၤ.

စံးထီၣ်ပတြၢၤ 132:16

ယကဆိၣ်ဂ့ၤအပှၤလုၢ်တၢ်အခိၣ်တဖၣ် လၢအတၢ်မၤခဲလၢာ်အပူၤ, ဒီးအပှၤဂီၢ်မုၢ်ကသးဝံၣ်တၢ်ဒီး ကိးထီၣ်လၢတၢ်သးခုအပူၤလီၤ.

စံးထီၣ်ပတြၢၤ 132:9

မ်နပှၤလုၢ်တၢ်အခိၣ်တဖၣ် မၤတၢ်အဘၣ်ထီဘိတထံၣ်ဃီတက့ၢ်. မ်နပှၤဂီၢ်မုၢ်ကိးထီၣ်လၢ တၢ်သးခုအပူၤတက့ၢ်.

စံးထီၣ်ပတြၢၤ 138:6

နမ့ၢ်အိၣ်လၢတၢ်လီၢ်လၢ အထီဒိၣ်မးဒၣ်လဲာ်, နအံးက့ၤကွၢ်က့ၤပှၤလၢ အဆီၣ်လီၤအသး, ဒီးပှၤလၢအပာ်ထီၣ်ထီအသးန့ၣ် အိၣ်သဒၢလၢအမဲာ်ညါတသ့ဘၣ်.

တၢ်ကတိၤဒိ. 25:7

အဂ့ၢ်ဒ်အံၤ, တၢ်ကွဲန့ၢ်ကိးန့ၢ်နၤဒ်သိးနကဟံးန့ၢ်တၢ်လီၢ်လၢ အထီထီၣ်တတီၤန့ၣ်ဂ့ၤဒိၣ်န့ၢ်ဒံးတၢ်စံးဘၣ်နၤလၢနကဟ့ၣ်လီၤ ကွံာ်နလီၢ်ဆူပှၤလၢအကါဒိၣ်န့ၢ်နၤတက့ၢ်န့ၣ်လီၤ.

တၢ်ကတိၤဒိ. 3:34

အဝဲဒုၣ်ဒွဲၣ်ပှၤဒုၣ်ဒွဲၣ်တၢ်တဖၣ်ဒီးဒုးနဲၣ်ဖျါထီၣ်အဘျုး အဖှိၣ်လၢပှၤဆီၣ်လီၤအသးတဖၣ်န့ၣ်လီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်ယဃ့းစက့လး 26:16

ကယဲၢ်ပှၤကလုာ်တဖၣ်လၢ အအိၣ်လၢပီၣ်လဲၣ်နံၤ အစီၤပၤခဲလၢာ်ကဟဲလီၤလၢ အလီၢ်ပစိာ်တဖၣ်န့ၣ်လီၤ. အဝဲသ့ၣ်ကဘ့ၣ်လီၤကွံာ်အဆ့ဖးထီတဖၣ်, ဒီးအကူအသိးလၢအဘၣ်တၢ်ဆးဒဲးကံၣ်ဒဲးဝ့ၤအီၤတဖၣ်ဒီး ကဆ့ၣ်နီၤကနိးကစုာ်လၢဟီၣ်ခိၣ်လိၤန့ၣ်လီၤ. အဝဲသ့ၣ် ကပျံၤတၢ်နးနးကလဲာ်လၢနတၢ်ဘူၣ်တၢ်တီၤအဃိ တုၤဒၣ်လဲာ် အဝဲသ့ၣ်တဆိကတီၢ် ကနိးကစုာ်ဘၣ်န့ၣ်လီၤ.

လံာ်ဒၤနံးယ့လး 11:12

ဒီးဖဲအမၤန့ၢ်ဒုၣ်ဒါအသုးမုၢ်ဖးဒိၣ်န့ၣ်အသးကထီၣ်ထီဝဲလၢ အတၢ်မၤနၢၤအဃိဒီးမၤသံကွံာ်ပှၤအကလးသ့ၣ်တဖၣ်လီၤ. ဘၣ်ဆၣ်ဒီးတမၤနၢၤတၢ်ဆူညါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 19:32

ယူးယီၣ်ပှၤသူၣ်က့သးပှၢ်တဖၣ်ဒီးမၤလၤကပီၤအီၤတက့ၢ်. ပျံၤယၤတက့ၢ်. ယဲဒၣ်အံၤယမ့ၢ်ယွၤလီၤ.

