၁ ပ့းတရူး 5:3 - Sgaw Karen Common Bible

³ တဘၣ်ကျဲးစၢးဒိၣ်စိလၢပှၤလၢတၢ်ဟ့ၣ်လီၤလၢသုစုပူၤတဖၣ် အဖီခိၣ်တဂ့ၤ. မ့မ့ၢ်တခီကဲထီၣ်တၢ်ဒိတၢ်တဲာ်လၢသိတဖုန့ၣ် အဂီၢ်တက့ၢ်.

၁ ပ့းတရူး 5:3 Iomraidhean Croise

စံးထီၣ်ပတြၢၤ 33:12

ပှၤကလုာ်လၢကစၢ်ယွၤမ့ၢ်အကစၢ်န့ၣ်ဘၣ်ဆိၣ်ဂ့ၤနီၢ်နီၢ် ဒီးပှၤဂီၢ်မုၢ်လၢကစၢ်ယွၤဃုထၢအီၤလၢ အတၢ်န့ၢ်သါအဂီၢ်ဒၣ်ဝဲန့ၣ် ဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 74:2

သ့ၣ်နီၣ်ထီၣ်က့ၤနပှၤဂီၢ်မုၢ်, ပှၤလၢနဃုထၢတ့ၢ်လံလၢနဂီၢ်လၢပျၢၤ, လၢနထုးထီၣ်ကွံာ်အီၤလၢကုၢ်အလီၢ် လၢကကဲထီၣ်နဒူၣ်ဖိထၢဖိဒၣ်နဲန့ၣ်တက့ၢ်. သ့ၣ်နီၣ်ထီၣ်က့ၤကစၢၢ်စံယိၣ်, လၢတဘျီနအိၣ်နဆိးတ့ၢ်နဲန့ၣ်တက့ၢ်.

လံာ်ယဃ့းစက့လး 34:4

သုတအံးထွဲကွၢ်ထွဲဘၣ်သိလၢအဂံၢ်စၢ်ဘါစၢ်တဖၣ်, တမၤဘျါဘၣ်သိလၢအဆူးအဆါတဖၣ်, တဘိၣ်ဘံသိလၢအဘၣ်ဒိဘၣ်ထံးတဖၣ်, တဟဲက့ၤစိာ်ကဒါက့ၤသိလၢအဟးဖျိးတဖၣ်မ့တမ့ၢ် ဃုက့ၤသိလၢအဟါမၢ်တဖၣ်န့ၣ်ဘၣ်. အခိၣ်တလိာ်သုမၤဘၣ်အဝဲသ့ၣ်အၢအၢသီသီတ အိၣ်ဒီးတၢ်သးကညီၤဘၣ်န့ၣ်လီၤ.

လံာ်မံကၤ 7:14

ယွၤဧၢ, မ့ၢ်နဲပှၤကွၢ်သိတဂၤလၢနပှၤဂီၢ်မုၢ်, ပှၤဂီၢ်မုၢ်လၢနဃုထၢအီၤအဂီၢ်တက့ၢ်. မ့ၢ်အိၣ်ဒၣ်ဝဲလၢပှၢ်မုၢ်ကနၢသနာ်က့ဟီၣ်ခိၣ်ညၣ်ထ့ၣ်ဂ့ၤ အကီၢ်တဖၣ်အိၣ်ဝးတရံးအီၤလီၤ. မ်အလဲၤဒီးအီၣ်တၢ်လၢကီၢ်ဘၤၡၣ်ဒီးကီၢ်ကံးလဧးအအီၣ်ဆၣ်လီၢ် လါဟ့တဖၣ်အပူၤဒ်အဝဲသ့ၣ်မၤတ့ၢ်လၢပျၢၤအသိးန့ၣ်တက့ၢ်.

