၁ ပ့းတရူး 5:13 - Sgaw Karen Common Bible

¹³ သုဒီပုၢ်ဝဲၢ်တၢ်အိၣ်ဖှိၣ်လၢဘၤဘူၤလိၣ်အပူၤ, လၢအဘၣ်တၢ်ဃုထၢစ့ၢ်ကီးအီၤလၢကစၢ်ယွၤ, ဆှၢန့ၢ်သုတၢ်ဆၢဂ့ၤဆၢဝါတဖၣ်, ဒီးယဖိခွါစီၤမၢ်ကူးစ့ၢ်ကီးဆၢဂ့ၤဆၢဝါသုလီၤ.

၁ ပ့းတရူး 5:13 Iomraidhean Croise

စံးထီၣ်ပတြၢၤ 87:4

ဖဲယကွဲးလီၤ ပှၤကလုာ်တဖၣ်လၢ အစူၢ်ယၤအတၢ်ကွဲးနီၣ်န့ၣ် ယကဒၢနုာ်ကီၢ်အဲၤကူပတူးဒီး ကီၢ်ဘၤဘူၤလိၣ်န့ၣ်လီၤ. ယကဂံၢ်ဃုာ်ပှၤဖလ့ၡသးဖိ, ပှၤထါယၢၣ်ဖိဒီး ပှၤကူၤၡးဖိလၢ ပှၤဝ့ၢ်ယရူၤၡလ့ၣ်အကျါန့ၣ်လီၤ.

မၤတၢ် 12:12

ဖဲအဝဲဒၣ်သ့ၣ်ညါတၢ်မၤအသးဒီးအီၤနီၢ်နီၢ်မ့ၢ်တၢ်ဒ်လဲၣ်န့ၣ်, အဝဲလဲၤဆူစီၤယိၤဟၣ်မၢ်ကူးအမိၢ်နီၢ်မၤရံအဟံၣ်ဘၣ်ဖဲပှၤ အါဒံအါဂၤအိၣ်ဖှိၣ်ရိဖှိၣ်ဖဲန့ၣ်ဒီးဃ့ဘါထုကဖၣ်တၢ်အဖၢမုၢ်လီၤ.

မၤတၢ် 12:25

ဒီးစီၤဘၢ်နါဘၤဒီးစီၤစီလူး, မၤဝံၤအတၢ်မၤဒီးဟးထီၣ်လၢဝ့ၢ် ယရူၤၡလ့ၣ်, ကိးဃုာ်စီၤယိၤဟၣ်မၢ်ကူးဒီးအဝဲသ့ၣ်လီၤ.

မၤတၢ် 15:37

စီၤဘၢ်နါဘၤအဲၣ်ဒိးလဲၤကိးဃုာ်စီၤယိၤဟၣ်မၢ်ကူးလီၤ.

မၤတၢ် 15:39

ဖဲန့ၣ်, တၢ်ဂ့ၢ်လိာ်ဘှီလိာ်အိၣ်ထီၣ်ဝဲဒၣ်ဆူၣ်ဆူၣ်ကလဲာ် လၢအဝဲသ့ၣ်ခံဂၤအဘၢၣ်စၢၤ, ဒီးဟးဖှၣ်ခံလိာ်အသးလီၤ. စီၤဘၢ်နါဘၤကိးစီၤမၢ်ကူးဒီးဒိးထီၣ်ကဘီဒီးလဲၤဆူကီး ကူပြူးလီၤ.

ကလီးစဲ 4:10

စီၤအရံးစတၢ်ဃူးလၢအလီၤဘၣ်ဃိာ်တပူၤဃီဒီးယၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤဘၢ်နါဘၤအတခွါစီၤမၢ်ကူး (ပှၤလၢသုဘၣ်တၢ်မၢတ့ၢ်သုလၢသုကတူၢ်လိာ်ခီၣ်ဆၢအီၤဖဲ အဝဲလဲၤဘၣ်ဆူသုအိၣ်တဘျီလၢ်လၢ်တဂၤ) စ့ၢ်ကီးဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ.

ဖံၤလ့မိၣ် 1:24

ဒ်န့ၣ်အသိးပှၤမၤသကိးတၢ်ဒီးယၤစီၤမၢ်ကူး, စီၤအရံစတၢ်ဃူး, စီၤဒ့မၤဒီးစီၤလူၤကၣ်သ့ၣ်တဖၣ်ဆှၢလီၤစ့ၢ်ကီးအတၢ်ဆၢဂ့ၤ ဆၢဝါသုလီၤ.

၂ ယိၤဟၣ် 1:1

လၢပှၤသးပှၢ်, ဆူတူၢ်ဒိၣ်မုၣ်လၢအဘၣ်တၢ်ဃုထၢအီၤဒီးအဖိအလံၤတဖၣ် အအိၣ်, ပှၤလၢယအဲၣ်အီၤလၢတၢ်အဲၣ်နီၢ်နီၢ်ဒီးတမ့ၢ်ထဲ ယၤတဂၤဧိၤဘၣ်, မ့မ့ၢ်ပှၤခဲလၢာ်လၢအသ့ၣ်ညါတၢ်မ့ၢ် တၢ်တီန့ၣ်အဲၣ်ဘၣ်နၤ,

၂ ယိၤဟၣ် 1:13

သုဒီပုၢ်ဝဲၢ်မုၣ်လၢအဘၣ်တၢ်ဃုထၢအီၤအဖိအလံၤ တဖၣ်ဆှၢန့ၢ်သုအဝဲသ့ၣ်အတၢ်ဆၢဂ့ၤဆၢဝါတဖၣ် န့ၣ်လီၤ.

လံာ်လီၣ်ဖျါ 17:5

လၢအဝဲဒၣ်အခိၣ်တိသၣ်အလိၤန့ၣ်, မံၤတဖျၢၣ်လၢအအိၣ်ဒီးအခီပညီခူသူၣ်အိၣ်ကွဲးအသးဒ်အံၤလီၤ. ဘၤဘူၤလိၣ်ဖးဒိၣ်, ကယဲၢ်ဃဲသဲမုၣ်ဒီးဟီၣ်ခိၣ်အတၢ်လီၤသးဘၣ် အၢခဲလၢာ်အမိၢ်

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.