လံာ်လူၤကၣ် 22:26

ဘၣ်ဆၣ်ဒီးသုဝဲသ့ၣ်တဖၣ်, သုတမ့ၢ်ဒ်န့ၣ်အသိးဘၣ်. မ့မ့ၢ်, ပှၤအဒိၣ်ကတၢၢ်လၢသုကျါကဘၣ်မ့ၢ်ဝဲဒ်ပှၤအဆံးကတၢၢ်တဂၤ အသိး, ဒီးပှၤအခိၣ်ကဘၣ်မ့ၢ်ဝဲဒ်တၢ်ခ့တၢ်ပှၤတဂၤအသိးန့ၣ်လီၤ.

ရိမ့ၤ 12:10

အဲၣ်လိာ်သုသးတဂၤဒီးတဂၤတံၢ်တံၢ်နီၢ်နီၢ်ဒ်ဒီပုၢ်ဝဲၢ်တဖၣ် လၢခရံာ်အပူၤအသိး, ဒီးသးဆူၣ်ဒုးနဲၣ်တၢ်ယူးယီၣ်ပာ် ကဲလိာ်သးလၢတဂၤဒီးတဂၤအဂီၢ်န့ၣ်တက့ၢ်.

ရိမ့ၤ 13:14

မ့မ့ၢ်ဟံးထီၣ်ကစၢ်ယ့ၣ်ၡူးခရံာ်အစုကဝဲၤတဖၣ်ဒီးဆိ ကတီၢ်သုတၢ်မၤမံသူၣ်မံသးလီၤက့ၤသုနီၢ်ခိဒီးအတၢ် မိၣ်န့ၢ်သးလီတဖၣ်န့ၣ်တက့ၢ်.

အ့းဖ့းစူး 5:21

ဒိးပၢဒိးဆှၢလိာ်သုသးတဂၤဒီးတဂၤလၢတၢ်ပာ်ဒိၣ်ပာ်ကဲ ခရံာ်အဃိန့ၣ်တက့ၢ်.

ဖံလံးပံၤ 2:3

သုသုတမၤတၢ်နီတမံၤလၢသုသးဆူၣ်မၤန့ၢ်တၢ်လၢသုဘျုး အဂီၢ်ဒၣ်ဝဲမ့ၢ်ဂ့ၤ, သုကပာ်ကဖၢလၢသုသးအဂီၢ်မ့ၢ်ဂ့ၤန့ၣ်တဂ့ၤ. မ့မ့ၢ်ဆီၣ်လီၤသုသးလၢတဂၤဒီးတဂၤအဖီလာ်, ဒီးထီဘိန့ၣ်အိၣ်ဒီးတၢ်ဆိကမိၣ်လၢပှၤဂၤတဖၣ်ဂ့ၤန့ၢ်သု န့ၣ်တက့ၢ်.

ကလီးစဲ 3:12

သုမ့ၢ်ကစၢ်ယွၤအပှၤဂီၢ်မုၢ်ပှၤလၢယွၤအဲၣ်ဒိးဃုထၢထီၣ်အီၤ လၢအကမ့ၢ်အတၢ်ဒၣ်ဝဲလီၤ. လၢတၢ်န့ၣ်အဃိ, ကူထီၣ်သိးထီၣ်တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်ဆီၣ်လီၤသး, တၢ်ပာ်သးကပုာ်လုး, တၢ်ဝံသးစူၤတဖၣ်တက့ၢ်.