လံာ်တၢ်ဂံၢ် 18:7

ဘၣ်ဆၣ်ဒီးထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်ပှၤ လုၢ်တၢ်အခိၣ်အမူအဒါတဖၣ်လၢအဘၣ်ဃးဒီးတၢ်လုၢ်လီၢ်ဒီးတၢ်အိၣ် လၢတၢ်အလီၢ်စီဆှံကတၢၢ်အပူၤန့ၣ်လီၤ. တၢ်တဖၣ်အံၤမ့ၢ်နမူနဒါတဖၣ်မ့ၢ်လၢယဟ့ၣ်တ့ၢ်နၤတၢ်ဟ့ၣ်ဘၣ်ဃး ဒီးပှၤလုၢ်တၢ်အခိၣ် အဃိန့ၣ်လီၤ. ပှၤလၢအတကြၢးတဘၣ်တဂၤလၢ်လၢ်လၢအဟဲဘူးဒီးတၢ်အပီးအလီစီဆှံ တဖၣ်န့ၣ်ကဘၣ်တၢ်မၤသံကွံာ်အီၤန့ၣ်လီၤ.”

လံာ်ယိၤဟၣ် 13:15

ယပာ်လီၤန့ၢ်သုတၢ်အဒိအတဲာ်အံၤ, ဒ်သိးသုကမၤတၢ်ဒ်ယမၤတ့ၢ်သုအသိးန့ၣ်လီၤ.

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

1 ကရံၣ်သူး 11:11

မ့ၢ်နာ်သက့ဒ်န့ၣ်ဒီး, လၢပတၢ်အိၣ်မူလၢကစၢ်အပူၤန့ၣ်, ပိာ်မုၣ်တအိၣ်သဘျ့ဒီးပိာ်ခွါ, ဒီးပိာ်ခွါတအိၣ်သဘျ့စ့ၢ်ကီးဒီးပိာ်မုၣ်ဘၣ်.

1 ကရံၣ်သူး 3:5

နီၢ်နီၢ်တခီန့ၣ်, စီၤအပီးလိၤမ့ၢ်မတၤတဂၤလဲၣ်. ဒီးစီၤပီလူးမ့ၢ်မတၤ တဂၤလဲၣ်. ပမ့ၢ်ဒၣ်ကစၢ်ယွၤအခ့အပှၤတဖၣ်, ပှၤတဖၣ်လၢအဆှၢသုဒ်သိးသုကစူၢ်တၢ်နာ်တၢ်ခီဖျိအီၤန့ၣ်လီၤ. ပဝဲတဂၤဒီးတဂၤပမၤတၢ်ဖံးတၢ်မၤလၢကစၢ်ယွၤဟ့ၣ်လီၤအီၤလၢ အကမၤဝဲအဂီၢ်န့ၣ်လီၤ.

1 ကရံၣ်သူး 3:9

အဂ့ၢ်ဒ်အံၤ, ပမ့ၢ်ပှၤမၤသကိးတၢ်တဖၣ်လၢအမၤဃုာ်တၢ်တပူၤဃီလၢကစၢ်ယွၤ အဂီၢ်, ဒီးသုမ့ၢ်ကစၢ်ယွၤအစံာ်လီၢ်ပှဲၤလီၢ်န့ၣ်လီၤ. သုမ့ၢ်စ့ၢ်ကီးကစၢ်ယွၤအတၢ်သူၣ်ထီၣ်လီၤ.

၂ ကရံၣ်သူး 1:24

ပတဂုာ်ကျဲးစၢးနဲၣ်သုလၢသုကဘၣ်စူၢ်တၢ်နာ်တၢ်ဒ်အံၤဒ် နုၤဘၣ်. ပသ့ၣ်ညါလၢသုအိၣ်ဆၢထၢၣ်သုဝဲကျၢၤကျၢၤလၢ တၢ်စူၢ်တၢ်နာ်အပူၤလီၤ. အခိၣ်တလိာ်ပမၤသကိးတၢ်ဒီးသု, လၢသုတၢ်သူၣ်ဖှံသးညီဒၣ်ဝဲအဂီၢ်န့ၣ်လီၤ.