၁ တံၤမသ့း 5:1

တဘၣ်ဒူပှၤလၢအသးပှၢ်န့ၢ်နၤအလိၤတဂ့ၤ. မ့မ့ၢ်ဃ့ကညးအီၤဒ် နကဃ့ကညးနပၢ်အသိးန့ၣ်တက့ၢ်. ပာ်ပှၤလၢအသးစၢ်န့ၢ်နၤဒ်နဒီပုၢ်ဝဲၢ်တဖၣ်အသိး,

ဧ့ၤဘြံၤ 13:17

စူၢ်သုခိၣ်သုနၢ်တဖၣ်အကလုၢ်ဒီးဆီၣ်လီၤသုသးလၢ အဝဲသ့ၣ်အဖီလာ်တက့ၢ်. အဂ့ၢ်ဒ်အံၤ, ဒ်ပှၤလၢအကဘၣ်ဟ့ၣ်ထီၣ်တၢ်စံးဆၢအသိး န့ၣ်အဝဲသ့ၣ်ဆိးသီဝဲလၢသုသးသမူအဂီၢ်လီၤ. သုမ့ၢ်စူၢ်အဝဲသ့ၣ်အကလုၢ်ဒီး, ကမၤဝဲအတၢ်မၤလၢတၢ်သူၣ်ခု သးခုအပူၤလီၤ. မ့တမ့ၢ်ဘၣ်ဒီးကမၤဝဲလၢတၢ်သူၣ်အုးသးအုး အပူၤ, ဒီးတၢ်န့ၣ်တကဲထီၣ်တၢ်မၤစၢၤလၢသုဂီၢ်ဘၣ်လီၤ.

ယၤကိာ် 4:6

ဘၣ်ဆၣ်ဒီး, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤအံၤ အဂံၢ်အဘါဆူၣ်ဒိၣ်ဒၣ်တၢ်တက့ၢ်လီၤ. ဒ်တၢ်ကွဲးအသးစံးဝဲ အသိး, “ယွၤထီဒါပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသးလီၤ.”

၁ ပ့းတရူး 3:8

လၢခံကတၢၢ်န့ၣ်, သုဝဲခဲလၢာ်သုကဘၣ်အိၣ်ဒီးတၢ်ပာ်သူၣ်ပာ် သးဒီးတၢ်ဆိကမိၣ်ဆိကမးတမံၤဃီလီၤ. အဲၣ်လိာ်သုသးတဂၤဒီးတဂၤဒ်ဒီပုၢ်ဝဲၢ်တဖၣ်အသိး, ဒီးအိၣ်ဒီးတၢ်သးကညီၤဒီးတၢ်ဆီၣ်လီၤသးလၢတဂၤဒီးတဂၤ အဖီလာ်န့ၣ်တက့ၢ်.

၁ ပ့းတရူး 4:1

မ့ၢ်လၢခရံာ်တူၢ်ဘၣ်တၢ်လၢနီၢ်ခိနီၢ်ခီအဃိ, သုဝဲသ့ၣ်စ့ၢ်ကီးသုကဘၣ်မၤဆူၣ်ထီၣ်သုဂံၢ်သုဘါလၢ တၢ်ပာ်လီၤသးတမံၤဃီဒ်အီၤအသိးန့ၣ်လီၤ. အဂ့ၢ်ဒ်အံၤ, ပှၤတဂၤဂ့ၤတဂၤဂ့ၤလၢအတူၢ်ဘၣ်တၢ်လၢနီၢ်ခိ နီၢ်ခီန့ၣ်, တဘၣ်ဃးဒီးတၢ်ဒဲးဘးလၢၤဘၣ်.

၁ ပ့းတရူး 4:5

ဘၣ်ဆၣ်ဒီး, အဝဲသ့ၣ်ကဘၣ်ဟ့ၣ်တၢ်စံးဆၢဘၣ်ဃးဒီးအကစၢ်ဒၣ်ဝဲဆူ ကစၢ်ယွၤအအိၣ်, ယွၤလၢအအိၣ်ကတဲာ်ကတီၤအသးလၢအကစံၣ်ညီၣ် ပှၤအမူဒီးပှၤအသံန့ၣ်လီၤ.