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

လံာ်သိၣ်လီၤသီလီၤတၢ် 32:9

မ့မ့ၢ်စီၤယၤကိာ်အစၢၤအသွဲၣ်တဖၣ်န့ၣ်, အဝဲဃုထၢတ့ၢ်အီၤလၢ အဂီၢ်ဒၣ်ဝဲလီၤ.

ဖံလံးပံၤ 3:17

ယဒီပုၢ်ဝဲၢ်သ့ၣ်ဧၢ, ကွၢ်လိသကိးယၤတက့ၢ်. ပာ်သူၣ်ပာ်သးလၢပှၤ တဖၣ်လၢအပိာ်ထွဲဒိတဲာ်အဂ့ၤအဘၣ်လၢပဒုးနဲၣ်တ့ၢ်သုန့ၣ်တက့ၢ်.

ဖံလံးပံၤ 4:9

အိၣ်မူမၤထွဲတၢ်လၢသုမၤလိဒီးဒိးန့ၢ်ဘၣ်အီၤလၢယအိၣ်တၢ် လၢယကတိၤတဖၣ်မ့ၢ်ဂ့ၤ, တၢ်လၢယမၤတဖၣ်မ့ၢ်ဂ့ၤန့ၣ်တက့ၢ်. ဒီးကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်ကအိၣ်ဒီးသု လီၤ.

၁ သ့းစၤလနံ 1:7

လၢတၢ်န့ၣ်အဃိ, သုကဲထီၣ်တၢ်ဒိတၢ်တဲာ်လၢပှၤစူၢ်က့ၤနာ်က့ၤ ခရံာ်ခဲလၢာ်ဖဲကီၢ်မၤက့းဒနံဒီးကီၢ်အဃါယၤတဖၣ်အဂီၢ်န့ၣ်လီၤ.

၂ သ့းစၤလနံ 3:9

ပမၤဒ်သိးအံၤန့ၣ်, တမ့ၢ်လၢပတအိၣ်ဒီးတၢ်ခွဲးတၢ်ယာ်လၢ ပကဃ့သုတၢ်လုၢ်အီၣ်ပှၤအဃိဘၣ်. မ့ၢ်ဒ်သိးအကကဲထီၣ်တၢ်အဒိအတဲာ်လၢသုကပိာ်ထွဲအီၤ အဂီၢ်တခီန့ၣ်လီၤ.

၁ တံၤမသ့း 4:12

တဘၣ်ပျဲပှၤနီတဂၤကွၢ်တလီၤနၤမ့ၢ်လၢနမ့ၢ်ပှၤသးစၢ်အဃိ တဂ့ၤ. မ့မ့ၢ်ကဲထီၣ်တၢ်ဒိဂ့ၤတဲာ်ဘၣ်လၢပှၤစူၢ်က့ၤနာ်က့ၤတၢ် တဖၣ်အဂီၢ်လၢနတၢ်ကတိၤ, လၢနတၢ်မၤ, လၢနတၢ်အဲၣ်တၢ်ကွံ, လၢတၢ်စူၢ်တၢ်နာ်, ဒီးတၢ်စီတၢ်ဆှံအပူၤန့ၣ်တက့ၢ်.

တံတူး 2:7

လၢတၢ်ခဲလၢာ်အပူၤန့ၣ်, နကစၢ်ဒၣ်နဲနကဘၣ်ကဲထီၣ် တၢ်ဒိတၢ်တဲာ်လၢတၢ်သကဲာ်ဂ့ၤပဝးဝါအဂီၢ်န့ၣ်လီၤ. အိၣ်ဒီးတၢ်သူၣ်တီသးလိၤဒီးပာ်နသးသညူးသပှၢ် လၢနတၢ်သိၣ်လိသီလိအပူၤန့ၣ်တက့ၢ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.